رواية زواج قاصره
الفصل الثالث3
بقلم نوسه حمد
كنت بخاف من سالم شديد وبقيت م فاهمه شي وم قادره اقتنع انو انا افضل كده وكنت بتجنب اجي جنبو واكل م باكل ولا بشرب لمن جاني هبوط ووقعت وسالم وداني الدكتور ركبو لي درب وفتحت لقيت الدكتور بتكلم مع سالم قال ليهو دمها بسيط خلي امها تهتم بيها انت ابوها صاح قال ليهو دي مرتي الدكتور بقا مخلوع بقا اعاين لي في رجولي واثر الرسم ظاهر قال ليهو ياخ حرام عليك البت دي صغيره كيف نفسك تسمح ليك تتزوجها سالم قال ليهو دي بت عمي وانا كنت ف السعوديه وجيت للزواج وعجبتني وقلت لازم اتزوجها واتندمت والله وحصل الحصل وبقيت امام الامر الواقع اطلقها مستحيل لانو ماف سبب للطلاق قال ليهو كيف ماف سبب في سبب اكتر من انها قاصره والدكتور بقا مخلوع قال لي اسمك منو قلت ليهو اسمي ميعاد وكنت ببكي شديد قال لي معليش ي بتي م تبكي انا جنبك قال لي انتي بلغتي انا بقيت م فاهمه كلامو قلت ليهو شنو قال لي بلغتي يعني جاتك العاده الشهريه قلت ليهو م فاهمه والله والدكتور بقا مخلوع قال ليهو انتو مجانين والله وامها مره م عندها ضمير بت م
بلغت كيف تزوجها ليك سالم بقا مخلوع شكلو زاتو هو مفتكرني اني بالغه وبقا افهم فيني ف البلوغ قلت ليهو لا لا م حصل لي كده الدكتور قال ليهو دا م وقت شرح البت دي بتقرا في كم قال ليهو ف خامس كانت امها طلعتها من المدرسه عشان تساعدها في شغله البيت وانا شفتها وعجبتني وقلت لازم اتزوجها وحصل الحصل وبقت مرتي وم بقدر اطلقها ولا بقدر استحمل عقليتها لانها مافاهمه شي مرات بتديني احساس انها شايفاني زي ابوها والحمد لله الدكتور قال ليهو البت دي لو م وصلتها انا شايف انك تطلقها وتررجعوها مدرستها قال ليهو للاسف وصلتها بالغصب وي ريتني من الاول م لمستها بس الحمد لله الدكتور قال ليهو البت دي م حمل زواج وولاده وربنا يخفف عليها
رجعنا من الدكتور سالم اتصل علي امي وبقا اكورك فيها قال ليها كيف تزوجي لي بت م بالغه وم فاهمه شي البت وقعت كانت ح تموت مني وانا بقيت خايفه ومغطيه بي توبي وسالم قال ليها بكره نحنا جايين وبتك دي لازم تفهم لانو انا عندي اسبوعين وراجع
سالم قرب مني قال لي اعفي لي ي ميعاد انا م كنت مفتكرك لسه صغيره وامك بقت السبب في الكلام دا وقسمتنا كانت اقوي وانا تاني م ح اجبرك علي حاجه وح نمش البييت خلاص
تاني يوم رجعنا وفي الطريق قلت لي سالم مشتاقه لي صحباتي ولي لعبهن سالم قال لي لعب شنو ي ميعاد انتي بقيتي مره والكلام دا تاني م بنفع لازم تلبسي توبك وتاني م تطلعيهو وفي بيتنا تلبسي طرحتك عشان اخواني قاعدين وبعدين انتي بقيتي مره بكره بتلدي قلت ليهو منو البلد قال لي انتي بقيت ابكي قلت ليهو لا لا انا م دايره الد انا صغيره والولاده حاره انا شفت امي تبكي وتكورك لمن جات تلد مهند اخوي السواق انخلع قال ليهو دي مرتك قال ليهو اي قال ليهو حرام عليكم بت م كملت طفولتها تعرسها كيف قال ليهو دا النصيب وانا بقيت ابكي وكل دقيقه اقول ليهو سالم انا م دايره الد وهو اقول لي خلاص