رواية ابني ولكن الفصل السابع عشر17بقلم نوسه حمد
ايناس جات من باب المستشفي تكورك وتجوط وجات وقفت ف وشي قالت لي انتي سبب المصياب دي كلها ي منه بتستفيدي شنو بعد تخربي بيت اخَوي وبعد تجلطيهو وترقديهو ف السرير وانتي وشك وش مصياب من ساعه دخلتي بيتنا نحنا حالنا اتبدل وانتي عايشه في سعاده ومحمد اخوي للاسف م راجل ومحمد كان وراها طاخ اداها ليك كف انا لمن مسكتو قال ليها فعلا انا م راجل م عشان الفي بالك واني م شايف شغلي مع منه زي م انتي ونهال بتقولي بس انا م راجل عشان م عرفت اربيك واقطع ليك لسانك لكن اقسم بالله ي ايناس من هنا ولي قدام تدخلي في حياتي انا ومنه واولادي اكتلك وامش ورا جنازتك ومحمد بقا منفعل انا لمن خوفتا عليهو قلت ليهو محمد عاين لي انا العشت حياتي كلها مقهوره عشان سترت الحال م تقوم ف الاخر تجي تفضحنا ونحنا ف مستشفى ودا م مكان تربي فيهو اختك كان من زمان ي محمد قالت لي مفترض الكف دا اكون ليك انتي ي منه بس محمد م ركز َلكن انا بردو ليك واول مره في حياتي اخد كف ودرس من زول م عندو سلطه علي مسكت يدها قوي قلت ليها انا م ضعيفه انا اقوا مما تتصوري بس انا بنظر للحياه من كل الاتجهات وعاينت لي راجلي ومعمر وامك بس قسما عظا لو م هم كان انا العرفت ربيتك بس انا م زيك ولا ح اكون زيك انا اتربيت في وسط مستور الحال والمشاكل م شبهنا واتعلمت كيف احترم النسب َوانتي اخت راجلي احترمتك وختيت ليك اعتبار رغم اني لي سنين عايشه معاكم بس جواك حقد لي من دون اسباب بس ليك ولي زمانك احترمي الاكبر منك وخلي اني انا مرت اخوك وم شفتي مني شي انا اكبر منك ف العمر واول مره تنزل مني دموع بسبب واحده زي ايناس كل دمعه كانت بتسيل مني بتكويني قبل تنزل
وبقيت ابكي بجد كنت مقهوره وانظلمت كتير ولسه الدنيا شغاله تدي فيني في دروس حدها وين م عارفه تعبت جد كان نفسي اموت ف اللحظه ديك لي درجه اني م قادره اقيف قلت ليهو محمد نفسي اموت 😭😭😭😭محمد حسا بي ح اقع وقوتي كلها راحت محمد بقا ضاميني عليهو قال لي بعد الشر عليك ي سندي وبقا واكورك قال لي منه اعفي لي انا هديت حيلك بي المشاكل انا شيلتك هم م قدرك وهم م عندك فيهو ذنب ولا عندك ذنب في حمل نهال البي الحرام ولا جلطه معمر ولسه اختي المفترض تكون سند لي حتي لو حاولت اطلقك تقيف ف طريقي عشان سعاده اولادي بس للاسف الله اداني اخت انانيه من عرست همها كلو تخرب بيتي وانا عايش مبسوط 💔💔وام محمد بقت تهدي فيهو وهو ضاميني عليهو ويبكي واول مره انكسر وربنا يجبر بخاطري محمد قال ليها امي شوفي انا م مقصر لا منك لا من ابوي لا حياتكم َكنت ليك نعم الابن المطيع بس ي امي انا تاني م ح اقبل في منه دي ولا كلمه وبراك شايفه الظلم الانظلمتو في حياتا امو قالت ليهو منه دي بتي ي محمد وانا بعتزر ليها وتاني ايناس م ح تسألها فدوي قالت لي محمد عليك الله ي محمد م تقطع قلبنا كفايه معمر اخوك الانجلط بي سبب الحياه التافهه دي ويا ايناس قبلي م تعرفي الحقيقه م تحكمي علي الزول وبقت تحكي ليها ف الكلام وايناس بقت مخلوعه وغلبها تودي وشها وين وبقت تبكي قالت لي منه اعفي لي انا والله انخدعت زي معمر اخوي م انخدع واعفي لي والله انا خجلانه منك قلت ليها عافيه ليك ي ايناس
