رواية تضحيه بلا ثمن الفصل الخامس5 والسادس6 بقلم عبير سليم
يدخل ماجد مكتب يوسف
بوسف:تعالى ياماجد عايزك تشوفلى حل للمشكله دى الزفت اللى اسمه سليم الصاوى ده مش عارف عاوز مننا ايه كل شويه يعملنا مشاكل فى السوق
ماجد:ولا يهمك منه هو كده على طول طماع وعايز يكوش على السوق كله بس وحياة امه ماحسيبه غير لما اخرببيته
يوسف:مالك ياماجد بقالك فترة شكلك مش عاجبنى فى حاجه ياماجد
ماجدبتنهيده:انا طلقت فريده
يوسف:نعم انت بتهزر صح اصلي مستحيل اصدق الهبل اللى انت بتقوله ده فريده تطلقها ده انت روحك فيها يابنى اكيد فى حاجه غلط (ماجد زوج كتوم لاسرار بيته وعمره ماحكى ليوسف عن مشاكله مع فريده وكل اللى يوسف يعرفه انهم اسعد زوجين فى الدنيا)
ماجد:اختلاف فى الراى
يوسف:نعم يااخويا اختلاف فى ايه بقولك ايه اختلفوا زى مانتوا عاوزين بس بعيد عن رهف انت عاوز البنت تتعقد
يسكت يوسف ثم يقول اوعى تكون فيروز كانت هنا بخصوص الموضوع ده ماجد هى فيروز لها علاقه بطلاقكم
ماجد بعصبيه:انت اتهبلت بتقول ايه فيروز جت عشان تطلب منى ارجع فريده
اسف ياماجد مقصدش انا بس استغربت من وجودها انا اصلا كنت فاكرها فريده بقالى كتير اوى مشوفتهاش وهى بقالها سنين مبتجيش هنا
ماجد:فيروز من ساعة اللى حصل زمان وهى قررت تبعد نفسها عن كل حاجه تفكرها بالماضي دى حتى وهى عندى فى المكتب حاولت افتح معاها كلام اطمن عليها مدتنيش فرصه ومشيت علطول
بوسف:وهي اللى جايه بنفسها عشان تخليك ترجعها والله دى انسانه طيبه اوى ونادر لما تلاقى حد كده فى الزمن ده
ماجد:فيروز دى أنقى انسانه ممكن تقابلها فى حياتك
يوسف:وياترى عامله ايه فى حياتها الزوجيه انا اعرف انها متجوزة دكتور مش كده
ماجد :انا مبهتمش اعرف حاجه عنها وعمرى ماسالت فريده عن حاجه تخصها وكنت فاكرها سعيده لانى لما كنت بشوفها عند مامتها كانت ابتسامتها الهاديه الجميله على وشها دايما لحد مافى يوم شفت الحيوان اللى هيا متجوزه خارج من عمارة وفى ايده واحده ولما سألت البواب قاللى انه ماجر الشقه مفروش وكل يوم والتانى يجيب واحده شكل تضايقت جدا ولما سألت فريده لقيتها عارفه وفيروز كمان عارفه
واستغربت اوى لما قالتلى انها مش راضيه تتطلق عشان تحافظ على ولادها
يوسف :طب انت محاولتش تتكلم معاها ياماجد
ماجد:فيروز مبتدينيش فرصه اتكلم معاها نهائى حتى لما بنتقابل صدفه عند مامتها بيكون الكلام عام ودايما بتهرب من انها تبصلي
يوسف :مبتجيش عندكم البيت
ماجد:لاء بتيجى بس فى الوقت اللى مش موجود فيه ا نا فاكر لما فريده ولدت كنت عاوز اجيب واحده تقعد بيها فيروز رفضت وقالت محدش حياخد باله من فريده غيرها كانت بتيجى الصبح بعد مااخرج وتمشي قبل ماارجع كنت بدخل الشقه كانى داخل الجنه ريحتها جميله ومتروقه واكلها أجمل اكل اكلته فى حياتى
كان نفسي تدينى فرصه اتكلم معاها كنت عاوز اكسر الحاجز اللى بيننا بس هيا مبتدينيش فرصه
