رواية زواج قاصره
الفصل الواحد والعشرون21
بقلم نوسه حمد
طبقت الخطه زي م قال لي الضابط ومحمد ومحمد قال لي اي شي تقولو ليك تجي تكلميني كويس قلت ليهو سمح
طبعا انا امتحنت وجبتا كم وتسعين ومحمد عارز اقدم لي طب ف الجامعه البقرا فيها هو قال لي ف الاستماره نكتب جامعتي وبس عشان نقرا السنه الاولي مع بعض
اها انا بهناك مدردقه مع خالده ومحمد والضابط منتظرينها تجمع الرجال التلاته عشان يقبضوهم
تاني يوم خالده اتصلت على قالت لي قالو م بقدر اجو التلاته الجزيره بس قالو لي ح اعملو ليك يوم مفتوح في الكافي حقي وتشوفيهم هناك رايك شنو قلت ليها لا لا الخرطوم م بقدر لانو اهلي بمنعوني قالت لي قولي ليهم ماشه اقدم للجامعه ولا اي شي وانا م بظهر في الصوره بنتظرك ف الظلط المهم قفلت مني طوالي اتصلت علي محمد قلت ليهو قالت لي كده محمد اتصل للظابط قال ليهو خليها التجي هنا احسن شي عشان زاتو ف الحله م نعمل شوشره قلت ليهو انا دايره الشوشره عشان البنات الضاعن بسببها اتعظن من خالده قال ليها ح يتعظن كل بنات السودان م بنات الحله بس لانو ديل عصابه لو اتمسكو ح تبقا قضيه رأي عام ودا المطلوب عشان اي بت تمش عديل المهم قدرو اقنعوني ومحمد قال لي انا لو كنت ف محاضره م بقفل الخط انتي تخلي الخط فاتح وتدخلي ف الشنطه وتتعاملي معاها زي الخطه بالظبط قلت ليهو سمح المهم وافقت واتصلت وريتها قالت لي ظابط
تاني يوم مشيت وقلت لي امي ماشه الخرطوم ووريتا بالحاصل امي كالعاده قعدت تكورك وخايفه علي منهم قلت ليها امي م تخافي عليك الله قل لا يصيبنا إلا ما كتب الله لنا وانا مؤمنه بقضاء الله وقدره وماف شي بجيني وانا قصدي خير اني ابعد خالده واشباهها من سكه بنوت الحله امي م تعارضيني اديني عفوك ورضاك واقنعي ابوي امي ستين يمين ابت توافق الا لمن اديتا محمد اقنعها وقال ليها انا مع خالده اول بي اول ومعاي الضابط امي وافقت وقالت ح تقنع ابوي
تاني يوم ابوي جا قال لي امك قالت ماشه تقدمي للجامعه ومحمد بلاقيك هاك ديل القروش وابقى علي روحك عشره ومحمد اي نعم قال دايرك بس هو م راجلك عشان تباريهو في الطلعه والنازله قلت ليهو ابوي محمد داير اقدم لي وبجي راجعه طوالي قال لي هسي الناس اقولو فاتت تقرا الجامعه ومعاها ود عمها قلت ليهو انت م واثق فيني الناس م عندهم حق يتكلمو فيني مدام انا م عملت شي يغضب ربنا ومحمد انسان محترم ومعروف ف الحله قال لي ود اخوي وواثق فيهو بس شينه في حقي انا مفترض امش معاك انا قلت ليهو معليش ي ابوي المره دي بس بقدم لي محمد احسن من تتعب في الجري للتسجيل قال لي خلاص وختا يدو في راسي وقال لي استودعك الله الذي لا تضيع ودائعه ويلا فوتك بعافيه ربنا يوفقك ومشيت منهم لاقتني خالده وركبنا عربيه بتاعت واحد م بعرفو غايتو البت دي جايبه خبر رجال الدنيا والعالمين المهم مشينا وانا فاتحه الخط والدنيا صباح ومشينا الكافي بتاع خالده وخالده من الشارع فكت العبايه وجوه لابسه بنطلون وتشيرت انا مع نفسي م بلبسهن ضيقات شديد واريتو جسمها لو منسق غايتو من جواي شبعت ضحك قالت لي فكي العبايه دي كتمتي لي نفسي قلت ليها لا لا م من هسي افك طوالي شويه شويه قالت لي نجيضه غايتو عشان اقولو محترمه قلت ليها ههههههههه