رواية زواج قاصره
الفصل الثاني2
بقلم نوسه حمد
امي قالت لي حبوبتي انا بتي م شاء الله ست بيت ومعلماها علي اي شي طبيخ بتعرف تطبخ قالت ليها بس ي بتي م بقت علي العرس خليها بعد تبقا كبيره ابوي قال ليها انا م عندي بت بعد تكبر حتي تعرس البت من تعرف شغله البيت طوالي بعرس ليها وتمسك بيتها انا ماسكه في توب حبوبتي وقلبي مقطوع قالت ليهم والله ي ولدي كبير بس عقل م عندك والبتعمل فيهو دا نحنا م عندنا والله يعقلكم والعرس دا انا م موافقه عليهو وعوسو عواستكم وجات تفوت قلت ليها يمه م تفوتي تخليني بعرسوني لي سالم ودموعي في عيني امي نهرتني وقالت لي ادخلي جوه انا مشيت وبقيت خايفه ليه امي تحرمني من المدرسه وليه تعرس لي راجل كبير وانا لسه طفله وبقيت ابكي لمن نومتا صحيت بصوتها قالت لي قومي ارح النوديك البوتيك اشتري ليك كريم قلت ليها لا لا م ماشه الكريم حق النسوان وانا صغيره صاحباتي م بعملنو وانا بخجل اعملو نهرتني قالت لي الشفع البتلعبي معاهن ديل تاني م تباريهن انتي عرسك بعد شهر قعدت ابكي قلت ليها لا لا ي امي خليني العب وعرسو لي سالم نهله بت جيرانا كبيره بتقرا ف الجامعه قالت لي نهله في عينك سالم مغترب بكره بسوقك معاهو السعودية قلت ليها امي م ماشه انا خليني احرس ليك اخواني وانظف ليك البيت واعمل القهوه لي ابوي موش انتي قلتي لي ولدتك عشان تساعديني انا بساعدك بس م تعرسو لي سالم 💔💔💔💔امي بقت تنهر فيني وساقتني قوه للبوتيك وتكلم زول زول تقول ليهو عرس ميعاد بعد شهر وانا قلبي مقطوع وخايفه وفي البقول ليها بتك صغيره وطوالي بتقنعَو تقول ليهو بتي م شاء الله طبيخ بتعرف تطبخ وبتنظف وبتعمل القهوه وانا بي براءتي بقول ليها امي انا بعلم ريم اختو تعمل ليهو الحاجات دي بس م تعرسيني ليهو وطوالي بتنهرني وبتشاكلني
مرت الايام وانا امي منعتني المرقه وبتقول لي انتي عروس ولازم تنحبسي وانا كملت الدموع وحبوبتي قلبها مقطوع علي كل يوم تجي تقعد معاي وتضمني عليها وانا ابكي وهي تبكي والحله كلها عرفت بي عرسي وجابو الشنطه والناس معاملني كاني كبيره واقولو لي ف كلام انا هو شنو م فاهماهو بقول ليهم نادو لي حبوبتي بعد تجيني بقول ليها النسوان قالن لي كده وكده يعني شنو حبوبتي تقعد تبكي وتقول لي ي بتي م عارفه اقول شنو بس الله ايازاها امك دايره تكبرك بالقوه
وحبوبتي م بترد علي وانا صحتي كانت سمحه بقيت ضعيفه من الخوف والهلع الدخل فيني
ومرت الايام وحنننوني ورسمو لي وحجزو لي الجدله وانا قلبي مقطوع وسالم القالو راجلي مبسوط وانا في أيام بقيت مرا محننه ولابسه توبي وسالم وداني الخرطوم وانا ساكته بس قال لي خلاص انتي بقيتي مرا وشوفي الحنه حلوه فيك ومسك يدي وداير ابوسها كوركت فيهو قلت ليهو بكلم ليك ابوي وانا ماشه بيتنا وقعدت ابكي وادرقدق بالارض قلت ليهو توديني هسي لي حبوبتي قال لي حبوبتك شنو انتي راسك قوي وشكلك ح تتعبيني وانا م فاضي ليك وبقا اكورك فيني انا طلعت الجدله جدعتها وبقيت ابكي باعلي صوت
هو بقا اتكلم بالتلفون واداني امي قالت لي سجمي ي بت دا شنو البتعملي فيهو دا قلت ليها امي سالم م اغش عليكم سالم قليل ادب وانا بكلم عليهو ابوي وحبوبتي وابكي ودموعي عشره عشره امي قالت لي سجمي خالده م كلمتك قلت ليها خالده زاتا زيو وانا والله اكلم ابوي عليهم الاتنين قالت لي ابوك شنو ي بت دا راجلك قلت ليها خلاص بس ازح مني قالت لي خلاص م تبكي وتفضحينا الناس تشيل حالي اقولو جابوها راجعه من شهر العسل قلت ليها الناس انا بكلمهم اقول ليهم سالم قليل ادب سالم شال مني التلفون وقال لي قليل ادب شنو ي بت انتي مرتي واي راجل ومره بحصل بينهم كده هسي امك وابوك ديل جابوك كيف م كده وانا انقعت بالبكاء قلت ليهو ابوي م قليل ادب وم تكذب فيهو وانا بكلم عمي أحمد عشان انت م مأدب سالم بقا اجوط فيني وانا ابكي ودموعي عشره عشره والايام مرت بينا وانا بقيت زي المجنونه م قادره اتخيل الحصل ولا قادره اشيل فكره انو سالم قليل ادب من راسي وبقول ليهو ربنا بسألك وانا م عافيه ليك وبسكتني طوالي وكل مره بقول ليهو امي قالت لي تعملي ليهو القهوه والشاي وانظف بيتكم بس انت وخالده مرت جيرانا قليلن ادب سالم بقا زهجان مني وبهددني انو ادقني وانا بخاف بسكت منو