رواية زهرة البنفسج
الفصل الرابع4
بقلم لبني طارق
سبحان الله وبحمده وسبحان الله العظيم
لا حول ولا قوة إلا بالله العلى العظيم
أعوذ بكلمات الله التامات من شر ما خلق
أستغفر الله الذى لا إله إلا هو الحى القيوم وأتوب إليه
💗💗💗💗💗💙💙💙💙💚💚💚💚💚
سعاد بقلق : أمسكى يا زهره اشوف ايه الدربكه الا برا دى يابنتى وقامت بسرعه فتحت باب الشقه وشهقت وحطت ايديها على بوئها .. ابنى ماله فى ايه
اسماعيل : مفيش يا أم تامر ها يبقى بخير ان شاء الله .. وزهره واقفه تراقب الوضع من بعيد .. وبعد ما الشباب نزلت .. راحت على شقته تقدم رجل وتأخر التانيه .. خبطت وسعاد فتحت
سعاد : تعالى يا زهره وبتعيط .. شوفتى اهووو ربنا خد حقك من المدب ابنى
زهره ابتسمت غصب عنها : من ايه بس يا طنط سعاد اطمنى ان شاء الله بسيطه
سعاد : ادخلى يابنتى دا راسه مفتوحه وانا واقفه ومعايا الميه الا ها أمسح بيها وشه
زهره : طيب ادخلى وانا معايا زياد ما تقلقيش عليه
سعاد بمكر : يووواه يا زهره دا الواد وشه أصفر واسماعيل قالى اعمليلو لمون .. خدى دا وادتها الطبق وهاتى زياد وانا ها ادخل اعمله اللمون وانتى يابنتى ادخلى شوفى الجرح اصلى بخاف وسابتها ودخلت المطبخ مدتهاش فرصه ترد
زهره بتبص للحاجه الا فى ايدها بغيظ ودخلت بتدور بعنيها لقته نايم على الكنبه ووشه كله دم قربت عليه وقعدت على الترابيزه الا قدام الكنبه
تامر بيتوجع اه وبيلف وشه واتصدم او ما شافها وشاف الحاجه الا فى ايدها
زهره : ايه ما اتوقعتش تشوف واحده زيى وبتقولها بتريقه صح ومسكت المنديل وبتمسح وشه بغل
تامر : اه .. ايه ياحجه ماتجيبى شومه تضربينى بيها أحسن ثم كمان ايه الا جابك
زهره : ملت المنديل ميه على الاخر وفردته بايدها على وش تامر وبتدعك فيه اجى براحتى ولو مش عحبك عزل يا كتله من الرخامه هه وكبت الميه عليه غرقته كله وسابته وقامت بسرعه على برا
تامر اتعدل وبينفض نفسه : يابنت المجنونه . دى خولل وربنا ما طبيعيه
سعاد : خرجت ومعاها اتنين لمون وزياد بيسحف وراها .. يوه فين زهره وايه الا غرقك كدا
تامر بيضحك ضحكه مصطنعه وبيشاور على نفسه عملت الواجب وطارت والبركه فيكى يا أما . ارحمينى من أفكارك النيره .. حتى لو فكرت اتجوز مش ها تبقى دى
سعاد : قعدت جمبه وزقته بس هى توافق انت ها تعيش الدور علينا يابنى
تامر : انا بدئت أحس انها بنتك وانا ابن الجيران هو فى ايه يا أما
زياد سند بايده ووقف على الكنبه وبيمد شافيفه قووى وبيقول : بابه بابه
