رواية تضحيه بلا ثمن الفصل السابع7والثامن8 بقلم عبير سليم
يرتدى ملابسه على عجل لايدرى ماذا يفعل ولا إلى أين سيتجه كل ما يعرفه هو شئ واحد هو فيروز تلك البريئه التى لم تنل من الدنيا سوى الألم لابد من انقاذها كان يقود السيارة بسرعه جنونيه هو يعرف عنوان منزلها لانه دائما ماكان يقوم بتوصيل فريده لعندها ولكنه لم يدخل بيتها ابدا حتى عندما انجبت طفليها قدم لها التهنئه فى بيت امها
وقف بالسيارة أمام المنزل وصعد سريعا إلى شقتها وراى باب الشقه مفتوحا وسمع صوت صراخ من الداخل انه صوت فاتن امها
فاتن وهى تمسك بملابس على:منك لله عملتلك ايه عشان تعمل معاها كده
على :مراتى وانا حر اعمل فيها اللى انا عاوزه
ويدخل ماجد فى هذا الوقت
ماجد:بدون تفاهم يجرى عليه ويضربه فى وجهه ضربه قويه تعمل فيها ايه ياروح امك ليه انت فاكرها ملهاش أهل ده انا حدفنك بالحيا هنا
على:انت ايه اللى جايبك بيتى ياكلب انت السبب فى كل اللى بيحصل ده انت اللى خليتنى اعمل فيها كده
وهنا تصرخ فاتن بأعلى صوتها الحقوا البت فيروز حتروح منى والأولاد يبكون بشده على منظر امهم
فينظر ماجد فيجد تلك النائمه على الارض ووجهها ملطخ بالماء وفاقده للوعى
فيجرى عليها ماجد
ماجد:وهو يهزها فيروز فوقى يافيروز ثم يقوم بحملها سريعا ويجرى بها دون وعى وينزل سريعا ويضعها فى سيارته من الخلف ويركب وبجانبه فاتن التى كانت حالتها سيئه للغايه وتبكى بهيستريه على حال ابنتها وهى تردد ياحبيبتى يا بتى عمرك مافرحتى ابدا منك لله يا على ربنا ينتقم منك اما ماجد كان لا يفكر فى شئ سوى فى إنقاذ تلك الفاقد للوعى
ينزل من السيارة ويأخذ فيروز فى احضانه ويجرى بها إلى داخل المستشفى التى سرعان مااحضروا الناقله وادخلها سريعا ثم كتب البيانات ودفع تأمين الدخول اما فريده فدخلت مباشرة إلى غرفة العمليات
ماجد:هى فريده فين
فاتن:فريده متعرفش يابنى باللى حصل لما مراد اتصل علية انا محستش بنفسي غير وانا بتصل بيك وجريت على ملا وشي بس هى كانت نايمه هى ورهف ومعرفش باللى حصل لاختها
ماجد:وايه اللى حصل يخللى الحيوان ده يعمل فيها كده
فاتن:والله مااعرف انا بعد ما جعت انا ورهف من عند ماجده ام حور ودخلت اريح شويه صحيت على تليفون مراد وهو بيقوللى الحقى ياتيته بابا حيموت ماما واللى فهمته منه انه ضربها
واللى جه فى بالى ساعتها انى اتصل بيك على طول
ماجد:وهو يطبطب عليها ان شاء الله حتبقى كويسه وربنا حيطمنا عليها
فاتن:يارب
😭😭😭😭😭😭😭
على الجانب الاخر كان على لا يعرف ماذا سيفعل هو حتى لا يعرف كيف تركه ياخذ زوجته أمام عينيه وينزل بها دون أن يمنعه
مراد وادهم:فين ماما يابابا احنا عاوزين ماما
على بزعيق:بس اخرسوا بقى خشوا غوروا جوه دلوقتى مش عاوز اشوف وش حد فيكم
مراد ياخذ أخاه ويدخلون ويتصل على جدته
تيته فين ماما ياتيته وهو يبكى
فاتن وهى تحاول تهدئة الصغير :متخافش ياحبيبى ماما كويسه وانا حاجى اخذكم خللى بالك من اخوك يامراد
مراد :حاضر ياتيته
ثم يأتى اتصال من احد زملاء على فى المستشفى التى يعمل بها
على يفتح الخط :ايوة يابنى فى حاجه
ايمن زميله:انت اللى فى ايه عندك مراتك لسه داخله المستشفى من شويه ومعاها امها وواحد تانى ودخلوها على العمليات وانا استغربت لما لقيتك مش موجود خفت تكون عملت حادثه واللا حاجه فقلت اطمن
على:يعنى فيروز عندكم طب انا جاى حالا
ويخرج على من شقته مسرعا إلى المستشفى
😭😭😭😭😭😭
فى داخل المستشفى يقف ماجد وهو حائر لا يعلم ماالذى يحدث ولما يصل الوضع مع هذه المسكينه لهذا الحد
وفاتن تبكى لاتتوقف عنةالبكاء
وفجأة يجدون على يتقدم عليهم وهو يمسك ماجد من ملابسه
على:انت ايه اللى جابك هنا امشي اطلع برة بدل مااقتلك
ماجد:ده انا اللى حدخلك السجن وفيروز مش حتقعد على زمتك يوم واحد بعد النهارده ياواطى يابن ال.......
