رواية تضحيه بلا ثمن الفصل التاسع9 والعاشر10 بقلم عبير سليم
الفصل التاسع
تذهب فيروز الى الشركه وهى فى قمة الاستعداد للاعتراف لماجد بحبها له وهى متاكده تمام اليقين انه يبادلها نفس المشاعر فقد ظلت طوال الليل تدعو الله ان يكون ماجد من نصيبها وتكلل سعادتها بالزواج منه
تدخل عليه المكتب وقد كان فى قمة تالقه
فيروز:صباح الخير ياماجد
ماجد:صباح الفل يا فيروز والله انتى بنت حلال جيتى فى وقتك
فيروز:انا معاك يا ماجد
ماجد:وهو يبتسم لها ابتسامه جعلتها تذوب فى عشقه وتغرق فى بحور هواه
ماجد:فيروز انا قررت اتجوز
فيروز بفرحه شديده :بجد ياماجد
ماجد:ايوة بجد بس انا خايف
فيروز:خايف من ايه ياماجد
ماجد:اصلي انا لسه مصارحتهاش بحقيقة مشاعرى وخايف متكنش بتبادلنى نفس الشعور
فيروز وقد ظنت انه يتحدث عنها
فردت بتلقائية شديده وبدون ادنى تفكير
اطمن ياماجد انا بحبك وبحبك اوى كمان يمكن اكتر مانت بتحبنى انت عارف انا كنت جايه النهارده وعايزة اعترفلك بحبي ليك بس انت سبقتنى انا حسه انى اسعد انسانه فى الدنيا
يقف ماجد مذهولا ويقف الكلام فى حلقه ولا يعرف بما يرد عليها وكيف له ان يصدمها ويقول لها انه لايقصدها هى وانما يقصد توامها
ماجد :فيروز انا
فيروز:عارفه ياماجد وحسه بيك والله وعارفه انك بتحبني ده انا نفسي الدنيا كلها تعرف اننا بنحب بعض
ماجديمسك فيروز من يدها ويجلسها امامه
فيروز ممكن تسمعينى وتفهمينى كويس
فيروز:انا سمعاك ياحبيبي ايوة حبيبي انا مش حخجل انى اقولها ليك لانى حساها وحساها اوى
ماجد يمسح جبهته بيده ولا يعرف كيف يبدا معها الكلام
ماجد:فيروز انتي اجمل بنت فى الدنيا كلها والف واحد يتمناكى وانا والله يسعدنى ويشرفنى انك تكونى بتكنيلي المشاعر الحلوة دى بس انا.....
فيروز وقد احست بشئ غريب فى نبرة صوته :بس انت ايه مالك ياماجد فى ايه انت فى حاجه مضايقاك
ماجد :الله يخليكى يافيروز انتى كده بتصعبيها علية ارجوكى افهمينى
فيروز :اتكلم ياماجد انا سمعاك
ماجد:فيروز هو انا عمرى وعدتك بحاجه عمرى قلتلك انى بحبك
فيروز:لاء
ماجد:طب انتى ليه متاكده انى بتكلم عنك وانى اقصدك انتى
فيروز وقد بدا الشك يدخل قلبها
صحيح انت مقولتليش بلسانك انك بتحبنى بس كل تصرفاتك واهتمامك بية وخروجنا مع بعض ومكالمتنا الكتير ده احنا كنا بنقعد طول الليل نتكلم فى التليفون بيقولوا انك بتحبنى ده حتى معظم الناس هنا فى الشركه بقوا واخدين بالهم من اللي بيننا
يبقى بعد ده كله ايه اللى حيخلينى اشك فى انك متقصدنيش
ماجد:انا فعلا مقصدكيش انتى يافيروز
فيروز وقد اوشكت على ان تفقد الوعى وفقدت القدرة على اخراج الكلمات من حلقها
متقصدنيش ازاى لا مش معقول طبعا
وبدات تضحك بشكل هيستيري هههههه هههههه هههههه هههههه ههههههه هههههه
فى ايه ياماجد ايه الهزار السخيف ده
لو انت بتقول كده عشان تختبر مشاعري فانا والله بحبك وحياة ربنا بحبك
ماجد:فيروز ارجوكى بقى افهمينى
انا صحيح اعجبت بيكى جدا وحسيتك قريبه منى اوى بس انا غصب عنى مشاعري راحت لواحده تانيه
