رواية زواج قاصره
الفصل العشرون20
بقلم نوسه حمد
بقيت مراغبه خالده وعرفت كل خطواتها وبقيت ماليه يدي منها شديد ومسكت عليها كم دليل هي والمعاها ومنها عرفت انو صحي مع الإلكترونيات دي ماف خصوصيه وبالذات الفيس ومحمد برسل ليهو الاسكرينات اول بي اول
وريم بدت ف التجهيزات وزوجها رسل ليها الزياره وبقت قاعده معاي ومبسوطه انو في خمسه دقايق وعباطه وبكا في زوجها قدرت تقنعو انو يسفرها بدل الحياه الكانت عايشاها من دونو
وسالم بقا يحترمني شديد وجا لي ابوي قال ليهو ميعاد م ح تلقا احسن من محمد ومحمد يستاهلا زول متعلم وفاهم الدنيا دي كويس وشبه بقيت مخطوبه لمحمد لانو الناس كلها عرفت ومن ناحيه تانيه انا اتعلقت بمحمد شديد وعوضني عن سالم وشجعني علي القرايه قال لي انتي عارفه انا نفسي اتزوج من البلد بت تعرفني واعرفها بس كنت هام من حته التعليم دي لانو بنات حلتنا كلهن بعرسَو ليهن بدري َ وبخلن القرايه ونصهن الكتير بطلقوهن عشان عدم التعليم دا مشكله والجهل مصيبه والواحده بعد اطلقوها الاولاد اعشمو فيها وخالده تبيعها قال لي كنت بقول لي اولاد دفعتي بعرس لي بت من بنات حلتنا ديل تعيش الدنيا معاي ونعافر سوا لغايه م نصل للدايرنَو بس القا البتفهمني وين والحمد لله الله جابك لي هديه قلت ليهو هسي معقوله ي محمد بنات دفعتك ديل كلهن م عجبتك فيهن بت ولا حبيت ولا جكستا محمد قال لي حبيت انا هنا كانو خرش لي كبريته في قلبي وبقيت ساكته وهَو يتكلم حسا بي صنيت بقا اقول لي الو الو وانا سامعاهو بس قلبي موجعني قال لي عوده ردي علي قلت ليهو سامعه كمل ي محمد قال لي عوده احتمال انتي م تصدقي بس انا عمري م ارتبطت بي بت رغم انو العااوزاتني كتار بس طوالي انا بنسحب لاني فكره انَو احب واتزوج بت م بعرفها م ركبه لي ف راسي وانا همي كلو كان اقرا وانجح انتي براك شفتي حالتنا وضعي م بستحمل احب واباري الفارغه وانا لو م بداقش واشتغل هنا م كان قدرت كملت قرايتي لانو مجتمع العاصمه قاسي م عندك قروش م بتقدر تقرأ قلت ليهو عرفت س محمد انا م عاوزه جامعه ليه قال لي ليه قلت ليهو ابوي قدر البشتغلهن مع الحياه الغاليه دي بناكلهن في البيت ونشربهن عاوزني انا امش الخرطوم واكونن م عندي قروش ابقا زي تهاني قال لي تهاني منو كمان قلت ليهو بت جيرانا م بتعرفها قال لي والله بنات الحله م بعرفن الا لمن اعملو الكورس بتاع الرابطه بتاع الحله دا بجي ادي معاهم حصص وبشوف وشوشهن بس م بعرف دي منو ودي منو قلت ليهو ولا ح اخليك تعرف قعد اضحك قال لي لا انتي صعبه ف الغيره قعدت اضحك قال لي تهاني مالا قلت ليهو تهاني مشت الجامعه وابوها حق اكل اليوم م عندو مشت اظنها لقت الحياه غاليه قالو كل يوم مع ولد جديد تحب دا وتفك دا عشان اصرفو عليها وللان ف السمستر الاول انا لمن سمعت كلام ناس الحله فيها قلت احسن لي شهادتي الثانويه دي مالي ومال الفارغه محمد قعد اضحك قال لي اول شي م تقارني روحك بي زول انتي ربنا خلقك براك فهم وادب واحترام انتي ناسيه انك عملتي شنو لمن خالده والراجل اعتدو عليك وكنتي صغيره جاهله م بتفهمي شي وبرضو وقفتي قصادهم ي ميعاد ودي اكتر حاجه عجبتني فيك وسالم خسران انو طلقك بس لقسمتي انا ي ميعاد وح اصونك واحافظ عليك وع فكره الجامعه ح تقريها معاي انا نقسم اللقمه بينا وم بحوجك لي حاجه قلت ليهو بي صفتك شنو قال لي راجلك قال لي انا قصدي شريف معاك وانتي ح تكوني مرتي حلالي ي ميعاد انبسطتا شديد انو عندي هدف في الحياه بدل هم الانتفام من خالده الكنت شايلاهَو
