رواية ابني ولكن
الفصل الثامن8
بقلم نوسه حمد
نسرين بقت مخلوعه ولسه بترجف قلت ليها نسرين انا كنت ضعيفه زيك كده ودخلت في نفسيات ونسابتي اتهموني بالجن حتي محمد زوجي صدق اني مجنونه وعندي عاشق جني وعانيت ما عانيت ف الحته دي بس الصدمه كانت قويه لي واتكلمت مع نهال قلت ليها م صاح تنسبي الطفل لمعمر وبالذات هي عارفه حقيقه الطفل دا وكمان ما صاح تجهضو لانو كده حرام دي روح وم عندو ذنب الطفل كان نفسي تطلق من معمر وتمشي يا ترجع للحملت منو مدام هو عاوزها يتزوجها وبرضو الفي بطنها ح يفضل ابن زنا حتي لو الحملت عقد عليها يا تلد الطفل وتديهو لي ناس يتبنوهو بس تنسب الطفل لمعمر دي المشكلة هنا وهديل نحنا بندفع ف التمن
عارفه ي نسرين انا القواني شنو قوتني قوه عين نهاال بعد جريمتها دي عاوزه تخرب بيتي وكم مره اتناقشت معاها في موضوع حملها دا بتقعد تكورك وتقول لي نسابتي منه حاولت تعتدي علي واني انا مجنونه ومعمر مصدق البتقولو وم اكتفت بي كده ي نسرين بقت ملاحقه راجلي وجابت ليهو دكتوره عشان يطلقني َيتزوجها بس انا ومحمد كنا بنحب بعض محمدقال لي لو م حظرتهن كانن عاوزين يزوجوني ليها ونهال معاها ايناس اخت محمد وانا حياتي جحيم كانت بي سببهن الاتنين بس انا نيتي ما كانت كعبه الحمد لله ربنا جبر بي خاطري وبعدني منهم
وبعد دا كلو نهال م عاوزه تربيهم كويس ولا فاضيه ليهم لسه في افتراها وحركاتا شوفي البت بريئه قالت لي كلمت ماما بس قالت ليها اخوك بهظر معاك في طفل بهظر مع اختو في المناطق الحساسه اذا كان الدين قال اخوك ود امك وابوك في عمر معين افصلو بينهم تجي هي تقول لي بتها بهظر مفترض تمسكو تديهو دقه زي دقتي دي الشافع دا لو كان مريض كان انعدل بس للاسف قسمتو كده
نسرين قالت لي العرس اتحنضل علي قلت ليها بصدقك والله انا لمن عرفت الحمل ساي الدنيا مسخت لي وحسيت معمر زي اخوي وزعلت شديد ليهو بس زي م بقولو قلبي علي جناي وقلب جناي علي حجر معمر بقا اكورك لمن نهال اتهمتني اني اعتديت عليها وبقا اكورك باعلي صوت وانا مرتي م بتسكن مع واحده مجنونه وما عارف المجنونه مرتو العاوزه تنسب ليهو ولد حرام وهسي يا نسرين معمر دا م كويس والسكري جاهو في عمر صغير وتحسيهو شايل الهم وما زي زمان انا لمن اشوفو بقطع قلبي لانو نهال لعبت بي عقلو ومشاعرو وهو م يستاهل والله
ونسرين الكلام دا تدفني هنا م ناقصين اي كلام انا عملت العلي وحزرتها ميه مره بس كانت متحديه ومعمر مصيبتو كبيره الله اكون في عونو ي رب وي نسرين م تخافي ف الدنيا دي وم تغلطي غلطتي واجهي المشاكل م ترجفي وشخصيتك لازم تبقا قويه ودا اول درس اتعلمي في حياتك الزوجيه وخليك واعيه امسكي راجلك وبيتك واولادك ووريهم الصاح من الغلط والله يحفظهم ويحفظنا واللهم لا شماته الحاصل دا م فيهو شماته بس نهال الدنيا م كسرتها ولسه مواصله في سكه الحرام ولسه مستغفله معمر ويا عالم اولادها ديل اكونو حقين معمر ولا حقين ناس تانين ودي حاجه م بقدر افتي فيها لانو دا بعتبر قذف لاني م متاكده من صحه الكلام دا بس الولد دا انا العارفه حقيقتو وهسي لو لاقيت الدكتور بتزكر الحصل لانو شاكلها لمن قالت ليهَو م عاوزه الجنين اديني حبوب اجهاض
