رواية ابني ولكن
الفصل الاول1
بقلم نوسه حمد
المره دي عاوزه اتكلم عن حاجه كترت ف المجتمع شديد وماف قريه او منطقه بتخلو منها والناس في غفله منها وح اتكلم برضو عن المشاكل الزوجيه ونسال الله السلامه الروايه ح يكون فيها جزء حقيقي ممزوج بخيالي 💔💔
انا اسمي منه من الشماليه درست اداره اعمال واتزوجت محمد من اولاد الخرطوم انسان محترم جدا فيهو كل الصفات البتتمناها اي انثي واتزوجتو عن حب وفي نفس يوم زواجنا اتزوج معانا اخوهَو معمر كانت زوجتو من بنات العاصمه بت سمحه وعاجباها نفسها
وعاوزه اتكلم عن حياتهم والدار فيها من مشاكل ومخاطر ان شاء الله
اتزوجت محمد وسكني مع اهلو وكانو اهلو ساكنين تحت وانا عندي شقه ف الطابق الفوق ومعاي مرت معمر اسمها نهال
دخلت حياه محمد وكلي تفاؤل وامل وكنت متشوقه للحياه الزوجيه وكل ما فيها من زوج وحب وحنان واطفال وكنت مستبعده حاجه اسمها مشاكل وكل همي كان اني ما انظر للحياه انو فيها مشاكل لغايه م دخلت حياه محمد
محمد زوجي مهندس شغال في دبي ومعمر محاسب شغال ف السعوديه
اوصف ليكم شكلي قوامي متوسط ولوني فاتح وصحتي سمحه وعيوني بنيه وكنت فايقه الجمال كل البتشوفني بتغير مني 😢
الايام الاولي كنت مع نسابتي تحت لاني عروس انا ومحمد كنا بنحب بعض لدرجه الادمان وكل الناس بتعلق علينا في منهم الحاسدننا علي محبتنا وفي المبسوط مننا ام محمد كانت بتحبني لدرجه ملفته للنظر لاني انسانه هاديه ومرحه وخدومه وكنت بخدمها بنفس مفتوحه وم اتعاملت معاهم بخساسه وكانت ف البيت معانا اخت محمد م متزوجه واكبر مني ومن اول ايام كانت م بتحبني وظاهر من تصرفاتها وتعابير وشها محمد كان بقول لي اصلا ياهو دا طبعا م ح تتغير وانا كنت م بحس بي كده كنت بحسها انها م راغباني لانو كنت بشوفها بتميل لي نهال زوجه معمر وفي كل جلسه بحسهم بنقدوني وبنقدو الحاجه البعملها حتي لو حلوه بقولو كعبه ونهال كانت بتمثل انها بتحبني بس كنت بحس انها زو الوجهين ومرات بجيني احساس انها هي البتحرش علي اخت محمد وكنت بتجاهل كل احساس بجيني لاسباب كتيره اولا انا غريبه اهلي في بلد وانا في بلد وكنت بتجاهلن عشان خاطر محمد لانو كان بحبني شديد وعشان خاطر امو لانها كانت بتحبني وشايفاني زي بتها عشت ايامي الاولي بالجلاله وعشان محمد كانت اجازتو شهر م عاوزه ادخل في صراع مع اختو ومرت اخوهو ورغم انو هَو مضايق من تصرفاتهن وطوالي بحاول اطبطب علي وانا بقول ليهو عشانك انا ح استحمل اي شي حتي لو علي حساب نفسي لاني م شفت منو شي ولا من امو وديل اهم اتنين عندي اختو بتكرهني ومظهراهو ولا خجلانه عليهو مرت اخوهو بتمثل انها بتحبني
مرا الشهر علي خير ومحمد قبل م يسافر جهز لي المطبخ فوق عشان شاف تصرفات مرت اخوهو واختو قال لي خلي بينك وبين امي الاحترام لانو انا متاكد لو مشيت خليتك معاهم امي زاتا ح اخلنها تكرهك اتفاديهم بالبعد وربنا يحفظك لي ويحفظ الفي بطنك لاني حملت من اول شهر م شاء الله وسافر محمد وشال معاهو كل الفرحه
بعديهو بي ٣شهور سافر معمر ومرتو م حصل ليها حمل ومعمر كان زعلان بس كل شي قسمه ومرت معمر برضو عملو ليها مطبخها براهو
انا بقيت ماسكه بيتي بعمل اكلي وبنزل علي نسيبتي تحت وبشرب معاها القهوه وبقيت ليها اكتر من بت وبتها كانت م بتقعد معاي لمن انا انزل ليهم تحت ولمن تجي نهال اول حاجه بتسال منها هي عشان تغيظني وبتدخل ليها وبطلعن مع بعض انا كنت اليوم كلو يا مع نسيتي يا هي معاي وبليل بتنوم معاي عشان انا بخاف بس مرت معمر بتنوم براها م بتخاف قالت هي بت البلد م غريبه عشان تخاف
مرت الايام وانا في الشهر الخامس الحمل تاعبني وروحي طالعه وزهجانه وكنت نازله لي نسيبتي اتونس معاها و سمعت صوت نهال متأمله طقيت ليها الباب لاني خوفت عليها ومهما كانت معاملتها لي هي جارتي فتحت لي الباب وكانت تعبانه شديد لمن جسمها مهبط ومسخنه وترجف من الحمي دخلت تكلتها ولبستها عبايتها وجيت شقتي لبست لي عبايه واتصلت علي بتاع ترحال ونزلت كلمت نسيبتي ونهال قالت لي انتي م تمشي معاي لانو صعب عليك مع الحمل نادي لي ايناس😐 ايناس دي حماتي بس لقيتا ماف قلت ليها انا م حاسه بي تعب بمش معاك لانو شايفاك تعبانه والحمي زايده عليك لمن بترجفي ومشينا وسجلنا للدكتور وعمل لينا الفحوصات سالها قال ليها عندك غياب قالت ليهو لسه فضل اسبوع من مواعيدها وزوجي ماف مشينا المعمل وعملنا التحاليل وجبت النتيجه وجيت دخلتها واديناهو الفحوصات قال ليها مبروك في حمل وشكلو ي داب ال٤٠ يوم انا بقيت مخلوعه وبعاين للدكتور حامل كيف ومعمر سافر ليهو ٤شهور 😳.....