ريم سافرت وخلت لي البيت مسيخ بس عشان مصلحتها استحملت بعادها ووصيتا انها تخلي بالا من راجلها وم تجي راجعه السودان الا وهو معاها
محمد قال لي ميعاد طبعا الهم الشايلاهو ح ينزل منك وان شاء الله خالده ح تاخد جزاها قلت ليهو كيف قال لي عندي صاحبي ضابط شغال ف المعلوماتيه وحكيت ليهو القصه ووريتو اي اسكرن انتي عملتي حتي لمن حاولو اعتدو عليك وقال لي دي قضيه جاهزه م دايره ليها اي كلام بس قال عندو خطه عشان اقبضو بيها خالده وانتي ح تدخلي ف الصوره قلت ليهو انا معاكم ف اي شي بس اشيل حقي من خالده
الضابط اتصل علي هو ومحمد قال لي انتي ح تساعدينا نقبض عليها وعلي رجال الاعمال المعاها قلت ليهو كيف قال لي تدخلي عليها بالواتس وتقولي ليها انا فكرت ولقيت نفسي دايره قروش وماشه علي جامعه عاوزه اشتغل معاك قلت ليهو لكن هي ح تمسك الدردشه على لو قبضوها قال لي لا م عليك اصلا هي محمد بلغ فيها وفي رقمها وواتسابها بقا مراغب ومكالماتها يعني م تركزي معاها انتي بس طاوعينا واعملي البقولو ليك قال لي تتفقي معاها تقولي ليها انا بسلمكم نفسي بس ع شرط انا البختار الراجل بدل هو الاختارني وزي م انتي بتجيبي ليهم البنات اعزلو انتي جيبيهم لي كلهم و اعزل انا عشان انتي عارفاني انا م وش فارغه عاوزه اختار واحد نظيف واكتفي بيهو قلت ليهو تمااااام
مشيت طوالي رسلت لي خالده وقلت ليها الكلام القالو لي الضابط بالحته لانو كان منبهني م اقول غيرو لانو الكلام القالو لي هو المكتوب في القضيه عشان اقبضو الشبكه بتاعت خالده والمعاها خالده م صدقت قالت لي هم التلاته منتظرين اشاره منك قلت ليها خلاص انا اقتنعت انو الحياه دي فعلا دايره قروش حرام ولا حلال حتي تمشي بس المهم قروش قالت لي بشبعك بالقروش شبع بس انتي اسمعي كلامي وم تعارضيني ولا تخزليني قلت ليها اكيد وقالت لي بعد بطنك تطم من الرجال تشتغلي معاي انا ناكل عقل البنات البتزوجوهن صغار ورجالن اسافرو انا بمسك ليك رجالهن وامسك ع الواحد زله عشان لو مرتو انقبضت اعرف انو هو زاتو زيها ونبيع ونشتري فيهن والله تغني غنا ي ميعاد انا هسي عندي كافي ف الخرطوم مشغلا فيهو حبش واموري ماشه وم دايره ارحل الخرطوم عشان شغلي هنا وانتي كان مشيتي الجامعه تشتغلي قواده البتحسيها انو م عندها قروش ف الجامعه والداخليه وفقيره اكلي عقلها بالكلام واغريها بالقروش وانا من الكافي حقي بجيب ليك الزباين وكل واحده بعد تضوق القروش بتجيك تفتش للشغله دي براها وانا ناسي جاهزين واضيفك للقروب وناسي كلهم جلابه ومن كبارات البلد انتي بس ابقي نجيضه معاي قلت ليها انا بتوصا لا لا بعزك وبعزهم وانتَو عزوني بالقروش وقالت لي نهاي م تفكري ف العرس عشان لو اتزوجتي ليك راجل بمنعك والدايراهو كلو بتصلي ليهو كان جنس كان قروش كان بيت وحياه ورفاهيه وكان علي الولاده يختي ولاده شنو البنلدها بكره بناتنا يطلعن زينا احسن لينا نعيش اللحظه