تامر : حبيبى يا زيزو .. ها اقوم اغير واجى اشيلك وقام اتسند لانه حاسس بدوخه وغير وطلع تانى ومامته نضفت الجرح وحطت لازقه عليه لانه مش مستاهل خياطه .. وشال زياد الا ماسك فيه مش عايز يسيبه حاطه على بطنه وبيلاعبه وهو نايم .. زيزو يا عسل ويصفر ويزغزغه
زياد : بيرفع نفسه وايده وبيقول : مامه .. مامه
تامر بانت على وشه الدهشه وقلبه اتخطف اول مره ابنه يقول ماما على طول يقول بابا تيتا .. وبعدين بص لامه هو بيقول ايه
سعاد ابتسمت : يعنى ما سمعتش زهره وهى بتقوله ماتخفش انت فى حضن ماما زهره
تامر هز راسه بوجع وضم ابنه ولف وشه ودموعه نزلت غصب عنه مش عارف على حرمان ابنه من امه والا حرمان زهره من الاطفال
********
زهره فى شقتها وبتضحك على منظر تامر والفصول الا بتعملها فيه فضلت تجهز فى شغلها عشان ما تتاخرش فى تسليمه والوقت سرقها لحد ما سميحه جت لها .. وبدئو يومهم مع بعض زى عادتهم وقبل اى حاجه سميحه راحت لسعاد واطمنت على تامر وعلى الجرح ورجعت تانى لزهره
سميحه : انتى حكايتك ايه يابت انتى كان مالك كدا بتنتقمى من الواد كانه طليقك
زهره ضحكت : اسكتى يا سميحه فعلا كل ما اشوفه كانى شايفه حسام ونزلت ضرب فيه بغل وكان نفسى اعضه بس انتى طلعتى فى الوقت المناسب
سميحه بتضحك : اه يا شريره .. دا تامر دا سكره وراجل اه لو تعرفى كان بيحب مراته وبيعملاها ازاى اه
زهره : ازاى قوليلى ماهو كلهم فى الاول دلع وهشتكه وبشتكه وعينك ماتشوف إلا النور بعد كدا
سميحه : 😂😂😂 هشتكه يابنتى لا بالعكس عمره ماقدم لمراته غير الخير قعدت سنتين ما بتخلفش معملته عمرها ما اتغيرت لحد ما ربنا كرمهم بزياد ماتت بعد ما ولدته بشهر واحد كان جسمها ضعيف جدا
زهره بزعل : الله يرحمها .. وبراخمه تلاقيه كان بياكل أكلها اسألينى انا عن العينات دى سامح بردو كان بياكل أكلى
سميحه : 😂😂😂 مش قادره يخربيت جنانك انتى فظيعه
زهره : سميحه سيبك منه بقى وكملى حكايتك كلها عارفه لو خلعتى ها احبسك هنا
سميحه سرحت بخيالها وضحكت
فلااااش بااااك
***********
خالد راجع من برا هو وسميحه بعد خروجه كلها جنون ماسك ايدها ودخلو شقتهم مع بعض وهما فى قمة السعاده .
خالد : حبيبى ها اغير وانتى كمان غيرى واطلعى نكمل كلامنا
سميحه : مازهقتش منى ومن رغى
خالد : ابدا عمرى ما ها ازهق منك انا محتاج اسمعك وانتى تسمعينى ونقرب من بعض يابنت الناس استغلينى انا على طول برا البيت
سميحه بتعمل حركه القطه بايدها وبشررر شكلى ها استغلك وها اطلع عينك