انتى والله انسانه جميله وطيبه بس انا لقيت اللى نفسي فيه فى واحده تانيه
فيروز وهى غير مستوعبه
يعنى ايه الكلام ده يعنى انت تقصد انك محبتنيش
امال انا كنت ايه بالنسبه لك
نزوه مثلا واللا سد خانه لحد ماتيجى اللى تستاهل حبك
ماجد وهو يحاول ان يمسك يدها لتهدئتها
تدفع فيروز يده بعيدا عنها
ابعدعنى ماتلمسنيش ليه حرام عليك ليه تعمل فية كده انا عملتلك ايه انت اللى دخلت حياتى مش انا انت اللى قربتنى ليك انت اللى كنت بتحببنى فيك يعنى بعد مارفعتنى لسابع سما ترمينى فى سابع ارض
ماجد :انا اسف يافيروز سامحينى انا والله ماكنت اقصد ولا كنت مرتب ان كل ده يحصل انا منكرش انى اعجبت بيكى
بس غصب عنى حبيتها هيا سامحينى
فيروز ببكاء:حبيتها هيا ليه ايه اللى فيها مش فية طب ليه
موقفتنيش من زمان وصارحتنى بحقيقة مشاعرك ناحيتى
ليه سيبتنى اعيش الوهم ده انا كنت بحلم بحياتى معاك حتبقى شكلها ايه انا استاهل منك كده انت شفت منى ايه وحش عشان تعمل معايا كده
اذيتك فى ايه عشان تاذينى كده
وبسهوله كده جاى تقوللى اسف سامحينى طب اسف على ايه واللا ايه واسامحك ازاى
بس انا بقى اللى حقولك اسفه انا مش مسامحاك يا ماجد
وعمرى ماحسامحك ابدا
وحدعى عليك من قلبي ياماجد
يارب تدوق من نفس الكاس اللى دوقتنى منه
وتخرج مسرعه من مكتبه وتتجه خارج الشركه وتقف امام البحر وتصرخ باعلى صوتها
لييييه لييييه ليه يارب يحصلى كده ليه اشمعنى انا
ليه مش مكتوب علية افرح ليه مش مكتوب على قلبي يعيش سعيد ليه
كنان انت فين ياكنان انا عارفه انك حبتنى وانا والله كنت حسه بمشاعر حلوة تجاهك بس انت مقلتش حاجه تخلينى اتمسك بيك انا اسفه ياكنان انى سيبتك ومشيت اكيد اللى بيحصل معاياده ذنبك ياكنان
وتظل فترة طويله تتحدث الى نفسها كالمجنونه ومر الوقت دون ان تشعر به
😢😢😢😢😢😢😢😢😢😢😢😢😢
اما ماجد فكان فى مكتبه واضعا راسه بين يديه وعقله سينفجر من كثرة التفكير واخذ يحدث نفسه
معقول اللى حصل ده انا مش مصدق
انا كنت فاكر انها هى اللى حتساعدنى على انها تقول لفريده وتعرفنى رايها
ثم ينطق عقله:انت حتستعبط يعنى انت مش عارف انها بتحبك وانك انت اللى علقتها بيك
ثم يقول:بس انا بحب فريده ومش حقدر اسيبها لحد غيري
انا لقيت فيها كل اللى بتمناه
وفيروز اكيد مع الوقت حتنسى
ولما تلاقى انسان يقدر مشاعرها حتنسانى
هى دلوقتى بس مصدومه لكن بعد كده حتفوق وحتنسى
انا متاكد من ده فيروز طيبه
😢😢😢😢😢😢😢😢😢
تعود فيروز الى البيت وهى متعبه واثار البكاء على وجهها
فاتن :فيروز ياحبيبتي مالك انتى فيكى حاجه شكلك معيطه
فيروز:لا يا ماما مفيش حاجه اطمنى بس تعبانه شويه وتدخل غرفتها دون كلام
وعلى الجانب الاخر كانت فريده تجلس فى النادى تتحدث الى مجموعة من اصدقائها فتجد التليفون يرن
فريده:ايوة ياماما
فاتن:فريده هى فيروز فى حد زعلها فى الشغل
فريده:معرفش انا مرحتش النهارده انا فى النادى
ليه فى حاجه
فاتن:شكلها مش عاجبنى