على :ايه خلاص حنيت عليها اه طبعا ماالجو خلالكم خلاص واديك طلقت اختها وترجعوا الود القديم تانى لكن ده بعينكم انا مش حخليكم تتهنوا ببعض ومش حسيبها انت فاهم مش حسيبلك مراتى
كانت فاتن واقفه مصدومه مما تسمع فهى لا تفهم شيءا مما يتحدث عنه على
فاتن:فى ايه ماتفهمونى ايه الكلام اللى بسمعه ده انا مش فاهمه حاجه
ماجد:تعالى ياامى ملكيش دعوة بيه ده مش عارف بيقول ايه
على وهو يهجم عليه:انا مش عارف بقول ايه ياحيوان انا اللى لفيت على واحده وبعد ماعلقتها بية سيبتها ورميتها ورحت اتجوزت اختها
فاتن ببكاء:الكلام ده صحيح ياماجد متفهمنى يابنى انا مش فاهمه حاجه حرام عيكم فى ايه فهمونى
وهنا يخرج الطبيب من غرفة العمليات فيجروا عليه
الطبيب وهو يسلم على على:ازيك يادكتور عامل ايه
على :طمنى على مراتى
الطبيب:الحمد لله هى عندها كسر فى ذراعها واحنا جبسناه وللأسف عندهاشبه ارتجاج فى المخ حنحطها تحت الملاحظه لمدة ٢٤ ساعه لحد مانطمن بس احتجنا نعمل خياطه لان واضح انها وقعت واقعهةجامده
ويمسك ايد على ويقول له وربنا يعوضكم ياعلى
على:يعوضنا إيه
الطبيب:انت متعرفش المدام كانت حامل فى شهرين بس واضح جدا من الكدمات اللى فى جسمها انها اتعرضت لاعتداء شديد وده تسبب فى نزيف واجهاض
وانا دلوقتى مضطر أبلغ النيابه
على بخوف:لاء نيابة ايه يادكتور
الطبيب:لا معلش انا حبلغ النيابه واخلى مسئوليتى
فيخاف على ولكنه يقول لنفسه اكيد فيروز مش حتقول حاجه دى مراتى وانا عارفها وتخرج فيروز من العميات عل العنايه مباشرة وكل منهم فى دوامة تفكيره
♥️♥️♥️♥️♥️♥️
تستيقظ فريده من النوم وتذهب لشرب الماء وتنظر على الساعه فتجها الثانيه بعد منتصف الليل فتحد باب غرفة والدتها مفتوح والنور مفتوح ولا احد بالداخل ولا توجد فى البيت فتقلق
فاتن وهى تحدث نفسها ايه الكلام اللى قاله على ده هو فى ايه لاء انا لازم افهم
فيرن التليفون
فاتن:فيروز فى المستشفى يافريده
فريده :فى ايه يا ماما ايه اللى حصل
فتخبرها امها بما حدث فترتدى فريده ملابسها وتوقظ رهف من نومها وتاخذها معها فهى اختها ولابد وان تكون معها
وفجأة بداخل المشفى
رهف وهى تجرى على ماجد:بابى بابي فياخذها ماجد فى احضانه رهف حبيبتى وحشتينى اوى
رهف انت كمان وحثتنى اوى انت خلاث جيت من الثفر مامى قالتلى انك مثافر يعنى احنا حنروح بيتنا النهارده
فينظر فينظر ماجد تجاه فريده التى تقف وهى تنظر له ولا تتحدث ويقول لابنته ان شاء الله حنروح النهارده
فريده تتجه إلى والدتها وتحاضنها متخفيش ياماما ان شاء الله حتبقى كويسه
فاتن :يارب يافريده واتوجه إليها بالكلام ده لولا ماجد كانت اختك راحت مننا فريده انتى حتروحى مع جوزك النهارده انتى سامعه الراجل وقف معانا فى شدتنا بلاش نبقى قلالاة الأصل يابنتى
فتتوجه فريده إلى ماجد بالشكر شكرا ياماجد تعبناك معانا
ماجد :مفيش شكر انا معملتش غير الواجب
فريده :طب ممكن بعد مانطمن على فيروز نرجع بيتنا سوا
ماجد ينظر إليها غير مصدق مايسمع أيعقل ان من تتحدث بهذا الهدوء فريده هانم
لم يشعر ماجد الا وهو يحتضن ها فإنه حقا يحبها ويقول لها طبعا نرجع بيتنا بس نطمن على اختك الاول
💓💓💓💓💓💓💓💓💓💓
اما على الجانب آلاخر كان يوسف يتحدث إلى حور على الهاتف
انا مش مصدق ان كلها كام يوم ونبقى مع بعض انا حموت من الفرحه
حور:بس انا خايفه
يوسف:من ايه ياحبيبتى
حور:خايفه معرفش اوفق بينك وبين دراستى
يوسف:متقلقش خالص انا حكون معاكى واوفرلك الوقت اللى تذاكر فيه وحفتحلك احلى عياده لاجمل دكتورة فى الدنيا
حور:ربنا يخليك ليه ياحبيبي
يوسف:يالهوي على كلمة حبيبي دى ممكن تخلينى اهد الدنيا
حور هههههه هههههه
يوسف:لاء حرام عليكى قلبي الصغير لن يتحمل
حور:سلامة قلبك ياحبيبي
يوسف:يابنتى حرام عليكى انتى معندكيش اخوان صغيرين واللا ايه
فتضحك حور على كلامه
يوسف:ربنا يقرب البعيد بقى
