رواية انا وهو
الفصل الرابع4
بقلم ساره محمد
خالد مشا يجيب امو من المطار وعبير كانت ف غرفتها متوتره من الحصل وهل هو طبيعي انو يحصل هو قال انو متزوجها لكن م حاسه اتجاهو بشي وكانت بتفكر بقت ف غرفتها الاجا خالد ودق ليها الباب
خالد: عبير انتي صاحيه
عبيرفتحت الباب
خالد: انتي كويسه
عبير: كويسه
خالد: عبير تعالي سلمي علي امي
طلعت معاو وسلمت علي امو وبقت تتونس معاها وم بتعاين لخالد
امنه : بابتي بقيتي كيف والله قلقت عليك
عبير: كويسه يا خالتي
امنه: م تقولي خالتي قولي لي امي
عبير: حاضر با امي
خالد : انا مارق عندي شغل بقضي وبجي
خالد مرق وعبير وأم خالد بقو يتونسو
عبير: يا أمي انتي بتعرفي اهلي صاح
امنه : اي والله امك الله يرحمها كانت صحبتي وابو خالد وابوك عندهم شراكه ف الشغل
عبير: طيب وخالد اتعرف علي وين
امنه : خالد عايش ف دبي ليو ٦ سنه وابوهو هو الاختارك ليه
عبير: وخالد كان موافق
امنه : اي هو م بعترض علي كلام ابوهو
عبير وأمنه بقو يتونسو للعصر وعبير ارتاحت ليها لانها حست انها قاعده مع امها خالد جا من الشغل
خالد: السلام عليكم شكلكم اتونستو كتير
امنه: اي والله مرتك شكلها فاقده الونسه وانا عارفاك انت م بتتونس
خالد: والله يا أمي انتي ظالماني انا يا عبير امبارح مش ونستك
عبير: اي لكن م زي امي
خالد: شكلكم حاتتفقو علي انا ماشي اغير ملابسي
خالد مشا يغير ملابسو وعبير مشت تجهز الغدا ام خالد استغربت لي كل واحد بنوم ف غرفه
امنه: انتي يا عبير م بتنومو في غرفه واحده
عبير: اي يا أمي
امنه: ولي يا بتي ف حاجه
عبير: م عارفه يا أمي من جيت من المستشفي وانا بنوم ف غرفه براي خالد قال لي عشان اخد راحتي
ختو الغدا وبقو ياكلو وخالد يتونس مع امو وعبير تعاين ليهم وتضحك لأنها اكتشفت انو خالد ظريف
انتهو من الغدا وخالد سوا القهوه لانو متعود قهوتو بسويها براه شربو القهوه وأم خالد
قالت تعبانه ماشه تنوم خالد دخلها غرفتها ورجع لقا عبير ف المطبخ
خالد: عبير انا اسف
عبير: م مشكله انا بس كنت خايفه
خالد: اوعدك اني م حاعمل شي بدون رضاك
عبير : طيب ممكن سؤال
خالد : اتفضلي
عبير: انا علاقتي بيك كانت قبل الحادث كيف
خالد: انا وانتي فجاءة تلفونو ضرب ومشا يرد
عبير انتهت من شغلتها ومشت غرفتها استحمت ولبست ليها رده وفنيلة مع الكمر كانت مصدعه فكت شعرها عشان الصداع يخفف
خالد كان ف الصاله بحضر ف التلفزيون امو جات
امنه: مالك صاحي لحدي اسي
خالد: ماف حاجه بس م جايني نوم
امنه: انت لي بتنوم ف غرفة براك
خالد: انا يا أمي بس عايز عبير تاخد راحتها
امنه : يا ولدي انت بعيد عنها دايرها تتذكرك كيف
خالد: بحس بيها م بتاخد راحتها
امنه: انتو علاقتكم كويسه صاح
خالد: اي كويسه
امنه : طيب من دربك ده وتمشي تنوم مع مرتك ف غرفتها
خالد: يا أمي لكن
أمنه: اسمع لا لكن ولا حاجه قوم امشي لمرتك
خالد بقي م عارف يعمل شنو وامو واقفه ليه دق الباب
عبير: ايوا
خالد: افتحي الباب