فريده:مانتى عارفه بنتك تموت فى النكد
فاتن :بت اتكلمى كويس عن اختك دى بتمووت فيكى
فريده:وانا بحبها والله دى توامى ياماما بس انتى عارفه ان تفكيرنا مختلف
ماما سلام دلوقتى عشان الحفله حتبدا
فاتن:ربنا يهديكى يارب
❤️❤️❤️❤️❤️❤️❤️❤️❤️❤️❤️ يمرعليها الليل بطيئا مابين دموع والم وذكريات كثيرة تحيط بها تكاد تنفجر راسها من التفكير ولكن اكثر ماكان يشغل بالها
هل ستستمر بالعمل ام تتركه
فتقرر ان تستمر بالعمل وان تبتعد عن ماجد وتحاول ان تتماسك حتى لايشعر ماجد بانها ستموت من بعده
نعم فلابد من ان تكون قويه وهنيئا له بمن فضلها عليها ياترى من هى ولكن لن تفرق معى فكفى انها هى من استطاعت ان تحظى بحبه الذى طالما حلمت به
ياتى الصباح وتدخل مكتبها وتبدا فى العمل مباشرة
فريده:صباح الخير يافوفه ايه يا بنتى مصحتينيش ليه اجى معاكى
فيروز:صباح النور يافريده محبتش اقلقك ياحبيبتى
فريده:لاء انا نفسي مفتوحه النهارده على الشغل
وتبدا فريده فى مساعدة فيروز
حتى ياتى اتصال لها من ماجد
ماجد:فريده من فضلك تعالى المكتب عندى
فريده :حاضر
وتتحرك فريده خارج الغرفه وتتجه لمكتب ماجد
الذى قرر الا يفاتحها فى شئ حتى يطمئن من ناحية فيروز
فهو يخشى ان تقوم بموقف متهور
😢😢😢😢😢😢😢😢😢😢😢😢😢
يوسف:ماجد عايزك انت وفيروز تقوموا بالشغل ده
ماجد:بص خالى حد غيري يقوم بده
عماد شاطر فى تخليص الاوراق دى
يوسف:غريبه اوى
ماجد:غريبه ليه
يوسف:اصلك نبهتني قبل كده انى مخليش عماد يشترك مع فيروز فى اى حاجه عشان حاسس انه بيعاكسها والمفروض انك بتغير عليها
ماجد :واغير عليها ليه
يوسف:نعم هو مش انت بتحبها يابنى
ماجد:بزمتك انا عمرى قلتللك انى بحبها
يوسف:انت حتجننني انت مش قلتلى من فترة انك نويت تخطبها
ماجد:ايوة فعلا بس انا قلتلك انى متاكد من حبها لية
مقلتش انى بحبها
يوسف:امال بتحب مين ياماجد فريده اختها صح
ماجد:عرفت ازاى
يوسف:عيب عليك لما تسالنى سؤال زى ده
بس فيروز حتعمل معاها ايه
ماجد:انا اتكلمت معاها امبارح وفهمتها انى بحب واحده تانيه بس مقلتش هى مين
يوسف:ربنا يستر بس فيروز صعبانه علية دى بتحبك يابنى
ماجد:بس انا بحب فريده اوى ومش حقدر ارتبط بحد غيرها يايوسف اول مرة اعرف يعنى ايه حب
يوسف:انت حر ياماجد اعمل اللى يريحك
❤️❤️❤️❤️❤️❤️❤️❤️❤️
تمر الايام وفيروز وماجد لايتحدثان اطلاقا بل يتجاهل كل منهما الاخر كم كانت تتمنى فيروز ان يدخل علبها ماجد ويقول لها انه كان يمزح معها وكل ماقيل وسمعته منه انما هو مزاح لا اكثر كان لا ا يترك احلامها ليلا ولاذكرياتها نهارا كان قلبها مازال معلق بحبه تحاول ان تكون قويه ولكن تنهار بمجرد ات تغلق عليها حجرة نومها فتدفن وجهها فى الوساده وتبكى بصراخ شديد
وبعد مرور فترة يطمئن ماجد ويعتقد ان فيروز كونها لاتحتك به فقد نسيته لايعلم بان حبه لا يمكن انتزاعه من قلبها بهذه السهوله فيقرر ان يفاتح فريده فى امر زواجهم
فيتصل عليها ويطلب مقابلتها فى مكان عام
ماجد:فريده من غير لف ولا دوران انا بحبك وعايز اتجوزك
