رواية طفلتي
الفصل السادس6
بقلم روريتا
الساعه12 الا لمن جات في رقم اتصل علي فصلت فيهو المره الأولى تاني اتصل تاني فصلت فيهو وتاني اتصل برضو فصلت فيهو لحدي ما اتصل للمره السادسه قلت ده منو العبيط اللايوق ده رديت وقلت الو؟ رد علي زول قال معقوله بعد ما بقى في رابط بيناتنا عشان نتواصل تفصلي فيني؟
عرفتو طوالي انو ده عبد الهادي 😂
قلت ليهو والله ما كنت عارفه انو ده انت .... قال لي ايوااا يعني ما كنتي بتتاقلي علي😂
ضحكت وقلت ليهو برضو احتمال 😂
بقينا نتونس كده في نص الكلام قال لي بتأمني بي عباره الحب من اول نظره؟........ قلت ليهو قاصد بيها نفسك يعني؟
قال لي اي ،،، قلت ليهو غلطان انت حبيت من اول ابتسامه 😂
قال لي يعني عارفه انو ابتسامتك ساحره
طبعاً فصلت وبقيت ساكته 😂
قال لي يعني هسا ملخص الموضوع انك ما بتأمني بالحب من اول نظره.... قلت ليهو احتمال
قال لي طيب ح يجي يوم واقنعك،،،، قلت ليهو طيب
قال لي عارفه كنت قايلك ح ترفضيني عشان تتمي قرايتك
قلت ليهو القسمه و النصيب والشخص المناسب والصاح ديل لمن يجو مافي حاجه اسمها صغيره او كبيره كل حاجه مكتوبه + ممكن الوحده تعرس بعد تخلص قرايتها او قبل ما تخلص قرايتها وممكن تعرس وهي صغيره وممكن تعرس وهي كبيره بس ده كلو ما مهم المهم في الموضوع ده كلو انها تختار الشخص الصاح.
بعدها قال لي احكي عن نفسك بقيت احكي ليهو
لمن جا دورو ما متذكره اي شئ صحيت الصباح لقيت التلفون جمبي قلت معنتى انا نمت في المكالمه امس🤣🤣🤣🤣🤣🤣🤣
" عبد الهادي"
رجعنا البيت استنيت الساعه 12 تجي قلت اضرب ليها
اتصلت المره الأولى فصلت فيني والمره التانيه برضو قلت قاعده تتاقل علي ولا شنو،،، لحدي السادسه حتى ردت قالت الو،،،،، قلت ليها معقوله بعد ما بقى في رابط بيناتنا عشان نتواصل تفصلي فيني؟
قالت لي ما كنت عارفه انو ده انت
اتونس معاها بعدها سألتها لو بتأمن بالحب من اول نظره
في النهايه قالت لي احتمال ف انا لازم اقنعها انو دي حقيقه وح اجيب ليها الدليل يوم.
تاني قلت ليها كنت قايلك ح ترفضيني عشان تتمي قرايتك
بهرتني بي ردها المميز والمقنع قالت لي القسمه و النصيب والشخص المناسب والصاح ديل لمن يجو مافي حاجه اسمها صغيره او كبيره كل حاجه مكتوبه + ممكن الوحده تعرس بعد تخلص قرايتها او قبل ما تخلص قرايتها وممكن تعرس وهي صغيره وممكن تعرس وهي كبيره بس ده كلو ما مهم المهم في الموضوع ده كلو انها تختار الشخص الصاح.
حسيت انو قاعد اتكلم مع كتاب كامل حق فلسفه والصراحه عجبتني زياده والله 💜
المهم قلت ليها احكي لي عن نفسك وكده حكت لي جا دوري ما خليت حاجه ماحكيت ليها بعد شويه استوعبت اني بتكلم براي بقيت اقول الو،،،، الوووو مافي زول برد ما كنت سامع اي شي غير صوت انفاسها
قلت لي نفس وااه ح تعرس ليك طفله 🤣🤣🤣🤣🤣
طوالي سجلتها في التلفون #طفلتي 😂 ومن اليوم داك بقيت اقول ليها كده.