حور :هانت يايوسف بس مش حييجى يوم وتزهق منى
يوسف:معقوله حد يزهق من الجنه انتى جنتى ياحور اللى نفسي اعيش فيها على طول
حور معلش ماجد بيرن علية معرفش فى ايه انا حسيبك وارد عليه
حور :طب وماجد حيرن عليك ليه دلوقتى لتكون رهف تعبانه والنبي يايوسف تطمنى
يوسف:حاضر ياحبيبتى
ويتصل على ماجد الذى يحكى له ماحدث فيتصل على حور كما وعدها فتوقظ حور امها من النوم وتخبرها لانها تعلم جيدا قوة العلاقه بين امها وفاتن
فتتصل ماجده على فاتن واطمئن على فيروز
♥️♥️♥️♥️♥️♥️♥️♥️♥️
يمر يومان وتبدأ حالة حور فى التحسن ولكنها تشعر بآلام شديده فى جسمها
فاتن:ايه ياحبيبتى عامله ايه ياقلب امك
فيروز:الحمد لله ياماما انا كويسه
فيدق الباب ويدخل حمد الله على سلامتك يا فيروز
فيروز:الله يسلمك ياماجد انا اسفه تعبتك معايا
ماجد:عيب عليكى يافيروز انتى اختى ازاى تقولى كده
بينما فاتن تسرح فى كلام على وتريد معرفة مايحدث من ورائها
فيروز:هى فين فريده
ماجد:بتتكلم برة فى التليفون دى كانت حتموت من الخوف عليكى
على فكرة انا رجعت فريده يافيروز عشان تعرفي ان خاطرك غالى عندى
فيروز :الحمدلله ريحت قلبي
ويدق الباب ويدخل الدكتور:يااه ده احنا بقينا تمام
فيروز:الحمدلله
الدكتور:طب ممكن استئذنك الظابط عاوز ياخد اقوالك
فيروز خليه يتفضل:
الظابط بعد ماسال فيروز عن اللى عمل فيها كده
فيروز :مفيش حد عمللى حاجه يافندم انا وقعت من عالسلم بينما ماجد وامها يفجرون منها من الغيظ
خرج الظابط بينما قال ماجد:ليه ماقولتيش الحقيقه يافيرو
فيروز:مينفعش ياماجد ده ابو ولادى
انا كل اللى عاوزاه انه يطلقنى لانى استحاله اعيش معاه تانى
ماجد وهو يحدث نفسه (انتى ليه بتعملى كده كل يوم بتكبري فى نظرى اكتر من اليوم اللى قبله وبتخلينى اندم على انى فرطت فى حبك فى يوم من الايام) ولكنه يفيق على سؤال امها
فاتن:فيروز هو انتى كنتى تعرفى انك حامل
فيروز بصدمه:حامل انا حامل
امها:كنتى ياحبيبتى بس حساك اجهاض
فيروز بارتياح:الحمدلله كفايه علية لحد كده
بس فين ولادى وحشونى اوى
فاتن:اطمنى ياحبيبتى انا اخذتهم وقاعدين مع حور
فيروز:حور دى طيبه اوى ربنا يسعدها هى ويوسف
وهنا يريد على الدخول وعندما بدأ التصادم بينه وبين الموجودين طلبت منهم فيروز ان يتركوا معه لاتتحدث اليه
فيخرج الجميع
على :انا اسف يافيروز انا مش عارف انا عملت كده ازاى سامحينى يافيروز عشان خاطر ولادنا
فيروز :عشان خاطر ولادنا انا استحملت كتيييييير بأعلى وميبقاش فية حيل استحمل تانى
انت خنتنى من بعد جوازنا بشهر شهر ياعلى يعنى زى مابيقولوا لسه عرسان صدقنى وقتها كنت حطلب الطلاق منك بس أكتشفت انى حامل قلت يمكن تتعدل وينصلح حالك وقلت أقرب منك يمكن تبقى كويس لكن مفيش فايده فيك اوعى تكون فاكرنى مش عارفه حاجه عن الشقة المفروشه اللى عالبحر اللى انت جايبها الزباله اللى تعرفهم
انا ساكته بقالى سنين وكنت بدعيلك فى كل صلاة ربنا يهديك لكن مفيش فايدة وكله كوم والكلام اللى قولتهولى كوم تانى
على وهو يحاول التودد اليها:طب عشان خاطر ولادنا أدينى فرصه تانيه
فيروز:هههههه فرصه تانيه قول عاشرة وبعدين ولادنا مين ياعلى انت تعرف ايه عن ولادك تقدر تقوللى خلاص ياعلى خلصت خلاص
على:انتى قصدك ايه
فيروز:طلقنى ياعلى
على:فيروز ارجوكى فكرى كويس
فيروز :انا فكرت كويس من فضلك من غير شوشرة طلقنى بهدوء
فيخرج على من الغرفه وهو يشعر بانه فقد جوهرة لم يشعر بقيمتها
💓💓💓💓💓💓💓💓💓💓💓💓
فى منزل حور
مراد الاكل ده كله لازم يخلص
مراد:انا عايز ماما
حور:حاضر ياحبيبى لو اكلت الاكل ده كله حنروح عند ماما مراد:هيييييه
فتتصل حور على يوسف
يوسف:حبيب قلبي بيتصل ياناس
حور وهى تضحك يوسف عاوزاك توصلنى انا ومراد وادهم المستشفى
يوسف:انا اصلا كنت حكلمك واقولك نروح نزور فيروز
حور :خلاص تمام حجهز وعدى علينا
💓💓💓💓💓💓💓
فى المستشفى
مراد وادهم:ماما ماما وحشتينا اوى
