رواية ابني ولكن
الفصل السابع7
بقلم نوسه حمد
نظرات اياد لي م عجبتني كيف هو طفل واجيني احساس غريب ف نظراتو ودايما بكون سرحان وبقا مركز معاي شديد في الدخله والطلعه وانا قلبي ادق م قدرت احس انو هو طفل نهاي وبقيت متوتره ي ربي اعمل شنو واحاولت ابعد من اي حته فيها هَو ومسكتا بتي علي واولادي واعين الحمد لله
نسرين مرت احمد قالت لي ولد معمر دا قليل ادب والله قلت ليها كيف قالت لي امس جا ماري جنبي ولمسني لمسه كعبه قلت ليها عملتي شنو قالت لي والله غلبني البعملو قرصتو قرصه حاره وقلت ليهو تاني م تمد يدك علي قلت ليها انا زاتي من امس نظراتو لي م ريحتني قالت لي اعوذ بالله منو التقول ود حرام من هسي عارف الامور دي انا سكتا ساي قلت ليها م جايبه خبر انتي قلت ليها نعمل حسابنا وبتك من يدك م تفكيها والله اتم العرس دا علي خير هو امو فايقه ليهَو عشان تتابع تصرفاتو ولدتو لكن م ربتو قالت لي الله يسترنا
المغرب كده نسرين قالت لي ارح نفتح الشقه ونرتبها ونرقد فيها انا وانتي واولادنا ايامنا القاعدنها هنا دي قلت ليها والله احسن حل قلت لي ايه امشي لي بابا عشان الغبار ونزلتها لي ابوها ونحنا طلعنا وما كان في زول ونسرين كان عندها نسخه من مفاتيح الشقه فتحناها ودخلنا بس حسينا في زول فيها ونسرين خافت قالت لي انا بخاف قلت ليها سبحان الله المكان الوحيد الما بخاف فيهو الشقه دي لانها ايامي الحلوه كانت فيها ونسرين بقت ماسكاني وخايفه وكل م نمش نسمع صوت نسرين ترجع امش اجيبا تاني ونجي وصلنا الغرفه الرئيسيه سمعنا صوت ناس اتوسوسو جوه انا قلبي وقف وبي كل شجاعه فتحت الباب ويا ريتني م فتحتو وياريتو م جينا نسرين بقت مخلوعه وصرخت انا قفلت ليها خشما وجريت قفلت باب الشقه وجيت راجعه وقلبي ادق وارجف ونسرين بقت تبكي وتجعر قلت ليها نسرين دقيقه عليك الله اسكتي م تجنيني المفاجاه لقيت اياد مع اختو واقلو في ادبهم 😥انا حيلي مات مشيت الصاله لقيت لي وصله كبيره وجيت اول شي مسكت اياد ضربتو ضرب والله كان نفسي اموت في يدي والبت بقت خايفه بتبكي ومتوتره وبتقول لي والله يا خالتو دي م انا دا اياد وانا كلمت ماما عليهو بس ماما م سالتو نسرين بقت ماسكه البت والبت ترجف وبي كل قوتي ضربت الشافع دا لمن حيلي مات وفترت والولد نهاي م بكا التقول م بني ادم قلت ليهو الدقه دي م ح تنساها لمن تموت وتاني م اشوفك في وشي ولو ربنا قدرك في يوم من الايام عاين لي واحده من بناتي وفتحت ليهو الباب وطردتو
اختو بقت ترجف وخايفه وبتقول لي عليك الله ي خالتو م تضربيني والله دي م انا دا إياد كل مره بهبشني وكلمت ماما قالت لي بهظر معاك قلت ليها تعالي م تخافي حبيبتي انا م ح المسك بس وريني اياد بعمل ليك شنو بقت تحكي لي انَو طوالي بلمسها وقالت لي قال لي م تخافي ماما وبابا زاتهم بعملو كده انا جاني هبوط وقلبي وقف وحيلي مات والبت تبكي ووتتنهف غلبني البعملو ليها بقيت ضاماها علي قلت ليها امك ضيعتكم
نسرين بقت خايفه وجسمها تلج بقا
قلت للبت يلا حبيبتي الحصل دا عيب وما تخلي زول يلمسك وتاني لو اياد لمسك كلمي بابا م تكلمي ماما عشان ماما كلمتيها وم دقتو بابا المره الجايه ح يدقو ليك قالت لي حاضر ي خالتو وقلت ليها امشي
جيت لنسرين قلت ليها عارفه الحاجه الحصلت ليك والخوف والرجفه دي كانت زمان سبب ف الحاصل دا قالت لي كيف وحكيت ليها بالحصل واني كنت ضعيفه م قدرت اعمل حاجه لغايه م نهال ولدت ونسبت الولد لي معمر عشان كده الولد بقا شاذ وم بعرف دي اخت ولا خاله ولا عمه لانو هو ود حرام وولد الحرام نفسو بتنفتح لي اختو او العكس بت الحرام نفسها تدخل في اخوها والزمن الجاي دا يا نسرين ح يكتر زنا المحارم وح تختلط الانساب والحصل لي اياد دا بحصل لي ناس كتيره في اولاد حرام بكونو امهاتهم نسبوهن لي رجالن من غير علمهم وشهوتهم بتتحرك لي اخواتهم الف البيت وفي البتحكمو في نفسهم بس في ناس ضعيفين بستسلمو ليها هسي م بتسمعي اوقولو ليك جد اغتصب بت ولدو ولا بت بتو يلا بتو ولا ولدو دي م بتكون بتهم عديل بتكون بت زنا عشان كده جدها فكر فيها
ولا مثلا تسمعي حادثه اقولو ليك بت خالها اغتصبها اكيد الخال فيهو انه ولا البت زاتا فيها انه
ولا مثلا اقولو ليك عم اغتصب بت اخوهو اكيد واحد فيهم اكون ابن زنا
لانو مستحيل ي نسرين تفكري في اخوك ود امك وابوك ولا اخوك ود امك وابوك بفكر فيك لانو ربنا ادانا شهوه لكن بتقيف عند اخوانك وخيلانك واعمامك لانهم ديل عرضك لو لقوك عريانه بغطوك ومستحيل واحد فيهم يفكر فيك ولا انتي تفكري فيهم الا اكون ود حرام ولا تكون بت حرام والحاجه دي م بي يدهم