رواية زواج قاصره
الفصل التاسع9
بقلم نوسه حمد
بقيت زهجانه شديد من الدنيا ومن الفيها خالده ليه تعمل كده وليه دا كلو وعشان شنو عشان قروش م منها فايده وهم لناس كتيره ؟ وقروش حرام 😢 معقوله انا عقلي ابدا اكبر وتكبر معاهو الهموم ياخ انا م دايره اكبر ولا دايره ابقا مره عشان المجتمع قاسي شديد اول درس اتعلمتو في حياتي خالده وبنات الحله الضحيات درس كان قاسي علي شديد م قدرت استوعبو ولا قادره اصدق القوه الربنا اداني ليها والتصرف الاتصرفتو وبقيت م فاهمه اي شي وساكته م بتكلم مع اي زول شايله جواي حمل وهم صعب لواحده في عمري تعيشو انا لو م اتصرفت كان ضعتا وكان بقيت ملطشه وخالده كانت اشترت وباعت فيني ويا عالم كان الحا يحصل لي شنو وسط تهدداتهم بس الحمد لله اتوكلت علي ربي وربنا م خزلني رغم عمري صغير عملت الما بتقدر تعملو واحده اكبر مني
امي قالت لي ميعاد انتي مالك م عاجباني ليك كم يوم اكل زي الناس م بتاكلي قلت ليها انا بس عشان الامتحانات ي امي وم مقصره في شغله البيت قالت لي شغله البيت طايره انا م لاقيه حسك في البيت شغلتك دايره بيها شنو
معقوله كبرتي وح تكوني سكوته كده قلت ليها امي انا كبرت غصبا عني وكبرتني الظروف😢 قالت لي ظروف شنو قلت ليها زواجي وانا م فاهمه يعني شنو زواج ويعني شنو بت بالغه 😢وخالده و سفر سالم دي كلها م ظروف قالت لي عرسك دا قسمتك قلت ليها اي نعم سالم قسمتي بس ي امي ع الاقل كان تقولو ليهو اعقد وسافر سنتين وتعال بتلقاها كبرت لكن انتي م عارفاني بلغت او لا وعرستي لي ولو م سالم استحملني كان اتطلقت وكان قعدتا عذبه ف البيت وكان خالده باعتني😭 قالت لي خالده شنو ي بت البتبيعك مالا خالده بتبيع الناس قالو ليك قعدت اضحك قلت ليها انتي م عارفه حاجه ساي ي امي عيشي طيبتك دي وم عاوزه منك حاجه غير انك تبقي حنينه مع اخواتي امي الدنيا دي كعبه م تغرك ابوي م مقصر معاك بس انتي متعمده تتسيطري علينا انا شخصيا اعملي فيني الدايراهو ياني بتك ومستحيل يوم انكرك وفي الدنيا ح تلقني تحت رجليك ودا الدرس الاتعلمتو من المدرسه الانتي حرمتيني منها انو امك ثم امك ثم امك ويا امي لو كتلتيني انا ح افضل تحت رجلينك امي بقت ساكته ودموعها في عينا قلت ليها امي م عاش ولا كان البنزل منك دمعه نبكي نحنا وانتي تقشي دموعنا وتقسي انتي ونحنا نحن عليك انتي م عارفه لذه التعليم ي امي عشان كده م تحرمي اخواتي انا ربنا عوضني بي سالم والحمد لله واصلت تعليمي ورغم اني مشيت تامن طوالي م قريت مع دفعتي بس انا بحمد ربنا اني رجعت واتعلمت وكل درس ف الدين بديني درس في الحياه❤️ امي قالت لي ربنا يوفقك ي بتي انا اتندمت علي عرسك وعلي عدم قرايتك بس الحمد لله ربنا سترك انتي بت حلال وبت مطيعه عشان كده ربنا وفقك قلت ليها انا كنت زعلانه ع زواجي لاني م كنت فاهمه شي بس انا هسي ي امي بحمد ربنا على سالم انتي م عارفه سالم اتعامل كيف مع عقلي الطفولي كنت ببكي بقول ليهو دايره العب مع صاحباتي بقول لي بلعب معاك انا شوفي سالم انجبر علي انو امشيني ع قدر عقلي وتعب معاي عشان م اطلق وابقا ضحيه زيي وزي باقي البنات الاتزوجن صغار قالت لي سالم ود حلال ابقى عليهو عشره
امي قالت لي خالده مالا قلت ليها امي م تركزي مع الموضوع بس خالده تاني م تجينا وم تتونسي معاها ي امي واخواتي م امشن لي اخواتها وانا زاتي تاني اخواتي بعرف المهم كيف امي الزمن دا صعب صعب م تباري القهوه والونسات وتنسي انو من واجبك تراعي اخواتي ديل امي قالت لي ي بت احكي لي قلت ليها ماف شي ي امي بس م تنسي كلامي دا وبراك ح تسمعي لكن متين م معروف قالت لي اسمع منك انتي قلتا ليها القلتو ليك بس ياهو العندي امي قالت لي ربنا يهون ي بتي بس كلامك م طمني قلت ليها امي كلامي دا ادفني هنا م تمشي تقولي حاجه عشان م عارفه نوايا الناس والله اكفينا شر القيل والقال قالت لي بري انا زاتي ابوك مانعني من القول قلت ليها كويس ي امي
