رواية تضحيه بلا ثمن الفصل الثالث3 والرابع4 بقلم عبير سليم
يجلس الجميع على المائدة ورهف تجلس بجوار حور التى تطعمها فى فمها بحب وحنان
رهف:خلاص ياحور انا ثبعت مث عايزة اكل تانى
حور:طب عشان خاطرى كلى دى كمان
رهف:لاء كلى انتى ياحبيبتى عثان تبقى ثاطرة فى المدرسه
الكل يضحك على رهف ومداعبتها اللطيفه مع حور
فريدة بانفعال:ايه يارهف مش قلنا لازم تاكلى لوحدك انتى مبقتيش صغيرة
رهف:لاء اناثغيرة يامامى
حور:مانا باكلها يافريده
فريده بغل:وانتى مالك ياحور بتتدخلى ليه بينى وبين بنتى
فتسكت حور ولا ترد بينما ينظر الجميع بغضب تجاه فريده
انا مقصدش ياحور انا بس عاوزاها تعتمد على نفسها فلا يعلق احد على كلامها بينما ينظر لها ماجد وهو يتوعدها فكراهيتها الشديده لحور تظهر بدون وعى منها
🌹🌹🌹🌹
يتجه الجميع ليشربوا القهوة بينما يتابع الحاج يونس نظرات يوسف لحور فقرر ان يفتح الموضوع
الحاج يونس:بدر ياواد عمى انا لية عندك طلب
بدر:انت تؤمر مش تطلب يايونس
الحاج يونس:حور بتك عايزها ليوسف ابنى جلت ايه
بدر:وهو فى كلام بعد كلامك يايونس حور بتك زى يوسف
يونس:وانتى ياست ام حور ايه رايك
ماجده:انا عمرى ما حامن على حور مع حد غيركم ياحاج يونس بس حور لسه أدامها سنتين فى الجامعه
يوسف بتسرع :تكمل واحنا مع بعض ياطنط وانا والله حساعدها
فيضحك بدر على رد يوسف السريع
الحاج يونس:وعروستنا الحلوة رأيها ايه انا خابر زين انك تستاهلى واحد احسن منيه مية مرة بس اعمل ايه ولدى بجى
يضحك الجميع وحور تنظر للارض بخجل
فيقول يونس على بركة الله ييجى نجرا الفاتحه
وتتمم قراءة الفاتحه والجميع يتمنى لهم السعاده ماعدا شخص واحد تتمنى لو ان تختفى حور من على وجه الأرض لما كل هذه الكراهيه لهذه الرقيقه الجميله
🌹🌹🌹🌹🌹🌹🌹🌹🌹🌹🌹🌹🌹🌹🌹
تغطى أطفالها مراد وادهم وهم نائمون وتذهب إلى غرفتها وتبدل ثيابها وترتدى ملابس النوم وتضع عطرها الرائع فهى جميله حقا ولكن جعلها القدر مع من لايستحقها
فجأة تسمع صوت الباب يفتح فتنتظر حتى يدخل
مساء الخير يافيروز
فيروز:مساء النور يا حبيبي اتاخرت كده ليه قلقتنى عليك
على:وتقلقى علية ليه هو انا عيل
فيروز:وهى تقترب منه بدلال فهو زوجها الذى تحبه رغم كل مساوئه وحشتنى ياعلى وقبل ان يقترب منها فهو لايستطيع الصمود امام أنوثتها وجمالها تشم رائحة برفان انثوى على ملابسه
فيروز:انت كنت فين ياعلى كنت بتخونى مع مين المرة دى
على:انتى بتقولى ايه هو انا مش حخلص بقى من شكك ده
بقولك ايه انا جاى تعبان ومش عايز هم ونكد والا والله حسيبلك البيت وامشي
فيروز:هو خدوهم بالصوت واللا ايه ياابو ولادى الهم والنكد ده انت اللى معيشنا فيه انا مش مصدقه ان انت على اللى حبيته ووقفت قدام اهلى عشانه انا مش عارفه انا قصرت معاك فى ايه ليه بتعمل فية كده انا أستاهل منك كده ياعلى
وتبكى بمرارة وتقول من بين بكاءها انا مفيش حاجه مصبرانى عليك غير الولاد اللى ملمهش ذنب ولولاهم والله ماكنت قعدت معاك يوم واحد فيرق قلبه لها ويحاول ان يقترب منها ويهديها ولكنها تبعده عنها فكيف لها تجعله يقترب ورائحة غيرها تملاء المكان وتخرج من الغرفه مسرعه
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
يضع طفلته الصغيرة على فراشها بعد أن غلبها النوم قبلها على خديها وخرج إلى غرفته ليجد زوجته تكاد تنفجر من الغيظ
انت ليه ماقلتليش ان يوسف حيخطب حور النهارده