خالد بضحكته الا بتهز المكان : ولا تقدرى عليا روحى ياله .. وغيرو وطلعو قعدو قدام التلفزيون وحطو قدامهم التسالى الا خالد جابها وبياكلو مع بعض
سميحه : هو انت ليه ماقولتش لأهلك هما يرصو هدومك وحاجتك
خالد لف وبص لها وهو ضامم كتفها بايده عليه .. عشان عاوز كل لمسه فى شقتنا تخصك انتى وبس .. بشاركك حياتى بكل مافيها برغم ان شقتنا مش كبيره بس انا اعتبرتها مملكتك وانتى الوحيده الا حرة التصرف فيها
سميحه ابتسمت : كدا انا مش قدك وبتضحك عليا
خالد : انتى قدى ونص وبيشاور على نفسه نفس الطول نفس الحجم
سميحه ضحكت وضربته : يا سلام انا نفس الطول والحجم لا طبعا
خالد : شدها عليه وضمها أكتر وقرب وشه من وشها وبهمس مش ناويه تدينى افراج والا ايه وانا اقول انك عصفوره وانا التنين
سميحه : 😂😂😂 وبتبعده لا ارجوك انا قدك فى الطول والحجم خلاص سبنى بقى
خالد : بنفس الكلمه بتاعته بكرا تقولى كنتى سبيه يمسكها يافوزيه انا بحذرك
سميحه : قولتلك مش ها اقول .. وفضلو مع بعض على الكنبه لحد ما غلبهم النوم وراحو فى النوم .. وتمر الايام وخالد بيحاول مع سميحه انه يقرب ويشيل كل الحواجز الا بينهم بس سميحه رافضه الفكره او مش قادره تتقبل بسرعه انها تعيش كازوجه بمعنى الكلمه ... وظهر يوم مختلف لها بعد ما اتنقلت لحياه جديده اتنقلت لسنه جديده فى حياتها وتانى سنه لها فى الطب وكانت مختلفه لانها داخله فى ايدها جوزها الا شبه اتعودت عليه فى حياتها وقرارتها وكل حاجه .. اول ما دخلت الكليه حست إن انظار البنات كلها متوجهه لخالد وهمس كتير
سميحه : روح انت مش وصلتنى
خالد : لا طبعا انا ها ادخلك جوا وها استنى لحد ما تخلصى ونروح سوا
سميحه بتتنطط زى الاطفال : هو انا صغيره قدامك مودينى المدرسه وها تستنى لحد ماترجعنى
خالد بابتسامه ومسك شافيفها : ايوا لسا صغيره ياله قدامى .. وبجديه قدامى ودخل معاها .. واتعرف على الدكاتره ودخل لعميد الكليه وبسبب معارفه الكتيررر .. بقت سميحه بتتعامل معامله خاصه ومحدش يقدر يدايقها .. ويمر يوم ورا يوم وخالد زى ماهو مابيتغيرش ويروح شغله ويرجع لحبيبته بسرعه ويتصور ويبعت لها الصور وهو فى المطارات وقدام كل طياره بيركها بقت عايشه قصة حب ما اتخيلتش ابدا انها تعيشها بالشكل دا وكبر فى نظرها قوووى انه مش بيجبرها على حاجه ودايما يعمل الا هو عايزه بس بإرادتها هى صحيح اتجوزته غصب وعاشت حياتها تحت اسم التقاليد والظروف وفجأه دا حررها من قفص ديق بيخنق .. لدنيا واسعه كبيره بس عمره ما بيسمح لها غير بالصح مهما كانت الحريه انما لكل شئ حدود ..
