رواية زواج قاصره
الفصل السادس6
بقلم نوسه حمد
بديت اتعلم الحياه علي يدين سالم وكنت فرحانه شديد وكل يوم بمر على بكبر فيهو وعقلي بكبر واتعلمت كتير وسالم اليوم كلو اتكلم معاي وامي تكورك فيني وتقول لي الناس بتي جنت اليوم كلو تنق مع راجلها بالتلفون شغله زي الناس م بتعملها لي ابوي قال ليها خليها البت دا راجلها تتكلم معاهَو في اي وقت انتي احمدي ربك العرسا ود عمها وصبر عليها وهي لسه طفولتها م كملتها لو دا واحد تاني كان جابا لينا راجعه وشمت فيني الناس وكانت بتي بقت مطلقه زي بنات الحله البعرسوهن صغار واطلقوهن انا بقيت م بركز كتير لمن امي وابوي اكونو بتناقشو بمش منهم بتزكر كلام سالم لي انو المره والراجل بتشاكلو وبرجعو سريع
كبرت وحياتي مشت للاحسن وبقيت احس اني بحب سالم ومراهقتي كانت فيهو كنت مجنونه بيهو جن عديل الناس كلها تتكلم بي وبي تعلقي بيهو وسالم هناك اصحابو مشغلنها ليهو لانو بقا اليوم كلو معاي وما فاضي ليهم ولا لي الونسه معاهم اصحابو مرات لمن اكون اتكلم معاي بقولو لي خلي الراجل دا اتونس معانا حرمتينا منو وسالم بقعد اضحك بقول ليهم هو العاوزكم منو انا عندي ميعاد كلها بالدنيا تاني م عاوز زول في حياتي كنت مبسوطه شديد وحبوبتي طوالي بتجي تحكي لي بالحياه والناس واتعلمت منها كتير
سالم جاب لي حاجات المدرسه من السعودية وانا كنت فرحانه شديد كاني طفله وسالم هو ابوي جد اداني كل احاسيس الدنيا الحلوه وكان بقول لي ميعاد انتي امانه وانا لازم احافظ عليك
مرت الايام ونزلنا دراسه بنات حلتنا كانو بتنمرو فيني بس م اشتغلت بيهم وكنت مجتهده شديد رغم اني امي ممسكاني شغله البيت واخواني بس الحياه بتهون بي كلمه من سالم
يوم جاتنا خالده جارتنا امي كانت ماف وقعدت معاي وقالت لي اديني تلفونك النحول الواتس اديتو ليها علي حسب براءتي ومشيت جبتا ليها مويه وعملت ليها عصير قالت لي ارح نشربو بهناك في غرفتك انا م حبيت احرجها قلت ليها ارح وهي ماسكه التلفون وحلفت ابت تديني ليهو وانا اتزكرت كلام سالم قلعتو منها بالقوه وبقت تسأل فيني من سالم وبتسال فيني اسئله غريبه وانا سالم مانعني اتكلم ف الحاجات دي وانا زاتي بقيت كبيره المهم ابيت ارد عليها قالت لي من متين دا م كنتي بتسمعي لي قلت ليها في فرق بي انو اسمع ليك وانا احكي ليك وزمان انا كنت صغيره ودي امي قدوتي الجابتك لي تحكي لي ولو فيهو ضرر م كانت جابتك توريني عشان كده انا استمعت ليك بس هسي انا م عاوزه اعرف منك اي شي لا تحكي لي لا احكي ليك ونتونس ونسه عاديه لو سمحتي خالده اتمغست مني قالت لي سالم غيرك يختي قلت ليها سالم عمل العجزتو منو انتو كلكم قالت لي كمان بقيتي تردي علي والله لكن قلت ليها العفوووووو دا م رد دي ونسه وبعتزر ليك فاتت مني وانا كرهتها شديد حسيت اسلوبها م حلو معاي نهاي وم حكيت لي سالم عشان خوفت اشاكلني
مرت الايام امي كانت في مناسبه في الحله قالت لي ارح قلت ليها م ماشه وقعدت مع اخواني جات داخله خالده قالت لي جيت اشحدك الليله قلت ليها طوالي قالت لي ارح معاي لي مني صحبتي ولدت وانا م مشيت ليها قلت ليها امي ماف لكن قالت لي سريع م بنتاخر قلت ليها النكلم
سالم قالت لي لا لا بحميك ي ميعاد وخمسه دقايق والله م نعديهن مشيت لبست وجيت قلت لي اخواني. كلمَو امي انا بجي سريع وتلفوني دا ف الشاحن ما فيكم زول يصلو ومشيت معاها ماشين كده ف الشارع وقف لينا بتاع عربيه قال ليها علي وين قالت ليهو ماشين القريه القدام لينا دي قال ليها اركبو اوصلكم انا خوفت بس هي ركبت معاهو قدام ومشينا وصلنا بيت ناس صاحبتها وانا م بعرف صاحبتها ولا شفتها دخلنا البيت فاضي قالت لي الركبنا معاهو دا ود خالتها ودخلنا البيت مافيهو صوت زول لقينا لينا مره كبيره وشكلها غريب شديد قالت لي دي امها وقعدتني معاها وهي فاتت قلت ليها النمش معاك لي مني صاحبتك قالت لي دقيقه جاياك قعدت مع المره بقت تسال فيني من اهلي وانا بت منو وبقينا نتونس بعد شويه جاها تلفون بقت تتكلم وطلعت انا خوفت مرقت وراها المره م لقيتا حيلي مات وتلفون في يدي ما شايلاهو عشان اتصل علي خالده بعد شويه الراجل الوصلنا لقيتو وراي قال لي ميعاد كيفك ي حلوه انا خوفتا منو قلت ليهو بتعرفني من وين عشان تسلم علي اصلا قال لي كيف بعرفك من وين بعرفك وبعرفك شديد كمان قلت ليهو خالده وين قال لي خالده من دخلتك انا رجعتها البيت قلت ليهو شنو وبيت منو قال لي بيتهم قلت ليهو والمره الهسي قال لي دي شغاله بتظف لي وفاتت انا الخوف كتلني ودايره اطلع مسكني من يدي قال لي دخول الحمام م زي خرجو دقيقه ي فالحه النوريك الحاجه دي لو عاوزه تاني تطلعي اطلعي فتح تلفونو ووراني صوري انا انخلعت قلت ليهو الصور دي جبتها من وين قال لي يلا الخيارات عندك ي تستسلمي لي يا الصور دي تترسل لي سالم واقول ليهو رسلتيهن لي انتي واخرب حياتك البقت حلوه مع سالم قلت ليهو انت شيطان ولا شنو انت عارف عني اي حاجه كيف قال لي يلا هووس والخيار ليك تستسلمي لي واشيل العاوزو ولا اخرب حياتك مع سالم والليله قبل بكره رايك شنو؟؟؟؟؟