انا مش عارف هيا ازاى تقبل على كرامتها اللى هيا فيه ده
يوسف:جوزها واكيد بتحبه وعايزة تحافظ على حياتها
ماجد:بتحبه
يوسف:ماللك ياصاحبي فيك ايه انا مش مرتاح لك
ماجد :يحاول تغيير الموضوع
اللا قوللى صحيح اخبارك انت وحور
يوسف:حنروح نجيب الشبكه النهارده
ماجد:الف مبروك ياحبيبي
يوسف :عقبال رهف ياماجد
ماجد:ياااه نفسي افرح بيها واشوفها عروسه
يوسف:اللا قوللي هو انتوا مش ناويين تخلفوا تانى
ماجد:والله انا نفسي اوى بس فريده راحت للدكتور وعندها مشاكل متنساش اننا قعدنا فترة على ماجبنارهف دى حتى فيروز رغم أنها اتجوزت بعدنا بس خلفت قبلنا
يوسف:لاء وتوام عيلتهم متخصصه فى التوائم هههههه
خلاص ياعم يبقى تصالح مراتك وترجعها وتجيبوالنا اخ واللا اخت للبنت
ماجد:مش عارف
يوسف ياعم ده انت بتعشقها حتعملهم عليه متخليش الشيطان يضحك عليكم
ماجد:من اول يوم شفتها فيه وهى ملكت قلبي مفيش واحده قدرت تمتلك قلبي غيرها
يوسف:يبقى خلاص سماح وترجعها
ماجد:ان شاء الله
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
تدخل فيروز شقتها وهى حزينه لكل مايحدث حولها من حالها وحال اختها التى تتمنى لها السعاده دائما برغم جرحها الذى لم يلتئم ولم تستطيع الايام والسنين ان تداويه
مراد:ماما انتى جيتى انا عاوزاكل
فيروز:حاضر ياحبيبي
تليفونها يرن لتجيب ايوة ياماما
فاتن:ايه ياحبيبتى عملتى ايه مع ماجد طمنينى انا قلقانه
فيروز :متخافيش ياماما ان شاء الله كله حيتصلح
غاتن:معلش ياحبيبتى حقك علية انا عارفه انك مبتحبيش تروحى الشركه بس اعمل ايه ملناش حد يقف معانا
فبروز:ايه اللى بتقوليه ده ياماما فريده اختى ومقدرش اسيبها
فاتن:ربنا يصلح حالك يارب ويديكى على اد نيتك وقلبك الابيض
فيروز:تسرح وتقول لامها ربنا يصلح الحال ياما ماويخليكى لينا ياحبيبتى
معلش ياماما انا حروح ااكل مراد
🌹🌹🌹🌹🌹😒😒😒😒🌹🌹🌹🌹🌹
يذهب يوسف وحور لشراء الشبكه وجلسوا سويا فى أحد المطاعم الفاخرة
يوسف:"مبسوطه ياحور
حور:انا اسعد انسانه فى الدنيا
بوسف :ربنا يقدرنى واسعدك
بس انتى اختارتى الشبكه دى كنت عاوز اجيبلك حاجه أغلى من كده بكتير
حور:لا ياحبيبى دى عجبانى اوى
بوسف:انتى قلتى ايه دلوقتى سمعينى تانى كده اخيرا قلتيها
حور تنظر للارض بخجل وتضحك
يوسف:بحبك اوى ياحور ويقبل يدها ربنا يخليكى لية يارب
🌹🌹🌹🌹🌹🌹🌹🌹🌹🌹🌹🌹🌹🌹🌹
تتحدث فريده فى التليفون إلى صديقتها نيرفانا وكما يقول المثل الطيور على أشكالها تقع فهى تشبهها فى الطمع ودائما تحرضها على الأفعال السيئه وتغاركثيرا من فريده فهى برغم انها جميله ولكن عندما تكون فريده بصحبتها تاخذ كل الانتباه ويلتفت الجميع لها
نيرفانا:حتعملى ايه بقى
فريده:مش عارفه لسه
نيرفانا:سيبك منه بكرة تتجوزى اللى احسن منه ده انتى كل الرجاله تتمنى منك نظرة ومفيش حد يقدر يقاومك ياباشا