فريده:انت بتقول ايه
ماجد :ايه يافريده انتى مش موافقه
فريده :الموضوع مش كده انت بس فاجئتنى
ماجد:وافقى يافريده واوعدك انى حخليكى اسعد انسانه فى الدنيا حعيشك ملكه
فريده:ممكن تدينى فرصه افكر
ماجد:اللى يريحك يافريده بس تاكدى انى مش بحبك لاء انا بعشقك
تعود فريده الى المنزل وقد وجدت امها على المائده وفيروز تحضر الاطباق
فريده:ماما انا جايلي عريس
فاتن:بجد مين ياحبيبتى فرحينى
فريده:ماجد ياماما عرض علية الجواز
وفجأة يسمعون صوت ارتطام قوى على الارض فيجدون فيروز وقد اغشى عليها
😴😴😴😴😴😴😴😴😴😴😴😴😴😴
الفصل العاشر
ليه خليتنى احبك لاتلومنى ولا اعاتبك
فين تهرب من حبك روح منك لله
بدموعى الحيرانه وعيونى السهرانه بدعيلك بامانه روح منك لله
لم اقتربت من محرابي
انا لم اقترب منك
ولم اسع فى يوم لحبك او لحب سواك
ياالله اختى تترك الدنيا كلها وتحب اختى
كيف لى ان اهرب منك وانت ستكون امامى فى كل وقت
ياربي كن لى معينا فانا لن استطيع تحمل كل هذه الالام
فاتن:يعنى ايه لسه حتفكرى انتى بتستعبطى
فريده:فى ايه ياماما بلاش يعنى افكر
فاتن:نعم ومقابلاتكم مع بعض كل شويه وجريك وراه ومكالماتكم اللى كانت فى نصاص الليالى ده معناه ايه فهمينى
فريده:ماما انتى بتتجسسي علية
فاتن:اوعى تكونى فاكرة انى عشان سايباكى تعملى اللى انتى عاوزاه ابقى معرفش عنك حاجه
انا متبعاكى كويس اوى وعارفه انك بقالك فترة شاغلة ماجد وكل مابتبقى فى مكان تتصلي بيه يروحلك
وطبعا عملتى معاه الشويتين بتوعك مانا امك وحافظاكى
فريده:انتى ليه دايما جاية علية كده
اشمعنى فيروز مابتعمليش معاها كده
فاتن:لانى واثقه فيها كويس لكن انتى دابما تاعبه قلبي فاكرة واحنا فى دبي لما اتراهنتى انتى وواحده زباله على انك تاخدى خطيبها منها وبعد مالفيتى عليه وخليتيه يسيب خطيبته قلتيلوا بالسلامه فاكرة واللا نسيتى والهبله جت تشتكيلى وتترجانى اخليكى تبعدى عن خطيبها وهو كان ناوى يعملك فضيحه خصوصا بعد ماعرف الحقيقه خليتينى اصمم اننا لازم نرجع عشان ابعدك عنه وعن شره ورجعنا على ملا وشنا والحمد لله جايلك واحد محترم وانتى اللى جريتى وراه وتقوليلى افكر
تتصلي بماجد وتقوليله يجيب اهله وييجى سامعه
انا داخله ابص على الغلبانه اللى جوة
تدخل فاتن غرفة فيروز الغائبه فى عالم اخر
فاتن:ايه ياروحى عامله ايه ياقلب امك طمنينى عليكى
فيروز:الحمدلله ياماما متقلقيش نفسك
فاتن:اختك حتموتنى يابنتى
فيروز :الف سلامه عليكى ياماما ليه بتقولى كده
فاتن:فيروز ياحبيبتي انا حقولك على حاجه بس متعرفيش اختك بيها
فيروز:اتفضلى ياماما
فاتن:فريده اختك طول عمرها طماعه مش عارفه طالعه لمين وانا خايفه عليها من نفسها وكل حاجه بتعملها بتبقى مرتبه لها كويس اوى لما قررت تروح معاكى الشركه كان عشان يوسف
فيروز:مش فاهمه ياماما
فاتن:فريده كانت حاطه عينها على يوسف
فيروز:بس يوسف بيحب حور