فيروز وهى تحتضن أطفالها بيد واحده
حبايبى وحشتونى اوى
حور :حمد الله على السلامه يا حبيبتى
فيروز :الله يسلمك يا حبيبتى انا مش عارفه اقولك ايه ولانشكرك ازاى على اللى بتعمليه معانا
حور:انتى عبيطه احنا اخوات
فيروز:طبعا يحور احنا متربين سوا وربنا يعلم غلاوتك من غلاوة فريده
يوسف:ياللا بقى شدى حياك واللا عاوزة تحضري الفرح بذراعك ده
فيروز :ربنا يتمم لكم على خير يارب
فيدخل الطبيب :لا ده احنا بقينا تمام اوى
فيروز :يعنى حخرج يادكتور
الدكتور:فى اى وقت
💓💓💓💓💓💓💓💓💓💓
تعود فيروز إلى منزل امها ثم تسلم عليهافريدهةوماجد
فيروز:خللى بالك على جوزك ياحبيبتى حافظة على بيتك
وانت ياماجد خد بالك منها معلش اعتبرها زى رهف
فيضحك ماجد على كلامها
حاضر يافيروز والف حمد الله عالسلامة
فيروز :الله يسلمك
وبعد خروج فريده وزوجها إلى بيتهم تجلس فاتن بجوار ابنتها قائله
فيروز
فيروز :نعم ياماما
فاتن:ايه اللى بينك وبين ماجد
فيروز بصدمه :ماجد
فاتن:ايوة ماجد وإياك تخبي عنى حاجه واللا قسما بالله لا انتى بنتى ولا اعرفك
فيروز :حاضر ياماما انا حقولك على كل حاجه
الفصل الثامن
الفصل الثامن
حاضر ياماما انا ححكيلك على كل حاجه انا محتاجه احكيلك اكتر مانتى محتاجه تعرفي نفسي احكى لحد اللى جوة قلبي من سنين قلبي اللى وجعنى اوى وعمره ماريحنى ابدا كانت فيروز تنطق بهذه الكلمات وهى تبكى بكاء شديد
اخذتها فاتن فى حضنها وأخذت تطبطب عليها
فاتن :متخافيش ياحبيبتى انا عمرى ماكنت ام ظالمه احكيلي كل حاجه أرمى حمولك كلها عليا
بينما فيروز متشبثه بحصن امها وتبكى كالاطفال فقامت الام تحضر لا بنتها كوب من الماء
بينما فيروز اخذت تردد على شفتيها كلمات هذه الاغنيه
اه ياقلبي ايه اللى نابك من حبيبك غير عذابك
قلبه باعك قلبه سابك قلبه عمره ماكان عشانك
هو ده حظك ياقلبي فى الغرام مالك نصيب
واللى شفته كتير ياقلبي من غرام اول حبيب
حتظلم حبي الكبير رغم الضمير والتضحيات
وتسرق منى الحنين وابكى السنين على مات
وتدندن باغنيه اخرى
بعدنا عنه واسينا منه ياقلبي سيبه يختار جراحه
مالك وماله اهو راح لحاله وراح ياقلبي زى اللى راحوا
هو انت فاكرله ايه حتبكي فى يوم عليه
ماتقوللى فاكرله ايه حتبكى فى يوم عليه
مش ده اللى كان معاك وكان هواه هواك وتانى يوم نسيك ولسه بتحبه ياقلبي ياقلبي حرام عليك ازاى تأمن له تانى بعد اللى عمله فيك
بينما الام فى الخارج بقدر ماتريد معرفة الحقائق بقدر ماتخاف من عواقب ماتسمع ولكن لامفر فتدفع ا لباب وتقرر سماع كل ماتقوله هذه المسكينه
فلاش باك
فى احدى المستشفيات بمدينة دبي
كنان:خلاص يافيروز حتسافرى
فيروز:ايوة يا كنان ماما مصرة اننا لازم نرجع بلدنا تانى
كنان:حيعز علية فراقك اوى يافيروز وجودك فى حياتى فارق معايا كتير
فيروز:والله انت كمان ياكنان حتوحشنى اوى انت عارف
غلاوتك عندى وانت بالنسبه اعز صديق واحسن اخ فى الدنيا
فيبتلع كنان غصة فى حلقه فكم تمنى ان يقول لها انه يحبها بل يعشقها ولكنه يشفق عليها من الارتباط من شخص جليس على كرسي متحرك والأمل فى شفائه ضعيف
كنان:حتنسينى يافيروز
فيروز:استحاله طبعا حنساك وبعدين ياعالم مش يمكن الايام تجمع بيننا تانى
كنان:اوعدينى يافيروز انك حتتصلي بية وتطمنينى عليكى
فيروز:اوعدك ياكنان وانت كمان اوعدنى انك حتكمل علاجك وتعمل العمليه عشان تقدر تقف على رجلك تانى
كنان:مع السلامه يافيروز
فيروز وهى تبكي :مع السلامه ياكنان اشوف وشك بخير
وتأخذ شنطتها وتخرج سريعا من المستشفى كلها
ملحوظه(كنان كان زميل فيروز فى الجامعه ولكنه اصيب فى حادث سيارة وفيروز وقفت بجانبه ولم تتخل عنه ابدا وكانت تذهب اليه بالمحاضرات من زملائه حتى تخرج من الجامعه وهو من أسرة ميسورة الحال ويعشق فيروز وفى الوقت الذى ود فيه ان يعترف لها بحبه ويتقدم لخطبتها تعرض لهذا الحادث فقرر ان يكتم مشاعره فى قلبه)