فريده :الاواحد بس هو اللى معبرنيش ولا حس بوجودى بس وحياته عندى لو الايام جبته فى طريقى تانى لااخليه يمشي ورايا بلاد واطير النوم من عينه
نيرفانا :معقوله فى واحد فى الدنيا يقول لفريده لاء ده اكيد مجنون
فريده:ايوة فعلا مجنون بس مجنونةبحب واحده تانيه
نيرفانا :وده مين ده يافريده
هنا تفيق فريده من كلامها فهى لاتطلع احد على مابداخلها
وانتى مالك انتى مبتساليش فى اللى ملكيش فيه
نيرفانا :ياساتر خلاص انتى حرة
فريده:خلاص سلام وتغلق فى وجهها الهاتف
فريده تحدث نفسها(ماشي يايوسف انا وانت والزمن طويل ومسير الايام توقعك فى أيدى وساعتها حلففك حوالين نفسك واعرفك مين فريده نصار)
الفصل السادس
فى منزل حور
يدق جرس الباب وتفتح ماجده:فاتن حبيبتى وحشتينى اوى اتفضلى ياحبيبتى وتنظر ماجده لمن تشد ملابسها وهى تقول لها ومفيث ازيك يارهف وحثتينى فتضحك ماجده على هذه الطفله الشقيه
ماجده:هههههههه ازيك ياروفى تعالى ياروحى وتحتضنها
رهف:انا جاية مع تيتةعثان حور حبيبتى وحثتنى هيا فين
ماجده تأخذها على قدمها وتقول لها: حور مش هنا ياروفى راحت تشتري شبكتها
فاتن:الف مبروك ياماجده ربنا يكمل فرحتها على خير يارب
ماجده:يارب يافاتن نفسي اطمن عليها واشوف ولادها قبل مااموت
فاتن:بعد الشر عنك ياحبيبتى ليه بتقولى كده ان شاء الله تفرحى بيها وتشيلى ولادها
ماجده:قلبي مبقاش مستحمل خلاص وأى مجهود بيتعبني والعلاج مبقاش نافع يادوب بيسكن الألم شويه وخلاص
فاتن:ربنا يشفيكى يارب ياماجده وميحرمناش كلنا منك ده انتى مش صاحبتى انتى حبيبتى اللى مليش غيرها
ماجده:مالك يافاتن فى ايه ياحبيبتى شكلك مش عاجبنى حد من البنات فيهاحاجه
فاتن بقهرة:فريده أطلقت ياماجده
ماجده تخبط على صدرها:يالهوى انتى بتقولى ايه مش معقوله ده ماجد بيبوس التراب اللى بتمشي عليه ازاى يطلقها
فاتن:ماجد ملوش ذنب ياماجده بنتى هيا السبب
ماجده :طب اهدى يافاتن ان شاء الله يرجعوا لبعض ماجدمش حيقدر على بعادها وحيرجعها وبكرة تقولى ماجده
قالت
المهم يرجعوا قبل البنت ماتحس بحاجه مش كويس عليها
فاتن:والله هى رهف اللى صعبانه علية ده انا قلت اجيبها معايا تقعد مع حور شويه دى بتموت فيها بس معلش بقى ابقى اجيبها مرة تانيه
ماجده:والله حيرجعوا بطلى بقى عشان خاطرى
فاتن ببكاء:يارب ياماجده مش كفايه قهرتى على اختها حتبقى هيا كمان
ماجده:انا مش عارفه فيروز ليه عايشه معاه ماتطلق منه بلاش قرف
فاتن:مش راضيه بتقول عشان ولادها وعندها امل يتعدل
ماجده:فيروز طول عمرها عاقله ربنا يهدي سرها يارب
فاتن:يارب
❤️❤️❤️❤️❤️❤️❤️❤️❤️❤️❤️❤️❤️❤️❤️
فى سيارة يوسف
يوسف:حور انا مستاذن من باباكى حنروح عندنا الفيلا عشان بابا وماما عايزين يقعدوا معاكى شويه
حور:ماشي يا يوسف
ويدخل يوسف الفيلا وينزل من السيارة هو وحور
الحاجه ابتسام بفرحهةشديده:حور ياحبيبة جلبيوحشتينى جوي يابنى تعالى ادعدى جمبي
حور:وحضرتك والله ياماما وحشتينى اوى