فاتن:اختك مكنتش تعرف وكانت فاكرة انها بجمالها وحركاتها اللى بتعملها حتعرف توقعه فيها بس اللى حصل ان يوسف ماشفهاش اصلا ولا عبرها لانه بيحب حور واختك لما اتاكدت انه مش حيقع فيها لفت على ماجد وعلقته بيها ودلوقتى الراجل بعد مادخل البيت من بابه جاية الهانم تقوللى لسه مااخدتش قرار
فيروز:ماما هو حضرتك عرفتى الكلام ده من مين
فاتن:فربده طول عمرها من وهى صغيرة بتعمل مشاكل وده بيخلينى اراقبها لانى خايفه عليها
فيروز:طب وانا ياماما
فاتن:انتى روحى يافيروز عينيه اللى بشوف بيها انا متاكده من ادبك واخلاقك وعارفه انك مش ممكن تعملى حاجه غلط
تبكى فيروز لانها شعرت انها لا تستحق ماقالته امها عن ادبها واخلاقها فهى كانت تسمح لنفسها بمقابلة ماجد والخروج معه والتحدث معه فى اوقات متاخرة بدون علم امها
فاتن:مالك ياحبيبتي
فيروز:مفيش والله ياامى مخنوقه بس شويه
فاتن:فيروز ممكن ياحبيبتى تساعديني نقنع اختك توافق عشان اطمن عليها عشان خاطرى يافيروز
فيروز:حاضر يا ماما
ان شاء الله فريده حتتجوز ماجد
بعد خروج فاتن من غرفة فيروز
فيروز تحدث نفسها
يوسف مااهتمش بفريده ولاشافها برغم انها اجمل من حور بكتير عشان هو بيحب بصدق
لكن ماجد مجرد ماشاورتله فريده جرى وراها وسابني وده معناه انه عمره ماحبنى
يبقى سيبيهم لبعض وحسبي الله ونعم الوكيل
❤️❤️❤️❤️❤️❤️❤️❤️❤️❤️❤️❤️❤️
بعد يومين فى منزل فيروز وفريده
فاتن:اهلا ياجماعه نورتونا والله
ماجد:ربنا يخليكى ياطنط
فاتن:ماما من النهارده انتى حتقوللى ماما وغلاوتك حتبقى من غلاوة فيروز وفريده
فيروز بمجرد نطقها لاسم تلك المسكينه والتى لم يتوقع ان يراها وانها بالتاكيد لن تقوى على مواجهة هذا الموقف
فينظر تجاهها فيجدها تنظر للفراغ اللا شئ موجوده ولكنها فى عالم اخر
الحاج يونس:ماجد يامدام ميبجاش ابن اختى وبس لا ده ولدى وغلاوته من غلاوة يوسف انا اللى ربيته بعد ماامه وابوه الله يرحمهم ماتوا
وكل طلبات عروستنا الحلوة اوامر احسن شجه واحسن شبكه وحيتعمللها فرح ولا الف ليلة وليلة
فاتن:احنا بنشترى راجل ياحاج انا اللى يهمنى انه يحافظ عليها ويحميها
وبعدكلام كتير يتفقون على ميعاد الزفاف فماجد لايريد عمل خطوبه فهو لايقوى على بعادها اكثر من ذلك
ضحك الجميع على استعجال ماجد على الزواج
ولم يشعر احد بتلك المسكينه التى كان يتمزق قلبها وقامت دون ان يشعر بغيابها احد
ومنذ ذلك اليوم وفيروز لم تعد تتحدث الى ماجد بكلمه واحده
وتمر الايام سريعا وياتى موعد زفاف ماجد وفريده
يدخل الجميع قاعة الاحتفالات
كانت فريده فى قمة تالقها وكان ماجد سعيدا لدرجه لا توصف
وعلى الجانب الاخر كان يوسف لا يخفض عينيه عن من سكنت القلب وملكت الفؤاد
يوسف:عامله ايه يا حور
حور:الحمد لله
كل من حولهم يعلمون بمدى حبهم لبعض ولكنهم يعرفون ان والدها لن يوافق على اى ارتباط قبل الاطمئنان على
مستقبلها
فحور ابنتهم الوحيده التى لم ينجبوا غيرها بسبب مرض امها بالقلب وخطورة الانجاب مرة اخرى على حياتها
كانت تتجول فى الفرح وتستقبل التهانى وهى ترسم الضحكه على وجهها وقلبها يتمزق حزنا
