رواية ابني ولكن
الفصل التاسع9
بقلم نوسه حمد
معمر بقا مبسوط بي كلام احمد وكانو كان منتظر اللحظه دي وانا فرحت ليهو من قلبي لانو معمر مسكين م يستاهل المره الخاينه دي وياريتا بقت ع الخيانه كمان كمان م عرفت تربي اولادا البعتبرو اولادا هي في الحسبه لانو واحده خاينه زيها م بنقدر نثق فيها وفي صحه كلامها وانو الاولاد ديل بتاعين معمر
احمد اتصل علي فدوي دي ياها البت الحا نخطبا لي معمر وطرح ليها الموضوع ورحبت بالفكره ووافقت مبدئيا وكلمها قال ليها هو متزوج وبي اولادو بس مرتو م محترماهو وهو زول سكري عاوزين واحده تهتم بيهو واكيد م ح يلقا احسن منك قالت ليهو الفيهو الخير ان شاء الله يبقا وعشان هو اخوك انا مبدئيا م عندي مشكله والنشوف كلام اهلي وتعالو انتو
بس انا عندي شرط احمد قال ليها اتفضلي قالت ليهو اولادي يعيشو معاي معمر قال ليهو م عندي مشكله قول ليها قال ليها م عندك مشكله معمر قال واصلا نحنا عندنا شقه فاضيه ح تسكنَو فيها ان شاء الله
معمر بقا مبسوط وطاير من الفرحه قال لي احمد انا ح اشكرك طول عمري لانو انا نهال طلعت روحي بي نقتها وحياتي كلها مشاكل واولادي بقو نافرين مني وكيف م ينفرو مني وهي مرضعاهم قسوه القلب والقوه وانا لو م خايف من كلام الناس اقولو جدع اولادو كان طلقتها زمان وارتحت منها ومن جوطتها بس م بقدر اجدع اولادي الله بسالني منهم لانو امهم قاسيه وانا عارف الحاجه دي عشان كده انا مسؤول امام الله من تربيتهم كلام معمر قطع قلبي ووجعني شديد واتندمت اني سكت ع الحقيقه بس نيتو ح تنقذو من نهال ومشاكلها وإياد الله كريم عليهو
احمد قال لي بكره خليك جاهزه بنجي نسوقك انتي ومحمد ان شاء الله قلت ليهو طيب
تاني يوم مشينا لي اهل فدوي وهم ناس بسيطين وناس كرم والله وشالونا فوق راسهم ومعمر اتكيف وعجبتو فدوي وهي زاتا عجبها معمر ووافقو علي معمر لانهم كانو بعرفو احمد من زمان ورجعنا مبسوطين معمر قال ح يكلم امو بس لكن لا نهال لا غيرها م يعرف الا لمن نجيبا البيت لانو نهال م معروف بتاعت مصايب
انا ونسرين جهزنا مع فدوي شنطتها ونسرين كانت خايفه من نهال قالت لي بتكتلنا قلت ليها انا شخصيا م خايفه منها وم ح ترعبني اكتر مما رعبتني زمان وانا الان متحدياها وبي دليلي تفتح خشمها اكتر من كده بفتح خشمي وبفتنها زي السلام عليكم ولو جرجرتني بالمحاكم مستعده ليها قالت لي ياخ م مشكله خليها تضرب راسها بالحيطه ان شاء الله
ومشينا مع معمر واتزوج فدوي وقال لي نهال عندو شغل بعيد ومشو شهر العسل مصر وقال لي امو لمن اكون جاي خلي البت البتنظف تفتح الشقه تنظفها وقلت ليهو نحنا بنجي للكرامه
يوم الصباح كنت قاعده براي اولادي ف المدارس ومحمد ف الشغل جاتني نهال واول مره تجيني في بيتي انا من شوفتها عرفت انو الموضوع فيهو شكله واتصلت لي احمد وخليت الخط فاتح نهال قالت لي انتي مفتكراني م بعرف
خساستك وما عارفه معمر وين هسي انا من يوم معمر عرس عارفه الموضوع دا قلت ليهو الراجل محلالات ليهو ٤ معمر م اذنب ولا اجرم قالت لي برضو راجلك محلالات ليهو ٤ قعدت اضحك قلت ليها والله لو راجلي يوم شكا مني ولا حسيتو انو م مرتاح معاي انا براي بعرس ليهو المشكله شنو وسبحان الله ي نهال قبل اليوم خططتي لطلاقي وزواج محمد من مرا تانيه وجبتي ليه واحده يتزوجها وجريتي في الموضوع دا بس محمد م مشا وراكم لاني م مقصره في حقو والنقاشات الكانت دايره زمان انتي كنتي سبب فيها وفي اي لحظه حزن دخلت حياتي واي دمعه نزلت مني كنتي انتي السبب فيها وانا صبرت علي بيت حلالي وم خربتو والاستحملتو ماف مره بتستحملو بس ربنا كريم علي لا انتي ولا غيرك م بتقدرو تغيرو اقدار ربنا بس كنتو سبب في جوطت حياتي والحمد لله ربنا انقذني منكم وبعدت عنك وزواج معمر قسمه مالي دخل فيهو بس انا غلطت ي نهال م كلمت معمر بي جريمتك من الاول وانتي م اكتفيتي بيها دمرتي صحتَو وحياتَو ومفترض تستحملي بعد كده نتايج غلطك وما تتفاصحي عشان ربنا م يكشفك انا سترتك بس ي عالم البحصل قدام شنو عشان كده اسكتي وعيشي حياتك واحمدي ربك انو معمر م طلقك وانا شايفه انك تمسكي اولادك ديل تربيهم وتاكلي وتشربي وتصمي خشمك قالت لي اول شي انتي م عندك دليل علي اي كلمه قلتيها ولو جبتي سيره حملي بالحرام دا ح تخسري كتير وانا شايفه انك تسكتي وبس. قلت ليها انا ساكته م خوفن منك بس خوفا ع مشاعر معمر لانو م يستااهل منك كده وكل م اتزكرك بقول حسبي الله ونعم الوكيل وحسبي الله ونعم الوكيل بتهد جبال خلي واحده نجسه زيك وشكرا للزياره ي نهال قال لي هو القاعد في بيتك منو انا قايمه من غير تطرديني بس شوفي ي منه لو م سكتي قسما بالله ح تفقدي اولادك واحد ورا التاني....