رواية جفت دموعي الفصل الاول1والثاني2 بقلم ايمي الرفاعي

ما سلب منا بالقوه سنقتنصه بالقوه حتى وإن تركنا برائتنا وراء أكتافنا😌😌

مرت الأيام ورضخت سعديه للأمر الواقع من أجل صغارها ستلقى كرامتها أرضا ليطئوا

 عليها بأقدامهم ستتجرع الهوان من أجل أن تصل لفتياتها لبر الأمان

تبدلت الكبيره من فتاه هادئه مسالمه الى فتاه صاخبه على كل شئ تعويضا عن غضبها من

 سلبيه والدتها....أنجبت الزوجه الأخرى الصبى المنتظر لترتفع الزغاريد فرحه بقدومه تحت

 أنظار من تتقلب على نيران قلبها لتذداد التفرقه عن ذى قبل ويتحول المنزل من جدران

 تحميهم الى سجن يطبق على أنفاسهم مطلقا آهات وأحزان تكوى أجسادهم ألما

اجتازت الكبيره اختباراتها بتفوق جعلت والدتها تضمها بفرحه تحت جفائها لتكوب وجهها

 بين يديها فخرا.....مبروك يا روح قلبي ماتعرفيش فرحتى قد إيه انهارده عوضتى صبرى 

خير..اول ما التنسيق يبان هنروح نقدم..طب إن شاء الله زى ماكان نفسك

أبعدت يدها بجفاء مبتسمه بتهكم....وأنت فاكره أبويا ولا ستى هيوافقوا.بكره يقولولك كفايه عليها كده وكفايه مصاريف

جلست بجانبها لتربت على فخذها بحب....مالكيش دعوه أنا هتصرف.المهم تحققى الى نفسك فيه

امتعضت ملامحها ضيقا لتلقى فى وجهها كلمات سامه....هتتصرفى تعملى

 ايه أكتر من إنك بقيتى خدامه لمراته وابنه هتعملى فينا إيه بعد كده...حرام عليك وكفايه ذل فى نفسك خلينا نمشى وننفد بكرامتنا

اخذت نفسا عميقا لتذفره بضعف....يابنتى حرام عليك الى بتعمليه فيه ده هلاقيها منك ولا منهم قلت ليك قبل كده.الدنيا مش سهله زى ما إنت فاكره 

.أهو قاعدين في حيطان لمانا من كلاب الشارع ..عذاب ونار أبوك أرحم من جنه  الى إنت متخيلاها بره أهو في الاول والاخر أبوك .اسمعى الكلام 

وأرضى بالأمر الواقع على بال لما أطمن عليك وبعد كده أعملى الى إنت عايزاه واذا كان 

عليه أنا خلاص اتعودت وعلشان خاطر عيونكم أرمى نفسى فى النار

أشاحت بوجهها بعيدا رفضا على سلبيتها وخنوعها الذى يكوى قلبها حزنا عليها

...................بالخارج

يلتف الجميع حول منضده صغيره ممتلئه بطعام العشاء لتلج إليهم سعديه وبجانبها كبيرتها قائله بفرحه وفخر.....محمود بارك لورد جابت مجموع عال وهنقدم لها فى طب إن شاء الله

أطلقت الزوجه الثانيه ضحكه ساخره.....طب مره واحده 

جزت على أسنانها غيظا لتستطرد قائله....اه طب إن شاء الله هما الى هيدخلوها أحسن منها.قلت إيه يا محمود هتيجى معانا بكره وإحنا بنقدملها

زفر بضيق موزعا نظره لمن يجاوروه قائلا بصلابه وقلب لايدرك الحنان.....أنا شايف 

كفايه علام لغايه كده .لسه اخواتها وأنا مش هلاحق مصاريف لكل ده وخاصه بعد ما نزلت مصر

ضربت على صدرها غضبا لتهز رأسها رفضا لحديثه تحت أنظار من يقابلوها شماته وعبرات كبيرتها التى أخبرتها بأن هذا ما سيحدث لتصرخ بقهر..

