الاب : وفيها ايه يعني هو انا عجزت 😕
رضا : لا ي باشا ربنا يديك طولة العمر من بكرة اجيبلك احلي عروسه
الاب : بص انا مش فارق معايا جمال ولا مستوي المهم تكون محترمة ي رضا وتشوفها ب أسرع وقت ☝️
رضا : حاضر ي باشا هيبقي عندك الرد قريب
الاب : وهراضيك بالي تطلبه كمان
رضا ب فرحة : بجد والنبي ي باشا 😃
الاب : اعتبرها سمسرة 🤷🏻♂
( يعدي الوقت وييجي الليل ، ف بيت خلود ، يدخل ابوها البيت )
كرم وهو بيحري ع ابوه : بابااا 🤗
رضا : فين امك .. ي ام خلوووود
الام م المطبخ : ايوه ؟
رضا : خدي الاكل ده اعمليه عشان ناكل يلا
الام : ايه كل ده 😮
رضا : قولت ابسطكم شوية
( تدخل تعمل الاكل ، يقرب رضا يقعد جنب خلود )
رضا : كنت عايزك ف موضوع
خلود ب قلق : خير يارب !!!!!
رضا : روح ي كرم خش اوضتك لحد م اخلص كلام مع اختك
كرم : حاضر
خلود ب خوف : في ايه ي بابا ؟؟
رضا : جايبلك عريس
خلود : عريس تاني !!!!! حضرتك كل يوم تجيبلي عريس 🐸
رضا : لا المره دي غير اي مرة لا حسن ولا الجن ده باشا ومعاه ملايين
خلود : هتبيعني يعني عشان الملايين ولا ايه ؟
رضا : لا طبعاً هو مراته اتوفت من فترة طويلة وعنده ٣ ولاد كبار وهو راجل محترم وعنده شركة كمان
خلود : ع كدة عنده 100 سنه ع الاقل 🤷
رضا ب نرفزة : م تحترمي نفسك بقا وبطلي ردك دة عمال احيال وادادي فيكي م الصبح اه راجل كبير بس معاه فلوس تعيشك وتعيش الي جابوكي كمان 😡
خلود : ي سيدي وانت تعبان من وجودي ليه وانا بشتغل وبصرف ع نفسي ومبطلبش منك جنيه .. دة حتي النور والمايه بدفع فيهم ارحمني بقا والنبي 😟💔
رضا : يعني مش عاجبك 😀 تمام الف الف مبروك ي عروسه
خلود ب انفعال : انا قولت مش عايزه بقا حرام كفايه اللي بتعمله فيا ده 😧
رضا : حرمت عليكي عيشتك 😡👋
( يضربها بالقلم ويقوم يكمل ع وشها وجسمها ، تقرب امها وتحوشها منه ، يحبسها ف الاوضه ، يقرب كرم مخضوض )
كرم : في ااايه 😨
رضا ب زعيق : اخرس انت كمان وخش اوضتتتتك 😡
( يجري ع جوة ، ، ف بيت امير ، يقرب محمد ع عربيته عشان يروح ، يركبها ويطلع م الڤيلا ، يشوف ريم واقفة ع الطريق ، يقرب عليها ويزمر بالعربية ، تقرب عليه )
محمد : مروحة ؟
ريم : اه
محمد : طب اركبي اوصلك
ريم : لا الله يخليك تسلم 😅
محمد : اركبي بس انا مش بعزم عليكي
ريم : والله م اقدر معلش 😬
محمد : ي بنتي هو انا هخطفك 🤷🏻♂
ريم : مقدرش والله اركب انا اسفة 😕
محمد : الوقت اتأخر ي ريم مينفعش تقفي ف الشارع كدة !!!
ريم : معلش دلوقتي ييجي الميكروباص .. روح انت شكراً
( يركن محمد العربية وينزل منها )
ريم : نزلت ليه ؟!!!