سميحه : ماسكه فى رقبة خالد عشان خاطرى انهارده دول وحشونى قوووى احنا بقالنا 3شهور ماشوفتهمش غير مرتين
خالد : حاوط وسطها ورفعها عليه .. وبيضحك وبمكر طيب هاتى بوسه اى حاجه طيب
سميحه باسته من خده : كدا تمام ياله بقى
خالد : حيلك حيلك سيبك من الكروته دى وبيناغشها فى وشها وبهمس بين شافيفها .. انا عايز اكلك خلاص بعدك عنى جننى وبشوق باسها وبيضمها بحب فظيع بعد شويه ياخد نفسه .. ورجع تانى لشافيفها الا مجنناه حبيبته وحته من قلبه
سميحه بعدت عنه بالعافيه وبضعف : خالد ارجوك
خالد : ارجوكى انتى ياسمحيه هاتفضلى حاطه حواجز لأمته بينا خلاص بقينا كاين واحد وبيضمها تانى ومش قادر يسيطر على نفسه شالها بين ايديه ودخل اوضة النوم ولسا ها يبتدو حياتهم ويزيلو كل الحواجز الا بينهم .. سمعو خبط على الباب والجرس مش عايز يفصل
سميحه بتبعد وشها وبكسوف : قوم شوف مين
خالد بزهق : يعنى دا وقته ايه الرخامه دى سبيه ها يزهق ويمشى وبيضمها .. والباب زاد فى الخبط
سميحه اتعدلت : لا قوم بقى انا اعصابى اتوترت
خالد قام وهو حالف ليضرب الا على الباب ماصدق انها قربت منه . وبيفتح بعد مالبس التيشرت ولسا ها يزعق لقى حماته وحماه .. وبأبتسامه مصطنعه اهلا اهلا اتفضلو
حماه : ايه نايمين على ودانكو كنا لسا هانمشى
خالد بينه وبين نفسه : ياريتك مشيت ياراجل دا وقته 😂😂😂
حماته : عامل ايه يا خالد
خالد : الحمد لله بخير اتفضلى يا ماما اتفضل ياعمى ودخل لسميحه لاقاها لابسه وخارجه اول ما سمعت صوتهم سلمت عليهم بحب وحراره ودخلت هى وخالد المطبخ وكل ما تبص له تضحك
خالد : سميحه ماتعصبنيش اطلع اغنى لهم الجوازه باظت .. الحوازه باظت
سميحه : ضحكت أكتر وعلى ضحكها خالد قعد يضحك هو كمان .. نيتك مش تمام ياخالد
خالد : وربنا حد باصصلى فى الجوازه دى . قدامى ليفكرو فينا تفكير كدا والا كدا واحنا ياعينى غلابه
سميحه ؛ احممم ياله اتفضل وشالت الصنيه وخارجه قعدت مع مامتها وبابها واتكلمو كتير مع بعض
عادل : ايه مفيش اوضه ننام فيها
سميحه بإرتباك : فى طبعا يا بابا وبتزق خالد فى رجله
خالد: احمم. اتفضل ياعمى هنا بس استأذنك لحظه اخد حاجتى من الاوضه
عادل : تاخد حاجتك لايابنى انا مش ها انام فى اوضتكم
خالد : لا ماهى حاجتى فى اوضة الاطفال .. اصلى بنزل بدرى وبعمل دربكه وبحب ابقى براحتى فا نقلت حاجتى عشان ما ازعجش سميحه
عادل و كريمه بصو لبعض وسكتو وبعد ما سميحه وخالد شالو كل حاجه من الاوضه ودخلو اوضتهم كريمه وعادل دخلو اوضه الاطفال وقفلو على نفسهم
عادل : فى حاجه بين بنتك وبين جوزها ياكريمه
كريمه : نفس احساسى بس هانعمل ايه
عادل : تاخدى بنتك بكرا وتروح لدكتوره وتعرفى ليه مفيش حمل لحد دلوقتى
كريمه : ازاى يعنى .. مش لازم نقول لجوزها الاول
عادل : بينك وبينها لما ينزل تاخديها وتروحى انا لازم اطمن على بنتى
كريمه : ربنا يسهل
باااااك
*********
زهره : ماتكملى اتقفشتى صح