..بتقول ايه..حرام عليك يا شيخ إنت ماعندكش دم ولا فى قلبك رحمه .ده أنا استحملت قرفك والسجن الى عيشتنى فيه علشان خاطر بناتى وفى

 الاخر تقول كفايه...لا بقى كفايه انت  بنتى هتكمل علامها وهتعمل الى نفسها فيه وأعلى مافى خيلك اركبه

انتفض غضبا من مجلسه ليذمجر لاويا يدها وراء ظهرها وهو يصيح ويكيل لها الصفعات

 تحت صراخها وبكاء ابنته.....أنت بترفعى صوتك عليه ياوليه إنت اتجننتى ده أنا هطلع روحك على ايدى

تعلقت الكبيره بيده توسلا لتترجاه وسط عبراتها....خلاص يا بابا علشان خاطرى سيبها..خلاص مش عايزه اكمل تعليمى...مش عايزه حاجه.بس أبوس ايدك سيبها

دفعها بغضب لتترنح وتسقط على الأرض وسط تأوهها  وبكائها لتساعدها الكبيره بحزن 

جلى قائله...قومى معايا ياماما كفايه عذاب وقله قيمه أنا خلاص مش عايزه حاجه

دلفت معها إلى الداخل وهى تمتم بغضب....لا مش هسيبهم يضيعوا مستقبلك بعد كل الى عملته..لا

لتنخرط فى البكاء لتشاركها كبيرتها ضامه اياها الى صدرها وهى تهدهدها بحزن..

..كفايه يا ماما أنا بموت وأنا شايفاك كده

شدت من احتضانها وهى تتوسل بمسامحتها قائله بحزن....سامحينى يا ورد يارتنى سمعت كلامك ومشينا من زمان...أنا السبب فى كل الى إحنا فيه

هزت رأسها رفضا.....لا يا ماما ماتشيليش نفسك ذنب حاجه هما الى مافيش فى قلوبهم رحمه.ربنا ينتقم منهم..أنا من بكره هنزل أدور على شغل علشان 

يبقى معانا فلوس ونمشى من هنا

ارتدت الى الوراء قليلا قائلا برفض....ايه إلى بتقوليه ده لا طبعا.أنت مالكيش دعوه بحاجه ركزى بس فى دراستك وأنا هتصرف .أنا مش هستحمل كل ده وفى الاخر تسيبى تعليمى

حاولت الاعتراض لترفع يدها مانعه إياه من متابعه ما تقول لتستطرد قائله.....قلت خلاص أنا هتصرف قومى اغسلى وشك ونامى وسببينى لوحدى شويه

تنهدت بحزن لتدنى برأسها طابعه قبله على كف يدها جعلت الأخرى تربت على رأسها قبل أن تستقيم متجه الي الخارج

.............

ظلت تفكر في هذه المعضله حتى اهتدت الى فكره تساعدها على تكمله تضحيتها بتعليم ابنتها دون الاحتياج لمعاونه زوجها ذو القلب الصلب استغلت جشاعه وطمع والده زوجها لتنفيذ ماارادت لتتفق معها لتقسيم جزء من أموالها التى ستحصل عليها جراء عملها بخياطه وتطريز بعض الملابس للجيران مقابل ترك ابنتها تكمل تعليمها تحت ألتماع.و تتلألأ عينيها بالمال وافقت وأقنعت الأب بالأمر لتتنفس الصعداء بتحقيق حلمها في أولادها حتى وإن أهلكت عيناها وصحتها كله فداء فلذه أكبادها

مرت الأيام ومازالت تجهد صحتها فداءا لأولادها  ليمر العام الأول بهدوء الذى يسبق العاصفه.شعرت الزوجه الثانيه بالغيره من تقدم فتيات ضرتها في