واحسن نصم خشمنا ونسكت والنسب حساس بكره معمر يحارب اخوانو بي سببنا ونكون قطعنا صله رحمهم بس ربنا يهون ويكشف الحقيقه
نسرين كل م احسها متأثره بجي اقول ليها عايزه تبقي قويه عايني لي نهال شوفيها ترقص وتلبس توب توب ولا هاميها وانا وانتي قلبنا مقطوع نسرين قالت لي بس بركه الدقيتي الولد لانو تاني نهاي م شوفناهَو وشكلو بقا خايف وعامل لينا الف حساب قلت ليها لو من زمان دقتو دقه زي دي الولد دا كان بطل البعمل فيهو دا وم كان قرب من الحاجه دي بس نسال الله الهدايه
والعرس تما علي خير بس لا انا لا نسرين م ضوقنا ليهو طعم والحمد لله
يوم قاعدين انا ومحمد نشرب في قهوه ونتونس واحمد جانا بس شكلو مضايق ما ياهو احمد محمد سالو قال ليهو مالك ي احمد متغير كده واحمد حنين عيونو مرقرقات بالدموع قال لي منه صحي الكلام القالتو نسرين ودمعتو في عينو وعرفت نسرين مشت حكت لي راجلها انا بقيت خايفه محمد قال ليهو كلام شنو قال ليهو اياد م ولد معمر انا بقيت ساكته ومحمد محمر لي قال لي منه قلتي لي منو وليه ي منه عاوزه تجيبي لي نفسك الكلام ومحمد بقا اكورك لمن اولادي جو جارين مشيت دخلتهم غرفتهم وقلت ليهو محمد اهدا م كلمت نسرين انا كشمار مني لانو لو
عاوزه اتكلم كان اتكلمت زمان بس نحنا دخلنا الشقه ولمن دخلناها سمعنا صوت غريب لمن فتحنا الغرفه لقينا اياد مع اختو ويقلو في ادبهم ونسرين خافت وبقت ترجف وتعليقها كيف ولد يعمل مع اختو كده وليه والحاصل شنو وشفتها محتاره وبترجف وقالت لي هسي معقوله واحد من اولادي يعمل لي اختو كده بعد يكبرو والبت سرحانه وكانت ح تجن وانا حاولت اهديها وافهمها الحقيقه لانو فعلا اياد م ولد معمر م معروف ود منو والبت زاتا نحنا م عارفنها بتو ولا م بتو وانتو براكم شايفين نهال وحركاتها ولسه مصره في فعايلها واحمد بقا ابكي كيف نحنا نهال تربي وسطنا ولد حرام وكيف معمر اخوي تستغفلو وبقا هايج ويكورك قلت ليهو احمد انت عارف لو نحنا اتكلمنا معمر اخوك احتمال يشوفو دا قذف لانو الطفل هسي يعتبر ولدو وح تبقا بينكم مشاكل واحتمال معمر يتهور ويقطع علاقتو بينكم لانو م شايف مرتو غلطانه واعمي عديل فيها الخوف تكون عامله ليهو شي احمد قال لي هو زاتو بقا بطنو طامه منها وكل مره بقول لي بعرس فيها انا البقيف في طريقو بقول ليهو عاين لي اولادك لاني عارف نهال كعبه لو اتزوج احتمال تكتلو عديل بس علي الطلاق شهر بالكتير اعرس ليهو وتكاليف العرس كلها علي ومحمد قال ليهَو حرم انا معاك انا قربت ازغرت لي معمر لانو م يستاهل المرا الفاجره دي
بس قلت ليهم العرس م حل انتو بي اعتباركم قدام المجتمع اعمام الولد دا الدايراهو منكم تمسكوهو تادبوهو ولو هي اتكلمت زاتا تادبوها حتي لو م ولد معمر هو عايش معانا وفي بيوتنا لازم اكون زينا احمد قال لي م عليك الولد دا انا المسؤول منو وان شاء الله اادبو ونهال بتتكلم بنادبها هي زاتا واول شي بادبها بي اختها والشقه حقتنا فاضيه وهسي بتصل لمعمر وعندي زميلتي ف الشغل زاتا كانت مظلومه زي معمر دا وفي حياتا عانت كتير كانت معرسه ليها راجل محنظل عليها عيشتها واتطلقت منو وعندها بت وولد منو وبت ادب واحترام وبت ناس قلت ليهو تمام محمد اتصل علي معمر وناداهو وكلموهو ووافق طوالي ولا صدق المره الجايه بشوف رده فعل نهال لمن معمر اتزوج فيها........