ماجد:كان حيفرق معاكى فى ايه تعرفى واللا لاء
فريده بتوتر :يعنى على الاقل كنا اخدنا هديه واللا حاجه
ماجد وهو يضحك :هديه بقى انتى تجيبى هديةلحور وايه نوع الهديه دى سم واللا مية نار ترميها على وشها
فريده :انت اتجننت ايه اللى بتقوله ده انا اعمل كده ليه
ماجد:عشان نظرة الحقد والكراهية اللى شايفها فى عينيكى دى ايوة انا اتجننت يافريده وانتى اللى جننتينى بعمايلك بتكرهيها ليه عملتلك ايه حور عشان تكرهيها بالشكل ده
فريده:مين حور دى اللى اكرهها واللا احبهاتيجى ايه دى فية دى واحده صعيديه متخلفه
ماجد:احترمى نفسك يافريده واتكلمى عنها كويس وعلى فكرة انا لسه ماحسبتكيش على الكلام اللى حرقتى دمها بيه وهى عشان محترمه مردتش عليكى
فريدة:ياسلام وانت محروق عشانها اوى كده ليه لتكون واقع فى غرامها انت كمان زى الأهبل ابن خالك
وفجأة تنزل صفعه قويه على وجهها وهذه كانت أول مرة يمد ماجد يده عليها فهو دائما ضعيف امامهاالا فى ذلك الأمر فحور يعتبرها بمثابة اخت وزوجة أخيه وابن خاله
فريده:انت بتمد ايدك علية ياماجد وعشان خاطر مين واحده متسواش حاجه
ماجد وهو يهزها بعنف:الواحده اللى متسواش حاجه دى ضوفرها برقبتك يافريده الواحده دى بنتك بتحبها اكتر مابحبك متعلقه بيها اكتر منك فوقى بقى واحترمى نفسك بس انتى ليكى حق تعملى اكتر من كده انا اللى وصلتك لكده من كتر ماحبيتك كان عندى امل تتغيري كنت فاكرك حتقدري اللى بعمله عشانك وتحبينى زى مابحبك لكن عمرك مااتغيرتى ولا حتتغيري مبتفكريش غير فى فريده وبس عايزة تبقى محور الكون كله لازم الكل يخضع لجمالك
وانا بقولك للمرة الالف حور خط أحمر يافريده واياكى تتكلمى عنها بطريقه وحشه تانى لأنك عارفه ومتاكده من أخلاقها كويس لكن حقدك وغيرتك منها هى اللى عامله فيكى كده
فريده:غيرة انا اغير من دى انت بتقول ايه
ماجد : بقول اللى كان لازم اقوله من زمان بس ساكت عشان مخربش البيت ده عشان رهف اللى كل ذنبها ان امها انانيه مبتفكرش غير فى نفسها وبس فسح وخروج وهدوم ومجوهرات وفلوس وسفر لكن جوزك وبنتك برة حساباتك وجية فى الاخر كمان تتهمى الناس بالباطل
فريده:خلصت الخطبه خلاص بس اعمل حسابك ان القلم ده مش حيعدى بالساهل مش فريده نصار اللى تضرب ياماجد وتترك له الغرفه وتخرج من المنزل
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
ليلة غريبه مرت على البعض سعيده وعلى البعض حزينه ولكن يوسف وحور نرى سعادتهم اليوم لا توصف فاخيرا سيجمع بينهم القدر ولكن هل ستكون السعاده دائمه فى حياتهم ام سيلعب القدر بهم ويضع بصمته بالا ينعم احد بحبيبه
الفصل الرابع
فى منزل أهل فريده
اتفضل ياحبيبي واقف كده ليه ده بيتك ياماجد نطقت بهذه الكلمات فاتن ام فريده
ماجد :معلش ياطنط ناديلى فريده ناديلى فريده عايز اتكلم معاها
فاتن:طب ماتدخللها ياحبيبى ربنا يصلح حالكم يارب
ماجد يدخل الغرفه لفريده فيجدها تضع قدم على الأخرى ولا تكلف نفسها بالنظر اليه
ماجد:ازيك يافريده
فريده :جبت معاك الماذون
ماجد :فريده اعقلي بقى وبلاش الكلام الأهبل ده انا سايبك براحتك بقالك اسبوع عشان تهدى واظن كفايه كده ياللا قومى البسي وجهزى البنت وياللا نرجع بيتنا
فريده :مش حرجع معاك ياماجد وحتطلقنى
ماجد وهو يضغط على يديه :فريده حبيبتى ياللا بينا وانا اسف ياستى على اللى حصل
فريده :وانا مش قابله اسفك وحتطلقنى ورجلك فوق رقبتك