قالت لي دايراك تعملي قهوه لي ابوك لانو حاسي بالذنب الايام دي قايم علي قال لي جننتي البت بقت ونسه م بتتونس قعدت اضحك قلت ليها اعفو لي والله انا كويسه وهسي بجي وراك النلم كراساتي ديل ونجي نعمل القهوه ونتونس
اصريت م اكلم امي بي فعايل خالده لانو امي م ح تستوعب كلامي بس كنت عاوزه اوصل ليها معلومه انها تبعد منها لانو نظره رجال الحله لي خالده ح تكون كعبه ولو امي طلعت معاها شينه في حق ابوي بقولو بارتها رغم انو امي م بتمش ليهم بس هي بتجينا كتير ولو امي م ونستها وركبت ليها وش ح تبعد مننا ونبعد من شرها
مشيت لقيت ابوي قاعده قال لي ميعاد اها جاهزه للامتحانات قلت ليهو ان شاء الله والله ومعليش اعفي لي ي ابوي والله الايام دي عشان الامتحانات عشان كده بقيت م بقعد معاكم كتير قال لي والله انا فقدتك وفاقد ونستك بس قلت النخليك بي راحتك وحبوبتك تسال منك امشي عليها قلت ليهو سمح مشيت عملت القهوه وجيت اتونست معاهم لمن زهجو مني اخواني جابو لي التلفون سالم اتصل على اديتو أمي وابوي ومشيت بهناك اتكلمت معاهو قلت ليهو سالم بارك لي وكنت مبسوطه شديد قال لي مبروك في شنو حبيبتي قلت ليهو الليله اتكلمت مع امي وحسيت بي كلامي اثر فيها شويه وكل يوم ح اتكلم معاها لمن تتغير قال لي ان شاء الله ربنا يهون وانتي كيف حبيبتي قلت ليهو انا كويسه الا القرايه والامتحانات القربت دي قال لي ان شاء الله موفقه قلت ليهو لازم اجتهد اكتر واكتر عشان ارفع راسك لانك اتحديت معاي الدنيا قال لي اي شي بتجيبهو ببسطني المهم انك تواصلي قرايتك وم تنحرمي من حاجه قلت ليهو ربنا اخليك لي وم انحرم منك ومن تشجيعك لي قال لي امين سالم قال لي امي تسأل منك حاولي امشي اقعدي معاهم يومين قبل الامتحانات وبعد تخلصي الامتحانات اقعدي معاهم اسبوع قلت ليهو حاضر ان شاء الله وريم اول امس جاتنا برضو قالت لي الا تجينا ووعدتها اجيهم يوم الخميس وبقعد معاهم الجمعه ان شاء الله قال لي عديله تب قلت لي سالم بصلي العشاء وبرجع ليك قال لي طيب تعالي الواتس اوريك الحاجه دي قلت ليهو سمح
فتحت الواتس لقيت خالده مرسله لي طبعا انا بكرها وبخاف منها قلبي قعد ادق فتحت الدردشه لقيتها عامله دبلجه لي صوري ومعاي ولد نظام انو انا اتصورت جنبو انا لو م واثقه من نفسي كان صدقت انو دي انا وبعرف الولد دا طوالي اتصلت عليها قالت لي كده كيف قلت ليها لا لا ماشه كويس قالت لي المره الجايه بصلك فيديو قلت ليها انتي قصتك شنو ودايره مني شنو قالت لي تنفزي البقولو ليك قلت ليها شنو قالت لي تغلطي زي ما نحنا غلطنا قعدت اضحك قلت ليها انتي مصره تبقيني زيك قالت لي اي وم تعملي فيها الشريف الرضي قلت ليها غصبا عنك وبي حقي الشريف الرضي قالت لي اخر كلام عندي تجي البيت داك وبي ارادتك المره دي انا م بسوقك يا الصور ومعاهن فيديو اصل لي سالم قلت ليها انتظريني سمح زي الجيت قالت لي يعني شنو قلت ليها شوفي اعملي صور وفيديوهات واعملي اي شي وطلقيني من سالم وخلي اهلي زاتهم اصدقو اني عملت الحاجات دي بس لو القيامه قامت انا م ببقا زيك ولا ببقا ضحيه من ضحاياك ولا ببقا رهينه عندك وقفلت الخط ف وشها وقعدت ابكي الهم تاني عاد لي والدنيا ظلمت في وشي اسمع كلامها واباريها ف الرزيله ولا اطلق وحياتي تدمر؟؟؟