رواية ابني ولكن
الفصل الثالث3
بقلم نوسه حمد
بقيت محتاره في نهال واسلوبها وهل انا خلاص ح يثبتو علي الجن واني م طبيعيه؟؟
رجعت شقتي ودمعتي في عيني ونسيبتي متأثره لي شديد احمد جا داخل قال لي منه كيفك مالك ي اختي الحاصل شنو بسم الله؟ قلت ليهو كويسه الحمد لله ماف شي حاصل انا م بي يدي شي والله وربنا اكون في عوني احمد قال لي منه انتي زوله قويه وبتعرفي ربنا وطريق ربنا كويس امور الشيوخ دي م تدخلي نفسك فيها قلت ليهو ان شاء الله قال لي اقري قران وان شاء الله ربنا يحفظك وم تختي اي موضوع في راسك انتي حامل وزوجك بعيد منك وان شاء الله نحنا اخوانك وفات جد كبر ف نظري وطبعو زي محمد هادي وزول فاهم كان نفسي محمد اقول لي كلامو دا وانَو الشيوخ كلام فاضي بس لخير ان شاء الله
ام محمد قالت لي منه ارح اَوديك الشيخ انتي مسحوره قلت ليها لا لا يا خالتي انا كويسه قالت لي لا لا ي بتي عندك معاهو جلسه اقرا ليك فيها قران وبعدين دا بعالج بالقران قلت ليها بعالج بالقروش وسكت وكدي قومي م تعاكسيني م حبيت احرجها واقول ليها دا دجل ونفسي تحصل حاجه تغير الحاصل مشيت معاها وكذالك الشيخ بعمل في نفس حركاتو وانا استحملتو بالجلاله ورجعنا البيت وانا ف نظر الناس مجنونه ونهال تدخل وتطلع علي مزاجها وانا مسجونه بحجه اني م طبيعيه
يوم شلت اكلي ونزلت لي نسيبتي لانها كانت قاعده معاي لقيت نهال راسمه ومميزه قلت احتمال تكون ماشه مناسبه ولقيتهم اختو ف الاكل ختيت اكلي وقعدتا وانا الهم هدا حيلي ومع الحمل بقيت روح ما فيني قعدنا ناكل واكلي نهاي ماف زول اكلو معاي الا نسيبتي💔💔💔💔 حسيت بي كسره جواي وقلبي انقطع 💔💔💔💔💔وبقيت اكل فيهَو ونسيبتي ي حليلا تشيل وتشكر فيهو ونهال وايناس اتغامزو علي قالت ليها تلقيها كابه فيهو شي زوله م واعيه لتصرفاتها نجي نحنا ناكل اكلها وطبعا الكلام دا لمن اتقال انا لمن قلبي وجعني💔💔💔💔💔 نسيبتي حست بي قامت من الاكل وحمرت لي ايناس مسكتها من يدها وقلت ليها اقعدي يمه انا الحا اقوم ومشيت شقتي وطلبتها علي وبقيت ببكي واتصلت على محمد وحكيت ليهو بيهن قال لي انتي نفسياتك تعبانه عشان كده بتشوفي الناس م عاوزنك والفترة دي اقعدي في شقتك قلت ليهو محمد انا اتصلت عشان تخفف علي تجي تصدق كلامهم انا كويسه ي محمد ورب الكعبة كويسه والمجنني بتعرفو ان شاء الله وحسبي الله ونعم الوكيل وقفلت الخط
نسيبتي جات قالت لي م تزعلي ي بتي انا سكاتك دا قاطع قلبي وقالت لي نهال عشان راجلها جاي متزايده علينا قلت ليها معمر جاي قالت لي اي قلت ليها موش معمر مشا هسي قالت لي اي جاي اسبوعين وراجع بقيت سرحانه اتزكرت نهال والحمل عرفت انها م قدرت تتخلص منو وشكلها عاوزه تنسبو لي معمر انا ف اللحظه ديك جنيت زياده لاني جبانه والخوف بظهر فيني كيف نهال تنسب طفل لي زوجها وهو م ولدو وهو ح يصدق انو الطفل دا ولدو وبقيت محتاره لو قلت اي شي ح يقولوو مجنونه وخلاص انا ف نظرهم بقيت كده وبقيت اتعوذ من الحاصل لاني الحاجه دي كنت بشوفها ف الأفلام وبس
بعد ايام معمر جا وانا م عارفه لمن كلمتني نسيبتي وطالعه من شقتي لاقيتو ف وشي سلام الله م اداني ليهو وهنا عرفت انو نهال ملتو مني وهي مرتو ح يصدقها معقوله اصدقني انا الما بتربطني بيهو علاقه ويكذب مرتو اكيد لا قلت يا رب تصبرني ونزلت بي وراهو وقعدت ف الصاله مع نسيبتي وجات مواعيد الفطور ونهال جات وشكلها بتطبخ هي انا طوالي قومت نسييبتي حلفت علي اقعد افطر وانا نسيبتي م مقصره معاي ومن فات راجلي حارساني معقوله اعاملها زي الناس مستحيل عندها مكانه خاصه جواي وبتعبرها امي عكس نهال بتمثل قدامها بس مشيت شقتي ووجبت اكلي وجيت وم دخلت يدي في اكلها بقيت اكل في اكلي ونسيبتي تاكل معاي وعشانا هي مستعده كنت اقع البحر ومعمر زاتو زي مرتو استاهل اي شي بحصل ليهو اتغامزو على وانا قلبي انقطع من تصرفاتهم بس كل نظره انظروها لي بلقا نظره حنيه من نسيبتي بتتقلني بيها♥️♥️♥️😍
مرا اسبوع ويوم قاعدين بناكل ونهال بقت تعمل في حركات بطني طامه وراسي لافي مثلت تمثيليه ياخ الشيطان زاتو بكون دقا ليها تعظيم سلام وانا بقيت اعاين وساكته ومعمر ماسكها من يدها وبقول ليها شكلك حامل حبيبتي ومبسوط وطاير من الفرحه وطلعو التلاته مشو الدكتور وجو لقوني اشرب ف القهوه مع نسيبتي ومعمر جا طاير من الفرحه قال لي امو خلاص ي امي ح ابقا اب قريب نهال حامل ونسيبتي ي حليلا قامت باركت ليها وانا من حتتي م قومتا لاني الوحيده العارفه الحقيقه وبقيت سرحانه معقوله خلاص نهال عملتا في معمر ومعمر عمل شنو ي ربي ف دنيتو عشان انسبو ليهو ابن زنا ولمن بقيت ارجف نهال قالت لي ايناس معقوله حاقده للدرجه دي م بتباركي لي وهي قاصداني بالكلام ايناس قالت ليهو عمرو الحسد م بقدم زول عشان كده الله مرضك نسيبتي قالت لي ايناس ي بت دا كلام شنو قلت ليها خليها ي امي عافيه ليها تقول الفي قلبها كلو انا م بزعل منها بس بزعل عليها لأنها بتلقط ف الذنوب والخطايا قعدت تضحك باستهتار قالت لي خليني محتاجه ذنوب هسي الحقد والحسد م ذنوب قلت ليها ذنوب بس الحقدك وحسدك منو قالت لي ما انا حاقده نهال من عرسوها وجنيتي بسبب الغيره قلت ليها منو انا دي قالت لي انتي معمر قال ليها ايناس اسكتي خليها نحنا الله معانا قلت ليهو بالظبط كده انتو الله معاكم وربنا بديكم علي حسب نيتكم وهدي م شاء الله نيتكم ظهرت ومرتك حملت منك ومبروك ي نهال و اربا في عزك ي معمر .....