رواية ابني ولكن
الفصل الخامس5
بقلم نوسه حمد
نهال قالت لي منه احسن تسكتي مني وبعدين منو القال ليك انو دا م ولد معمر قلت ليها لو معمر غبي وصدق انك حملتي ف اسبوع انا م غبيه وبعدين معمر جا فجأه عشان تقولي حملتي منو قلت ليها انا م قدرت اتكلم عشان الكلام دا م بتصدق وانتي عامله فيها الشريف الرضي ودا كلَو م مهم ان شاء الله ي نهال بس توبتي وم تغلطي تاني وتشيلي معمر الليله قالت لي م تدخلي في حياتي ويلا من غير مطروده قلت ليها مالي الشرف زاتو اجيك وانا جيت اعمل الواجب وازكرك اني انا م نسيت عملتك وسلام عليكم شلت ولدي وطلعت
مشيت بيتنا وقلت احكي لمحمد بس خايفه من رده فعلو بس لازم احكي ليهو ان شاء الله اقول جنيت
محمد جا عملت ليهو اكل ونومتا ولدي وجيت قلت ليهو محمد انا عندي موضوع عاوزه احكيهو ليك قال لي ان شاء الله خير قلت ليهو والله م خير محمد انخلع قال لي مالك ي منه وولدي مالو قلت ليهو نحنا كويسين ي محمد بس في موضوع انا ساكته عليهو شهور وهسي قلبي وجعني لمعمر قال لي معمر مالو قلت ليهو م معمر نهال قال لي مالا قلت ليهو الولد دا م ولد معمر محمد قعد اضحك قال لي منه انتي م جاده ولا بتهظري ولا تاني الحاله جاتك قلت ليهو حاله شنو ي محمد انا بتكلم معاك جاااده وبعدين الحاله البتتكلم عنها دي سببها نهال انا لقيتا عيانه ووديتا الدكتور وطلعت حامل وقالت لي الدكتور الا تكتب لي حبوب اجهاض والدكتور كورك فينا وانفضحنا في المستشفى ولمن طلعنا قالت لي م عندك فيني شغله ولمن مشيت البيت من الخلعه ي محمد جاتني حمي من السما وامك جات لقتني ارجف منها وساقتني المستشفى الجنبنا الوديت ليها نهال الصباح والدكتور شاكلها وانا خوفتا ادخل ونلقا الدكتور واقول الحاصل قدام امك ونهال تنفضح عشان كده اتجننت وامك ودتني للشيخ والشيخ دجال ي محمد واهلك وصفوني بالجنون ونهال لقتها فرصه وضارت عملتها نهال اتصلت لمعمر وجابتو السودان وف اسبوع قالت حامل ومشيت شاكلتها عشان م صح تنسب الطفل لمعمر معمر م عندو ذنب وكوركت فيني ومعمر طردني وانت وديتني بيتنا محمد قال لي منه الكلام دا لو ما صاح بعتبر قذف وح نتعاقب عليهو حتي لو انا اخو معمر ممكن يشتكيني ف المحكمه قلت ليهو انا م قلت ليك الكلام عشان تحكي لمعمر خليهو معمر عشان فعلا الوضع دا حساس بس انا الكلام دا غلبني اسكت اكتر من كده محمد قال لي وهسي كانك م قلتي شي قلت ليهو بس نسكت لمتين قال لي والله انا هسي شطبتي راسي وغالبني البقولو غير حسبي الله ونعم الوكيل في نهال وليه تعمل كده ومعمر معقوله م حاسي بي شي قلت ليهو هي مسيطره وماسكاهو قوي م بشوف غلطتها قال لي انا بصدقك ي منه عارفه ليه لانو نهال اتصلت علي ونبزتك لي وقالت لي انك مجنونه وانك م نصيحه وعدت فتره كده ماسكه لي طلقها وبعرس ليك صحبتي دكتوره وعندها صحبتها كده رسلت لي صورها والبت بقت لي ف رقبتي لا بتخليني انوم لا اشتغل وبي اي فهم عاوزني اطلقك واعرسها هي لغايه م استخرت ولقيت البت دي م بتلزمني حظرتها وحظرت نهال حتي قدرت اعيش مبسوط انا بقيت مخلوعه قلت ليهو معقوله ي محمد تهدم حبنا وتصدق كلام نهال وبي ياتو صفه تخطب ليك اختك ولا امك قال لي المشكله اختي معاها ولو م رديت علي نهال بتتصل علي ايناس وم حصل شكرنك لي قعدت اضحك قلت ليهو انا هن كلامن م بهمني بس ي خساره حبي واخلاصي ليك ي محمد😭😭 اتغيرت مني بسبب كلامهن💔💔 والله سقطت من نظري وم اتوقعت منك تكون بتمشي ورا كلام مرا قال لي والله غصبا عني وانا صدقت كلام جنك دا لانو امي كانت معاك لمن ودتك الشيخ قلت ليهو انا امثل عشان م افضحها بس انا غبيه ي ريتني م مثلت ويا ريتني خليتا انفضحت ومعمر طلقها😭😭😭 انا م ح اسامح نفسي لاني سكت علي الكلام دا
محمد قال لي منه انا كلامك دا كاني م سمعتو لانو دي سكه طويله واعفي لي وتعالي نعيش حياه حلوه انا وانتي وولدي دا ومالنا ومالن رغم انو اخوي بس كانو عاوزين يخربو بيتي انا ويحرموني منك ي منه قلت ليهو انا كمان ح انسا الموضوع دا واحسن لي امسك بيتي وخشمي واولادي علي مدام انت رضيان مني ونسيبتي م مقصره مني قال لي بس ليك بي نفسك وولدك وامي وانا وربنا يحفظك لي ي منه ويبعد مننا العوازل بس انا اتعلمت درس تاني م ح اصدق اي شي الا اشوف بي عيني انا لو مشيت وراهم كان طلقتك وكان عرست البت دي وح تكون زيها وزي نهال بس الحمد لله ربنا شافني منها
محمد قعد معاي شهرين وكانت احلي ايام في حياتي وطبعا حملت في ولدي صغير وتعبت شديد بس الحمد لله نسيبتي كانت معاي وبقيت م بنزل تحت ليهم لانو نهال ماسكه البيت علي حسابها ونسيبتي بقت قاعده معاي واحمد اخو محمد م مقصر مني ولا من ولدي وحياتي ماشه للاحسن ومستقره مع زوجي ومرت الايام والشهور وجبتا لي بنوته سميتا شهد محمد وكانت قطعه من محمد وولدي كبر شويه وتعبت شديد معاهم بس م كان وراي غيرهم