الحاجه ابتسام:الله ياحور حلوة جوى كلمة ماما دى وان شاء الله حكون زى امك بالظبط وانتى بتى حبيبتى
حور:ربنا يخليكى ياماما ياربيوسف
الحاج يونس ينزل من على الدرج:ياسلام ياسلام وانا مليش شويه فى الدلع ده
فيضحك الجميع على كلامه
حور:ازى حضرتك يابابا الحج
الحاج يونس :انا بخير طول مانا شايفكم بخير
الحاجه:هاياولاد حتعملوها الشبكه فين حجزتوا القاعه
يوسف:حور عايزه تعمل خطوبه عالضيق
الحاج:ليه يابت الغالى ماتعملى خطوبه وتفرحى زى كل البنات
حور:الفرحه فى القلب يابابا
الحاجه:ايوة بس الفرحه حاجه تانيه
حور:ان شاء الله نعوضها فى الدخله
الحاجه:خلاص يابتى اللى يريحكم المهم ربنا يتمم فرحتنا على خير يارب
يوسف:ان شاء الله حعملك احلى فرح فى الدنيا
حور :ان شاء الله
❤️❤️❤️❤️❤️❤️❤️❤️❤️❤️❤️❤️❤️❤️❤️❤️
فيروز تتصل على اختها فريده
فيروز:فين ماما تليفونها غير متاح
فريده:خدت رهف وراحوا عند ماجده ام الست حور هانم
فيروز:وهيا ماما من امتى بتروح من غير ماتاخد رهف مانتى عارفه رهف متعلقه بحور ازاى وتحبها اد ايه
فريده:عارفه من غير ماتقولى
فيروز:ماجدمحاولش يتصل بيكى
فريده:ويتصل ليه احنا مش خلصنا خلاص
فيروز:فريده اعقلى بقى انا خايفه عليكى من نفسك طلعى الأوهام اللى معششه فى دماغك دى من سنين حافظى على جوزك وبنتك اللى انتى متعرفيش حاجه عنها حرام عليكى اتقى ربنا فيها فوقة ياحبيبتى بقى
فريده:فيروز هو انتى ليه زعلانه عشانى اوى كده
فيروز:انتى عبيطه عشان انتى اختى توامى اللى مليش غيرها ونفسي اشوفك متهنيه ومرتاحه فى بيتك
فريده:انتى غريبه اوى يافيروز انا عمرى مااهتميت بمشاكلك مع جوزك وانتى طول الوقت شاغله نفسك بية
فيروز:ربنا يهديكى يارب
طب انا حسيبك واروح اشوف اللى ورايا
❤️❤️❤️❤️❤️❤️❤️❤️❤️❤️❤️❤️❤️❤️
فى المساء
على يفتح الباب ويجرى عليه ادهم
ادهم:بابا جه بابا جه
فيحتضنه على ويتقبله ويساله عن فيروز
على:فين ماما ياادهم
اهم:ماما جوه يابابا
يدخل على الغرفه فيجدفيروز تعطيه ظهرها وترتب الغرفه ورائحتها الجميله تملاء المكان. كما اعتاد دائما ففيروز دائما تهتم بجمالها ونظافة بيتها ودائمة العنايه بكل مايخصه حتى وان كانا مختلفين
على:مساء الخير يافيروز
فيروز:مساء النور يا على تحب احضرلك العشا
على :اكلت برة
تهم فيروز للخروج من الغرفه التى لاتطيق ان تشم رائحة أنثى غيرها فيها فملابسه تمتلئ بالروائح التى لاتطيقها
على:يمسك ذراعها بغلظه على فين
فيروز خارجه عندك مانع
على:خارجه فين
فيروز وهى تحاول أن تفك يدها منه
رايحه انام عندك مانع
على:رايحه تتخمدى فين ماالاوضه اهيه
فيروز:بذمتك ده اسلوب يادكتور يامحترم تكلم بيه مراتك
على:انا اتكلم زى مانا عايز ده بيتى وانتى مراتى ولما اكلمك تقفى وتسمعينى وتتنيلى تنامى جمبي انتى فاهمه واللا افهمك بطريقتى
فيروز:لا مش فاهمه انت عايز منى ايه ياعلى ماتسببنى فى حالى ده ايه القرف ده
