رواية زواج قاصره
الفصل الثالث والعشرون23
بقلم نوسه حمد
وقعت وتاني م وعيت بي اي شي فتحت عيوني شفت خالده ومعاها سالم انا هنا انخلعت واتزكرت التمثيليه بس ليه محمد م جا ومعاهو الضابط وانا الخوف كتلني اكيد محمد لو م جا بتصل وبترد غاده انا الخوف سيطر علي ومثلت اني لسه صادمه دايره اشوف فهمهم وسالم الجابو شنو ي ربي سالم اكون معاهم بس مهما كان سالم م ح يرضا اني اتختا ف موقف زي دا ولا ابيع نفسي لانو انا بت عمو وشرفو وم كنت سامعاهم كويس بس سالم جا جنبي انا كل خطوه بتخطاها برجف قلت سالم اكون هو العاوزني ودفع فيني وغاده باعتني ليهو ولو فعلا دي الحقيقه محمد ح يكتلو وبعد م كنا دايرنها تبقا قضيه راي عام ح تبقا الكلام فينا نحنا ومشاكل اسريه اقولو ويطلعو منها هم والعملتو ضاع
سالم قرب علي وقعد ف الارض قال لي ميعاد اصحي ليه تبيعي نفسك وليه تجي مكان غذر زي دا عمي لو عرف ح يموت ودموعو عشره عشره داير اشيلني بس الاسمو صلاح جا وقف ليهو ف وشو قال ليهو شايلا وين قال ليهو دي بت عمي وانا طليقها قال ليهو هي دي البت العرستها صغيره م فاهمه عرس يعني شنو وسافرت عشان تجيب قروش لكن م تزعل القروش بتجيبن ليك هي هسي قال ليهو انت مجنون وقروش شنو والبلمس ميعاد اقسم بالله اكتلكم كلكم انتو مجانين ولا شنو خالده قالت ليهو شوف ميعاد هي الجات بي اردتها وقالت عاوزه قروش عشان تقرا جامعه انت مالك ومالا قال ليها لمن اكون م عندها رجال ف العايله طوالي التجي تبيع نفسها عشان تقرا الجامعه بس ميعاد وراها رجال وماف راجل بلمسها قالت ليهو سالم هوي م تتجنن علي انا اتصلت ليك عشان انت مراهني انو ميعاد م ح تمش ورا الرزيله وانا جبتك محل الرزيله زاتا الجاتا ميعاد بي رجليها ونحنا اشتريناها وانضمت لللسته مع البنات قال ليها لسته شنو انتي مجنونه والرجال المعاك ديل مجانين واظنك م بتعرفيني ي خالده دي بت عمي وانا ح اشيلها والبلمسها قسما عظما الدنيادي م تشيلنا قالت لي طوالي بنخليك تشيلا بس تدفع نحنا العندنا بتدخل هنا تطلع بالقروش قال ليها عاوزه كم وتخلينا نطلع وتاني ميعاد لو لاقتك ف الشارع م تسلمي عليها قالت ليهو معناتا تشتريها مننا قال ليها كيف قالت ليهو تخت مفتاح البوكسي حقك دا ويبقا حقي وسوقا ووعد تاني م اسالها وح اشيلها من راسي وبعد توعا تقول ليها انسي الشفتيهو وعيشي حياتك سالم بقا اتناقش معاها وطلعو الاتنين وانا قومتا علي حيلي بقيت اعاين ليهم م لقيتهم وطلعت بالباب المعاكس للمحل وكنت مبهدله طرحتي م لابساها ويا عالم اكونو عملو فيني شنو لاني م كنت واعيه وكيف محمد يخليني للان وم يجي يفقدني
بقيت جاريه لاقاني الراجل الما بغباني اللاقيتو اَول واحد في وشي وانا انخلعت قال لي وين ي حلوه..