محمد : طلاما انتي مش عاوزة تركبي معايا هركب انا معاكي
( يوقف محمد تاكسي )
محمد : اركبي
ريم : لا والله م هينفع كدة 😟
محمد : اركبي اهو في واحد معانا مش لوحدنا يلا
ريم : م انا .........
محمد : يلا بقا الراجل واقف 🙄
( يركبوا ويمشوا )
ريم : شكراً ي باشمهندس تعبتك
محمد : انا معرفش ايه الي بيقعدك ل وقت متأخر كدة طلاما بتروحي البيت !!!!
ريم : م عبال م خلصت شغل
محمد : ياريت متكرريهاش تاني ابقي تعالي بدري وامشي بدري
ريم : م انا بدرس ف عشان كدة باجي متأخر
محمد : بتدرسي ايه ؟!
ريم : ف اخر سنة ليا ف كلية تجارة بس وخداها منزلي عشان اقدر اصد ع الشغل مع الدراسة
محمد ب اعجاب : جدعة والله ي بنتي ربنا معاكي 🙂
ريم : الله يخليك 😊
محمد : ساكنة فين بقا ؟
( بعد يومين ، ف بيت امير ، بباه واخواته ورؤية قاعدين بيتعشوا )
الاب : خلصتوا اكل ؟
( يستغربوا )
امير : في حاجة ولا ايه ؟!!
الاب : اه عاوزكم ف موضوع كدة
الكل : خييير !!
الاب : انا قررت اتجوز
الكل ب صدمة : ايييه 😳
الاب : ايه اطرشتوا قلت هتجوز
رؤية : تتجوز ازاي ي عمي !!!
الاب : زي الناس 🤷🏻♂
احمد : فجأة كدة !!!
الاب : اه فجأة كدة
امير : انت بتهزر صح ؟!!!
الاب : كتب الكتاب بكرة .. وانت هتيجي معايا ☝️
امير : اجي فين لا طبعاً ازاي وانت رايح تتجوز ع امي !!!
الاب : استغفر الله العظيم .. ي بني ي حبيبي امك ماتت الله يرحمها وياخدني واحصلها عشان ترتاحوا كلكوا 🤷🏻♂
امير : انت لوحدك ف الموضوع دة متدخلنيش ✋
الاب : يعني ايه ؟!!
امير : يعني مش جاي كتب كتاب انا خد مؤمن
الاب : مؤمن هييجي وانت كمان هتيجي ي امير ازاي متحضرش كتب كتابي !!!!
( يتنهد امير )
الاب : دة اول واخر طلب هطلبه منك .. ياريت تنفذه
( يقوم الاب يطلع اوضته ، يقعد الكل محتارين ومستغربين ، تاني يوم ، ف بيت امير ، امير ف اوضته بيلبس ، يخبط الباب )
امير : ادخل
( يدخل احمد )
احمد : انت بتلبس انت هتروح بجد مع بابا 😟
امير : للأسف اه 🐸
احمد : ارفض ي ابني انت مطاوعه ليه كدة !!
