رواية ابني ولكن
الفصل التاسع عشر19
بقلم نوسه حمد
وعد لمن شافتني بقت تبكي وحاولت م تتكلم معانا بس انا الجيت عليها قلت ليها وعد انا قلبي مقطوع م قادره انساك ولا لحظه والزمن دا كلو كنت بفتش ليك وابوك يسال منك وجاتو جلطه قالت لي ابوي منو؟؟ قلت ليها معمر ي وعد انتي عندك اب غيرو؟ قالت لي خالتو منه انا م معروف لي اب والحمد لله قسمتي كده ربنا وقعني في حاجه م عندي فيها يد وم بقدر اقول غير الحمد لله وربنا يسترني
قلت ليها وعوده ي بتي معمر اول كلمه قالا انتي وروحو تطلع فيك انتي بالذات ومن يوم اتكلم ما جاب سيره واحد من اخوانك غيرك
محمد قال ليها وعد انا ابوك وح اتكفل بيك لغايه م تتزوجي وتنستري بس ي بتي كفايه البتعملي فيهو دا ونحنا نفتش ليك م عارفين ليك محل قالت لي عرفتو من وين انو انا هنا قلت ليها من امك قالت لي انا م عندي ام انا لقيطه قلت ليها لا لا ي وعد انتي م لقيطه انتي معروفه امك وحملت بيك تسعه شهور وم جدعتكم وربتكم قالت لي نعم التربيه نسبتنا لراجل م عندو ذنب في قله ادبها
فرقي شنو من اللقيطه وكان احسن لي اكون لقيطه ومقتنعه م عارفه امي ولا ابوي
موش ربنا يقسم لي ام ظالمه زي دي ظلمت معمر زوجها الكان مفترض تحترمو وتحفظو في غيابو وفي وجودو موش تحمل بالحرام ويا ريتها وقفت علي حمل واحد حملت تلاته مرات ولسه مواصله في كذبها وانا كنت ضحيه امي ي خالتو انتي عارفه انا وصلت لياتو مرحله انا كل م اتزكر اني طفله وامشي اقول ليها يا ماما اياد عمل لي كده وم تسأل اياد ولا تضربو ولا توريهو الصاح من الغلط وتقول لي بهظر بكون نفسي اكتلها بس م بقدر لانها روح وقتل الروح عمدا حرام وسكت وصبرت ولاخظي انو اخوي الكنت مفتكراهَو ود امي وابوي يغتصبني ويشيل الامانه المفترض انا وامي نحافظ عليها امي بالنصايح وانا بالبعد عنها
بس للاسف الاستاذه نهال مشغوله بالدنيا انا ضوقت الماف بت ف عمري ضاقتو وشفت الما تتوقعي اني شفتو وانا كنت طفله وبفهم بشوف امي مع الرجال في بيتنا بليل وكنت بفتح تلفونا وبشوف صورها الغزره وصور الرجال المبارياهم وبقيت ساكته م بتكلم وكل امنياتي كانت انو انتي تكوني امي وتحتويني وابكي في حضنك واشيل الهم الجواي عشان م اجن بس حصل الما كنت متوقعاهو اني بنت زنا واياد الكنت زعلانه ع انو اخوي ود امي وابوي انو اغتصبني طلع ابن زنا انا قبل م اعرف الحقيقه كنت بقول في سري انا م ح اتزوج عشان الد لي اولاد ويعملو الحاجات المحرمه دي
انا اخدت درس خلاني اتمني اعيش بس عشان ارضي ربنا وابعد من الناس وانا هنا مرتاحه م عاوزه امشي من هنا
انا هنا حسيت بالاب والام الحقيقين موش الكذابين ومنافقين قلت ليها وعد معليش حبيبتي كل الحصل ليك دا غصبا عنك وعننا ونحنا زاتو م بي يدنا حاجه بس الان بي يدنا نسوقك ونحافظ عليك ونديك للراجل البستاهلك قالت لي خالتي انتي بتهظري صاح البعرف حقيقت اني بت زنا مستحيل اتزوجني ح يقول ح اطلع زي امي وامش ورا الحرام والد اولاد حرام ونزيد المجتمع سوء زياده ماف راجل بثق فيني قلت ليها القال ليك منو انتي م عندك ذنب ي وعوده وانتي م شاء الله واعيه ي بتي وهدي فاهمه اي شي ف الدنيا ومستحيل تغلطي زي غلطه امك قالت لي عارفه الفضل يرجع لمنو قلت ليها لمنو قالت ليك يا خالتو منه انا كنت متاثره بيك شديد وكنت براغب كل تصرفاتك وكنتي مثاليه بالنسبه لي ولا اولادك الانا اتمنيت اكونَو اخواني ولا ايه بتك الفعلا اسم علي مسمي ايه ♥️ قلت ليها يلا ي بتي نحنا فاتحين ليك حضنا وبيتنا عشان تربي وسطينا قالت لي لا 😢المجتمع بتاع بيتكم فيهو استقرار اسري م يستاهل واحده بت حرام زيي تعيش فيهو قلت ليها ي وعد م تظلمي نفسك تاني مره كفايه الظلم الما عندك فيهو ذنب 🙏
وبقينا نقنع فيها وشكلو صدمتها كانت كبيره ف الدنيا قطعت قلبي انا ومحمد💔💔 قالت لي محمد ابقا علي خالتو منه دي عشره اي راجل بتمني تكون عندو مره زي مرتك واي مره نفسها تكون زي منه وانا اولهم وان شاء الله ح اكون زيها وادعو لي ربنا يثبتني وم بنساكم والله وجميلكم في راسي 😭😭😭😭
ورجعنا البيت حزينين اكتر من اول بالذات انا ببكي علي وعد بت بي فهمها دا حرام تنظلم مرتين
معمر قال لي بتي وين قلت ليهو رفضت تجي معانا معمرقال لي محمد دي بتي ي محمد لو م ولدتها انا انا مسؤول منها لانها في الشهاده انا ابوها والحقيقه ماف زول بعرفها غيرنا وعشان انا عاجز انت م تجيبا لي وبقا يبكي ويتحسر انو انظلم اكتر منهم وقال لي محمد الا توديني وتسجلني في الدار واكون عايش هناك ووعد تهتم بي وفدوي تمشي تعرس راجل غيري وببكي باعلي صوت فدوي قالت ليهو انت نصيبي اقيف جنبك لمن نموت سوا قال ليها انت القدر الوحيد التقل قلبي وربنا يخليك لي ي بت الاصول بس انا محتاج لي البتقول لي ابوي محتاج لوعد ولو عاوزين تخدموني تسجلو لي هناك انا بتصل لبتاع ترحال وبمشي براي احمد اخوهو قال لينا خلوهو نوديهو احتمال وعد قلبها يحن عليهو بعد تشوف حالتو وتوافق تعيش معانا ومشينا المركز وسجلنا ليهو والمدير بقا مخلوع كيف زول عندو اسره زي دي ويحيبوهو دار العجزه وم وريناهو الحقيقه ودخلنا معمر غرفه
المدير قال ليناالمشرفه بتجي هسي وبقينا منتظرينها وجات وعد من شافت معمرابوها مشلول جرت عليهو وحضنتو وبقت تبكي وتبكي ومعمر اكعب منها ابكي باعلي صوت.....