فتسمع مجموعه من زملائها فى الشركه يتحدثون ولا يدرون انها تسمعهم
شفتوا وهى واقفه جنب اختها وعماله تستقبل التهانى
فتقول اخرى:طبعا ياعبيطه ماهى لازم تعمل كده عشان محدش يقول غيرانه
الاخرى تقول:يالهوى ده انا لو مكانها ده انا اموت نفسي احسن
فترد الاخرى:كانوا رايحين جايين لازقين لبعض وفى الاخر اداها بمبه فيضحكون عليها
ف تخرج خارج القاعه حتى تستطيع التنفس فهى لن تحتمل سماع اكثر من ذلك وتقول لنفسها ليه كده ياماجد تتذكر منظر ماجد وهو بجوار اختها وهذا يشعرها بانها لاقيمه لها فى هذه الحياة
تقف بعيدا عن الصخب وفجاة تجد من ينطق باسمها
واقفه لوحدك ليه يافيروز
فتلتفت لتجد يوسف من يتحدث اليها
يوسف:متزعليش يافيروز بكرة ربنا يعوضك
فيروز:تنظر اليه بعيون دامعه ولا تتحدث
يوسف:اللى بيحب بيحس اباللى زيه
وانا بحب عشان كده انا حاسس بيكى
متزعليش من ماجد هو حب فريده غصب عنه
فيروز:ارجوك يايوسف كفايه الله يخليك ان شاء الله ربنا حيقدرنى وانسى عن اذنك
وتتركه فيروز وتستكمل باقى الحفل مع اختها التى تذهب لقضاء شهر العسل مع زوجها
بينما تعود فاتن وابنتها الى المنزل
فاتن:وهى تحتضن ابنتها عقبالك ياحبيبتى نفسي اشوفك عروسه يافيروز
فيروز:ان شاء الله ياماما
❤️❤️❤️❤️❤️❤️❤️❤️❤️❤️
تدخل فيروز غرفتها وترمى بنفسها فوق الفراش وتبكى بكاء شديد
وتتذكر كل ماكان بينها وبين ماجد
ياااه على وجع قلبي وتقوم تتوضا وتصلي وتدعو الله ان يفرج عنها الهم والحزن
❤️❤️❤️❤️❤️♥️♥️♥️♥️♥️❤️❤️❤️
_فى مكان آخر يتحدث الى احد رفاق السوء
_قمر يابنى مزة حموت عليها
_طب ماتتقدم لها
_اتقدم لمين ياعم هو انا بتاع جواز
وبعدين بقولك كانت سيرتها على كل لسان هى واللى قلبها وراح اتجوز اختها
اقوم اتجوزها انا ليه ان شاء الله انا مااخدش زبالة حد
_امال انت عاوز ايه
-عاوزها كده يومين فرفشه ويروحوا لحالهم
فجاة تليفونه يرن
يوسف:عماد اسف لو صحيتك من النوم
عماد:لا ابدا يابشمهندس ميهمكش انا لسه سهران
يوسف:طبعا انت عارف ماجد واخد اجازة اسبوعين وانا حبقى محتاجك وحعتمد عليك فى حاجات كتير
عماد:تحت امرك يابشمهندس
يوسف:تمام ياعماد بكرة نحدد مع بعض اللى حنعمله عشان
الصفقه الجديده
يضحك عماد ويقول الظاهر البطه حتقع تحت ايدي وحندوق العسل واستفرد بيها ماهى بقت لوحدها خلاص
💖💖💖💖💖💖💖💖💖
ماجد:صباح الفل والياسمين على عيونك يا حبيبتى
فريده بنعاس:صباح الخير يا ماجد
ماجد:يالهوى عالجمال ياناس هو فى حد حلو كده
فريده تضحك ضحكة عاليه
ماجد:الرحمه ياناس انا كده قلبي مش حيستحمل
فريده :بس انا مقموصه منك
ماجد:ليه ياقلبي
فريده :كنت عاوزة اقضي شهر العسل فى باريس
ونت جبتنى شرم
ماجد:ولا يهمك ياقلبي اظبط بس الشغل فى الشركه مع يوسف ونطلع على باريس
فريده وهى تحتضنه
بجد انا مبسوطه اوى
ماجد:طب بقولك ايه تعالى بقى انا عايز اقولك كلام مهم اوى
وياخذها ماجد الى عالم لايدخله الا العشاق
❤️❤️❤️❤️❤️❤️❤️❤️❤️
