رواية زواج قاصره
الفصل التاسع عشر19
بقلم نوسه حمد
مشيت كلمت امي قلت ليها سالم جا سكران هنا وانتي كنتي ماف قالت لي سجمي م يكون مدا يدو عليك ولا علي ريم قلت ليها ريم ولا اشتغل بيها قال عاوز ارجعني وانا اتصلت ع محمد عشان يجي يسوقو ومحمد جا وقال ليهو ميعاد دي تاني م عندك معاها شغله لانها ح تكون مرتي قالت لي محمد ولد مممتاز انتي رايك شنو قلت ليها امي انا رافضه فككرت العرس وانا كان م انتقمت من خالده م برتاح والله قالت لي سجمي سجمي وقعدت تقفل ف الابواب والشبابيك قالت لي سجمي ي بتي دايره تدفني روحك السمحه دي بالحياه قلت ليها انا روحي عندي ولا شي وانا اندفنت زمان ي امي لمن اتزوجت وانا قاصره والدنيا علمتني تاني م بندفن واحسن اندفن انا من اندفنن كل بنات الحله وحلتنا تبقا ع لسان كل انسان امي قعدت تكورك قالت لي مالك ومالن حريقه فيهن هن عاجبن الوضع انتي مالك ي بتي عاوزه تحرقي قلبي عليك بررري ي بتي خالده دي مستعده قلت ليها. امي م تخلي ايمانك ضعيف انا م خايفه منها والساكت عن الحق شيطان وانا م بسكت واديني عفوك ي امي والحبه م بتجيني وبعدين خليك واثقه فيني بس لو اي كلام جاك يا يمه م تصدقي زي سالم وتكسرو قلبي انتو كمان انا م ح اغلط ولا ح ابيع نفسي قالت لي واثقه منك بس ابوك م فاهم شي بقع وبموت علينا قلت ليها بعد انتقم منها ابوي بنحكي ليها قالت لي ح تعملي شنو قلت ليها بدمرها واندمها علي اي قرش اكلتو بالحرام واخليها تعرف انو مالك الحرام لو قدمك مهما قدمك برجعك ورا وساعتها كنوز الدنيا كلها م ح تنفعها والفي راسي ح اعملو هي متحديه علي الشر وانا بتحداها ي امي والموضوع دا بتسهل م تشيلي ف بالك
مشيت لقيت ريم تتونس مع راجلها وكانو حلوين شديد قفلت الباب وقلت ليها اعتبريني ماف عاوزه اقرا حبه قريت لمن زهجت وريم لسه تتكلم كان نفسي اعيش الاحساس دا بس اعيشو كيف وانا مقفلاها علي روحي شلت التلفون لقيت محمد مرسل لي رسال قال لي انا وصلت الخرطوم طمنيني عليك وانا م فكرت لي رسايلو رديت عليهو قلت ليهو حمد لله ع السلامه رجع لي مكالمه قال لي عوده ازيك انا اتبكمتا وصدا الكلمه بتردد جواي وقلبي ضرباتو زادت وكانو روحي عاوزه تطلع قفلت الخط والتلفون معقوله ي ميعاد تحبي بعد سالم معقوله قلبي ادق بس ح تنكسري ي ميعاد الرجال ما ليهم امان وسرحانه واتكلم مع نفسي ريم قالت لي هوي مالك متغيره كده وجسمك معرق وانا م جايبه خبر قلت ليها ياخ انا م عارفه بس فكره محمد دي مخوفاني قالت لي انتي عويره جربي ياخ وبعدين هو قاصد خير نتكلم كده تلفون ريم اتصل قالت لي جبنا سيرتو هدا اتصل انا من غير م اشعر السعاده ظهرت ف وشي قال لي ريم ميعاد مالا قالت ليهو كويسه ميعاد مالك ي ولد مخلوع كده متين هو انا بهنا اتبسم وقلبي ادددق و اتوترت شديد ادتني ليهو قال لي عوده مالك قلت ليهو اعزرني ي محمد قال لي اها طمنيني انتي كويسه والقرايه كيف وم تنسي انتي ممتحنه لازم تجيبي نسبه كبيره واي شي بقيف عليك اتصلي علي قلت ليهو حاضر قال لي عشان اسجل ليك معاي هنا ف الجامعه قعدت اضحك قلت ليهو كفايه علي الشهاده السودانيه م عاوزه جامعه قال لي ان شاء الله تجيبي نسبه كبيره وانا اكون في نهايه السنه ونتزوج وارحلك هنا وتقري ونجيب لينا اولاد املو علينا حياتنا قلت ليهو محمد انت جادي قال لي اي وانا عندي الحاسه السابعه انتي ح تكوني مرتي 🤩والله ي جماعه م اوصف ليكم كلمه مرتي دي دخلت علي قلبي كيف