تخرج من المستشفى وهى تحدث نفسها
انا اسفه ياكنان كان نفسي أفضل جانبك انا متأكده من مشاعرك ناحيتى وانا والله فى قلبي كل احترام ليك بس الظروف أقوى مننا احنا الاتنين
تفتح باب المنزل الذى كانوا يعيشون فيه تستمع إلى هذه المحادثه
فاتن:ايوة يا ماجده احنا حجزنا خلاص ياحبيبتى بعد يومين
ماجده:ياااه اخيرا يافاتن حترجعوا مصر انتى متعرفيش انتى والبنات وحشتونى اد ايه
فاتن:خلاص ياماجده مبقاش فى داعى لوجودنا هنا بعد ماباباهم مات وصرفنا كل اللى ورانا واللى قدامنا على علاج المرحوم
ماجده:ولا يهمك ياحبيبتى انتوا ترجعوا وكل شئ حيتحل ويبقى تمام
فاتن تسمع طرقات كعب فيروز فتغلق الهاتف مع ماجده
انتى جيتى ياحبيبتى
فيروز:بارهاق ايوة ياماما
فاتن:مالك يافيروز فى حاجه شكلك مش طببعى
فيروز:لا ياحبيبتى انا كويسه الحمد لله
فاتن:طب تمموا على كل حاجه عشان خلاص مسافرين
فيروز :حاضر ياماما وتدخل غرفتها وتلقى بنفسها على السرير وتبكى بشده
❤️❤️❤️❤️❤️❤️❤️❤️❤️❤️❤️❤️❤️❤️❤️
تصل فيروز وامها واختها التوام فريده إلى مصر وبالتحديد مدينة الاسكندريه حيث يتجهون إلى شقتهم فيجدون ماجدة وحور فى انتظارهم فيتبادلون السلام ولكن فريده مازالت منذ صغرها حتى الآن لاتحب حور فتسلم عليها سلام بارد بينما فيروز تاخذ حور بالاحضان فهى تحبها بشده وكانت دائمة الاتصال بها
يجلسون جميعا ويضحكون
ثم تتوجه فاتن بالحديث إلى ماجده
بقولك ايه ياماجده كنت طالبه منك طلب لو ينفع تساعدينى فيه
ماجده :اطلبي يافاتن عينية ليكى
فاتن :لو ينفع بس اللوا بدر يساعدنى اشوف شغل للبنات انتى عارفه ظروفنا دلوقتى صحيح احنا لسه معانا قرشين بس مسيرهم حيخلصوا والبنات على وش جواز
ماجده :متشيليش هم خالص ان شاء الله حيشتغلوا فى احسن مكان
❤️❤️❤️❤️❤️❤️❤️❤️❤️❤️❤️❤️❤️
فى الصباح
فى شركة من شركات المقاولات
يجلس شابين فى مقتبل العمر ويتحدثان سويا
ماجد:ياعم انت مش كنت سيبتنى اشتغل على كيفى فى اى مكان
يوسف:كده بردو مكنش العشم يابن عمتى ده بابا مرضاش يفتح الشركه دى غير لما اتأكد انك حتقف جمبي
ماجد:وانا عمرى ماحسيبك يايوسف انت مش بس ابن خالى انت اخويا وصاحبي وحبيبي وان شاء الله حتبقى احسن شركة مقاولات
ويدق جرس التليفون
يوسف:طنط ماجده ازى حضرتك عامله ايه
ماجده :الحمد لله والله ياحبيبي
يوسف بحرج :وحور عامله ايه
ماجده: ثانوية عامة السنه دى ادعيلها عندنا طوارئ فى البيت
يوسف:ربنا ينجحها يارب
ماجده:يوسف مش عاوزة اعطلك بس لية عندك طلب
يوسف:حضرتك تطلبي اللى عاوزاه
ماجده:عندى واحده صحبتى واختى لسه راجعه من دبي وعندها بنتين خريجين السنه دى ولى ينفع يشتغلوا عندك في الشركه
يوسف:ياخبر ياطنط ييجوا من بكرة
ماجده:منحرمش منك يا حبيبي يا رب
ماجد:مين دول اللى حييجوا
يوسف:بنتين قرايب طنط ماجده ةعاوزاهم يشتغلوامعانا
ماجد:طب والله كويس احنا محتاجين حد يظبط معانا الشغل هما خريجين ايه
يوسف:تصدق نسيت اسالها
ماجد:هههههه طبعا مانت اى حد من طرف حور بينسيك اسمك
يوسف:بحبها اوى ياماجد
ماجد: لس دى لسه ثانويه عامه حتستناها
يوسف:حستناها العمر كله
ماجد:اوعدنا يارب
💓💓💓💓💓💓💓💓💓💓💓💓💓💓💓💓
فاتن تدخل الغرفه على بناتها
فريده فيروز قوموا عاوزاكم ياحبايبى
فيروز بنعاس :ايوة ياماما خير عالصبح
حتشتغلوا فى شركة مقاولات
فيروز ماشي يا ماما تمام
اما فريده تنهض قائله:مين اللى حيشتغل انا مش حشتغل فى اى مكان انا حتجوز مليونير يصرف علية ويجيبلى اللى نفسي فيه كله
فاتن:ياحبيبتى ربنا يحققلك امنياتك بس دلوقتى مصاريفنا كتيرة واللى معانا مسيره حيخلص
فيروز:خلاص ياماما سيبي فريدهةعلى راحتها وانا حروح
فاتن ربنا يكملك بعقلك يافيروز يارب
ومع بداية يوم جديد تستيقظ فيروز من نومها وتصلى فرضها وترتدى بدلهةشيك جدا تتناسب مع العمل وتضع عطرها المفضل الذى يميزها دائما وترفع شعرها ديل حصان هى غير محجبه ولكنها محتشمه فى لبسها وضعت كحل لتبرز جمال عيونها العسلي الفاتح وملمع شفاه فقط لاغير فهى حقا بسيطه وهذواكثر مايميزها