احمد : مش هينفع انا لو مروحتش هيزعل .. وكمان ده حقه واحنا منعرفش الناس دي افرض مضوه ع حاجة ولا حصله حاجة هناك وهو لوحده
( يسكت احمد )
احمد : انا مش عارف ليه طلع بالموضوع فجأة كدة 🤦
امير : ولا انا .. يمكن حاسس انه محتاج ونس .. خلينا نشوف اخرتها
احمد ب يأس : طيب
امير : انت مسافر امتى ؟
احمد : بكرة بالليل
امير : ربنا معاك
احمد : ربنا معاكوا انتوا دة انا هخلع 😂
امير : هههههه 😄
( ياخد امير مفاتيحه والفون وينزل ، يلاقي ابوه ومؤمن مستنينوا )
الاب : يلا
( يركبوا العربية ويمشوا ، ف بيت خلود ، زغاريط واغانى وناس كتير مالية البيت والمأذون مستني ، خلود ف اوضة لابسة فستان فرح والبنات بيظبطوها وهي عمالة تعيط )
الام : ي بنتي كفياكي بقا دة فرح ولا عزا دة 🤷
خلود ب عياط : ياريته كان عزا .. ياريته 😣
شيرين : مش يمكن يطلع انسان كويس بصيله من جوة مش من برة ي خلود
خلود : ابص ل ايه بس .. زيوا زي الي فات دة اذا مكانش انيل منهم .. انا ليه مش زي باقي البنات الي بيختاره عرسانهم .. ليه مش زيهم .. انا اقل منهم ف ايه عشان اترمي الرامية دي .. اقل ف ايه بس 💔
شيرين : خلاص ي خلود بالله عليكي كفياكي بقا 😟
خلود : منه لله حسبي الله ونعم الوكيل ف دة اب .. باعني ي شيرين 😣💔
شيرين : معلش هنعمل ايه بس .. والله ممكن يكون راجل كويس ويريحك 🤷
خلود : كفايه انه كبير وعايز بنت قد عياله دي ميدلش ع انه كويس ابداً 😔
شيرين : هقولك ايه بس .. ربنا يعينك ع الي انتي فيه
الام : بصراحة نار جوزك ولا جنة ابوكي والله هترتاحي منه صدقيني 🙄
( يوصل امير ومؤمن وبباه قدام البيت )
امير : دة بيت العروسة ؟!!!
الاب : اه .. كنت عايز اقولك حاجه قبل م ننزل
امير : ايه ؟؟
الاب : انا عمري م هتجوز بعد امك الله يرحمها .. صراحه العروسه دي ليك انت مش ليا انا 😐
( يتصدم امير ويبان ع مؤمن انه عارف لان هو م الاول عارف )
امير : لمين .. ليا ازاي !!!!!!!
الاب : انا مش هسيبك تضيع مني .. انت زي الي بيختفي .. كان لازم حد يرجعك للحياه تاني
امير ب عصبية : انا مطلبتش مساعدة منك ولا من اي حد انا عاحبني نفسي ي ناس ارحموني بقااا 😧
مؤمن : ي امير بالي انت فيه دة بتنهي حياتك وبتبعد عن كل الناس .. عيش حياتك بقا 😕
امير : تقوموا ترموني الرامية دي !!!!
الاب : انا مرميتكش هي محترمه وكويسه
امير : بس انا معرفهاش ادخل اكتب كتابي ع واحدة عمري م شوفتها ولا مرة قبل كدة ازاااي 🤷🏻♂
الاب : م انت مش راضي تتعرف ولا تقرب ل اي حد .. ده الانسب ليك وهتعرفها مع الوقت
( يتنهد امير )
امير : مش هعمل كدة .. ﻷ 😐
الاب : والناس اللي مستنية فوق دي 💁🏻♂
امير : حضرتك الي دبستنا ف الحوار دة .. اكيد تقدر تتصرف فيه 😒
الاب : ي ابني افهم انا عايزلك الخير ومش هضرك 🤦
امير : مافيش خير ف انك تحطني قدام امر واقع والمفروض عليا اني اوافق .. دي حياة عارف يعني ايه حياة .. ازاي بعد كل دة اقبل حياتى تكون كدة .. انا اسف مش هقدر ✋
الاب : ي سيدي انا غلطان وطريقتي غلط بس انت لو مكاني هتعمل ايه ؟؟
( ميردش )
الاب : لاحظ ان دي هتبقا تاني مرة تصغرنا وتقلل من كرامتنا قدام الناس .. تاني مرة ي امير .. الي لو من اول مرة كنت سمعت كلامي كان زمانك عايش زي الفل مع بنت ناس بتحبك وصيناك .. هتقل بينا تاني ؟!
( يسكت امير مش عارف يعمل ايه )
امير : يعني انتوا مفكرين الي انتوا بتعملوه دة ف مصلحتى وانكوا ب كدة بتصلحوا حالي .. ماشي .. بس لو حياتي باظت هيبقا المرة دي بسببكوا ومش هسامح حد .. والله م هسامح حد ☝️
( ينزل امير م العربية ، يرتاح بباه وينزل هو واخوه ، يطلعوا العمارة ، يدخلوا البيت )
الاب : سلاموا عليكم ✋
رضا : وعليكم السلام اهلاً ي بشوات اهلاً 👋
الاب : اهلاً ي رضا 👋
رضا : نورتونا 😃 اتفضلوا 👋
امير ب استغراب : ايه اللي جايب رضا هنا ؟!!!
