رواية ابني ولكن
الفصل الثامن عشر18
بقلم نوسه حمد
بقا همي وتركيزي كلو ف وعد وكل يوم بتزكر كلامها لي وبتزكر الظلم الانظلمتو 😢وببكي عليها ليل نهار
مرت الايام والشهور ومعمر مشا في تحسن وبقا يتكلم بس بسيط واول حاجه سأل منها وعد ودمعتو في عينو
انا خليت دنيتي وبيتي وبقيت نوم م بنوم همي كلو القا وعد وم خليت محل م سألت منها فيها بس من غير فايده وقنعت منها لانو حبوبتها قالت لي عاوزه تهاجر 💔 وختيت صورها في الفيس عسي ولعل زول ادلني عليها😭😭
مرت الايام والسنين واولادي كبرو وحياتي كانت مستقره تماما وربنا بعد مني جو المشاكل والتوتر الكانت سبب فيهو نهال واخدت جزاها وم شمتانه فيها بس دا نصيبا تحفر لي انا وتقع هي ف الحفره
مره عندي جارتي عزمتني جرتق بت راجلها في ام درمان واستاذنت محمد وقال لي امشي سوقت معاي فدوي عشان تطلع من الجو الكئيب الهي فيهو ومشينا وجارتي عرفتني علي اهل زوجها وزوجها كان رجل اعمال كبير وم شاء الله العز ظاااهر عليهم وكان يوم حلو شديد وفي اثناء م قاعده مع النسوان نتونس جات بت تشبه شهد وقدمت لينا القهوه قلت ليها شهد 🤔عاينت لي وفاتت واختفت في ظرف من الثانيه انا بقيت زي المجنونه بفتش ليها لقيت فدوي تتوضا عاوزه تصلي قلت ليها فدوي انا شفت شهد واكيد بتكون عارفه محل وعد قالت لي منه انتي بقا اتهيأ ليك شهد البجيبا هنا شنو قلت ليها اقسم بالله يا فدوي انا شفت شهد ومشينا محل الشغله نسال منها وم لقيتا مشيت لي جارتي وحكيت ليها القصه من الاول عشان تسأل لي وتساعدني القا شهد قالت لي دقيقه
اسال ليك مرت راجلي بتكون بتعرفها لانها عندها كم بت شغالات ليها ومشيت معاها وقلت ليها في بت اسمها شهد شغاله معاكم هنا وجابت لينا القهوه قالت لي اي دي بت نهال الشغاله انا وفدوي بقينا عاملين كده😳 قلت ليها انتي بتعرفي. نهال قالت لي والله م بعرفها بس جابتا لي جارتنا قبل شهور وقالت بتفتش لشغل واهلا متوفين وزوجها اتوفي ودي بتها قلت ليها طيب ممكن توديني ليها قالت لي بتلقوها في محل الشغله بهناك انا جريت سبقت فدوي علي بيت الشغله ولقيت شهد واقفه وبتكلم في امها ويا سبحان الله شفت نهال وعاينت ليها ميه مره عشان اتاكد انها نهال اتغيرت ١٨٠ درجه والشقاوه ظاهره في وشها مشينا ليها انا وفدوي وفدوي كانت خايفه قالت لي نهال دي م ساهله نتوقع منها اي تصرف ممكن تألف فينا الف قصه وروايه قلت ليها انا نهال م عندي فيها شغله انا عاوزه وعد بتها وشفتي معمر بسال منها كيف وارح نقوي قلبنا ونمش نسلم عليها مهما كان هي كانت من ضمن الاسره ومشينا سلمت عليها ومن طريقه سلامها حسيتها منكسره وسالتنا اول شي من معمر قلنا ليها معمر جاتو جلطه رقدتو ف السرير من ساعه سمع كلام وعد والعملو فيها اخوها اياد نهال بقت تبكي ودموعها في عينها قالت لينا وينو اياد ووينا وعد قلت ليها عليك الله لو بتعرفي محل ليها دليني عليها لانو معمر اول كلمه قالا وعد وانا م قادره انوم ي نهال بتزكر كلام بتك لي ونفسها تكون بتي عليك الله وصفيها لي انا روحي لو تطلع تطلع في وعد قالت لي وعد رفضت تجي معاي وانا بقيت اشتغل خدامه في البيوت وجيت هنا البيت دا واهلو م قصرو معاي ومديني غرفه انا وبتي وارح عليها اشربن ليكن شاي ولا قهوه فدوي خافت منها قالت لي م ماشه قلت ليها فدوي انتي مفتكره نهال ح تكون زي زمان بعد الحصل ليها دا كلو ومشينا معاها