الشهر جرا سريع من تجهيزات العرس للبيت وعفشو الحمد لله انو كان جاهز بس
الليله عاملين لي حنه والشباب كلهم جو صبوها معاي من الظهر
ناصر قال لي الفنان خليهو علي قلت ليهو تمام
مسك تلفونو ضرب لي كم زول وقال لي خلاص تم😂
ضحكت وقلت ليهو اصلو شنو بالسرعه دي،،،، قال لي الحكايه واسطات يا صحبي😂،، قلت ليهو عقبالك ان شاء الله عشان نجازيك
قال لي وين يااا البت الدايرها قالت ما بتفكر في العرس قرايتها اهم،،، قلت ليهو انت فاتحتها في الموضوع يعني؟!! قال لي لا جبت ليها الكلام بي فوق،،،، قلت ليهو انت عوير ولا شنو طوالي اتذكرت كلام رؤى القالتو لي طوالي قلتو ليهو ،،،، وقلت ليهو لو انت الشخص المناسب ليها صدقني ح توافق جرب ما خسران شي انت قال لي كدي نخلص من عرسك انت بعدين نشوف البحصل شنو
المهم عملنا حفله الحنه وحننوني وكنت موثق اللحظات دي كلها بي صور وفيديوهات وكنت برسلهم لي طفلتي 😂
اليوم التاني كان العقد،،،، عقدنا بعد صلاه الجمعه اتصلت عليها باركت ليها وبليل كانت الحفله لمن مشيت اسوقها من الكوافير كنت قايل نفسي في حلم بالجد ملاك حصنتها وقفت مسافه لمن الشباب شغلوها لي حتى اتحركنا😂
خلصنا العرس والجرتق ومشينا على الشقه طبعاً هي رفضت اننا نسافر هسا قالت بعد تخلص الجامعه نسافر وقلت ليها تمام.
"رؤى"
الايام جرت سريع وانا تعبت شديد لانو الوقت كان ضيق من حبسه لي اختيار الكوفير لي الفستان للشيله لي عفش البيت بس الحمد لله جهزنا اي شيء،،،،،عبد الهادي سألني تحبي تسافري وين ضربتها في رأسي قلت دي مصاريف كتيره شديد ح تكون عليهو ده غير مصاريفي حقت الجامعه ف قلت الأفضل موضوع السفر نأجلو شويه . مع انو كان نفسي بس قلت ليهو خلي السفر بعد اخلص جامعه قال لي تمام ،،،،،، المهم امبارح عملو لي حفله حنه صغيره وبسيطه مافيها جوطه كانت بنات بس والليله حنة عبدالهادي او 'هادي' زي ما بحب اقول ليهو مشيت قعدت في بيت خالتي معاي بت خالتي عشان الضيوف بدو يجو
هادي كان موثق لي اي لحظه رقصو وعوارت اصحابو معاهو والله كل ما اشوف ليهم فيديو سوا اموت ضحك 😂😂😂
اليوم التاني كان العرس كنت متوتره شديد مشينا الكوفير بعد الفطور قريب لصلاة الجمعه كده بدو يجهزو فيني بعدها هادي اتصل بارك لي وباركت ليهو اتكلم معاي شويه كده خفف لي التوتر شويه وبعدين قفل............ اتجهزت خلاص وعاينت لي نفسي في المرايه قلت واااي الله على الجمال ده يا أرض احفظي ما عليكي خمسه وخميسه في عيون الحسود😂
بقيت اتغزل في نفسي لحدي ما فاطمه قالت لي راجلك جا
قلبي بقى يدق دللل دللل تقريباً صوتو مسموع عديل😂😂😂
جا وقف مسافه قدامي حصني وما اتحركنا لحدي ما اصحابو شغلوها ليهو حتى اتحركنا خلصنا العرس والجرتق ومشينا الشقه
صلينا ركعتين شكر مع بعض وانا تقريباً صليت 10 ركعات او اكتر ما عارفه 🤣.
بعد مرور شهر"
_ الو صباح الخير يا حجه
امي: اهلين بالعريس جايننا متين
_ الظهر كده أو قبلو بنكون عندكم
امي : في انتظاركم نحن جهزنا اي شي وعبير نضفت ليكم البيت.
_ تمام اشوفك بخير.