تستيقظ من نومها او بالمعنى الصحيح هى لم تنم بل ظلت طوال الليل تدعو الله ان نستطيع تخطى هذه الاةقات الصعبه
فيروز:صباح الخير ياماما
فاتن:صباح النور ياحبيبتى
انتى لابسه ورايحه فين
فيروز:رايحه الشركه ياماما
فاتن:مش يوسف قالك امبارح تريحى النهارده
فيروز:مش حينفع ياماما الشركه داخله صفقه جديده وماجد مش موجود ويوسف مش حيعرف يتصرف لوحده
فاتن:طول عمرك ياحبيبتى شاغله بالك بكل اللى حواليكى ربنا يسعدك يافيروز يابنتى يارب ويعوضك باللى يريح بالك
فتقبل فيروزيد امها وتخرج للعمل
بمجرد دخول فيروز الشركه ترى نظرات السخريه فى عيون البعض ونظرات الشفقه فى عيون الاخرين
وحينما بدات تتجه لمكتبها تحد من يحدثها
صباح الخير يافيروز فريده امبارح كانت زى القمر هى وماجد لايقين على بعض اوى
فيروز:عقبالك ياسمر
سمر:ان شاء الله طبعا بس المهم يكون بيحبنى مش يلعب علية يومين ويخللى اللى يسوى واللى ميسواش يقطع فى سيرتى
فيروز وهى تعلم ماترمى اليه ولكنها لن تسمح لاحد بالتشفى منها
طب بعد اذنك عندى شغل
وتتركها وتدخل المكتب ثم تلقى بحقيبتها على الكرسي وتضع راسها على المكتب وتبكى بمرارة
مشىقادرة ادعى عليك ياماجد انت بقيت جوز اختى واللى يؤذيك حيؤذيها بس انت خليت الشركه كلها تتكلم عنى
يارب ابعد عيونهم عنى يارب
يطرق عليهآ يوسف المكتب
يوسف:صباح الخير يا فيروز
فيروز:صباح الخير يا يوسف
يوسف:ايه اللى جايبك يابنتى مش قلتلك تستريحى النهارده
فيروز:انت ناسي الصفقه الجديده
يوسف:مانا مش عايز اتقل عليكى
فيروز:لا ميهمكش انا اصلا عايزة اتلهى فى الشغل
يوسف وهو يحاول تغيير الموضوع
انتى عارفه يافيروز انتى وشك حلو اوى علينا من ساعة مادخلتى الشركه واحنا مش ملاحقين عالشغل
فيروز:ربنا يخليك يارب
يوسف:بقولك يافيروز انا حطلب من عماد يساعدك فى شوية حاجات ماشي
فيروز تتذكر موقفا
فلاش باك
فيروز :هههههه ربنا يخليك يابشمهندس ده من زوقك والله
عماد:لا والله انا مش بجامل انا بقول الحقيقه
ناجد:ايه ده ايه اللى بيحصل هنا
فيروز:بخوف فى ايه ياماجد
ماجد ينظر بغضب لعماد :اتفضل على مكتبك ياأستاذ
وانتى يااستاذه احنا هناةفى مكان شغل
فتدخل فيروز مكتبها ويدخل وراءها ماجد
ممكن افهم ايه اللى شفته ده
فيروز:فى ايه ياماجد
ماجد:فى ان البنى ادم ده انا مبحبوش ومبطقش اشوفه واقف يتكلم معاكى
فيروز:ليه بس هو ضايقك فى حاجه
ماجد:نعم ده كان حياكلك بعينيه واللا انتى مبسوطه بكده
فيروز:ايه اللى انت بتقوله ده ياماجد
فيتركها ماجد ويخرج منفعلا ويظل يومين لا بتحدث اليها حتى تعتذر منه وتبتعد نهائى عن عماد حتى لا يغضب منها ماجد وهذا الموقف جعلها تتاكد من حب ماجد لها وغيرته عليها
فتضحك فجاة هههههههه
يوسف باستغراب:مالك يافيروز هو انا قلت حاجهةتضحك
فيروز:اسفه يايوسف مقصدش بس افتكرت حاجه حسستنى اد ايه انا كنت هبلة وعبيطه اوى
ففهم يوسف ماتقصده فيروز
يوسف خرج من مكتبه وهو حزين على حال فيروز
♥️♥️♥️♥️♥️♥️♥️♥️♥️♥️♥️
يوسف:عماد انت شغلك الفترة الجايه حيكون مع فيروز تمام
