رواية زواج قاصره
الفصل الرابع4
بقلم نوسه حمد
سالم جا البيت واقتنع بي كلام حبوبتي وقال لي عارفه ي ميعاد انا بحبك ولو كان زول اتزوجك غيري كان انا موتا قلت ليهو بس انا م بحبك لانك بتكورك فيني واحميتني العب مع بنات فريقنا وكل يوم هن اجن احكن لي بي لعبن واخلني ابكي سالم قال لي ميعاد انتي مفترض تشيلي فكره اللعب من راسك وتنشغلي بالحنه والدخان وبي انا ولا انتي م عاوزه تسمعي كلامي قلت ليهو لا لا انا بس دايره العب وقعدتا ابكي وسالم رده فعلو كانت عكس الاتعودت عليها قال لي طيب ي ميعاد ممكن تسكتي وانا بلعب معاك م معقوله انتي كل م اقول حاجه تبكي فيني قلت ليهو قول والله بتلعب معاي قال والله العب معاك بس ع شرط م تمشي تقولي لي اي زول سالم لعب معاي عشان انا راجل وشينه الناس اقولو العب مع مرتو انا بي كل فرحه قلت ليهو لا لا م بكلم ولا زول بس انت م تدقني قال لي لا انا تاني م داير ادقك ولا بكورك فيك وانتي تبطلي تبكي لانو انا بكاك بعذبني قلت ليهو سمح قشيت دموعي وسقتو من يدو قلت ليهو ارح نلعب قال لي دقيقه نلعب وين قلت ليهو تحت شجرتنا قال لي لا لا نلعب هنا مالو قلت ليهو هنا الاوضه ضيقه قال لي انتي دايره تجري ولا شنو قلت ليهو لا لا نلعب دسوسيه والبلقا التاني هو الفايز وسالم بقا ماسك نفسو بالعافيه وبقا العب معاي لمن انا فترتا قلت ليهو دايره انوم قال لي الحمد لله ارح انومك في حضني ونومتا في حضنو سالم حنين شديد وصحيت مبسوطه وسالم زاتو مبسوط انو حقق لي البتمناهو وما حرمني من حاجه قال لي يلا اسمعي كلامي وانا كل يوم بلعب معاك لمن اسافر قلت ليهو لا لا م تسافر تخليني سالم قعد اضحك قال لي يعني عاوزاني قلت ليهو تاني ماف زول بلعب معاي امي بتطرد صحباتي وبتقول ليهم ميعاد عرسوها وبقت كبيره وم دايره تفهم انا م كبيره ودايره العب انت وحدك الفهمتني ولعبت معاي وانا فرحانه وبستو في جبينو سالم عاين لي قال لي ميعاد انا عاوزك تحبيني م تحسسيني انو انا زي ابوك لانو انا م ابوك قلت ليهو لا لا انت م زي ابوي انت راجلي امي قالت لي كده قال لي اسمعيني حبيبتي م تشتغلي بكلام اي زول وم تقولي لي امي قالت لي ولا خالتي قالت لي ولو خالده تاني جات تتكلم معاك قولي ليها انا بعلمني سالم قلت ليهو خلاص بسمع كلامك وكنت مبسوطه لاني حسيت بي حنيه سالم وحسيت انو م عاوز يخسرني وح يستحملني قال لي طيب ي ميعاد انا بأجل سفري شويه لغايه م انتي تزهجي مني قلت ليهو انا م بزهج منك الا انت تكورك فيني قعد اضحك قال لي لا تاني ماف كوراك العاوزاهو بعملو ليك وانتي بت شاطره تسمعي كلامي وم تكذبي علي قلت ليهو سمح سالم بتكلم معاي كده جاهَو تلفون وطلع اتكلم بره وانا جيت وراهو مسكيتو من يدو قلت ليهو ماشه معاك م تفوت سالم قال لي ميعاد حبيبتي ارجعي انا بجيك هسي قلت ليهو لا لا يا سالم بتغش علي انا م برجع بس ارجع معاي شكلو كان بتكلم مع صاحبو قال ليهو شكلو مرتك مدلعها وبتحبك شديد انا بسمع فيهو قال ليهو انت م عارف حاجه انا زوجتي قاصره ولسه حركاتها طفوليه والحمد لله قسمتي كانت كده وانا الغلطان صاحبو قال ليهو بالغت ي سالم كده غلط منك البت م قدرك قال ليهو الزواج كان غلطه بس انا بكمل معاها المشوار ومجبور بنتظرها لمن توعا صاحبو قعد اضحك قال ليهوشكلها البت سمحه انا عارف زوقك ف الحريم سالم قعد اضحك وانا اصلا كلامن م ركزتا معاهو شديد لانو م حسيت بي فضول
