رواية ابني ولكن
الفصل الثاني2
بقلم نوسه حمد
نهال بقت مخلوعه وحاولت تطلعني برا العياده بي طريقه مزعجه انا طوالي طلعت وبقيت واقفه وافكر معقوله نهال رغم الصفات الكعبه الشفتهن فيها كمان تحمل بالحرام ليه وعشان شنو ومعمر قصر في شنو اتجاها شويه كده الدكتور فتح الباب وبقا جايط فيها انا جيت حاولت اهدي الدكتور قال لي اختك دي مجنونه كيف تقول م عاوزه تحمل من راجلها وتقول لي اكتبي لي حبوب اجهاض وقت م عاوزه تحمل منو اتزوجتو ليه والدكتور اكورك بي اعلي صوت انا خفتا منو وانا من طبعي خوافه وجبانه واقل حاجه بتاثر فيني الدكتور بقا اكورك واكورك قلت ليهو معليش ي دكتور هي الفتره الفاتت دي عندها مشاكل معاهو عشان كده قالت م عاوزه حمل منو وبي قلبي قلت ليهو انت م عارف الحقيقه وسوقتها ومشيت وبعد نهال كانت ترجف من الحمي من الخلعه بقت كويسه وتتفاصح قالت لي كانك م سمعتي شي ولو جبتي الموضوع في خشمك زي م بيتي ح ينخرب ح اخرب بيتك قلت ليها ع الاقل هسي مفترض تكوني خجلانه مني وراسك في الارض كان لقيت عذر لي غلطتك وقلت الشيطان شاطر بس شكلو انتي الشيطان قالت لي اسمعيني ابعدي من طريقي وم عاوزه منك مساعده يلا ارجعي بيتك انا اتمغست منها بس قلت الملم كرامتي وافوت طلبت ترحال ومشيت البيت وم غشيت نسيبتي لانو حالتي كانت صعبه شديد دخلت شقتي والحمي من نهال اتحولت لي وشكلها دي الخوفه ولمن بقيت ارروجف منها وانا النوع الجرسه ف المرض وبقيت تحت بطانيتي وارجف من الخوفه التقول حامل انا حمانا الله ونسيبتي شكلها جات قومت بالجلاله فتحت ليها الباب قالت لي سجمي ي منه عيانه انتي ولا نهال قلت ليها نهال منو وبقيت منططه عيوني ومرعوبه قالت لي نهال موش قلتي ماشه معاها الدكتور وقلتي عيانه قلت ليها منو انا لا والله َنهال منو نسيبتي بقت محتاره ومخلوعه وبقت تلمس فيني وانا الحمي زادت علي قالت لي سجمي العيانه انتي ي بتي والحمي طارت ليك في راسك ارح قومي النوديك الدكتور نسيبتي اتصلت على بتاع ترحال وجا سريع وودتني المستشفى السوقتا ليها نهال اول م قالت لي انزلي انا حلفت ٦٠يمين م انزل خفتا نلاقي الدكتور واقول ليها دي جات هسي مع اختها وحامل ونهال ح تنفضح وح تخرب بيتي في صمه خشمي وانا م عندي ذنب ولا الفي بطني عندو ذنب في طلاق وبهدله قلت لي نسيبتي م نازله نهاي ومثلت فيها مجنونه بقيت اكورك وانكش في شعري ودا كلو تمثيلية عشان ترجع البيت وم ندخل المستشفى ونسيبتي بقت تكورك كور علي منه بتي جنت واتصلت علي محمد وادتني ليهو قلت ليهو انت منو ومثلت ليها اني فعلا جنيت ودا كلو عشان م ندخل المستشفى ونهال تنكشف قلت النديها فرصه احتمال تتصرف وتطلعو وتتعظ من الحاجه دي بس ف نظري ح تكون زانيه نسيبتي قالت لي محمد بوديها شيخ فلان اقرا ليها وطوالي بتاع الترحال ودانا للشيخ والشيخ م قصر كمل التمثيليه معاي واصلا شكلو شيخ دجل وبقا اكورك واورجغ واتفتف فيني وانا اي تفه كانت في قلبي جوه قربت امسكو اخنقو بس قلت لو اتكلمت نسيبتي ح تكتشف اني م عندي شي وانا جني وجن الدجل والشعوذه بكرهم سااي بس الوضع دا انجبرت فيهو وما بي يدي المهم الدجال م قصر تم لي حيلتي للنهايه وقال ليها البت دي مكتوبه وعاوزه شغل كتير ونسيبتي ماسكه ليهو كر علي م تستاهل راجلها مغترب وهو م صدق كسبها فرصه قال ليها عندها جن عاشق م ح اخليها تكون سعيده في حياتها الزوجيه ياخ انا م فضل لي الا اقول ليهو جن يركبك شاحده ليك ربي بس بقيت ساكته وبعاين لي امور الدجل دي وكان نفسي ادي الشيخ درس بس انا ف اللحظه