عماد:تمام اوى
يوسف:طب اتفضل دلوقتى
عماد يخرج من المكتب وهو فى قمة سعادته فاخيرا سيصل الى غايته من هذه الفاتنة
ويبدا العمل ببنهما وفيروز تتعامل معه بحذر شديد
على الجانب الاخر كان ماجد يتنعم مع فريده ويريد الا يبعد عنها لحظه واحده ولكنها كثيرة الطلبات فبرغم ان ماجد لايبخل عليها بشئ ولكنها تريد استنزافه
فريده:يوسف انا عايزة اعيش فى فيلا
ماجد:ليه دى الشقه اللى انا جايلها تمنها غالى جدا
فريده:اشمعنى يوسف عايش فى فيلا
ماجد:دى فيلا خالى مش بتاعة يوسف
والشركه كمان باسم خالى انا ويوسف شغالين فيها
فريده:اه بس هو الكل فى الكل
ماجد:فريده مالك عايزة ايه
فريده:لا خلاص مش عاوزة حاجه
❤️❤️❤️❤️❤️❤️💖💖💖💖
يوسف:فيروزانا مش عارف اعمل ايه بابا تعبان اوى وحوديه المستشفى والمشروع ده لازم يخلص النهارده واللا حندفع غرامه كببرة الشركه مش ادها
فيروز:ولا يهمك يا يوسف روح انت اطمن على والدك وانا حسهر اخلص الشغل
يوسف:بجد يافيروز انامش عارف اقولك ايه
فيروز:متقولش حاجه ياللا روح انت واطمن
يوسف:طب بصي عم محمد الساعى حيكون موجود لو احتاجتى اى حاجه اطلبيها منه
فيروز :تمام
يخرج يوسف من المكتب ويتجه سريعا لياخذ والده الى المستشفى وينصرف جميع من فى الشركه ويحل الظلام وفيروز منهمكه فى العمل حتى انها شعرت بنعاس شديد ولكنها تحاملت على نفسها حتى لا تخلف وعدها مع يوسف
وفجاة يفتح الباب عليها ويدخل
عماد:الجميل عامل ايه
فيروز:عماد انت ايه اللى جابك دلوقتى
عماد:جاى اونسك اكيد زهقتى من القعده لوحدك
فيروز:لا شكرا اتفضل عايزة اشوف شغلى
عماد وهو يقترب منها ويتفحصها بنظرة شهوانيه
اتفضل فين
فيروز بخوف شديد:اتفضل اخرج برة
عماد:اخرج ايه بس ده انا ما صدقت ادخل
بقولك ايه ماتسيبك من الشغل ده وتعالى نقعد مع بعض شويه ولو مش حينفع هنا عندى مكان حلو اوى نقعد فيه براحتنا
فيروز:انت بتقول ايه ياحيوان انت اخرج برة حالا بدل ماانادى الامن
عماد :هههههه امن مفيش حد هنا غير انا وانتى بس
فيروز:الله يخليك ياعماد من فضلك اخرج
عماد:هو انا مشبهش واللا ايه اشمعنى هو مانتى كنت دايرة معاه على حل شعرك وكنتوا بتخرجوا تقضوها مع بعض وترجعوا والشركه كلها عارفه انك عشيقته وبعد مازهق منك قلبك وراح اتجوز اختك
حتيجى علية انا وتعملى نفسك شريفه
فيروز مصدومه مما تسمعه
فتحاول ان تخرج من المكتب
ولكنه يمسكها من يديها
جربينى بس ده انا حعجبك اوى ويغمز لها بعينيه
فتصفعه فيروز على وجهه
عماد:بقى هو كده اوعى تكونى فاكرة انى مش حعرف اعمل اللى كنتى بتعمليه معاه
فيروز:انت مجنون انا خصوت والم عليك الناس
عماد:وهو يقترب منها وانا مش حسيبك انتى النهارده حتكونى لية انا ومحدش حيقدر ينقذك من ايدى
ويحاول ان يعتدى عليها ويقطع ملابسها وهى ضعيفه بين يديه علاوة على انها متعبه من العمل طوال اليوم ولكنها لن تستسلم لهذا الحيوان واخذت تركله وتدافع عن نفسها ولكنه كان يقبلها عنوة ويقطع ملابسها
فتصرخ فيروز باعلى صوتها الحقوووونى