مملكة العشق الفصل الاول
بصي يا فريدة انا كده زهقت بجد
فريدة... زهقت ازاي ومن ايه بالظبط يا رأفت
زهقت مني ولا من غيرتي عليك انا بحبك
رأفت... عارف يافريده ومتاكد من حبك
بس ده مش اسلوب ولا طريقه حب
فريدة... هوه الحب بقا ليه اسلوب وطريقه
رأفت... يا فريده الحب اهتمام اه عطاء تضحيه
مش نكد وغيره وكلام كله زعل منك
فريدة... وهوه انا قصرت في ايه ايه اللي مش مهتميه بيه وايه انا ضحيت بكل حاجه عشانك كذا عريس أتقدم ليا ورفضتهم كلهم عشانك عشان بحبك استحملت لوم اهلي واخترتك انتا ليه عشان بحبك غيرتي عليك ليه عشان بحبك مش قادره استحمل اشوف وحده بتكلمك وكمان واقفه بتضحك وتتمايل معاك قدامي وأفضل ساكته احمد ربنا اني اكتفيت بكلامي معاها
رأفت.... ايه كنتي عايزه تضربيها ولا ايه
فريدة... كان نفسي امسح بيها البلاط وحياتك
رأفت... ليه كل ده ايمان معملتش حاجه لده كله انتي عارفه انها زميلتي من ايام الدراسه ودلوقتي في عمل واحد يعني مش معرفت يوم ولو كان في حاجه من اللي في دماغك كان أولى انها تبقى هيا خطيبتي مش انتي
فريدة... انا مليش دعوه زميلتك ولا صحبتك متفرقش معايا في حاجه
رأفت... امال ايه اللي يفرق معاكي يا فريدة
فريدة... يفرق انك تراعي شعوري قدام الناس تحس باللي بحس بيه لما اشوف واحده بتعاملك كده مش بستحمل انا عقلي وتفكيري كده حتى قلبي كده
رأفت... انا عمري مانسيتك ولا فكرت اجرحك باي كلمه ولا حركه وحبي ليكي فوق اي حاجه بس انا ليا ظروف شغلي تجبرني انا اتعامل مع الناس انا شغال في العلاقات العامة عارفه ايه يعني علاقات عامه لازم احتك بالناس واتكلم معاهم بلطف مش اي واحده تضحك ولا تتكلم معايا ولا تبعت ليا رساله يبقى بتحبني ولا بحبها وانتي من الاول عارفه كده وعارفه ظروف شغلي ومن ضمن الظروف دي انك تكوني معايا تخرجي معايا في المشاوير اللي زي دي
فريدة..... اه اخرج عشان يتحرق دمي في كل مره وليه ايمان دي تكلمك كده حتى تراعي شعوري على الاقل تقول فيه حتى خشبه واقفه جنبك ولا انا بقيت شفافه ولا ايه عشان مش شيفاني وتميل كده عليك انا مسكت اعصابي بالعافيه وفي كل خروجه من دول بنرجع متنكدين انا خطيبتك نفسي مره تقولي تعالي نتفسح هنا ولا هنا لوحدنا شغلك على راسي من فوق ونجاحك نجاح ليا بالظبط بس انا عيزاك يا حبيبي نفسي ابقي معاك لما كده في فتره الخطوبه امال بعد الجواز هتبقى ازاي يا رأفت
رأفت... وانا مش هقصر معاكي وكل اللي بعمله علشان مين مش عشاني انا وانتي على فكره لا ايمان ولا غيرها تملي عيني انا عيني مليانا بيكي ياحبيبتي ولا يمكن ابص على وحده غيره وبعدين بتقولي جواز وخطوبه انا كل امنيتي يجمعني بيكي مكان واحد مستني اليوم ده بفارغ الصبر عشان فريدة حبيبتي بس الغيره الذياده دي بتوتر اعصابي وبتفقدني عقلي مش حمل كل ده انا بدل ما نعيش أيامنا فتره الخطوبه اللي بيقولو اسعد ايام العمر بتضيعيها في كلام كله عتاب ليه كده ودي ليه معلقه كده ودي ليه بتعمل كده انا بحبك يا فريدة وعمر قلبي ما هيحب واحده غيرك صدقيني