فى داخل الشركه
يوسف:اتفضل ادخل
السكرتيرة:بشمهندس يوسف فى انسهةطالبه مقابلتم
يوسف :خليها تتفضل
تدخل فيروز بخطوات واثقه ورائحة عطرها الهادئ يريح الاعصاب وتلقي التحيه
فيروز:صباح الخير
يوسف:صباح النور اتفضلى
فيروز:اناةاسمى فيروز اللى طنط ماجده كلمت حضرتك بخصوصي
يوسف:بس هيا قالتلى انكم اتنين
فيروز:معلش والله اصل اختى فريده تعبانه شويه ولما تخف حتيجى
يوسف:مفيش مشكله ثم يطلب من السكرتيرة استدعاء ماجد لمكتبه
يدخل ماجد المكتب وعندما يرى فيروز يتفاجا من جمالها فهى بيضاء الشرة قوامها ممشوق ذات عيون لونها عسلى فاتح وقصيرة القامه
يوسف:اهلا وسهلا نورتى الشركه
فيروز:شكرا لحضرتك
يوسف:ماجد فيروز من دلوقتى ملزومه منكوتعلمها الشغل كويس وتعرفها كل حاجه
ماجد:تمام اتفضلى معايا ياانسه فيروز
الجزء الثانى من الحلقه الثامنه
يبدا ماجد فى تعليم فيروز العمل بالشركه وفيروز ذكية جدا وتاقلمت مع الوضع سريعا واحبت العمل مع ماجد الذى كان يهتم بها اهتماما غير عاديا حتى ان هذا الاهتمام بدا يلفت نظر كثير من العاملين بالشركة حتى يوسف نفسه بدا ياخذ باله من اهتمام ماجد بفيروز المبالغ فيه
ماجد:صباح الفل والياسمين على اجمل بنوته فى الدنيا
فيروز بخجل:صباح الخير ياماجد
ماجد :انتى جاية بدرى النهارده ليه
فيروز:فى شوية شغل ملحقتش اخلصه امبارح فجيت اكمله
ماجد:بقولك ايه فى مطعم قريب من هنا بجنن بيعمل فطار حلو اوى انا عازمك نفطر فيه
فيروز:لا معلش ياماجد مش حينفع اتفضل انت
ماجد بزعل:ليه يافيروز مش عايزانى اعزمك انتى خايفه منى
فيروز:وحخاف منك ليه ياماجد بس احنا فى مكان عمل ولما الموظفين هنا يشوفونا واحنا خارجين وراجعين مع بعض اكيد حيتكلموا علينا
ماجد:قطع لسان اللى يجيب سيرتك بكلمه
فيروز انتى مش حاسه بغلاوتك عندى
فيروز بارتباك:نعم انت بتقول ايه
ماجد :بقولك اتفضلى قدامي ياللا انا عصافير بطنى بتصوصو
فيروزتخضع لامره وتذهب معه
(ماجد بدا يشعر بانجذاب ناحية فيروز فجمالها وادبها واخلاقها وتعاونهامع زملائها فى العمل ونشاطها يجعله يتمناها زوجه له ولكنه لم يحدد مشاعره تجاهها هل هو حب ام اعجاب بشخصيتها
اما فيروز فبعد ان ابتعدت عن كنان والذى كان لها بمثابة الصديق الحقيقى الذى اجبرتها الظروف عن الابتعاد عنه اصبحت حزينه ولكن جاء ماجد ليعوضها عن هذا النقصان)
يسحب ماجد الكرسي لفيروز لتجلس عليه وكان المطعم امام البحر مباشرة
فيروز:الله المكان هنا حلو اوى
ماجد:المكان حلو عشان انتى موجوده فيه
فيروز تخجل من كلامه وتنظر فى الارض
ماجد:ايه يابنتى هو انتى بتتكسفى كده على طول
فتسكت فيروز
ماجد:تحبي تاكلى ايه واللا اقولك انا حطلبلك على ذوقى ماشي
فيروز:ماشي
واثناء الفطار وماجد لا يتوانى عن اضحاك فيروز والثرثرة معها فى الكثير من المواضيع
ماجد:فيروز ممكن اسالك سؤال وتجاوبينى بصراحه
فيروز:اتفضل
ماجد:فيروز انتى فى حد فى حياتك
فيروز :مش بالظبط
ماجد:مش فاهم ممكن توضحيلى
فيروز:هو فى انسان كان زميلي فى الكليه وانا كنت برتاحله اوى وكان بالنسبه لى مهم جدا فى حياتى
ماجد:بتحبيه
فيروز:مش بالمعنى ده بالظبط بس انا كنت بحب اتكلم معاه على طول واحكيله عن كل حاجه فى حياتى
ماجد:وهو بيحبك
فيروز:ايوة بيحبنى
ماجد:طب ماارتبطوش ليه
فيروز:هومعرضش علية الارتباط
ماجد:انا مش فاهم حاجه
فيروز:معلش ياماجد ممكن تقفل على السيرة دى انا ماصدقت انى ابعد وانسى
ماجد:حاضر يافيروز
♥️♥️♥️♥️♥️♥️♥️♥️
يعود ماجد وفيروز الشركه وهم يضحكان ويتجه كل منهم الى مكتبه
ويتجول يوسف بين الاقسام ويسمع الموظفين يتحدثون عن ماجد وفيروز
_شايفه مهتم بيها ازاى طول اليوم رايح جاى وراها
_لا ومش بس كده النهارده الصبح خدها وطلعوا من الشركه سوا وغابوا اكتر من ساعتين ورجعوا