كسرتني حته حته حته 😍😍😍😍قلت ليهو انا بتمني ليك الاحسن مني قال لي احسن منك تب م داير انتي وبس خلاص انا قفلت علي كده وع فكره انا غير سيرتك هنا م قاعده اجيب كلمه دفعتي كلهم اولاد وبنات نفسهم يشوفو القلبي اختارها دي قلت ليهو محمد انت مجنون قال لي اي ياخ مجنون وجنيت من يوم جبتا ليك الشريحه واتكلمت معاك وح اجن فيك للنهايه وماف شي بوقفني القسمه زاتا بعاكسها وبسل فيك سكيني قعدت اضحك قلت ليهو مالي الدرجه دي والله قال لي واكتر ي ست البنات معقوله انا اخلي بت عمي فهم وزوق وحلاوه مستحيل انا تاني بنوم بي سيرتك واقوم بيها وازهج اهلي واصحابي والدكاتره الشغال معاهم وزي م قال مصطفى سيد احمد يا انتي يا أغرق وانا اغرق اغرق اغرق علي قول فضيل انا ضحكت ضحك اقسم بالله سنين م ضحكت كده قال لي عارفه ي عوده اموت واشوف ضحكتك دي حقيقه واصورك من غير م تشعري وكل م اشوف زول زهجان افتحها ليهو تلقائيا الزهجه بتفك منو قلت ليهو مجنون والله انت😲 قال لي بيك بس ي ستهم ويلا بعد كده تعالي الواتس ارسل ليك الحاجه دي وم تقفلي الخط ف وشي تاني بطلع ليك اخنقك يلا باي
قفلت الخط قلت لي ريم لا لا دا مجنون قالت لي جننتي الولد ي ميعاد غايتو حظك احلي حاجه ف الحب الجن ♥️ وم تضيعي محمد من يدك ودي اخر كلام عندي واخر وصيه انتي شبهو والله محافظه وهو محافظ وربنا يسعدكم قلت ليها ان شاء الله
مشيت فتحت الواتس ودردشت مع محمد وم حسيت بملل وانا بتكلم معاهو ومحمد زاتو طبعو حلو مضحك شديد
مشيت دخلت الفيس ولاقتني صفحه خالده طوالي دخلتها وكنت خاشه بي اسم مستعار وقبلت الطلب وانا من طبعي ذكيه شديد دخلت لي قروب قلت ليهم عاوزه زول بهكر المهم ف واحد قال لي تعالي خاص سلمت عليهو وحكيت ليهو القصه من الاول لي الاخر وقلت ليهو لو انت فعلا سوداني ودمك حار اقيف معاي انا بت ناس والله بس انا كنت ح اقع ضحيه لي شبكه قايداها بت من حلتنا ودمرت حلتنا كلها انا عاوزه اهكر صفحتها واخليها فاتحه في تلفوني عشان امسك عليها زله وابلغ فيها قال لي والله م عارف اقول ليك شنو لكن انتي اديني اسمها واديني تلاته ايام لو لقيت كلامك صاح وانها هي قواده انا بهكرها قلت ليهو جدا اديتو الاسم وشكرتو مقدما
وبقيت احسب ف الايام
بعد تلاته يوم الولد رسل لي قال لي اسمعيني والله انا عمري وحياتي م ح الاقي بت حامله حقد وفجور جواها زي البت دي والبت دي م ساهله ع فكره انا قدرت هكرت ليك الحساب وهي م ح تعرف انو الحساب اتهكر الا انتي تلعبي بيهو قلت ليهو لا لا انا بس عاوزه اعرف كل تحركاتها عشان انتقم منها الولد قال لي اعملي حسابك ي بت العم قلت ليهو لا لا م تخاف انا اتخيت في موقف اكعب من هكر ف الفيس وم ح تغلبني هسي وانا م عندي شي اخاف عليهو وفهمي كلو انو البت دي تبعد من حلتنا وبناتا وتبقا عظه وعبره الولد اداني كلمه السر ودخلت صفحتها وبطني طمت من رجال حلتنا الكلهن مغتربين ماساكهم علي حسابها وحاير بيهم الدليل وم بخجلو كلهم وهي ماسكه نسوانن وتبيع فيهم للبسوا والما بسوا وصحي كما تدين تدان والجهل مصيبه وكنت دايره لي فيها فرصه هي والراجل العاوز ادمرني وكلمت محمد قال لي ميعاد انا خايف عليك قلت ليهو لا م تخاف انا م بخلي حقي ي محمد انا كنت ح ادمر بسببهم وريم وغيرنا من بنات الحله انت بس خليها علي قال لي لا م تبقي براك انا لازم اكون ف الصوره بقيت اعمل اسكرن وارسل لمحمد عشان هي لو حست بالهكر ح تقفل صفحتها وح اكون م عملت حاجه