رواية زواج قاصره
الفصل الخامس5
بقلم نوسه حمد
بديت اتعلق بي سالم بس م كنت فاهمه الشعور العندي شنو ويوم سفرو قلبت البيت والحله بالبكاء وسالم كان متاثر شديد وانا كنت خايفه من حاجات كتيره اولهم امي ح ترجع تعاملني ع اني مره وست بيت والمفروض اعمل واعمل من غير رحمه سالم اداني تلفون قال لي نزلت ليك فيهو العاب كتيره كل م تزهجي العبي بيهَن وانا لمن اصل بعمل الخدمه كل م تحسي نفسك زهجانه مسكلي لي وانا برجع ليك وقال لي عملت ليك واتساب بس م ترسلي لي زول اي رساله حتي لو كانت بت قلت ليهو سمح وودعني وفات وانا بقيت م فاهمه شي كل م اتزكر كلامو وضحكتو ابكي امي زهجت مني قالت لي والله تاني تبكي الا ادقك كشفتي حالي الناس بقو ما عندهم سيره غير ميعاد تبكي عشان راجلها سافر وعجبها العرس مالك ي بتي جبتي لي الكلام قلت ليها سالم هو فاهمني بس انتي م عاوزه تفهميني وبتشاكليني عشان كده انا بس دايره سالم وم دايراكم انتو ابوي جا داخل قال لي ميعاد ي بتي كفاك قطعتي قلبي سالم وضعو م بسمح ليهو يقعد وهو شغال وان شاء الله بجي وم تبكي تاني وقبل على امي قال ليها جننتي البت م كفايه انك عرستي ليها وهي صغيره وانا خلاص بطني طمت منك امي قالت ليهو دا ود اخوك كان تقول ليهو بتي صغيره قال ليها ولد اخوي انتي الاديتيهو كلمه قبل يكلمني وانتي لمتين تتامري فينا وانا لو م اولادي ديل م بعيش معاك امي بقت تكورك في ابوي وقالت ليهو طلقني انا قعدتا ابكي حتي هم سكتو مشيت غرفتي وابيت الاكل والشراب وبقيت منتظره مكالمه من سالم وشايله التلفون م عاينت لي اي لعبه فيهو بس همي سالم وفجاه سالم اتصل علي ولقاني ابكي بقا اقول لي ميعاد حبيبتي عشان خاطري م تبكي انا جنبك قلت ليهو سالم انت بتطلقني سالم قعد اضحك قال لي ميعاد انا لو داير اطلقك كان طلقتك من اول يوم بس انتي بقيتي كل دنيتي وعقلك الطفولي هو الخلاني اتمسك بيك اكتر ووعد تكوني كل دنيتي وتكبري علي يدي وتكوني ام اولادي قال لي بس القال ليك الطلاق منو ي ميعاد م تسمعي كلام الناس قلت ليهو ابوي قال لي امي كده قال ليها بطلقك وخوفت انت زاتك تطلقني سالم قال لي حبيبتي عيب الكلام دا والطلاق حاجه م ساهله وكيف امك وابوك ازكروهو قدامك وحكيت ليهو الكلام كلَو قال لي حبيبتي انا م عندي مشكله اني استمع لي حكاويك بس يلا الكلام دا اسرار زوجيه مفترض م تطلع من البيت حتي لو لي انا كلام امك وابوك لو سمعتيهو تنسيهو وم تحكيهو لي اي زول ولا لي صاحباتك عشان الناس بضحكو عليكم وبتونسو بيكم هسي بعدين انا وانتي لو اتشاكلنا م تكلمي زول تموتي بالشكله براك والزوج والزوجه المشكله بيناتهم م بتطول بس انتي لو مشيتي حكيتي بيها بتكبر والناس بحرشوك علي وبتكرهيني تاني وبخربو بيتك ولو عندنا اولاد بعدين م نتناقش قدامهم عشان م تجيهم نفسيات ويكرهو الحياه ع قدر م نقدر نمسك نفسنا قدامهم لمن ندخل غرفتنا ان شاء الله ادقك وتدقيني كلمه واحده مني بتنسي الزعل وانتي حنينه م ح تمسكي في قلبك مني قلت ليهو اي والله انا بسمع كلامك ولا بنتشكل عشان بعدين اولادنا يخافو زي كده قال بس فالحه حبيبتي وانتي دنيتي انا بشيلك في عيوني قلت ليهو سالم انت م راجلي انت ابوي سالم انخلع قال لي ميعاد كيف الكلام دا قلت ليهو عشان انت بتتكلم معاي بهدؤ زي ابوي قال لي يلا ابوك براهو وانا براي سمح قلت ليهو سمح حبيبي قال لي الله كلمه حبيبي منك عسل قلت ليهو تاني بقولا ليك طوالي