عبير لبست توب وفتحت الباب
عاوز حاجه؟؟
خالد: ممكن اخش
عبير: اتفضل
خالد دخل وقفل الباب وقعد ف السرير
خالد: عبير حاضايقك لو نمت معاك ف غرفتك؟؟
عبير: ف حاجه؟؟
خالد: أمي سألتني اسئله كتيره عن علاقتنا وانا م عرفت ارد ليها واختصرت الشغله باني اكون معاك هنا لحدي م ترجع
عبير : تمام ماف مشكله
خالدرقد ف السرير وعبير متوتره جات عايزه ترقد
خالد: طلعي توبك م تخجلي مني
عبير قلعت التوب خالد بقا يعاين ليها وبعاين ف شعرها الفاكي جات رقدت وادتو ضهرها
خالد متوتر بعد زمن حتي قدر ينوم
عبير نص اليل بقت تهلوس خالد صحي لقاها عرقانه وبتتكلم كتير
خالد: عبير عبير انتي كويسه
هبش جبهتها لقي حرارتها مرتفعه مشا جاب مويه وعمل ليها مكمدات ولسه الحال ف حالو شالها وداها الحمام قلع ليها ملابسها وقعدها ف البانيو مسافه وطلعها بظل ليها ملابسها وهي بقت تشنج لبسها عبايه ودق لامو الباب وجرو بيها المستشفي
ادوها حقنه مسكنه وركبو ليها درب
خالد: ماله يا دكتور
الدكتور: ده عادي نتيجه لضغط نفسي الهي فيه لازم ما تخلوها براها عشان م تضغط علي نفسها
عبير صحت ولقت خالد ماسك يدها ويقرا ف القرآن
خالد: انتي كويسه حاسه بشنو
عبير: مالي انا؟؟
خالد: كنتي محمومه
عبير: م متذكره شي
خالد: اششششش اهدي شويه وحانطلع البيت
بعد ساعه طلعو البيت وخالد دخلت غرفتها قلعت العبايه واكتشفت انو دي م الملابس الكانت لابساها قالت احتمال ام خالد غيرت ليها م اشتغلت بالموضوع دخلت استحمت وطلعت لقت خالد ماف
امنه: اها بقيتي احسن
عبير : احسن يا أمي خالد وين
امنه: طلع قال عندو شغل والله شكلو تعبان قلت ليو م تمشي لكن راسو حجر
عبير: اي شكلو ف المستشفي كان مرهق
امنه : اي اليل كلو م نام عمل ليك مكمدات وشكلو حماك لانو جيت لقيتكم ف الحمام قال لي عشان الحمه تنزل
عبير: شنو كيف يعني م انتي البدلتي لي ملابسي
امنه: لالا انا جيت لقيتو لبسك عبايه وطلعنا طوالي
عبير وووواي يعني خالد لالا مستحيل
امنه: سرحانه وين
عبير : ولا شي يا أمي اساعدك ف حاجه
امنه: انا انتهيت بس سوي لي قهوه
عبير سوت والقهوه وقعدو يتونسو خالد جا داخل عبير من شافتو دنقرت راسها
خالد: امممم خيا نات وكده كان تنتظروني
امنه: ههههههه قايلنك بتتاخر قومي يا عبير كبي ليو قهوه
عبير مشت المطبخ وكانت متوتره كبت ليو القهوه وجابته ليو
خالد: تسلمي
عبير : انا ماشه غرفتي ارتاح شويه
عبير دخلت غرفتها وبقت قاعده ق السرير شويه كده وخالد جا
خالد: انتي كويسه وشك شكلو تعبان لسه
عبير: كويسه الحمدلله
خالد: ومالك بتتهربي م بتعايني لي ف عيوني
عبير : انا بس ماف حاجه
خالد.: عبير التوتر م كويس عشانك وريني مالك
عبير: انا قايله أمي امبارح بدلت لي ملابسي لكن هي قالت لي انت العملت كده
خالد مسك يدها عبير انا اسف لكن كان لازم اعمل كده عشان كنتي محمومه وم تخافي غمضت عيوني
عبير: انا بس
خالد: اششششششششش م تقلقي طيب يلا قومي ارح نتغدا