الاب ب صوت واطي : مهي العروسة بنت رضا
امير : المطلقة مرتين ؟؟
الاب : اه 😐
امير ب ابتسامة احباط : اقول ايه بس 😊💔
الحلقة السادسة عشر { ١٦ } 🌘
رضا : اتفضلو ف الصالون المأذون جه
( يدخلوا يقعدوا )
المأذون : البطاقه ي عريس 👋
( يطلع امير بطاقته )
رضا : لا العريس ي امير باشا !!!
الاب : امير العريس ي رضا
( يستغرب رضا ويتخض عشان شكله )
رضا ب ارتباك : ثوانى ي باشا بس .. مش حضرتك الي هتتجوز .. يعنى انت كنت بتكلمني ع عروسة ل امير باشا مش ليك ؟!!!
الاب : ايوة ل امير خلينا نخلص يلا ولا عندك مانع ؟؟
راضا ب ارتباك : ااا لا لأ ✋
المأذون : امضي ي عريس ونادوا العروسه تمضي
( يمضي امير ويدخلوا الورق ل خلود عشان تمضي ، تمضي خلود ودموعها عمالة تنزل ، يتكتب الكتاب واول م المأذون يخلص والناس تزغرط يقوم امير يقف )
الاب : رايح فين ؟!!
امير : انت مش عملت الي انت عايزه سيبني بقا 😑
( يمشي امير )
رضا : هو لامؤخذة مالوا الباشا ؟!
الاب : مخنوق شويه بس عشان الموضوع جه بسرعه .. انده العروسه عشان نمشي
رضا : يعنى هو مش قادر يستنى ياخد عروسته معاه .. ليكون مش عاوزها اه احنا منرميش بناتنا بردوا 🤷🏻♂
الاب : معلش ي رضا م انا هخدها وهوديها البيت متقلقش
رضا : اه وماله ي باشا بتك بردوا
الاب : صحيح الشيك اهو
رضا : مستعجل ليه بس 😍
( ياخده منه )
الاب : هنزل انا وخليها تنزل مع مؤمن ع مهلها
رضا : وراك ي باشا
( ينزل الاب ويستنى مؤمن ، يدخل رضا ل خلود )
رضا : قومي ي بنت المحظوظة قوميييي
خلود : انت المحظوظ ع الفلوس الي اخدتها 😒
رضا : م هتبقي غرقانة فيها ي روح امك بصلنا بقا ف الكام مليم .. يلا قومي 🙄
خلود ف سرها : حسبي الله ونعمة الوكيل 💔
( تطلع خلود م الاوضة )
رضا : دة اخوه هتنزلي معاه
( متردش خلود وتنزل مع مؤمن من سكات ، يركبها العربيه ويمشوا ، يوصلوا البيت ، ابو امير يوصل خلود ل اوضتها الي هي اوضة امير ، تشوفهم رؤية ، تقرب عليهم )
الاب : اتفضلي ي عروسه دي اوضتك 💁🏻♂
خلود : شكراً 😒
( تدخل خلود الاوضة ، تلاقي ابو امير مدخلش ، تستغرب وتفرح ف نفس الوقت ، تقفل الباب وتلف تتفرج ع الاوضة )
رؤية : عمي انت مدخلها اوضة امير ليه ؟!
الاب : عشان مراته
احمد ب خضة : نهار اسود مرات مين 😳
الاب : خلود مرات امير
رؤية : احنا مش فاهمين حاجه 🤦🏻♀
الاب : تعالوا طيب وانا هفهمكم
( يروحوا يقعدوا ويحكيلهم )
رؤية ب فرحة : الله يعني امير اتجوز خلاص 😍
الاب : ياريته بس فرح الا زي م قولتلكم مشا واتعصب ومعرفش عنه اي حاجه لحد دلوقتي 😑
رؤية : ان شاء الله تكون كويسه وتعوضه عن الي فات
الاب : امين يارب 👐🏻
( عند خلود )
خلود : راح فين دة !!