 دراستهم بجانب سريان المال فى أيديهم من عمل والدتهم جعلت النار تضرم فى قلبها لتحيك المؤمرات لك تتخلص منهم

.........فى مساء يوم

تجلس ورد في غرفتها تتابع دروسها بعيدا عن من فى البيت تجنبا لمضايقتهم إليها خاصه عند خروج والدتها وشقيقتها الصغرى لبيع بعض الملابس.....إسترقت السمع لهمسات بالخارج..لتطل برأسها من فتحه باب غرفتها  لترى زوجه أبيها تقف مع صديق والدها تتحدث بغنج وهمس مع بعض العبارات الخارجه جعلتها تشهق بغضب .ألتفتت الأخرى عند استماعها لصوتها لتدذرد ريقها توترا لتغلق الباب مسرعا متقدمه إليها بملامح غاضبه قائله.....ايه الى موقفك كده يابت بتتجسسى عليه

لوت شفتيها سخريه....وهتجسس عليك ليه بتعملى حاجه غلط لاسمح الله...مش ده برده عم متولى صاحب بابا

جزت على أسنانها غيظا.....اه يا ختى صاحب أبوك وكان بيسألنى عليه..وبعدين ايه الى موقفك كده مش وراك مذاكره ولا فالحه كل مانطلب منك حاجه تقولى ورايا مذاكره

رفعت حاجبها سخريه....اه ورايا مذاكره ومش فاضيه .بس برده ماقلتيش كان عايز أبويا فى إيه مش المفروض معاه فى الشغل

بلعت ريقها خوفا لترفع صوتها عاليا.....وانت مالك بت لمى نفسك  أنا مستحملاك بالعافيه خليك حلوه وماتدخليش فى الى مالكيش فيه إلا وهتلاقينى قلبت على الوش التانى 

تخصرت بسخريه ضاحكه باستهزاء....طيب وأنت متعصبه قوى ليه كده إلا لو خايفه من حاجه.على العموم لما أبويا يجى هقوله على الى شوفته

لم تستطع تحمل تهديدها وسخريتها لتقبض على معصمها غضبا قائله بفحيح.....حسك عينك أبوك يعرف بحاجه إلا ورحمه الغالين هدفنك مكانك إنت لسه ماتعرفنيش ولمى الدور أنا مانعه أبوك عنك بالعافيه ماتخلنيش أحطك في دماغى

تألمت من قبضه يدها متسائله.....يعنى ايه مش فاهمه

دفعت يدها شماته وسخريه...يعنى أبوك مش عاجبه موضوع علامك وعايز يجوزك ويخلص من مصاريفك فخليك حلوه وابعدى عن طريقى أحسن ما أخليه يوافق

اذدردت ريقها خوفا لتمتم بهمس....يجوزنى...لا مش ممكن 

نكزتها فى كتفها ضاحكه بسخريه.....لا وكمان مش أى عريس المعلم فتحى 

كتمت شهقه خوف قائله بحزن....المعلم فتحى الى قد أبويا ....ليه كده حرام عليكم

دنت منها قائله بفحيح وبرود.....نسمع الكلام وتبعدى عنى لو مش عايزانى احطك فى دماغى .ماشى ياقطه ..سلام

تابعت ابتعادها وعبراتها تتلألأ فى عينيها غير مصدقه بأن والدها وصل به هذا الجحود والصلاده لرميها بطريق كله أشواك غير عابئ ببرائتها وصغر عمرها لتتأذى بجروح ستظل تنزف إلى مدى العمر

دلفت والدتها إليها رافعه حاجبها استنكارا لشحوب وجهها متسائله....مالك يا ورد شكلك تعبان

بلعت ريقها توترا معتدله في جلستها قائله....مافيش تلاقى من كتر المذاكره....ماما

جلست قبالتها باهتمام متسائله....نعم ياحبيبتى

ربعت قدميها لتدنو برأسها قائله بخفوت....أنا عايزه أمشى من هنا إنت دلوقت بتشتغلى وبتكسبى كويس ايه لازمته نقعد في السجن ده خلينا نمشى ونسيبهالهم