سميحه : 😂😂 دا كانت ايام مسخره وحبكت ابويا وامى يقعدو عندنا شهر وكأنهم متسلطين علينا
زهره : 😂😂 احكيلى يا سميحه بطلى رخامه عملو ايه فيكو قولى بقى
سميحه : ولا حاجه مراقبنا طول الوقت ومتاكدين ان فى حاجه بينا وعايزين يكتشفو دا لدرجة انى بقيت متوتره طول الوقت ... ها اقوم بقى انا هلكانه
زهره : ما تباتى معايا يا سميحه والا تعالى نفتح الشقتين عل بعض زى تامر وامه
سميحه :😂😂 لا يا ماما شقتى بتاعتى انا وخالد وها تفضل ليا انا وهو وبس
زهره : خلى خالد ينفعك هو الصراحه بعد ما ورتينى صوره له يتحب كدا ويدخل القلب من غير استأذان
سميحه : اتلمى انا الا احبه وبس
زهره : ما خلاص يا سميحه مكوشه على الراجل لوحدك خدى عبره منى واديه لصحبتك واهو يبقى جوز شرك بالنص
سميحه : 😂😂😂 هو فين ياختى واوعدك مش ها افرط فيه والا ها تيجى جمبه ها اقتلها واعلقها على باب الشقه عبره لمن يعتبر ..ثم كمان الا زى دى ما تقوليش عليها صحبتك قولى عليها زباله ام عين فارغه الا تبص لجوز واحده وكمان صحبتها خسئت بنت شفلعه
زهره : 😂😂 بما إننا دخلنا فى شفلعه .. ماتعرفيش حد كويس كدا يصلح عربيتى عشان بتستهبل ودا مش وقت استهبال
سميحه : هو فى احسن من تامر دا ورشته سمعت فى الجمهوريه كلها يابنتى ماشاء الله عليه اى عربيه بتدخل عنده بتخرج كانها زيرو من كله
زهره : لا يا سميحه انا عايزا اصلحها هو انا حمل زيرو والكلام دا
سميحه : الا انتى عايزاه قوليله عليه وانتى مطمنه
زهره : انتى عايزانى اروح لدا واقوله على عربيتى لا طبعا
سميحه : بطلى هبل هو مش بيتاخر عن اى حد فى الحته كلها وبيخدم الناس كلها .. انا قايمه خلاص انا فصلت .. وقامت روحت .. وكل نام
واشرقت شمس يوم جديد .. وكلهم قامو بهمه ونشاط حتى تامر وكل واحد راح على شغله اتى اخر النهار سريعا وزهره رجعت ودخلت شقتها تجيب حاجه وتنزل تانى ..
زهره : بتفتح الباب وتامر معدى من قدام الشقه بتاعتها بسلوبتة الشغل ووشه كله اسود ومشحم ومتبهدل جدااا .. اول ما شافته اتخضت وصرخت .. اعااااا
تامر وقف ولف وبص لها وبعصبيه : شوفتى عفريت قدامك
زهره طلعت من باب شقتها ووقفت قدامه .. لا ابدا ما اتوقعتش الاقى حد رخم قدامى
تامر بيجز على سنانه وبيرفع ايده وبيقرب عليها : نفسى العب فى وشك البخت يمكن اخلص من شكلك ورزلاتك .. وسابها وبيفتح شقته وداخل
زهره : خد هنا وبعصبيه انا خلصت كلامى عشان تدخل
تامر : هو فى بينى وبينك كلام من اصله
زهره بتهز راسها : ايوا من انهارده فيه عايزاك تصلح عربيتى عشان مابقدرش استغنى عنها
تامر براخه : الفيت المعفنه الا تحت دى انا وبيعلى صوته اكتر .. امد ايدى واصلحها
زهره : ايه انت يعنى ثم كمان عربيتى مش معفنه انت الا ما بتشوفش
تامر : طيب انا ما بصلحش عربيات وخصوصا لو حاجه من ناحيتك تمام
زهره : انت ايه ماعندكش دم ما بتحسش بقولك مابستغناش عنها
تامر : فى مليون غيرى
زهره بزعل : وقال بيقولو الجيران لبعضيها قال .. ها استنى ايه من راجل انا غير النداله