معمر خرجوهو وجاتو جلطه وبقا لا بتكلم ولا بتحرك وفدوي م قصرت في حقو وبقت ليهو نعمه الزوجه م قالت ذنبي شنو اعيش مع راجل مجلوط بقت ليهو كل شي وبقت ليهو سند في عجزو وفي مرضو
مرت الايام وانا قلبي مقطوع علي وعد وم حصل ختيت راسي ف السرير وم اتزكرتها كنت يوميا ببكي عليها وعلى فقدها ومحمد بقول لي ليها رب كريم ان شاء الله م ح تجيها عوجه وبقول ليهو انا السبب ي محمد انا م كان اسكت قال لي انتي لو اتكلمتي في لحظتها م كان معمر اتزوج ولا كان عرف انو م بلد ولا كان عرف حقيقه الاولاد المنسوبين ليهو ديل بس ي منه كل شي قسمه وخلاص الدنيا ادت كل زول ع حسب نيتو قلت ليهو وعد مظلومه ي محمد عليك الله اسمح لي افتش ليها لو لقيتا اجيبا تتربا معانا قال لي ويحصل ليها زي الحصل ليها زمان قلت ليهو انت م واثق فيني وفي تربيتي انا ح اربيها من اول وجديد محمد البت نفسها اني اكون امها م تحرمها من الاحساس دا وانا شخصيا م خايفه عليها من اولادي لانو اولادي بقو واعين وايه كمان وم تنسي اني م عندي غيرهم وم وراي حاجه بس انت اسمح لي ومهما حصل ي محمد البت دي ف السجل المدني مسجله باسم معمر اخوك ومعمر اخوك ربنا اديهو العافيه واقومو بالسلامة بس اموت ليك اسمح لي اجيبا هنا محمد قال لي خلاص ي منه ان شاء الله ربنا يجمع بيها انا زاتي البت دي قاطعه قلبي وبالذات لحظه الدكتور قال انها حامل وهي م فاهمه حمل يعني شنو وانا زاتي بساعدك في تربيتها وان شاء الله لو لقيتا بعرس ليها
انبسطت شديد وبقيت زي المجنونه كل تفكيري افتش لي وعد وم خليت محل م سألت منها وكنت متاكده زي م انا روحي متعلقه فيها هي كمان روحها ح تكون معلقه فيني وسعادتي كانت متوقفه علي اني الاقي وعد وكنت كل م اتزكرها بليل بقوم من سريري مخلوعه واصلي ركعتين وبدعي ربنا يجمع لي بيها وشلت رقم اهل نهال اتصلت علييهم وسألتهم من نهال واولادها امها قالت لي انا م عندي بت اسمها نهال ومن جاتنا مطلقه ومعاها اولاد حرام اتبريت منها قلت ليها حرام عليك ي خالتي نهال بتك كان تحتويها َ وتقيفي جنبها وتصححي غلطها فكرك لمن تتبري منها عشان يا المجتمع شوفني بتي غلطت وغلطها م اتقبلناهَو اتبرينا منها اعملي فيها اجر وباقي عمرك دا اقيفي مع بتك واحتويها عشان انتو ليكم دور في الحاصل لو كان ربيتيها صاح م كانت ولدت تلاته بالحرام وهي في عصمه راجل قالت لي انتي متصله تديني محاضره ولا تسالي منهم قلت ليها انا نهال م عندي معاها شغله يا خالتي انا وعد قاطعه قلبي 💔قالت لي وعد في ايامها امها سالت منها والناس الشافوها قالو انها عاوزه تهاجر برا السودان قلت ليها عليك الله وصفي لي محلها واكون شاكره ليك ي خالتي قالت لي بقت لافه ف الشوارع بتاعت الخرطوم وبالذات جنب المستشفيات....