زفرت بضيق من حديثها المتكرر قائله....تانى ياورد مش هنخلص من الحكايه ده هنروح فين بس يا بنتى أهو قاعدين في مكان ساترنا

هزت رأسها رفضالتفرك في يدها غضبا.....ساترنا ايه حرام عليك عاجبك العذاب إلى إنت فيه وفلوسك وشقاك الى بياخدوه منك على الجاهز.ياماما خلينا نمشى وننفد بجلدنا من العذاب ده

جذبتها لاحضانها مربته على ظهرها بحنان.....اهدى يا حبيبتى ايه الى حصل بس ماانت كنت كويسه قبل ما أمشى وكنا خلصنا من الموضوع ده ..ياحبيبتى احنا ولايا لوحدنا والدنيا مش هترحمنا لو حد عرف إننا من غير راجل هنتبهدل ..ركزى إنت بس فى دراستك علشان توصلى للى مااقدرتش أعمله ووقتها نعمل الى إنت عايزاه

تنهدت بضيق مبتعده لتتكور على جسدها بحزن متمتمه بضيق....أنا عايزه أنام

دنت بعينيها حزنا لتربت على رأسها بخفوت.....نامى يا حبيبتى تصبحى على خير

.......................

حاولت ورد تجنب زوجه والدها لتنقلب الايه بدلا من أن تقلق زوجه الأب منها ..ارتعبت ورد من تنفيذ تهديدها لتتوارى عن أنظارها على قدر المستطاع...مختبئه فى غرفتها معظم وقتها بحجه دراستها..

..........................

داخل غرفته يذرع الأرض ذهابا وايابا والقلق والتوتر يعصف به جعلت من تدلف اليه ترفع حاجبها تعجبا متسائله......مالك ياأبو أحمد مش على بعضك ليه

ألتفت إليها بضيق مذمجرا......المعلم فتحى مصمم أرجعله فلوسه مدينى مهله لاخر الاسبوع الا هينفذ تهديده

شهقت بخوف جالسه على طرف فراشها قائله.....طيب وبعدين هنعمل إيه.الفلوس كلها حطناها فى المشروع وياريته نفع ده كمان قاعد يخسر

كوب رأسه بين يديه ضيقا ليولول بغضب....أنا كان مالى ومال المشاريع  ايه الى خلانى اسمع كلامك وكلام متولى أنا الى هروح فى داهيه دلوقت

تمتمت بضيق ...هو ده جزاتى إن عايزاك تبقى معلم ومعاك فلوس علشان خاطر ابننا .عاجبك سعديه بقت الفلوس بتجرى فى أيدها وبكره تكسر عينك وماتعرفش تكلم معاها

ذمجر بغضب منقض على معصمها....تكسر عين مين ياوليه ماتظبطى كلامك

تأوهت بألم مربته على كتفه بعد أن حررت يدها قائله بخبث.....مش قصدى ياحبيبى بس أنا خايفه الفلوس تكتر معاها  وتستغنى عنك هى والبنات  أنا بقول لك كده علشان خايفه على البنات لتاخدهم

 وتمشى ..ماهى خلاص هتبقى أم الدكتوره ومش هنبقى قد المقام.بس أنا عندى الحل لكل الى إحنا فيه وهتفضل إنت الى مسيطر وماحدش يقدر يرد ليك كلمه

جلس بجانبها بعد أن جذبته مسترق السمع لفحيحها متسائلا.....حل إيه

دنت برأسها قائله بمكر......مافيش حل غير إنك توافق على طلبه بجوازه من ورد .وقتها هيبقى جوز بنتك وطبعا مش هيرضى يدخلك السجن .وهتقدر تشاركه ونطلع من الفقر الى إحنا فيه