_ياعالم كانوا فين ربنا يستر على وليانا
_بقولك ايه ملناش دعوى يااختى خلينا فى حالنا
يغضب يوسف من هذا الكلام الذى يسمعه ويتجه نحو مكتب ماجد ويدفعه بقوة
ماجد:ايه يابنى فى ايه فجعتنى
يوسف:ممكن تقوللى ايه اللى بيحصل من ورايا انا مش طرطور هنا
ماجد:متوضح كلامك تقصد ايه
يوسف:من غير لف ولا دوران فى ايه بينك وبين فيروز
ماجد:ولا حاجه
يوسف:نعم انت بتهزر يعنى ايه ولا حاجه دى الشركه كلها بتتكلم عليكم
ماجد:يوسف انا مشاعرى متلغبطه مش عارف بص انا حاسس انى بتشد ناحيتها بس فى حاجه ناقصه مش لاقيها فيها
يوسف:مفيش انسان كامل ياماجد وفيروزماشاء الله عليها ادب واخلاق وجمال عايز ايه اكتر من كده
ماجد:كل ماتملم معاها كلمه تتكسف ومتردش انا عاوز واحده مش عارف افهمهالك ازاي عايزهاشقيه كده مرحه تخطفنى من الدنيا
يوسف:بص انت لازم تحدد مشاعرك ناحيتها ياتقرب ياتبعد حرام تلعب ببنات الناس
ماجد:حاضر
💓💓💓💓💓💓💓💓💓💓💓💓💓
تعود فيروز من العمل وتتناول الغداء مع امها
فيروز:هى فريده فين ياماما
فاتن:خرجت ياحبيبتى مع نيرفانا صاحبتها
فيروز:اناةمش بستريح للبنت دى
فاتن:ومين سمعك بس انتى عارفه اختك محدش يقدر يمشي كلمه عليها
تدخل فيروز غرفتها وهى هائمه فى التفكير بماجد فهى اصبحت تعشق اهتمامه بها وسؤاله عنها
يرن جرس تليفونها
فيروز:ماجد ازيك
ماجد:وحشتينى
فيروز:وحشتك بس احنا كنا لسه مع بعض فى الشركه
ماجد:فيروز انتى بقيتى بتوحشينى فى كل لحظه بقيت بحب اشوفك طول الوقت مش عاوز الوقت فى الشركه يمر عشان ماتمشيش وتغيبي عن عينى
فيروز:ماجد انا مش عارفه اقولك ايه بس بجد هو ده اللى انا حاسه بيه
انا اول مانزلت مصر كنت حاسه انى وحيده وكنت مفتقده كنان اوى
ماجد بعصبيه :من فضلك متجيبيش سيرته وانا بكلمك
فرحت فيروز لانها شعرت بغيرته من سيرة كنان
وسالت نفسها هل هذا هو الحب
فيروز :انا مقصدش والله
انا بجد مبقتش اقدر يعدي يوم من غير مااشوفك انت بقيت اهم حاجه فى حياتى
ماجد:وانتى كمان يافيروز بقيتى مهمه اوى بالنسبه لي
بحس معاكى بحنان الام ودفةقلب الاخت مشاعر كتير اوى بحسها معاكى
تغلق الهاتف وقلبها يرقص من الفرحه والسعاده التى لم تشعر بها من قبل
نعم كانت متاكده من حب كنان لها ولكنه لم يعترف بحبه لها
اماماجد الوضع مختلف معه فطريقة كلامه واهتمامه الزائد بها ينطق عن حبه لها
حب يولد فى قلب فيروز ويزداد كل يوم باهتمام ماجد به حتى انه اصبح كل شئ فى حياتها لم يكن ينقصها سوى اعترافه الصريح لها
ولكنها لم تعترف لاى شخص عن هذا الحب او بمعنى اصح لمن تعترف لامها الحزينه التى مازالت تبكى على وفاة زوجها حتى الان ام تحكى لفريده التى لاتهتم بها ولا تسالها عن اى شئ يخصها فقط تهتم بالنادى والسهر والخروج مع اصحابها
♥️♥️♥️♥️♥️♥️♥️♥️♥️♥️♥️
يوسف :ها ياماجد مش حتفرحنا بيك واللا ايه
ماجد:شكله حيبقى قريب
يوسف:بجد ياماجد فيروز صح
ماجد:متاكد من حبها لية وانا بدات احس بمشاعر حلوة تجاهها
يوسف:خلاص يبقى تتوكل على الله خير البر عاجله
ماجد:ان شاء الله
❤️❤️❤️❤️❤️❤️❤️❤️❤️❤️
فى الصباح
تستيقظ فريده من نومها فتجد امها وفيروز يتناولون الإفطار
فريده:صباح الخير
فيردون صباح الخير
فيروز:مش ناويه بقى تيجى الشغل معايا يافريده
فريده:ايوة حاجى
فيروز:بجد
فريده:زهقت من قاعدة البيت
فيروز :تمام انا حتصل على يوسف استاذنه
فريده :يوسف مين
فيروز:صاحب الشركه
فريده:تلاقيه طبعا راجل كبير وعجوز
فيروز:بالعكس ده صغير جدا اكبر مننا بسنتين تلاته بالكتير وزى القمر
فريده بمكر:والله
فاتن:ماهو يبقى قريب اللواء بدر
فريده :تمام كلميه دلوقتى عشان عايزة ابتدى الشغل من النهارده
فيروز تتصل عليه ويسمح لها بالعمل
وتقرر فيروز الايقاع بيوسف حتى تصبح زوجة صاحب العمل
♥️♥️♥️♥️♥️♥️♥️♥️♥️♥️♥️♥️♥️♥️♥️♥️