تامر : ياصبر ايوب عليكى بنى ادمه .. هاتى المفاتيح بتاعتها عشان اخلص من طولة لسانك
زهره بفرحه فتحت شنتطها : خد اهى المفاتيح .. ها تتكلف كام بقى
تامر بعصبيه اكتر : هو انا عارف فيها ايه عشان اعرف ها تتكلف كام
زهره : ماهو انت ماتدبسنيش انا حاليا معايا الا يدوب يمشينى بقيت الشهر
تامر : بيزقها .. طيب امشى من وشى ودخل وقفل الباب فى وشها .. وهى واقفه شايطه منه .. بعد ما قفل ابتسم ورايح على العين السحريه بيبص عليها
زهره : لاحظت انه بيبص من العين قامت عامله حركه فوجائيه بصباعها كانها عايزا تخزء عينه من العين السحريه
تامر مسك عينه .. اه ياعينى يا بنت المجنونه بتخزئى عينى يا أم غل .. ونزل ايده وكانه خد باله ان فى باب بينهم اصلا .. ايه الا بتعمله دا انت كمان .. ودخل على طول على الحمام عشان ياخد شاور ويغير هدومه وينزل ولسا ها يقلع لقى خبط ورن على الجرس طلع تانى وفتح
تامر : انتى تانى عايزا ايه
زهره بإحراج : عايزا مفتاح العربيه اصل لازم اسلم شغل حالا ونسيت خالص وبعدين وانا راجعه ها اجبهالك الورشه
تامر : هو انتى مخك معاكى عشان تفتكرى وسابها ودخل يجيب المفاتيح
زهر : بتدى بالشلوت برجليها فى الهوا كأنها عايزا تضربه .. بنى ادم قليل الذوق
تامر خرج : اتفضلى واداها المفاتيح ومدهاش اى فرصه للكلام وقفل فى وشها الباب
زهره : والله دا انت زوتها قوى وجابت الحاجه من شقتها ونزلت وهى بتستحلف له راحت سلمت شغلها وظبطته زى عاتها وكان المكان قمه فى الروعه والجمال .. وبعدين ركبت العربيه الا طلعت عينها كل شويه تعطل منها لحد ما وصلت الورشه بتاعت تامر
نزلت من العربيه ووقفت قدامه .. اتفضل المفاتيح
تامر : هاتى واتفضلى أمشى عشان الورشه كلها رجاله وعندى ناس
زهره : الله انا زيى زى الناس زبونه مش جايه اتأمل جمالك ولا خفة دمك الا تلطش
تامر بعصبيه : وربنا لو ما مشيتى من قدامى لاحبسك جوا فى الورشه لحد ما روحك تطلع فيها
زهره بتقدم عليه وحطت ايدها فى جمبها : يا سلام خوفت انا وبتتريق يا مامى
اسماعيل : فى ايه يابنى الورشه كلها بتتفرجو عليكو انتو الاتنين
تامر سابها ودخل جوا ... وزهره واقفه ها تفرقع
زهره : ايه الراجل دا انت مستحمله ازاى ياعمو
اسماعيل : هههههه اهدى يا بنتى فى حاجه مدايقكم وانا احلها
زهره : جاتو حل وسطه .. وبصت على عربيتها عايزا عربيتى تتصلح وياريت اخدها بكرا اصلى مش بستغنى عنها
اسماعيل : صعب قوى بكرا يا بنتى عندنا شغل كتير وهما شغالين فيه
زهره : حاول ارجوك ياعمو .. وابتسمت اسم الكريم ايه
اسماعيل بأبتسامه : عمك اسماعيل
زهره : عاشت الاسامى يا راجل يا طيب خد رقمى اهووو .. وحاول بكرا او بعده بالكتير
اسماعيل : عنيه حاضر ياله بقى شايفه الشباب واقفه ها تاكلك بعنيها
زهره : ماشى السلام عليكم
اسماعيل : وعليكم السلام فى رعاية الله
تامر بعصبيه : ماتشوفو شغلكم وبطلو لاكاعه بقى وخرج لأسماعيل واداله مفاتيح عربية زهره اتصل عليها خليها تيجى تاخد عربيتها مش ها اعملها