حاول الاعتراض خوفا من رد فعلهم  لتمرر يدها على كتفه بدلال.....مافيش حل غير كده علشان ترحم نفسك من السجن .كلم أمك تبلغهم وهى تتصرف وتقنعهم ...فكر ياحبيبى فى المكاسب الى هتيجى من ورا الجوازه ده ..هتبقى معلم وليك اسمك في السوق...فكر

أطلق عينيه إلى الأعلى بطمع يتخيل حياته القادمه من بذخ وأموال تجرى بين يديه على أشلاء ابنته التى سيلقى بها فى بئر سحيق غير عابئ ببرائتها وحياتها التى ستسحق على يد هذا الزواج 

مرت عده أيام يقلب الموضوع فى رأسه لتنتبه إليه والدته بعد دلف إليها في غرفتها بعد تناولهم العشاء لتفسح له جالسا بجانبها متسائله.....مالك يا حبيبى فى حاجه عايز تقولها

حك عنقه  ليلوى شفتيه توترا قائلا.....كنت عايز أخد رأيك في موضوع...فى عريس متقدم لورد  بس أنا متردد

قطبت جبينها استغرابا....متردد ليه ياحبيبى ظروفه مش كويسه

أسرع فى الحديث قائلا بلهفه....بالعكس ده معاه فلوس كتير وله اسمه ومركزه

لوحت بيدها فرحه..... ماهو كويس أهو.والله وبيضالك فى القفص يابنت سعديه....امال ايه اعتراضك

زفر بحيره وتردد قائلا.......أصله كبير في السن وخايف لما تشوفه ترفض

رفعت حاجبها استنكارا....يعنى ايه كبير وهو من امتى بنحكم على الراجل بسنه المهم جيبه عمران ولا لا..سيب ليه الموضوع وانا هتصرف مالكش دعوه.بس ماقلتش مين هو

بلع ريقه توترا......المعلم فتحى

فغرت فاهها طمعا وفرحا لتصقف بيدها....ياحلاوه ياولا المعلم فتحى صاحب محلات الأجهزه الكهربائية...وهو ده عريس يترفض برده..ده.عنده.فلوس لو قعدنا نصرف فيها مش هتخلص .

فرك يديه قلقا قائلا....بس أنا خايف البت وأمها يرفضوا

شهقت بطريقه سوقيه رافعه حاجبها استنكارا......يرفضوا ليه إن شاء الله هما هيلاقوا عريس زى  ده يخبط على بابهم كل يوم .وبعدين إحنا ماعندناش حريم ليهم رأى .الى هتقول عليه هيتنفذ

لتربت على فخذه بتأكيد....ماتقلقش ده ماهيصدقوا .لما يدخل عليهم بفلوسه عنيهم هتزغلل وهيوافقوا .إتكل إنت على ربنا وبلغه إننا موافقين وأنا هقول لهم خلينا نفرح ونطلع من الفقر الى احنا فيه

ابتسم فرحه ليطبع قبله على كفها قائلا بحب...ربنا مايحرمنى منك يا ست الكل أسيبك أنا تريحى شويه وأقوم اشوف الواد أحمد وحشنى ابن الايه

اعتدلت فى جلستها قائله ببرود.....ماشى يا حبيبى وأنت خارج نادي ليه البت ورد اتكلم معاها

حك شعره قلقا لتغمز له بتأكيد....روح ماتقلقش  .أنا هتصرف

ابتسم ابتسامه قلقه معطيا ظهره لها ليتجه إلى الخارج قلقا من رد فعل كبيرته على هذا الزواج المرتقب

......

