رواية ابني ولكن
الفصل الرابع4
بقلم نوسه حمد
كلام معمر قطع قلبي قلت سبحان الله لمن الزول اعمي من الحقيقه ابقا م عليهو لوم في اي كلمه تطلع منو ومشيت منهم شقتي
لقيت محمد متصل علي كنت مشتاقه ليهَو شديد وحسيتو متغير مني بس م عارفاهو مالو بتكلم معاي بدون نفس زي المجبور علي قلت ليهو محمد مالك قال لي ماف شي قلت ليهو محمد م تدس علي قول لي كل شي في قلبك بس م اجي يوم وتدس مني وتتغير علي وتكسر قلبي قال لي انا مشغول برجع ليك يا منه قلت ليهو بقيت منه ي محمد قال لي منه اي ولا دا م اسمك قلت ليهو لا لا معليش اسمي منه بس م متعوده تناديني بي منه بس معليش وقفلت الخط وبقيت ابكي محمد اكيدد في شي خلاهو اتغير مني وليه انظلم بسبب نهال ونهال عايشه حياتها وهي الكذابه وانا بس كنت غبيه دسيت الحقيقه بس الحقيقه شينه م بتتقال وانا خجلت عليها
انتظرت معمر لمن طلع مشيت لي نهال دقيت عليها الباب قلت ليها نهال الكلام دا غلط منك عارفه شنو انك تنسبي طفل لي معمر وهو م ولدو يعني انتي ح تربي ولد زنا وسط اولاد معمر والكلام دا عواقبو كتيره قالت لي هوي ي منه جني بعيد مني انا م ناقصه مواعظك قلت ليها انا م مجنونه انا انصح منك مجنونه انتي الحامل بالحرام وعاوزه تنسبي الطفل لي راجلك بس الدنيا دي ح توريك ي نهال وانا ح اخليك لي الله وهو قادر اشيل اي دمعه نزلت مني بسبب خوفي قالت لي منه شيليني من راسك وعيشي حياتك عشان م اخربا ليك قعدت اضحك قلت ليها انتي بتخربيها والله وانا م خايفه منك اخربيها بس ساعتها بقلب الطربيزه عليك ي حلوه قالت لي وانا بقلبك تحت الطربيزه ومعمر جا داخل بقت تتبكا ليهو وقالت ليهو منه اعتدت علي وعاوزه تكتل الفي بطني قلت ليها انتي مجنونه والله قالت لي مجنون البودو فيهو للشيوخ قلت ليها والله انا اشد منك وانتي عارفه سببي م تمثلي فيها وهي بقت خايفه وتتبكا وتتدلع في معمر معمرقال لي منه اياك تقربي من مرتي وولدي المره الجايه انا بمد يدي عليك قلت ليهو تبقا م راجل ي معمر انا م المرا البدقوها وعندك المحتاجات دق بس التمثيل عاميك من الحقيقه وطلعت معمر قال لي لا والله كده كتير وانا ولدي عندي اهم منك ومن محمد اخوي ويا انا ي انتو ف البيت دا واتصل ع محمد وانا مشيت نسيبتي قالت لي منه مالك سجمي معمر قال لي امو ماف زول غيرك طلعا لينا في راسنا واحده مجنونه خلوها تتلما علي اهلا وبقا اكورك ويجوط امو تسكت فيهو خجلت شديد مني وانا مشيت شقتي وبقيت ابكي وقلبي مقطوع محمد اتصل علي قال لي منه جهزي شنطتك عشان احمد اخوي يوديك بيتكم قلت ليهو ليه ي محمد انا عملت ليك شنو وقصرت منك في شنو ي محمد م تظلمني والظلم ظلمات وهسي اقول لي أهلي شنو ي محمد وغير كده ناسي طفلك الفي بطني وعندي مقابله مع الدكتور اعمل حساب لي الف بطني خليهو حبنا دا ولدك ي محمد 💔💔محمد قال لي طيب ليه ي منه م عملتي حساب لي اطفال الناس ولا الفرق شنَو 😭 الكلام امش واجي في خشمي كان نفسي اقول ليهو لانو داك ود حرام بس قلت ح يقول انا مجنونه فعلا