يدخل ماجد المكتب كما اعتاد على فيروز فيلقى عليها تحية الصباح ثم يتجه الى مكتبه فيجدها بشمل مختلف لم يعهدهامن قبل ميكب كامل ولبس ضيق يبرز معالم جسدها
ايه ده يافيروز ايه التغيير الجامد ده
فريده:نعم
فيتعجب ماجد من اختلاف نبرة الصوت
ماجد:مالك يافيروز فى حاجه
فيروز مين انا مش فيروز
ماجد:نعم فيضع بده تلقائيا على جبهتها انتى سخنه واللا حاجه ولكنه عندما التقت عينه بعينيها اكتش انها تختلف اختلاف بسيط عن لون عيون فيروز فكلامها ملونه ولكن فريده عينيها بها جراة غريبه
فريده:تضحك ضحكه عاليه لم يسمعها ماجد من فيروز من قبل انا فريده اخت فيروز
ماجد:اللى هو ازاى يعنى
فتدخل فيروز المكتب فجاة فيقف ماجد مصدوما من هذا المشهد
فتعرفهم فيروز ببعض
وتطلب فيروز من ماجد ان يتولى تعليم فريده العمل لان يوسف طلب منها عدة اوامر
فيرحب ماجد جدا بهذا الامر
💖💖💖💖💖💖💖💖💖💖💖💖💖💖
تحاول فريده الاقتراب من هدفها ولكنها فقدت الامل سريعا حيث وجدته لايلتفت اليها نهائيا وتاكدت من حديثها المستمر مع ماجد انه مرتبط بحور
فريده:يادى حور اللى طلعالى فى البخت على طول
البت دى انا مبحبهاش
فى الوقت نفسه كان ماجد يقترب منها اكثر فاكثر فقد وجد بها ماكان يتمنى الانثى التى كان يبحث عنها
بينما اهتمامه بفيروز قل كثيرا وكانت فيروز متعجبه من هذا الامر ولكنها لم تضع فى احتمالها ان ماجد مشغول البال باختها
تتصل به فى المساء فيرد بفتور غير معتاده عليه منه
ماجد:ايوة يافيروز
فيروز:ازيك ياماجد
ماجد:الحمد لله معلش يافيروز اصلي والله مش فاضي اليومين دول
فيروز:مالك ياماجد انت فى حاجه مضايقاك
ماجد:لا بالعكس انا كويس جدا
فيروز:طب انا زعلتك فى حاجه
ماجد:ليه يافيروز بتقولى كده
فيروز:بقالك فترة متغير معايا مبقتش تكلمنى زى الاول ولا تعزمنى على الفطار زى زمان ولا تعدى علية فى المكتب تصبح علية
ماجد :معلش والله اصل يوسف مكلفنى بحاجات كتير
وفجاة يجد فريدة على الويتنج
فبدون ان يعتذر من فيروز يغلق فى وجهها الهاتف ويرد على فريده
ماجد:فريده ازيك عامله ايه انا كنت لسه حكلمك
فريده:ازيك ياماجد انا لقيت نفسي زهقانه قلت اتصل ادردش معاك شويه
ماجد:انتى في البيت
فريده:لاء انا برة كنت مع واحده صاحبتى وخلعت
ماجد:طب تسمحيلى اجى اعزمك عالعشا
فريده:امممممممممم ماشي بس متتاخرش عشان ماما متفتحش معايا محضر
ماجد ينط من على السرير ثانبه وكون ادامك فتضحك فريده ضحكه تجعله غير قادر على السيطرة على نفسه
بينما على الجانب الاخر كانت فيروز تبكى وتسال نفسها
ياترى فى ايه وايه اللى غير ماجد من ناحيتى كده
انا حتى مبقتش اجيب سيرة كنان عشان ميضايقش
انا بحبه بحبه اوى ومش حقدر على بعده هو الوحيد اللى قدر يحرك مشاعري ويخلينى احب الدنيا اكون زعلته فى حاجه لاء لاء هو اكيد مشغول زى مابيقول
ايوة انا متاكده ماجد بيحبنى هو صحيح مقالهاش بلسانه بس انا حسيتها فى اهتمامه بية وغيرته علبة ده مبيطقش يسمع سيرة كنان ولما كنت بكلم عماد زميلي فى الشركه خاصمنى يومين يبقى بيغير علية يعنى بيحبنى
طب انا حتكلم معاه بكرة اسوف ماله يارب والنبي يارب ماتبعدهوش عنى انا ماصدقت احب نفسي اعيش حياتى مع الانسان اللى بحبه وماجد انا حبيته اوى وتظل صاحيه منتظرة الصباح حتى تعترف له بحبها الشديد وتبدا حياتها معه
😢😢😢😢😢😢😢😢😢😢😢😢
على الجانب الاخر كان ماجد وفريده يقضيان الوقت فى ضحك وهزار فريده تمتلك كل مقومات الانوثه تستطيع جذب نظر اى رجل اليهافهى انثى بكل ماتحمل الكلمه من معنى وهذا كل ماكان يتمناه ماجد نعم هى من يتمناها قلبه هى التى احس انه يحبها لا بل يعشقها نسى فيرىوز تماما وكانها لم تكن موجودة من قبل
قام بتوصيلها الى المنزل وهو فى غاية السعاده ويتمنى ان يصبح الصباح ليعترف لها بحبه
💖💖💖💖💖💖💖💖💖💖💖💖💖ياتى الصباح وهو يحمل الفرح والسعاده للبعض والحزن والالام للبعض الاخر فمن سيكون من حظه السعاده ومن سيكون من حظه الالام