اسكتي وتاني ابكي واقول ليهو سالم م تغش علي ودموعي عشره عشره سالم بقا متأثر قال لي خلاص ي ميعاد اسكتي وتعالي انومك في حضني مسافه نصل وضماني عليهو وانا نومتا م صحيت الا لمن وصلنا الحله وسالم صحاني وانا وشي مورم من البكا لاقتني امي سلمت علي وقالت لي مالك ي بتي م مميزه ولابسه سمح وشك مورم مالو قلت ليها امي م بعرف اتميز انا قالت لي بكره تتعلمي وسالم شكلو مضايق من امي سلم عليها ومسكني من يدي وقال لي تعالي عشان تكملي نومك قلت ليهو لا لا انا م دايره انوم ودخلني جوه وبقا اتناقش مع امي وامي جاتني قالت لي انتي خالده م كلمتك قلت ليها انا صغيره وسالم هبشني هسي صحباتي لو عرفن اقولن انا قليله ادب وبقيت ابكي امي قالت لي ميعاد دي م قله ادب دا الطبيعي اللازم يحصل قلت ليها لا لا ي امي انا م دايره انا بموت خليني النقعد معاكم وسالم يرجع اهلو قالت لي سجمي الناس اشمتو فيني وفي سالم لا لا ي ميعاد انا بخلي خالده تاني تجي تكلمك قلت ليها امي بالغه يعني شنو امي بقت ساكته وتعاين لي قلت ليها الدكتور قال لي سالم كده امي بقت متاثره شديد قالت لي بكورك لي خالده تجي تقعد معاك وتعلمك مسافه انا اعمل ليكم اكل قلت ليها لا انا م دايره اكل سالم جا داخل قال ليها البت دي نهاي م اكلت بس عايشه علي عصائر والكلام دا م بجي قال لي ميعاد لازم تاكلي عشان م تقعي تاني قلت ليهو باكل لكن انت م
تلمسني سالم بقا خجلان من امي وامي طلعت قال لي ميعاد انتي فالحه الدايراهو بعملو ليك لكن الحصل م تحكيهو لي زول لانو كده عيب قلت ليهو وقت عيب انت لي عملتو لي م حرام عليك وانا بكلم حبوبتي وابوي وابوك سالم انخلع قال لي ميعاد انتي فالحه بديك قروش بس م تحكي لي زول الحصل قلت ليهو خلاص بسكت وم دايره قروش بس انت تبعد مني وم تلمسني تاني قال لي سمح وقلت ليهو م ماشه بيتكم تخليني اقعد هنا
امي نادت لي خالده وبقت توعي فيني وانا م قادره اقتنع انو الحاجه دي لازم تحصل ودموعي عشره عشره
سالم بقا قاعد معانا ف البيت وكل يوم بليل امي توديني بهناك ليهو الصباح اصحو القوني نايمه مع اخواني وسالم زهج مني وامي بقت تنهرني وانا م قادره اقتنع وسالم فضل ليهو ايام واسافر ومشا لي حبوبتي وحكا ليها وقالت ليهو انا لمن قلت ليكم لا البت صغيره امها قالت البت كبيره ومعلماها اي حاجه انتو مفتكرين الزواج دا قش وسوات شاي وقهوه انت لو امها م عاقله انت م عاقل قال ليها عاقل بس البت عجبتني وخوفت اعرس غيرها واجي غيري واعرسها واتندم وم كنت مفتكرها م واعيه وميعاد صحتها عشان سمحه بتنشاف كبيره واتفاجأت انها م بالغه حبوبتي قعدت تبكي وقالت ليهو كور علي قطعتو قلبها البت صغيره وجاهله الله اعذبكم زي م عذبتوها وي سالم ي ولدي البت دي براحه عليها والعمر قدامك وقدامها سافر وتعال بتلقاها كبرت ان شاء الله وجيب ليها تلفون بعد تسافر عشان تتونس معاها وتفهما الحياه وانا م بقصر منها وان شاء الله ربنا يسعدكم الاتنين وم تكورك فيها ي سالم البت دي صغيره وجاهله ابقا ليها ابو قبل تبقا ليها راجل