بالظبط انقي لي حاجه كويسه ومحمد اتكلم ف اضاني لاني مركبه السماعه قال لي اياك تفكي العبايه لاي سبب قلت ليهو اي براحه يعني انا سامعاك المهم خالده جات وانكبن فيها بنات اشكال وانوع وم بخجلو لبس شين ومسمينها الشيخه وانا بقيت اكشف نهاي م قعدت ف حته واحده قلت لازم اشيل واعرف معلومات اكتر وبسال بت بت وكل واحده تحكي لي بقت ضحيه كيف وانا من اشوف خالده اعمل فيها عاوزه اتعلم الشغل وهي بتقول لي اي اي اتعلمي عشان م تتعبينا نحنا خاتنك للكبيره وبعدين انتي زكيه شديد قلت ليها بعزك والله قاعده كده جات بت من حلتنا اسمها مني مني دي متزوجها راجل غريب ووالده منو بس طافش منها م عرفو ليهو بلد واتفاجأت لمن شفتها هي زاتا انخلعت وحسيت في عيونا كلام كتير وحسره وقلت لازم انفرد بيها ومحمد لمن سمعني قلت ليها معقوله مني الجابك شنو قال لي اسمعيني مني دي اتحققي منها بت حلتك بتوريك وم تحسسيها انك عاوزه تقبضي عليهم قلت ليهو سمح يلا خالده قالت لي البنات اسمعوني نحنا عاوزين نحتفل بي ميعاد وانضمامها ليناانا نازله السوق اجيب فواكه وباسطه وكيك ووسكي عشان عارفين مزاج الرجال كيف قلت ليها وسكي قالت لي اي وح تتعلمي عليهو ان شاء الله وكانت بتشرب ف الشيشه بي طريقه مبالغه البت دي شكلها خبره محمد قال لي دي فرصتك قومي شوفي مني قلت ليهو سمح مشيت لقيت مني قاعده في محل كده نظامه غرفه ومفرشه فرش رهيب قالت لي ميعاد ليه وافقتي ودمعتها في عينا قالت لي انتي م عارفه حاجه ولو دخلتي معانا ف الدوامه دي ح تتمرمطي وصدقيني اغذر حاجه انك تعيشي حياتك نجسه نهاي م ح تكوني مرتاحه وبالك بكون مرتاح ح تكوني مضايقه من جواك لانو اتختيتي ف الوضع دا وبي ارادتك وانا لمن سمعت الحصل ليك وانك قدرتي عليهم انبسطتا منك شديد وادعيت من ربنا انو بنات حلتنا اكونو زيك بالشجاعه دي واقيفو ف وش الرزيله بس تقومي انتي زاتك ي ميعاد تبقي زينا وع فكره الناس ديل متفقين عليك ابقوك عالميه قلت ليها كيف قالت لي تشتغلي تاكلي عقل البنات الضعيفات وفقيرات واجيبو ليك ليهن عقودات عمل مضروبه امشن دبي و هناك وما يلقن شغل وينجبررن اشتغلن في الرزيله ودا اتفاق خالده معاهم وانا لمن سمعت كده قلبي انقطع وقلت ميعاد انظلمت ف حياتا ليه تاني تظلم نفسها قلت ليها الجامعه وم عندي قروش قالت لي انا بتكفل اقريك وتبقا لي صدقه لوجه الله تعالي لكن انتي بس م تستسلمي ليهم قلت ليها تتكفلي بي كيف قالت لي ارسل ليك قروش كل مره وتقري منهن وم تخافي بشبع بيهن بس م تجي هنا قعدت اضحك قلت ليها انتي جزء من ضميرك صاحي والله ودي حاجه كويسه بس انتي القروش بتجيبهن من وين شغلك عرق جبينك ولا ياهو شغلك بيع جسمك دا قالت لي ياهو شغلي دا قلت ليها مال الحرام م تصرفيهو علي ناس فقرا ولا ايتام وتقولي النلقاهو قدام لانو هو مال حرام جبتي بالساهله م تعبتي فيهو وانا م عاوزه زول يصرف علي بس عاوزه اشتغل معاكم قلت ليها انتي بتعملي شنو هسي قالت لي انا شغلي عباره عن مسرحيه والله قلت ليها كيف قالت لي انا عندي ورق مضروب اني بقرا في جامعه وانا م بقرا بس متواجده داخل الجامعه وفي ولد هناك اسمو معاذ معاذ دا بعرف لي البت الضعيفه من الاولاد وانا بعمل فيها اني صاحبتها