رواية انا وهو
الفصل الاول1
بقلم ساره محمد
عبير: انا بحبك افهم
خالد : وانا بكرهك بكرهك
عبير: طيب لي وافقت علي الزواج ولي جبتني بلد غريب عني
خالد: مجبور واسمعي مستحيل احبك فهمتي
عبير فتحت باب الشقه وبقت جاريه وما حاسه بنفسها أثناء م هي جاريه ضربتها عربيه ودخلت في غيبوبه
اعرفكم أبطال الروايه؛؛؛؛؛
《عبير بنوته حلوه عمرها ٢٠ خريجة علوم اداريه سمرا شعرها اسود طويل عيونها كبار شفافيها مليانه وجسمها مقسم 》
《خالد شاب عصبي شغال في شركه ادويه في دبي اسمراني ملتحي وجسمو عريض وشعرو خفيف 》
بدأت القصه لمن عبير انتهت من جامعتها اخيرا وبتفتش في شغل جاها ابوها وقال ليها صحبي عايزك لولدو حاولت ترفض بس ابوها ضغطها تم العرس سرعه سرعه وحات مع خالد دبي والان هم متزوجين ليهم شهر وخالد م قرب منها لانو كان رافض الزواج بس ابوه جببرو تعالو نشوف بعد الحادث حصل شنووو؛؛؛؛؛؛؛؛؛
طبعا عبير بعد الحادث نقلوها المستشفي وخالد م كان عارف بعد فتره نزل يفتش فيها م لقاها يومين وهو بفتش الا يوم قاعد مستاء اتصل عليه الشرطي ؛؛؛
الشرطي: الووو استاذ خالد
خالد : ايوا انا
الشرطي : انت قبل يومين قدمت شكوي انو زوجتك مختفيه؟؟؟
خالد: ايوا نعم عرفتو حاجه عنها ؟؟
الشرطي: نعم وجدنا نفس المواصفات مع بنت ف المستشفي الان لازم تجي تتعرف عليها
خالد: اوكي انا جاي
خالد اتوتر ياربي حصل شنو البت دي كن ماتت انا السبب اقول لأهلها شنو طلع من الشقه وهو التفكير مجننو لحدي م وصل المستشفي ودخل اتعرف عليها لقاها راقده بجسمها الضعيف والكدمات والجروح قرب عليها
خالد : ع ع بير انتي كويسه
ماف رد...
خالد: يا دكتور دي زوجتي الحصل شنو؟؟
الدكتور: زوجتك عندها أصابه بالغه ف الراس والان هي ف غيبوبه
خالد: غيبوبه وحاتصحي متين؟؟
الدكتور : م معروف علينا الانتظار بس
خالد عقلو بقي م فيو وكان بلوم نفسو كان عاوز يكلم أهلها بس اتراجع خاف من الاسئله الكتيره وما عليه إلا الانتظار
بعد ١٥ يوم عبير بدت تفتح عيونها لقت الممرضه
عبير: اااااه
الممرضه: حمدلله علي السلامه
عبير: انتي منو ؟؟
الممرضه: اهدي انتي ف المستشفي واتعرضتي لحادث
عبير: انا انا منو؟؟
الممرضه استغربت ومشت نادت الدكتور
الدكتور: حمدلله علي السلامه
عبير : انا منو وانت منو
الدكتور بعد فحصها طلب يدوها مهدئ ونامت واتصل علي خالد
الدكتور: ألوو استاذ خالد كيفك
خالد: مرحبا يا دكتور ف اي تحسن
الدكتور: ممكن تجي المستشفي الان
خالد: طيب مسافة السكه
خالد جا وقابل الدكتور
خالد: قلقت بي ف حاجه ؟؟
الدكتور: المدام صحت من الغيبوبه
خالد: طيب كلام جميل وهي كويسه صاح
الدكتور: للأسف المدام فاقده الذاكره حتي هي منو م عارفه
خالد: كييف؟؟
الدكتور: هي اتصابت ف الراس وده من تأثير الضربه
خالد: ولاترجع ليها متين:؟؟
الدكتور والله م معروف انت بس م تضغط عليها عشان م تتنكس وانا حاديها ادويه تساعدها تمام
خالد: تمام ممكن اشوفها؟؟
الدكتور : اتفضل
خالد مشا لعبير وكانت صحت دخل سلم عليها وهي بتعاين ليه مستغربه ده منو؟؟
خالد: حمدلله علي سلامتك
عبير: انت منو؟؟
خالد: انا انا انا خالد
عبير: طيب انا منو ؟؟
خالد: انتي عبير
عبير: وانت بتعرفني من وين اناما متذكره ااهههه
خالد: ممكن تهدي وانا حاوريك تمام
انا خالد وانتي عبير انتي زوجتي
عبير: كيف؟؟؟
خالد: احنا متزوجين قبل شهر
عبير: ااااه راسي ااااه
الممرضه : يا استاذ ممكن تطلع كده حاتتعب
عبير: راسي راسي
الممرضه ادتها مهدئ ورجعت نامت وخالد مراقبها وم عارف يعمل شنو