____________________---
قره عيني،،رؤى،، طفلتي قومي يلا اصحى ماشين نحن
رؤى : هادي ياخ خليني اتم نومتي الساعه ياداب 9 معقوله ياخ
_ ما ممكن معاك انتي نايمه من 8 جداده بس وبعد ده كلو ما بتصحي بدري مفروض اسميك غيبوبه بس
بعد قلت ليها كده اتغاظت مني وضربتني بالمخده،،،،
مسكت مخدتين وقلت ليها حرب المخدات بقينا نتعاور كده لمن قالت لي خلاص خلاص ما قادره انا استسلم😂😂😂
قلت ليها انتي بديتي وضربتيني عشان كده عندك عقاب بديت اجضم فيها وهي تضحك وقالت لي خلاااص ح اموت عليك الله خلاص فكيتها وقلت ليها يلا قومي اجهزي
قالت لي طيب لكن تعزمني على الفطور
قلت ليها عيوني ليك ❤️
فعلاً جهزت شربنا الشاي ولمينا حاجاتنا سلمنا المفاتيح وطلعنا
مشينا فطرنا في مطعم قريب وبعدها مشينا على البيت
لقينا العائله كلها ملمومه ما شاء الله أهل رؤى على اعمامي الاتنين عملو كرامه كبيره غدا... شايفه رؤى تضحك وتتونس ساي وانا الكنت قايلها هاديه وما بتتكلم مع زول وانطوائيه وطلعت العكس صاحبت بنات عمي العندهم نفسيات طوالي يحليلها 😂😂😂😂.. بعد المغرب طلعو مننا نسابتي واعمامي...... رؤى وعبير كانو بغسلو في العده جيت قلت لي عبير ما صدقتي مرتي جات طوالي غسلتيها العده
قالت لي براها عبيطه وقالت دايره تغسل معاي
قلت لي رؤى تغسل العده لشنو انتي يدينك دي ما يدين عده خلي العده لي الهبله اليدينا زي يديني الراجل دي🤣🤣🤣🤣
رشتني بي مويه الصابون وقالت لي طير من هنا يلا
قلت ليها اعملي لينا شاي يا حبشيه ومشيت منها
قعدت مع الحاج والحجه كانو مبسوطين شديد قعدنا نتونس كده الحبشيه جابت الشاي قلت ليها مرتي وين؟ قالت لي جايه ما تخاف ما اكلتها ليك،،،، قلت ليها بتعمليها انتي غايتو شويه كده ورؤى جات قعدت جمبي،،،،،،، وعبير مشت قعدت جمب الحاج وقالت ليهو شوف ولدك رجع البيت تاني وبدأ يتنمر علي بعد كنا مرتاحين منو شهر
قلت ليها مرتاحه مني وانتي كل يوم بتتصلي علي لمن زهجتيني اعترفي وقولي اشتقتي لي 😂
قالت لي اشتاق ليك انت لشنو يا عوير قلت ليها من بديتي تنكري معنتى مشتاقه لي وغصبن عنك😂
امي قالت كان شفتها من تصحا الصباح تسأل منك وتقول اخباركم شنو والعجب الليلة لمن قلت ليها انهم جايين ما باقي ليها الا تنطيط😂😂😂 ما عارفاها جابت النشاط ده من وين مشت جهزت ليكم بيتكم ونضفتو
رؤى قالت ليها شكراً ما قصرتي قلت ليها تشكريها لشنو دي شغلتها اصلا الحبشيه دي 😂قالت لي انقلع يلا على بيتك وما اشوفك بي هنا نهاي ما تجينا قلت ليها على كيفك انتي هو
ابوي طوالي دافع عنها وقال لي اي على كيفها البيت بيت ابوها يلا انقلع من هنا😂😂😂😂😂😂
قلت ليهم طيب ماشي لكن بكره من الصباح بتلقوني هنا😂
يلا تصبحو على خير
قمت على حيلي وسقت مرتي مسكتها من يدها مشينا بيتنا
وقلت ليها نورتي بيتك يا نجمه حياتي قعدت تتخجل وسكتت مره وحده يحليها بتفصل طوالي بالكلام الحلو يعني كلمتين بس بتتغشى بيهم بالجد طفله والله 🤣
صحيت اليوم التاني الصباح بي صوت طفلتي كانت بتقول لي في اضاني هاااااادييي بي صوت مخيف ما بعرفها غيرت صوتها كيف المهم نظام تخوفني وتنتقم عشان امبارح صحيتها
وانا طبعا حلفت ما افتح نهاي وهي بتزيد في الصوت لمن شافتني ما قمت ضربتني بالمخده وجرت😂😂😂
رفعت رأسي اشوفها مشت وين قالت لي واااهااا صحيتو 😂
يلا قوم اشرب معاي الشاي قلت في نفسي بديتي الحرب انتي ما ح اسألك هسا قمت على حيلي جهزت نفسي للشغل قلت امشي اشوف المحل حصل فيهو شنو في غيابي شربت الشاي وطلعت كده رؤى نادتني و.