ديك عاوزه حاجه تطلعني من الورطه دي والشيخ قال ليها داير ميه الف حتي ابدا ليها الشغل طوالي نسيبتي شالت التلفون واتصلت لمحمد ودموعا عشره عشره وانا كان نفسي اقول ليها م تبكي يا امي انا كويسه بس م قادره قالت ليهو منه بتي الشيخ قال عندها جن عاشق وبمنعها انها تعيش حياتها الزوجيه ومحمد بقا اتعوذ وادتني ليهو بالتلفون وانا ساكته قال لي معليش انا جنبك وبعالجك ان شاء الله وانا قلبي مقطوع علي الخلعه الخلعتها لي راجلي ونسيبتي ومحمد قال لي امو برسل ليهو القروش بنكك خلي طوالي يبدا ف العلاج انا في سري قلت معقوله محمد راجلي المتعلم اصدق كلام الدجل والشعوذه دا كنت منتظراهو يقول لي امو الشيخ دا كذاب بس الناقصه تمت محمد رسل القروش للشيخ وانا اشيل واحمر ليهو يعني نظام انا فاهماك وهو اقول لي نسيبتي شوفي النظره دي نظره الجني الجواها م رضيان العلاج بس انا ح اعالجها منو وم تستسلمو ليهو لانو ح يدمر حياتا
رجعنا البيت وام محمد بقت قلبها مقطوع تتقدم وتجيني وحارساني نهاي م فاتت مني جاتني ايناس ونهال وسبحان الله شفت الشماته في عيونهم ونهال تضحك وتتغامز مع ايناس وقالت ليها موش قلت ليكم البت دي م شديده بس امك للان مصدقاها ايناس قالت لي كمان جن عاشق هسي مالو محمد اخوي لمن تحبي فيهو جن عاشق انا بقيت منتظرا فرصه في نهال ونسيبتي حلفت ابت تفوت مني وانا بي اي طريقه عاوزه اصل لي نهال ونسيبتي كل دقيقه تجي تفقدني وانا نهاي م عندي نفس ارفع راسي ولا اعاين في عيونا لاني كذبت ومثلت اني مجنونه عشان شنو عشان واحده حامل بالحرام وم عاوزه تتهد ولسه بتطاعن فيني بالكلام بس عيبي انا جبانه بس مستحيل اسكت ي طلاق ي اعيش مجنونه وذنبي شنو ونهال الغلطانه تعيش مستمتعه بي حياتا
بليل نسيبتي نامت مشيت لي نهال لقيتا تتكلم بالتلفون قلت ليها نهال انتي عارفه الحصل شنو وانا بي سببك مثلت اني مجنونه لانو انا لمن جيت البيت جاتني حمي ونسيبتي عاوزه توديني المستشفى ونفس الدكتور الانتي قلتي ليهو طلع لي الجنين قالت لي جنين شنو شكلو دا م جن عاشق شكلك انتي جنيتي رسمي قلت ليها شنو شنو قالت لي انتي جنيتي والله قلت ليها انا لو جنيت ح تجنيني انتي موش انتي كنتي حامل وقبيل الصباح لقيتك تعبانه ووديتك الدكتور قعدت تضحك قالت لي م تستاهلي ي منه الجن بس شكلك بقيتي تخرفي وبقت تكورك بي اعلي صوت نسيبتي جات ونسيبي جا واخوان محمد اتلمو فينا وبقت تبكي قالت ليهم منه جنت كانت عاوزه تضربني ودا شكلو م جن عاشق دا شكلو جن عديل وانا م بسكن جنب واحده مجنونه قلت ليها جن شنو ي كذابه ي حيوانه وكنت عاوزه اضربها قلت ليها انتي السبب ودايره اتكلم بقت تكورك وتبكي وتتجنن وانا بتصل علي معمر واكلمو واستحاله اسكن جنب واحده مجنونه هسي لو ضربتني لو كتلتني اعمل شنو وبقت تبكي لمعمر وكانت فاتحه الاسبيكر و معمر قال لي اخوانو لو محمد م عاوز اتصرف اتصرفو انتو وزي م اعتدت علي مرتي ح تعتدي علي امكم وامهم الوحيده القلبها مقطوع علي وحاساني اني مظلومه وانا بقيت اعاين ليهم ولي تعابير وشهم احمد اخو محمد قال لي نهال اوعك تعلي صوتك وتكوركي هسي منه دي بعد الجن القلتو فيها دا ساكته وم علت صوتها ونهال م محترمه قالت ليهو بكورك كوركت في بيتك ولو سمحت اطلع برا احمد حسيتو متاثر قال لي منه ربنا اشفيك ونحنا معاك وفات ايناس قالت ليهم البت دي ترجع اهلها مستحيل نعيش مع واحده مجنونه تقوم تعمل فينا مصيبه ابو محمد قال لي منه ي بتي مالك قلت ليهو ماف شي وودوني اهلي احسن عشان فعلا م اعتدي عليكم....