ثقتك فيا اهم شيء لو مفيش ثقه مش هتبقى فيه حياه اصلا انا اخترتك من بين كل الناس دي وعارف انك كمان اخترتيني وعاندتي اهلك عشاني يعني احنا الاتنين اخترنا بعض يبقى ليه قلة الثقه دي وليه الغيره
فريدة.... كل الستات بتغير وكل واحده ليها طاقه وقدره على التحمل وانا بقى طاقتي على قدي بحس الضحكه منهم ولا الكلمه زي السكين في قلبي بحسهم هيخطفوك مني ومش هعرف اتلم عليك تاني
رأفت... هههههههه الاه يخرب عقلك هوه انا عيل هتخطف
فريدة.... انا مقولتش انك عيل بس بحس كده حرام عليك حس بيا اعصابي تعبانه
رأفت.... بحبك وربنا بحبك انتي قلبي وروحي وعمري وحياتي وكل الدنيا ليا خلاص بقا اهدي
فريدة... و توعدني انك تراعي حبي ليك وغيرتي دي وتوتري عشان بحبك يا رأفت بلاش كلام مع ايمان واللي ذيها دول بحسهم عايزين يغيظوني بشوف في عنيهم كده وبالذات ايمان
رأفت..... يا فريدة ياحبيبتي ولا ايمان ولا غيرها يقدرو يبعدوني عنك ولا يغيرو شعره من حبي ليكي ياااريت تفهمي كلامي ده مش كل خروجه لينا تقولي نفس الكلام
عشان خاطري اهدي شويه مش عايز انزل واسيبك وانتي كده احنا المفروض نرجع من بره مبسوطين مش متنكدين كده
فريدة... كله من حبايبك دول الزفته ايمان دي انا بجد مبقتش قادره ابص في وشها بتعصبني
رأفت.... خلاص بقا انا هنزل ولما تهدي رني عليا مش هنام قبل ما اسمع صوتك بااااي
**************
ولما نزل رأفت وركب العربيه بتاعته جاله اتصال بيبص لقى رقم ايمان.... وبعدين عايزه ايه دي كمان.. الوووو
ايمان..... الوووو ايه يا رأفت وصلت السنيورة لحد البيت هتوه يعني مش هتعرف تروح لوحدها
رأفت... سنيورة مين تقصدي فريدة
اه هوه فيه غيرها كنت وقفت ليها تاكسي يوصلها وكملت الحفله انتا مش عارف ان الضيوف مهمين علشان الشغل
رأفت... ضيوف وتاكسي ليه كل ده وبعدين فريدة دي خطيبتي مش واحده من الشارع ازاي تركب تاكسي وانا موجود ومعايا عربيتي وبعدين انا استأذنت من رفعت بيه قبل ما امشي
ايمان.... عارفه انها خطيبتك واسفين لو غلطنا في السنيورة
رأفت.... وهوه بيبص على شاشه التلفون... مش معقوله متصله عشان تسمعيني الكلمتين دول
ايمان... لا متصله عشان اقولك تيجي تكمل الحفله رفعت بيه قالي اتصل بيك
رأفت.... خلاص انا جاي في الطريق سلام وقفل
سوسن... انتي ليه يا ايمان ملهوفه عليه كده مهو كان قدامك قبل ما يخطب فريدة ولا كان على بالك اشمعنا دلوقتي وبتتعمدي تغيظي فريدة باسلوبك
ايمان... مش عارفه ايه اللي عاجبه فيها بتجنن لما اشوفها معاه وعارفه انه كان قدامي بس مش عارفه ايه اللي شدني ليه كده لازم اخلص منها لازم رأفت يبقا ليا انا بصي يا سوسن رأفت جي دلوقتي خدي رقم فريدة رني عليها وخليها تيجي وسيبي الباقي عليا
سوسن.... هتعملي ايه يا مجنونه رأفت بيحب فريدة
بلاش تعملي حاجه وتندمي عليها انتي عارفه رأفت
ايمان.... ملكيش دعوه انتي اتصلي بيها بس وخليها تيجي الحفله تاني الليله يا انا يا هيا لازم تعرف مين هيا ايمان وممكن اعمل ايه رأفت ليا انا
