رواية ابني ولكن
الفصل السادس6
بقلم نوسه حمد
محمد بقا مهتم بي شديد وبقت عندو فوبيا من النسوان بسبب الحكيتو ليهو عن نهال قلت ليهو محمد النسوان م واحد في المارقه من بيت رجال محترمه وماسكه نفسها وبيتا ومقتنعه بي قسمتها قال لي لا لا الزمن دا ماف ثقه انا اخر شي كنت اتوقعو من نهال انها تحمل بالحرام وكمان تنسبو لي اخوي معمر عمل شنو في دنيتو عشان يحصل ليهو كده قلت ليهو نفسي سؤالي والله 😭عشان كده ي محمد حافظ ع نفسك م عشاني انا والله انا ابشرك انا بت رجال الدنيا دي زاتها م شايفه فيها راجل غيرك بس عشان اولادك وعشان بناتك الدنيا م معروفه نحافظ ع نفسنا عشان نكون مطمئنين ماف حاجه بتجيهم وندعي ربنا في كل صلاه بالستره وستره الحال زيها ماف ❤️قال لي اكيد انا ف الدنيا دي م عندي غيرك وغير اولادي وامي وابوي ربنا يكون في عونا قلت ليهو ان شاء الله ي رب
مرت الايام والسنين ونهال تاني ولدت ٣ بنات وانا ولدت ولد بقو عندي فارس وايه واحمد 💕💕💕💕
وبعدت من حاجه اسمها نهال نهاي واتجنبتها بس اولادي بلعبو مع اولادها م كنت بقدر امنعهم بس مفهماهم اي شي وبالذات ايه بتي
يوم كنت قاعده جاتني ايه تبكي قالت لي امي اياد هبشني هنا انا جنيت عديل ومسكت بتي ضميتا علي ودمعتي ف عيني قلت ليها انتي فالحه جيتي كلمتيني وبقيتي عارفه انو الحاجه دي غلط عشان كده انا الليله بديك جايزه وح امشي ادق إياد عشان تاني م يلمسك لانو دا عيب وحرام والله بوديكم النار دخلت بتي غرفتها ومشيت ولقيت إياد جنب باب الشقه قلت ليهو اياد عيب العملتو دا ليه تعمل كده الولد سبحان الله صحي ولد حرام قال لي الله اكتلني بتك كذابه وانا م هبشتها وانا م بكذب وبقا يبكي واكورك ي ماما تعالي شوفي خالتو منه دقتني طبعا نهال مستعده جاتني ليك قالت لي جنيتي انتي ولا شنو اوعك تلمسي ولدي دا قلت ليهو اسمعي ي استاذه ولدك غلطان وم يمد يدو علي بتي وانا م ضربتو بس ولدك كذاب الولد بقا اقول ليها والله يا ماما ضربتني قالت لي اسمعي هنا انا ولدي م بكذب انتي الكذابه وبتك كذابه زيك وتاني لو ختيتي يدك في ولدي بشتكيك قلت ليها انا ولدك م ضربتو والله لكن والله ي اياد تكرر القلتَو لي ايه تاني م ارحمك والمره الجايه بجي ادقك قدام امك نهال بقت تكورك بتهدديني في بيتي وكمان بتهددي ولدي اللسه طفل مافاهم شي قلت ليها والله ولدك فاهم اي شي حركاتو حركات ناس كبار قالت لي امسكي بتك قلت ليها بتي بمسكها وحسبي الله ونعم الوكيل فيكم
مرت الايام وبقيت ماسكه اولادي علي بس جاني وسواس من الولد دا وبناتا زاتهم حركاتهم م قاعده تعجبني بتي بتجي تقول لي جنس كلام كلام م بتقال لمن غلبت حيله كلمت محمد ومحمد خواف خاف ع اولادو قال لي انا زاتي ربنا كرمني وح اجي اشتري ليكم بيت ان شاء الله والشقه دي نديها لي احمد لانو عرسو قريب قلت ليهو خلاص تمام نرتاح من الرعب الفيهَو نحنا دا
مرت الايام والشهور محمد جا اشترا لينا بيت ورحلنا فيهو انا واولادي وكنا مبسوطين شديد فيهو ودخلت اولادي المدارس وكنت متابعه معاهم اول بي اول وكانو من المتفوقين الحمد لله وبعدتا عن المشاكل وحياه التوتر ومحمد استقرا ف السودان عمل ليهو شركه بتاعت استيراد وتصدير والحمد لله عايشه اجمل حياه واولادي ماشين يكبرو قدامي وحياتنا مستقره تماما ونسيبتي كل أسبوع بتجي تقعد معانا
وطبعا احمداتزوج زميلتو ف الشغل بت هاديه ورايقه
مره نسيبتي جاتني وقالت لي مرت احمد شكت من نهال لغايه م احمد مشا اجر ليهو شقه وصدقتي ي بتي نهال دي كعبه شديد ومعمر ولدي جاهو سكري وبقا م ياهو وغايتو ربنا يسترنا دنيا واخره قلت ليهو نهال ح تدمر ايناس بتك ي خالتي خليها تبعد منها قالت لي احمد اليوم داك كان اكتل ايناس قلت ليها مالا قالت لي طلعت مع نهال وهو محزرها انها تطلع معاها وجا لقاها معاها دقاها دق انا اصلي م قمت حجزتها قلت عشان تتادب والايام دي شايفاها خافت بقت م بتمش معاها وايناس ولد عمها محمد قال دايرها واحتمال اجي من السعودية والعرس اكون قريب قلت ليها مبروك يمه وربنا اتم ع خير قالت لي من هسي العرس تجي تقعدي بي اولادك قلت ليها اكيد يمه
مرت الايام وايناس حددو عرسها وسوقتا اولادي ومشيت العرس ونبهتا اولادي انهم يحزرو تماما فارس ولدي م شاء الله بقا واعي وهارشنا كلنا وانا كل م ايه بتي تجي تبكي منو بقعد اضحك اقول ليها اخوك وخايف عليك اسمعي كلامو حبيبتي
مشينا العرس وكنت مميزه وراسمه واياد ولد نهال نظراتو م عجبتني رغم انو صغير بس نظراتو نظرات زول كبير بالغ وواعي...