قلت ليهو معني كلامك انك محرش علي صاح سكت م ردا علي قلت ليهو املَو راسك علي وانت تجي تشاكلني برا سبب ومن غير م ترجع لي وتتغير مني ي محمد ياها دي الحياة الوعدتني بيها ياهو دا الحب قال لي انتي السبب قلت ليهو السبب كيف قال لي مره مجنونه ومره نصيحه قلت ليهو سؤال شفتني مجنونه بي عينك قال لي لا قلت ليهو علاقتي معاك والخطوبه وحدي م اتزوجنا وسافرت
شفت مني تصرف بدل ع اني مجنونه قال لي لا بس انتي اتغيرتي من شفتي نهال والغيره بتعمل اكتر من كده قعدت اضحك قلت ليهو نهال من صلاتا ولا من التزامها ولا من دينها عشان انا اغير منها وانا لمن اجي اغير بغير من واحده فايتاني ف الالتزام والدين بس م بغير من مرا م عندها علاقه بي ربنا وظالمه واستغفر الله وسكت م تابعت كلامي قلت ليهو ماف شي بخليني اغير من شكل واحده ولا لون واحده ولا شي وهي م احلي ولا احسن علي عشان انا اغير منها
محمد قال لي منه احسن تقعدي مع اهلك وم تجي الا لمن انا اجي قلت ليهو محمد انا اقول لي اهلي شنو هسي شينه في حقي ي محمد قال لي بكلمهم انا اودوك لي شيخ زاتو قلت ليهو شوف ي محمد شيخ ودجل وكلام فاضي انا استحملتو عشان م احرج امك لانو جاهله للشيوخ وتصرفاتهم بس انت متعلم ماف سبب واحد بخليك تقول لي اهلي ودوها لي شيخ وتصغر نفسك قدامهم وتمسح تعليمك بي البتقول فيهو دا قاطعني قال لي ديل أولياء الله الصالحين قلت ليهو وفي منهم الدجالين زي الودتني ليهو امك دا وانا افضل لي اجن ولا اجنني شيخ وخليني كده واحسن امش بي كرامتي ي محمد والله المستعان وقفلت الخط جهزتا شنطتي نسيبتي قالت لي كر علي ي منه م نفسي تفوتي بس محمد ولدي كلمتو واحده قلت ليها ح تفرقي معاي يمه بس تعالي لي الولاده لاني قربت خلاص شهرين بالكتير قالت لي ان شاء الله
وسافرت مشيت اهلي اول سؤال قالو لي مالك م اكون في شي كذبت عليهم قلت ليهم ماف شي بس اشتقت ليكم
ومرت الشهور وولدت وجبتا لي ولد وسميتو فارس نسيبتي جات قعدت معاي اسبوع وم قصرت معاي
ومحمد عمل لي سمايه م حصلت وم قصر مني ولا من ولدو
محمد قال لي بعد الاربعين انا بجي ان شاء الله اتجهزي واتجهزت ورجعت منه الزمان واحلي واجتهدت شديد عشان محمد جاي وتمتيت الاربعين ومحمد جا وساقنا وكان فرحان بي ولدو شديد
وجيت بيتي واتجنبت نهال نهاي كان نفسي اعيش لحظات حلوه مع زوجي بس هي وايناس شواطين كل يوم اعملن لي موضوع وانوم محروقه وممغوسه بس الحمد لله
ومرت الايام والشهور ونهال ولدت جابت ليها ولد ومعمر زوجها جا من السعودية وكان طاير من الفرحه والولد نهاي م بشبهو ولا بشبها هي واي زول يشوفو بقول ليها م بشبهكم وانا كنت بضحك عشان الوحيده العارفه الحقيقه وهي كانت ممغوسه مني قلت ليها اول علامات ابن الحرام انو جا م بشبه ابوهو ولي حكمه انتي امو بس جا م بشبهك بشبه ابوهو شكلو النحنا م عارفنو منو قالت لي منه م ناقصاك انا قلت ليها ولا انا ناقصاك هسي ي نهال احساسك شنو تكتبي ولد لي معمر وهو م وابوهو واحساسك شنو وهو بجهز للسمايه وقاطع قلبو في ولد م ولدو ولا خليهو دا كلو احساسك شنو لمن اجي اسلم عليهو ويبوسو ويلعبو وهو م ابوهو قلبك م بنقطع عليك الله وهو م عارف الحقيقه..