بعد قليل من الوقت دلفت ورد الى جدتها بملامح قلقه تتهادى بخطواتها المرتقبه قائله....نعم ياجدتى بابا بيقول إن حضرتك عايزانى

ربتت على فراشها لتحثها على الجلوس بجانبها قائله بنبره حب مصطنع ....تعالى ياحبيبتى والله وكبرتى بقيتى عروسه .عامله ايه فى مذاكرتك

جلست قبالتها متعجبه من نبرتها الودوده قائله.....الحمد لله كويسه

مسدت على خصلات شعرها بخبث.....تستاهلى الحمد ياحبيبتى طول عمرك شاطره ومؤدبه وبنت حلال علشان كده ربنا هيرزقك بواحد ابن حلال زيك كده  ويقدر جمالك وشطارتك

ابتسمت بخجل قائله....لسه بدرى ياستى على الكلام ده أنا لسه صغيره

ظلت تتأمل جمالها بمكر مخلله يدها بين أصابعها قائله ببسمه متكلفه

 .....و لا صغيره ولا حاجه الى قدك

 دلوقت عنده عيل وهيجيب التانى.أنت بس الى غاويه علام علشان كده أجلتى الموضوع بس أنا بقول كفايه كده وتفكرى فى الموضوع وكليتك هتفضلى فيها زى ما إنت

أبعدت يدها بجفاء لتبلع ريقها توجسا....قصدك ايه مش فاهمه

أهدتها بسمه ماكره مربته على فخذها.....قصدى إنك بقيتى عروسه والخطاب بيخبطوا على بابك وإحنا وافقنا على واحد منهم وجاى على آخر الاسبوع تشوفيه

قطبت جبينها استنكارا وضربات قلبها تقرع بخوف.....مين ده الى جاى اخر الأسبوع

هزت رأسها فرحه.....المعلم فتحى على سن ورمح لمحك وأنت راجعه من الكليه عجبتيه وكلم أبوك و هيجى اخر الاسبوع نقرا الفاتحه

انتفضت بغضب ليهدر صوتها عاليا....من غير ماتاخدوا رأى .انتم اتجننتوا عايزين تجوزونى لراجل قد أبويا

توحشت ملامحها غضبا .....جن مايلخبطك يابت ماتتعدلى وأنت بتكلمى معايا

لتأخذ نفسا عميقا مهدأه حالها قائله بنبره ماكره....يابت يا هبله ده هيعيشك فى نعيم وهيعملك كل الى نفسك فيه

أشاحت بيدها عاليا....الله الغنى..حرام عليك إنتم عايزين تدفنونى بالحيا ليه كده هو مش أنا بنتكم ليه بتعملوا فيه كده

دنت برأسها قائله بخبث....ماهو علشان إنت بنتنا عايزين مصلحتك حد يلاقى الفلوس ويقول لا .صحيح فقريه زى أمك

تراجعت الى الخلف قائله بصوت عال غاضب.....مش عايزه حاجه .حرام عليكم

 لتسرع بخطاها الى الخارج بصوت عال جعلت من بداخل غرفهم يلجوا متسائلين بأعين متعجبه عن ماذا يحدث لتنقض بالحديث لمن تجاور والدها

 قائله بكره....انت السبب .من يوم مادخلتى بيتنا وحولتيه لسجن وعذاب منك لله يا شيخه عملتلك ايه علشان تعملى فينا كده كرهتى أبونا فينا من غير سبب وفى الاخر عايزاه يرمينا ويدوس علينا أكتر من كده

اقتربت منها والدتها بتعجب متسائله....فى ايه ياورد مالك يا حبيبتى

التفتت إليها برأسها وعبراتها تتساقط بحزن....شوفتى أخره سكوتك عمل فينا ايه عايزين يجوزونى لراجل قد أبويا  قلت ليك تعالى نمشى وننفد بجلدنا قعدتى تقولى هنروح فين الناس هتاكلنا وتبهدلنا ..طلع أهلى هما الى هياكلونى وينهشوا فيه أكتر من الغريب...حرام عليك أموت لكم نفسى علشان تخلصوا منى