دخل رأفت الحفله ولقى ايمان في انتظاره
ايمان.... كويس انك جيت الحفله جنان اروح اجيب ليك كأس تهدي أعصابك وتفك شويه
رأفت... كأس ايه انتي عارفه اني مبشربش ومليش في الحجات دي ولوله ان رفعت بيه سأل عني مكنتش هرجع تاني وكنت هروح انام
ايمان... حد ينام دلوقتي معقوله تسيب الهيصه دي وتقولي هنام بلاش تشرب طيب تعالي ارقص معايا ولا السنيورة منبهه عليك
رأفت.... بعد اذنك يا ايمان بلاش تتكلمي كده على فريدة
أنا مش هسمح ليكي بعد كده بكلمه تاني عنها
ايمان.... يا خبر انتا اتغيرت قوي يا رأفت معقوله نسيت ايمان فيها ايه فريدة احسن مني انتا حتى ذوقك بقى بلدي خالص ولفت حولين نفسها انتا مش شايف قدامك
رأفت.... لا بشوف كويس وفريدة عندي بالدنيا وانا وانتي مش اكتر من صحاب وزملاء في الشغل
ايمان.... صحاب وشغل انتا اتغيرت قوي يا رأفت نسيت ايمان حبيبت....... وسكتت
رأفت... اه صحاب وياريت متنسيش الكلام ده
***********
سوسن.... اتصلت بفريدة انتي روحتي فين تعالي شوفي حبيب القلب بيعمل ايه
فريدة.... الوووو مين بيتكلم وتقصدي ايه
سوسن... تعالي الحفله وشوفي بعينك ونهت المكالمه
وسابت فريدة في حيره وافكار عماله تخبط في رأسها ونزلت جرى وقفت تكسي وادتله عنوان الحفله
سوسن... شاورت لايمان انها كلمت فريدة
ايمان... خلاص يا رأفت صحاب صحاب بس ممكن ترقص معايا ولا ممنوع عشان خاطري وحيات الايام الحلوه ترقص معايا مش هتخرب الدنيا لما ترقص معايا وكمان السنيو....... اقصد فريدة مش موجوده معانا
رأفت... انا بجد مليش نفس لأي حاجه ولا رقص ولا شي
ايمان.... بقولك عشان خاطري احنا هنرقص بس
رأفت... عشان خاطرك يا ستي
ايمان... بفرح ايوه كده يالا يا عم فك بقا ومسكت ايده وبداو الرقص سوا
وهما بيرقصو دخلت فريدة وشافت رأفت وهوه بيرقص مع ايمان
وشافت ايمان وهيا حاضنة رأفت وإيمان شافتها لما دخلت ومالت قوي على رأفت وكانها بتهمس في ودنه
وتفاجي رأفت بفريدة قدامه وبعد عن ايمان وبص لفريدة وقال فريدة ايه اللي جابك
فريدة.... جيت اشوفك على حقيقتك واشوف ثقتي فيك اللي حكيتلي عليهابس مكنتش اتوقع كده ومع مين
ايمان..... تقصدي ايه بمع مين دي
فريدة ... اظن اني موجهتش ليكي كلام اصلا
ايمان... وانتي مين عشان توجهي ليا كلام
رأفت... ايمان فريدة احنا وسط ناس تعالي نخرج من هنا يا فريدة ونتكلم
فريدة.... انا فعلا هخرج بس لوحدي وجريت على الباب
رأفت..... فريدة اقفى لو سمحتي فريدة
وخرج وراها فريدة خليني افهمك
فريدة... تفهمني ايه بعد اللي شوفته بعنيا ارجع لحفلتك يا رأفت انا خلاص فهمت
رأفت... انتي مش فاهمه حاجه
فريدة..... لا فهمت قولتلك اني بغير عليك وقولتلك تراعي شعوري... وقولتلك بلاش ايمان كل ده قولتلك عليه ورميت كل كلامي وراء ضهرك واجيك بترقص معاها واخدها في حضنك
رأفت... انتي اكيد فاهمه الموضوع غلط انا رجعت عاش
فريدة.... من غير ما تكمل لو سمحت ممكن تسيبني امشي دلوقتي
رأفت... اسيبك وازاي تمشي لوحدك طيب اوصلك
فريدة... لا زي ما عرفت اجي لنفسي هروح كمان بنفسي