سالم قفل الخط وقال لي ارح ي ميعاد بس ممكن حبيبتي تسمعي كلامي ولمن اكون بتكلم ما تتكلمي عشان انا اصحابي ديل اسئلتهم كتيره قلت ليهو سمح بس انا م قصدي خوفتك تطلع وامي تجي تنهرني قال لي يلا امك تاني بمنعها تتكلم معاك وانا رضيان بيك كده م تتعلمي بعلمك انا بس انتي تسمعي الكلام قلت ليهو والله اي شي اسمع كلامك فيهو ومن الغرفه م بطلع لو م كلمتك سالم قعد اضحك قال لي انتي فالحه وانا عارف وبحبك ي ميعاد قلت ليهو انا زاتي بحبك قال لي انا عارفك انتي لسه م فاهمه الحب بس انا متشوق من اللحظه الحا تجي وتحسي فيها انك بتحبيني واكون اول راجل يدخل قلبك قلت ليهو سمح وكلامو م فهمتو
امي جات وبقت تكورك فيني قالت لي تقومي تساعديني في شغله البيت ولا تنومي للمغرب قلت ليها سمح ي امي جايه سالم جا طالع قال ليها ممكن براحه علي البت دي وانا رضيان متي م تقوم تجي تساعدك تجيك
ميعاد دي صغيره الغصب والقوه م بتنفع ساعديني بتعاملك السمح معاها وانتي زاتك امها مفترض م اشحدك علي الحنيه ليها وانا اجلت السفر منتظر المدرسه تفتح واسجل لي ميعاد عشان ترجع قرايتها لانو االعلم اهم شي امي قالت ليهو لا لا مافي قرايه بعد كده تشوف بيتها وولادتها ع وين سالم قال ليها دي مرتي وي ريت م تعارضيني وانا حر فيها امي سكت وبقت تعاين لي قالت لي الحقيني ف المطبخ النعمل الاكل ليكم انا جيت وقفت جنب سالم وكان زهجان من امي شديد قلت ليهو سالم م تسافر تخليني انا عاوزاك انت لانك انت عاوز ترجعني للمدرسه وانا كان نفسي ارجع واقرا بس امي لمن اقول ليها بتكورك فيني وبتدقني سالم قال لي امك م عندها فيك شغله وان شاء الله تكملي قرايتك وانتي بت شاطره انا سالت استاده تهاني و زعلانه من حركه امك انها طلعتك من المدرسه قلت ليهو انا بريد استاذه تهاني لانها عاوزاني اتعلم قال لي ان شاء الله حبيبتي جيت بوستو في خدو قعد اضحك قال لي انا مستمتع بي كل لحظه طفوليه انتي تمري بيها ووعد ي ميعاد انا م اقسي عليك واكون جنبك ومعاك لمن نموت قلت ليهو اموت انا اول عشان لو موتا قبليني بتخليني براي قال لي بعد الشر عليك ان شاء الله نحنا سوا وتعالي بعد كده استحمي وصلي وامشي جهزي الاكل ولو في شي غلبك وم تتعبي سمح قلت ليهو سمح
عديت احلي ايام مع سالم وانشغلت بي سالم ونسيت اللعب وكل مره سالم بقول لي ارح نلعب بقول ليهو لا لا انا كبرتا واقعد اضحك علي واقول لي انا منتظر لحظت انك تكبري وتحتاجيني كاحبيب وزوج قلت ليهو انا بس لو انت بعدتا مني بموت قال لي انا سفري قرب ي ميعاد بس برسل ليك قلت ليهو تخليني براي كيف ي سالم انا صغيره ماف زول بهتم بي سالم قال لي انا معاك بالتلفون وم بطول برسل ليك وبمناسبه التلفون انا جبتا ليك تلفون واشتريت ليك شرحه بشغل ليك فيهو الواتس وابقي علي روحك عشره قلت ليهو سمح
يوم سفر سالم انا بكيت وفرجتا الحله كلها وقدر م الناس تسكت فيني اتزكر سالم وح يخليني براي اقعد ابكي ودموعي عشره عشره وسالم زاتو بقا م قادر اعاين لي قدر م حاول اسكتني انا ابيت اسكت