توحشت ملامحها مضيقه عينيها بغضب متسائله.....الكلام الى بتقوله ورد ده حقيقه 

أشاح بعينيه بعيدا غير مبال بذمجرتها قائلا...اه إيه المشكله عريس واتقدم لبنتى وشوفته مناسب ووافقت عاملين هيصه ومشكله ليه

قبضت على تلابيبه غضبا وهى تحركه.....أنت ايه مش ممكن تكون أب وبنى ادم بتحس بولادك .بتعمل فينا كده ليه حرام عليك مش كفايه مستحمله قرفك إنت وأمك علشان خاطر عيالى وفى الاخر عايز تضيع مستقبلهم.مش كفايه إنك ماشى دلدول ورا الست وراضين وساكتين حرام عليك

دفعها غضبا ليضيق عينيه التى استسعرت نيرانها قابضا على خصلات شعرها بذمجره....أنا دلدول يابنت...... أنا هوريك هعمل فيك إيه

ليكيل لها الصفعات تحت صراخ وبكاء الفتيات وشماته أعين من تستند كل منهما على باب غرفتها..ليلقيها بعيدا متوعدا.....اعملوا حسابكم كتب كتابك هيبقى اخر الاسبوع لما نشوف كلام مين الى هيمشى....ليلقيها ببصقه اذدراء موليا ظهره وجسده ينتفض غضبا لتربت على كتفه بدلال متجها إلى غرفته تحت نظراتها الحاقده جعلت من تستكين في أحضان والدتها وعبراتهم تغرق وجنتيهم تلقيها بنظرات كره وغضب...ساعدت والدتها على القيام لتتأوى ألما وهى تمتم رفضا....لا مش هسمحلوا يضيعكم منى كفايه أنا..لا 

ربتت علي ظهرها بحنان لتساعدها على التسطح بفراشها لتذم شفتيها حزنا...اهدى يا ماما علشان صحتك انا ماليش غيرك

جذبت فتياتها لاحضانها ليشاركوها البكاء قائله بترجى...سامحونى أنا السبب فى كل ده  سلبيتى وخضوعى ليهم هما الى وصلونا لكده .كنت فاكره أن بحافظ عليكم من الناس وسط أهلكم..طلع اهلكم أسوأ من الناس ...وغلاوتكم عندى مش هسمح لحد يأذيكم تانى

لتشد من احتضانهم وعقلها يتحرك في جميع الاتجاهات تفكر كيف تتخلص من هذه المعضله

.....مرت عده أيام ليتفق محمود مع المعلم فتحى على عقد 

قران ابنته في نهايه الأسبوع ليذداد تصميم سعديه على إيجاد 

حل للخروج من هذا المأزق قبل أن ترى بأعينها نهايه كبيرتها على هذا الزواج.........

انتظرت غفو جميع من فى البيت لتضب 

حقيبه متوسطه لها ولفتياتها  لتتسحب بخفوت متجه إليهم 

مناديه إياهم بصوت هادئ....ورد..نور..اصحوا

فركت كل منهما عينيها تعجبا لتتسائل الكبيره....فى ايه ياماما .وايه الشنطه الى معاك ده

جذبت الغطاء من فوقهم لتحثهم على القيام قائله بصوت 

قلق....قوموا بسرعه خلينا نمشى قبل ما حد يحس بينا

انتصبت كل منهما توترا لتتسائل الصغيره بخوف.....هنروح فين

اعتدلت فى وقفتها لتساعدهم على ارتداء ملابسهم 

بسرعه.....أى مكان المهم نهرب من السجن ده..يالا بسرعه قبل ماحد يصحى

ارتدت كل منهما ملابسها على عجل لتمد سعديه رأسها بهدوء 

لتتأكد من خلو المكان ونوم الجميع مطلقه لساقيها الريح هى 

وبناتها بخطوات مرتبكه حتى تنفست الصعداء عند مرورهم من باب المنزل بدون أن يلاحظها أحد