على:قرف مين اللى قرف انطقى
فيروز:وهو انت لما كل يوم ترجع وش الفجر وريحتك متغرقه ببرفان الستات الزباله اللى كنت معاهم ميبقاش قرف
على:انا حر اعمل اللى انا عايزه
فيروز:وانا كمان حرة انام مكان مانا عايزة
على:يمسكها ويلوى ذراعها بقولك ايه يازفته انتى تسمعى الكلام واللا حقتلك فى ايدى
فيروز:انت ايه يااخى انا مش عارفه انا ازاى انخدعت فيك كده انا عملت فيك ايه عشان تعمل معايا كده
على:عايزة تعرفى عملتى فية ايه عمرك ماحبيتينى بافيروز
طول الوقت قاعده حزينه على اللى فات كل تفكير ك فى واحد عمره ماعبرك ولا عينه شافتك
فيروز:ايوه ياعلى انت معاك حق هو فعلا معبرنيش ولاعينه شافتنى وانا مصحكتش عليك انت كنت عارف كل حاجه واللا نسيت وانت اللى فضلت تجرى ورايا وتقنعنى نتجوز ووعدتنى انك حتعيشنى اجمل سنين حياتى لكن ياخسارة خليتنى اكره اليوم اللى اتجوزت فيه بنيتلى قصور فى الهوا وانا صدقتك طلع كل ده كدب
على:ياعينى صعبتى علية وأتى ايه اللى مخليكى استحملى ده كله
فيروز:ولادى ياعلى
على:خوديهم وغورى من هنا فى ستين داهيه
فيروز:داهيه لما تأخذك وتريحنى منك
على وهو يضربها على وجهها بالقلم:بتدعى على جوزك ياسافله ياللى بتفكري فى واحد وانتى على ذمة راجل ياواطيه
فيروز:أخرس ياسافل ياحقير انا أشرف من مليون واحد زيك انت خسارة فيك كلمة راجل انا من اول ماتكبت على اسمك انا عمرى ما سمحت لنفسي افكر فى راجل غيرك كان كل همى انى اسعدك ياما حاولت اقربلك واتخيلك تحبنى لكن انت متستهلش اى حاجه حلوة كنت بعملها عشانك
على وهو بيزقها على الارض:طب ياللا بالسلامه الباب يفوت جمل واهى اختك أطلقت يعنى الجو خلا لك روحى ياللا يمكن يحن عليكى ويعبرك
فيروز:ياكلب ياسافل انا بكرهك طلقنى ياحيوان ياقذر
على:انا حعرفك مين الحيوان والقذر ده واخذ يضربها بعنف شديد فى جميع أجزاء جسدها فكانت تصرخ بشده والماء تغطى وجهها حتى أن أطفالها حاولوا الوقوف أمام ابيهم ولكن كيف لهم باجسامهم الصئيله ان يدفعوا عن امهم فجرى مراد على التليفون ليتصل بجدته
تيته الحقى ياتيته بابا حيموت ماما
❤️❤️❤️❤️❤️❤️❤️❤️❤️❤️❤️❤️❤️❤️❤️
يجلس على فراشه يستعيد ذكرياته الجميله مع الفاتنه التى اسرت قلبه وعقله وهل سيستطيع ان يغفر لها على اهانتها له وجاءت فى ذاكرته فيروز عندما دخلت عليه المكتب فبرغم انها نسخه من اختها فى الشكل ولكن فرق السما للارض بينهما واخذ يسأل نفسه ياترى لو كنت اتجوزت فيروز كنت حكون سعيد معاها فيروز مثال للزوجه الاصيله الجدعه والأم الحنونه ياترى انتى لسه زعلانه منى يافيروز والله كان غصب عنى انا حبيتها وتعلقت بيها من اول لحظه شوفتها فيها نفسي تعيشي سعيده ومتهنيه عشان محسش بتأنيب الضمير
وفجأة يرن جرس التليفون فيجد المتصل فاتن
ماجد:ايوة ياماما رهف كويسه
فاتن ببكاء شديد:الحقنا ياماجد على حيموت فيروز الحقنا يابنى احنا ملناش حد غيرك
ماجد بفزع:فيرووووز