( تقوم خلود تغير هدومها وتلبس بيجامة وتستغطى وتنام ، ف بيت وجدان ، قاعد امير ف الارض جنب السرير ووجدان فوق السرير وحضناه من رقبته من ورا )
وجدان : وانت ليه متضايق ؟!
امير : مكنتش حابب الطريقة دي 😒
وجدان : الطريقة ولا الجواز عمتاً ؟
امير : انتي لو مكاني هتقدري تتجوزي .. هتعرفي تبصي ف وش حد ؟؟
وجدان : بصراحة لأ .. بس انت الي يعرفك من جوة يحبك ي امير .. مش كل حاجة الشكل 🤷
امير وهو بيبعد ايدها عنه وبيقوم : لا كل حاجة الشكل .. انا لسة مشفتهاش ولا هي شافتني .. رضا دة وحش .. راجل عجوز وملامحه مكرمشة وهي بنته .. بس مهما كانت هي وحشة بالنسبالي ملكة جمال .. اي حد هيقدر يبص ف وشها كل يوم .. وهيقدر يقرب ل قلبها ويحبها من جوة قبل برة .. بس اي حد غيري .. لان انا كل م هقرب منها هشوف ف عيونها خوفها من شكلي مش اكتر .. يعني بعد م كنت موجوع مرة واتأقلمت .. ابويا من غير م يحس هيوجع فيا كل يوم بيها .. مش هينوبني غير وجع القلب وبس 💔
وجدان : عندك حق 😕
( يعدي الوقت ، يأذن الفجر ، يوصل امير البيت ، يدخل اوضته من غير م يولع النور ويدخل التواليت ياخد دش ويطلع ، يولع النور ، يتخض ، خلود نايمة ع السرير ومستغطية ، يقرب عليها )
امير : ولا احمد انت ايه الي منيمك هنا !!
( ترفع خلود الغطا من ع وشها اول م تشوفه تصرخ )
خلود ب صريخ : عااااااااااااا الحقوني عاااااااااا 😨
( يتخض امير هو كمان )
امير : بس اهدي اهدي ✋
( يذيد صريخ خلود منظره سرعها ، يتلم البيت كله عليهم )
الاب : في ايه ؟!!!
( تجري عليه خلود )
خلود ب عياط : الحقني معرفش مين دة 😣
امير : انتي الي مين ؟؟!!!
الاب : دي خلود .. مراتك 😐
امير : اااااه
( يبصلها امير يلاقيها جميلة جداً ، اجمل من انها تبقا مرات مشوه .. 💔 )
خلود ل ابو امير : ازاي مش انت جوزي 😧
الاب : لا هو
خلود ب حيرة : هو ازااي 🤦🏻♀
الاب : هو جوزك انا ابوه حماكي
( يلاقوا الشغالين ورؤية واحمد واقفين عند باب الاوضة )
امير : مبسوط انت كدة .. مبسوط ع الرعب الي عملته دة 🤷🏻♂
( يطلع امير م الاوضة وهو ع اخره )
خلود : ممكن تفهمني ايه الي حصل ؟؟
الاب : ي بنتي انا طلبت من ابوكي عروسة وهو فكرها ليا لكن انا جوزتك ل ابني مش ليا بس ابوكي الي فهم غلط 🤷🏻♂
خلود ب فهم : ااااه
( يعدي الوقت ، يرجع امير الاوضة ، يلاقي خلود قاعدة ع السرير )
امير : مافيش نوم هنا شوفيلك اي اوضة تانية 😒
خلود : بباك الي وصلني ل هنا
امير : وانا قلت اطلعي برة .. متستفزيش صبري واتفضلي 😐
خلود : يعني انا اطلع اروح فين دلوقتي انا معرفش هنا 😕
امير : ف اي مكان اخرجي
خلود : طيب
( تقرب خلود تفتح شنطة سفر ف الارض تطلع منها طرحة تحطها ع دماغها ، يستغرب امير ويفهم انها محجبة ، تنزل خلود تقعد تحت )
خلود ف سرها : ايه الهم دة من اول يوم كدة .. لحظة لحظة .. يعني انا مش مرات الراجل العجوز 😃 بس معقول دة جوزى انا خايفة منه بجد 🤦🏻♀💔 هتعود ان شاء الله هتعود شكلهم ناس كويسين .. المهم اني مش مرات العجوز 😍
( ف اوضة رؤية )
رؤية : يعني انت كنت عارف انها ل امير
مؤمن : ايوة
رؤية : ومقلتش ليه ؟!!!