جابت لينا شاي وقهوه وقالت لي عاوزه اعتزر ليك ي منه والله انا ظلمتك وظلمت نفسي ودمرت حياتي بي يدي قلت ليها انتي اتبعتي الشيطان وطريق الشيطان م ليهَو حد وشوفي وصلتي لشنو قالت لي من حقك تقولي اي شي انا بجد غلطت شديد والشيطان غشاني والاتفاجات بيهو انو معمر م بلد كنت عارفه انو اياد م ولد معمر بس شهد ووعد والله مفتكره انهم اولاد معمر قلت ليها يعني شنو م فهمت يعني انتي م حملتي من راجل غريب حملتي من معمر؟؟؟؟؟ قالت لي والله م اكذب عليك انا كنت مريضه بالحاجه دي وم بضمن ليك اكون حملت من منو قلت ليها لا حول ولا قوة الا بالله العلي العظيم قالت لي الحمد لله انا الان مسكت طريق ربنا وان شاء الله ربنا يغفر لي وانتي كنتي علي حق ي منه بس انا كنت عميا وظلمت معمر كتير في اي شي واتندمتا دمرت حياتي وبيتي وضيعت حلالي ومشيت في السكه الغلط وم كنت مفتكره كل الحصل لي دا يحصل لاني كنت كل م اغلط الشيطان بغويني للغلط تاني وباريت لي نسوان اكعب مني وكل م حاولت أتراجع وامسك بيتي كانن بسكني بالتلفونات وارجع تاني لحياه الحرام وبعدتا عن اولادي ووعد بتي اخر شي كنت أتوقع انو إياد يعمل ليها كده قلت ليها انا كلمتك ي نهال قلت ليك انت م عارفه عواقب انك تنسبي ابن زنا لي معمر البحصل شنو وانتي زوله واعيه مفترض تكوني فاهمه قالت لي م اتوقعت الحاجه دي وانا غلبني اتخلص من حملي الأول وفكرت اني اخلي معمر يجي واكلت راسو وفعلا جا واتظاهرت اني حملت منو وهو مصدق واكتر شي بتزكرو وبوجع قلبي انو معمر كان مبسوط وطاير من الفرح وم م عارف الحقيقه انا كنت بحس ي منه وقلبي بنقطع بس كان شيطاني كبير وم اكتفيت بي إياد وانا لاخر لحظه كنت بزني 😭 بس الحمد لله انا الان اتغيرت وم عاوزه حاجه من الدنيا غير اني احس اني انسانه ومسكت طريق ربنا وادعي لي ي منه اواصل فيهو وم معروف العمر وخلي معمر يعفي لي قلت ليها اياد وين قالت لي اياد من لحظتها هاجر وم معروف عنو اي شي قلت ليها طيب وعد قالت لي وعد دي شغاله في دار العجزه مشرفه ومشيت ليها كل مره كانت بتطردني وانا قلبي موجعني علي بتي م عارفاها ماكله ولا شاربه ولا نايمه سمح وندمتا اني دمرت نفسي واولادي وشهد بتي وحدها الوقفت جنبي وهديل نحنا عايشين والحمد لله والعاوزه منكم م تحكو لي اي زول هنا بالماضي حقي انا عاوزه اعيش حياه نظيفه من غير م زول ينظر لي نظره اني كنت زانيه وبالذات بتي شهد عاوزاها تجدع الماضي وراها وربنا كريم برزقها بي ود الحلال يسعدها ووعد الله كريم عليها واياد راجل م بتجيهو عوجه ان شاء الله قلت ليها تسمحي لي امشي اسوق وعد تعيش معاي ومعمر يسأل منها قالت لي ي ريت لو وافقت تمش معاكم انا بكون مرتاحه والله ومواافقه وابقي عليها عشره ي منه وواثقه فيك وفي تربيتك. وعد فعلا محتاجه ليك ودعناها وفتنا ولا انتظرنا المناسبه تنتهي مشينا البيت الكبير لقينا محمد مع معمر وحكينا ليهو الكلام كلو ومعمر بقا مبسوط لمن سمع اسم وعد قلت ليهو معمر نجيب وعد تعيش معاي لانها بتك في الشهاده قال لي اي خلوها تعوضني
محمد طوالي طلع ودور العربيه ومشا عشان اجيبا انا جيت معاهو قال لي منه م تمشي معاي قلت ليهو محمد انا روحي تطلع والقا وعد قال لي ارح مشيت معاهو ودخلنا الدار ومحمد سال من وعد ومشينا ليها لمن شافتني دموعا جرن وانا حسيت انو روحي اتردت لي..