رواية زواج قاصره
الفصل السابع7
بقلم نوسه حمد
من أسوأ ايام حياتي اللحظات والرعب العشتو لحظه طلعت مع خالده والراجل جا واتهجم علي
وهو بقا واقف واعاين لي قال لي اها ح توافقي علي اني اشيل العاوزو ولا ارسل الصور لي سالم انا بقيت ساكته وبفكر لانو في الحالتين انا موقفي صعب فلازم اتعامل معاهو بكل هدو بقيت ساكته وبستغفر في سري والرعب عاوز اكتلني وكنت خايفه ارسل الصور لي سالم وسالم ح يطلقني لانو الصور دي اتصورتها انا بي تلفوني وانا متأكده م رسلتها لي زول غير سالم قلت استسلم وابقا ضحيه برضو كده ح ادمر وماف زول ح يصدق انو هو كان بهدد فيني قلت ليهو خلاص انا موافقه بس ع شرط انت توعدني تمسح الصور وم تكلم زول بالحاتعملو لي قال لي وعندي شرط انا كمان كل م احتاجك تجيني ولو قلتي لا انا بفضحك قلت ليهو خلاص موافقه وانا قلبي ادق والخوف اتملكني وهو دخل وقفل الباب وكان لابس ليهو سديري وجلابيه طلع السديري وداير اقرب مني قلت ليهو انا عطشانه وح اموت جيب لي مويه ممكن قال لي خلاص لكن بطبلك جوه الغرفه قلت ليهو سمح وطلع انا كنت متوضيه من البيت صليت ركعتين وبقيت ادعي ربنا يسترني لانو الوضع الفيهو انا اتختيت فيهو غصبا عني بدعا كده سمعت صوت تلفونو ف جيب السديري جريت جري طلعتو جاتني رسايل من خالده كاتبه ليهو البت دي صغيره براحه عليها عشان م تعمل لينا مشكله واهم حاجه م تحمل منك لانو زوجها ماف وح ننفضح وتالت شي هددها شديد هي صغيره ح تخاف منك 😔
انا لقيت تلفونو ما قافلو بي رمز ودخلت الواتس ولقيت كتار الضحايا غيري والسبب غاده ولقيت صور نص بنات حلتنا في تلفونو والراجل دا م براهو معاهو اصحابو وبدايه الدردشه قال ليها المره دي داير لي بت صغيره وتكون متزوجه ي داب قالت ليهو عندنا بت جيرانا بس راسها قوي قال ليها جيبي منها صور ندبلجهن ونهددهن بيها انا بقرا وبرجف خوفتا اجي هو حاولت امسح الصور بس دا م حل عملت اسكرن لي دردشتو مع خالده وكتبت رقمي ورسلتهن في واتسابي وبقيت اصور وارسل واتلفت وراي لقيت لي حجر تاكلين بيهو الباب ختيت تلفونو في الارض وكسرت تلفونو حته حته وبقيت اكسر فيهو بكل قوتي ولقيت لي كيس خميتو فيهو والشباك وراي جدعتو في الشارع لانو الشباك كان جنب حيطه الشارع وبقيت قاعده وهو م جا وبقيت طبيعيه وم خايفه نهاي بس ماسكه ف الاستغفار والصلاه علي الرسول هو جا وفتح الباب قال لي ميعاد الحلوه قلت ليهو هلا بيك وجاتني قوه من وين م عارفه قال لي جبت ليك شكولاته غاده قالت لي انتي دلوعه ولسه صغيره بس سالم راجلك دا م بفهم معقوله افوت اخلي السماحه دي نحنا عندنا القروش بس م عندنا نسوان طاعمات وحلتكم كلها بنات طاعمات ورجالن في السعوديه عشان فتافيت قروش بس م عليك ي ميعاد انا الايدين الحلوات ديل بملاهن دهب وم بحوجك لي سالم لا ماديا لا جنسيا ومسك يدي فكيتو بكل قوتي قلت ليهو قروشك دي تبلها وتشرب مويتا والدهب دقو لي مرتك ولا اقول ليك دقو لي امك العرفت تربيك وبقيت ناجح في المجتمع والغش والنفاق وقمه قله الادب قال لي انتي شكلك متحديه وانا اقسم بالله ادمرك احسن تسكتي قلت ليهو انا م بسكت يا تفتح لي الباب دا واطلع يا الم فيك خلق الله قال لي دقيقه علي شنو يلا امشي م اشوف خلقتك دي هنا وكان م دمرتك وطلقتك من راجلك قلت ليهو الجايه من الله بحملها وعليك الله رسل كل صوري لي سالم وفتحت الباب وجريت عشان خوفت افقد التلفون واعرف اني شيلتو
فتحت باب الشارع لاقاني بتاع ركشه في وشي قلت ليهو اقيف وديني بيتنا قال لي مالك مخلوعه كده وماشه وين قلت ليهو ماشه حلتنا وبديك الدايرو بس اتسرع انا قلبي ادق خوفتو اجي لاحقني بتاع الرقشه وصلني البيت دخلت جوه جبت ليهو القروش وجيت
امي بقت تكورك فيني وتنبز فيني بي ابشع الكلام انا كنت ماشه اترمي في حضنها واحكي ليها بس للاسف امي قاسيه وقاسيه شديد كمان م ادتني فرصه احكي ليها ولا اجري عليها لمن هموم الدنيا تكتر علي قالت لي اصبري لمن اجي ابوك ي كلبه وصدا صوتها بتردد في اضاني قربتا اجن بس مسكت نفسي ودخلت فتحت تلفوني لقيت سالم حاول اتصل لي كتير وفتحت الواتس الرسايل بتاعت الاسكرن العملتو وصلتني وحفظتهن في التلفون وعملت لي واتسابي رمز وتلفوني رمز وبقيت ابكي شديد انا لو م فكرت كان بقيت ضحيه زي بنات الحله وكان خسرت سالم وخسرت دنيتي سالم اتصل علي لقاني ابكي قال لي مالك حبيبتي في شنو وانا ببكي باعلي صوت سالم بقا متوتر وبقول لي اسكتي عشان خاطري في زول وصلك في زول سالك امك ضربتك ابوك سالك في زول من الحله عمل ليك حاجه وانا بقول ليهو لا لا قال لي طيب م تجنيني انا في غربه ي ميعاد قشيت دموعي وقلت ليهو سالم عاوز بالغربه شنو قال لي وتاكلي شنو حبيبتي قلت ليهو سالم رزقك دا وين م تفوت بتلقاهو والقروش اللقيتهن كلهن في السعوديه دا نصيبك ف الدنيا لو كنت ف السودان ح تلقاهن هن زاتن وتتغرب عشان شنو انا محتاجه ليك ي سالم وحرام عليك سالم قال لي اهدي حبيبتي انا ساعي عشان اجيبك زياره قلت ليهو تلاته شهور واجي راجعه الحله واباري الفارغه ونسوان حلتنا البقن م نافعات ديل قال لي ميعاد قولي بسم الله نسوان حلتنا كيف م نافعات الكلام دا غلط قعدت اضحك قلت ليهو والله ي سالم الساعات الفاتن ديل عرفت فيهن حاجات بس الحمد لله قال لي ميعاد دا كلام شنو انتي كنتي وين والقال ليك منو وبقيت ابكي عشان سالم احن علي وم يسالني قلت ليهو انا عاوزاك يا سالم ي تجي يا انتحر