مؤمن : بابا كان مشدد عليا اني مقولش حاجة لحد م الموضوع يتم الاول
رؤية : بباك دة دماغه مش سهلة ابداً بردوا عمل الي هو عاوزه 🤷
مؤمن : ربنا يستر بس وامير ميبوظش الدنيا 🤦
( يعدي الوقت ، ميعرفش امير ينام ، يقوم يخرج برة الاوضة ، يبص من فوق يلاقي خلود نايمة ع الكنبة )
امير ف سره : ليه بس وافقت .. دي اكتر حاجة ف حياتك كان لازم ترفضها .. كانت لازم تمشي .. هتعيش معاك ازاي دي .. هتبص ف وشك ازاي طيب .. ولا هتقبليني ولا هقدر اقبلك ولا عايزك ف حياتي اصلاً 🤦💔
( يرن الفون بتاعه جوة ، يدخل يرد )
محمد ب ضحك : مبروك ل الحج يلاااا 😂
امير : حج ايه بس .. قول مبروك ليا 🤦
محمد ب استغراب : ليك ايه ؟!!!
امير : جوزوني ي حمو 😊
محمد ب صدمة : ايه ينهار اسود بتهزر مش معقول لأ 😮
امير : وربنا مش بهزر .. ابويا استغفلني
محمد : ازاااااي ؟!!!!!
( يحكيله ، بعد شوية ، ينزل امير المطبخ عشان يأكل ، يولع النور يلاقي خلود واقفة قدام التلاجة وبتاكل ب همجية وسرعة فظيعة ، تتخض خلود اول م تشوفه وتتحرج ويقع منها الاكل والي ف بؤها مش عارفة تبلعه ولا تنزله ، تشرق وتفضل تكح روحها بتطلع ، يقرب عليا ويخبطها ع ضهرها تخرج الاكل كله من قوة الضربة )
خلود : ااااه ايه الغباوة دي 😨
امير : انا غلطان يكش تموتي 😒
( لسة هيمشي ......... )
خلود : استنى
( يقف من غير م يبصلها )
خلود : انت ليه متجوزني وانت مش طايقني كدة !!!!!
امير : غلطة
خلود : ايه دي الي غلطة ؟!!
امير : جوازي منك غلطة اوك
خلود : طب خلاص طلقني 🤷
امير : قريب متقلقيش
خلود : طب فهمني طيب .. وبصلي وانت بتكلمني هفضل اكلم قفاك كتير 🙄
امير : بكرة هفهمك 😒
( يمشي )
خلود : طااايب .. واضح ان ف الحالتين محدوفة ف النار .. المهم ان في اكل هنا 😁
( تقعد خلود تكمل اكل وبعدين تطلع تكمل نوم ف الانتريه ، تاني يوم ، يطلع الصبح ، يصحى الكل الا خلود ، يخبط باب البيت ، تفتح ريم )
محمد : صباحووو ي شبح 👋
ريم ب ابتسامة : صباح الخير 😊👋
محمد وهو بيدخل : امير صحي ؟
ريم : لسة منزلش
محمد : طيب هطلعله
( يلاقي خلود نايمة ع الكنبة وطرحتها واقعة )
محمد ب استغراب : مين دي