ماجد :فريده متخلينيش اعمل تصرف مش حيعجبك ياللا يابت الناس استهدى بالله وارجعى بيتك
فريده:انت معندكش دم بقولك طلقنى مش طايقاهم مش عايزة اعيش معاك
ماجد :مش حطلقك يافريده واعلى مافخيلك اركبيه
فريده:يبقى حخلعك ياماجد
ماجد :ايه الكلام الفارغ ده
فريده:مادمت عايز تجبرني عالعيشه معاك بالعافيه وقابل على كرامتك حاجه زى دى
ماجد:عايزة ايه يافريده
فريده:طلقنى لو انت راجل طلقنى
ماجد :انتى طالق يافريده
ويخرج ماجد مسرعا من منزلهم
تجلس فريده مصدومه فهى لم تتوقع ابداان يطلقها ماجد بهذه السهوله فهى تعلم جيدا مدى عشقه لها ولكنها جرحته فى كرامته وهى اعز مايمتلكه الرجل
فاتن بغضب:فى ايه جوزك بنادى عليه مردش عليه فى ايه يابنتى
فريده:ماجد طلقنى ياماما
فاتن وهى تخبط على صدرها يامصيبتى طلقك خلاص ارتحتى وعملتى اللى نفسك فيه
فريده:من فضلك ياماما سيبينى دلوقتى
فاتن :مانا طول عمرى سايباكى تعملى اللى انتى عايزاه وأدى النتيجه خربتى بيتك يارب تكونى مبسوطه
انا مش عارفه انتى طالعه لمين ياعينى عليكى يافيروز ياللى مستحمله وساكته دى على. كده اختك بقى يتعملها تمثال اللى مستحمله جوزها وقرفه مع انها لو أطلقت محدش
حيلومها
فريده:ماما ارجوكى انا مش ناقصه
فاتن:مش ده ماجد اللى كنتى حتموتى عليه نسيتى لما كنتى بتجري وراه وتلاحقيه فى كل مكان لحد ماالراجل وقع فى حبك وعملك كل اللى انتى عاوزاه منك لله يافريده يابنتى منك لله.
💓💓💓💓💓💓💓💓💓💓💓💓💓💓💓
فيروز:خلاص ياحبيبتى خربتى بيتك عملتى اللى كان نفسك فيه برافو يافريده بس يارب تكونى مرتاحه
فريده :فيروز انا مش ناقصاكى
فيروز:ياعينى اوعى تكونى زعلانه لا والله ازعل منك بجد فووقى ياماما انتى لو عمالتيهم على الدنيا كلها مش حتعمليهم علية انا محدش يقدر يفهمك غيري
فريده:ايه اللى بتقوليه ده انتى تقصدى ايه
فيروز:اقصد اللى انتى وانا فاهمينه كويس
فريده انتى حترجعى لجوزك انتى فاهمه والنهارده قبل بكرة واللا ورب الكعبه لانتى اختى ولا اعرفك
💓💓💓💓💓💓💓
ماجد فى مكتبه يحاول ان يهلك نفسه فى العمل حتى لايفكر فى شئ
يدق باب المكتب الخاص به
ماجد :ادخل وهو ينظر للحاسوب
فيروز:تدخل وتتحرك ببطء داخل المكتب فيشم رائحة عطرها الجميل نعم انها هى لم تتغير رائحة عطرها هى دائما كما هى لم يتغير بها شئ وهذا اكثر ما يميزها
صباح الخير ياماجد
ماجد صباح النور يا فيروز ويقوم ويسلم عليها فتجلس ويجلس أمامها ازيك يا فيروز عامله ايه بقالى كتير ماشوفتكيش
فيروز:ممكن ندخل فى الموضوع
ماجد طب اشربي حاجه الأول
فيروز :انا شاربه كتييييير
ماجد:ينظر لها دون أن يتكلم
فيروز:رجع فريده ياماجد
ماجد:جرحتنى واهانتنى يافيروز وانا تعبت خلاص
فيروز:رهف ياماجد ملهاش ذنب فى اللى بيحصل
ماجد:عشان خاطر رهف انا اتحملت كتير اوى انا أديت كل حاجه ومااخدتش حاجه
فيروز :معلش تعالى على نفسك شويه كمان اديها فرصه تانيه فريده ملخبطه مش عارفه بتعمل ايه
ماجد ينظر إليها :ياريتها كانت زيك يافيروز
فيروز :وعشان هى مش زيي انت حبيتها ياماجد
كان ماجد يجلس قريبا منها كأنه يسمع دقات قلبها
وفجأة يفتح الباب ويدخل يوسف
ياسلام ياسلام انت قاعد هنا مع حبيبة القلب وسايب كل حاجه فوق دماغى
فتنظر فيروز إلى ماجد الذى شعر بالارتباك من هذه الكلمات التى نطق بها يوسف دون قصد منه
حبيبة القلب فتضحك فيروز بينها وبين نفسها على هذه الكلمه بينما ماجد يشعر بما يدور فى عقلها
ماجد:يوسف دى فيروز مش فريده
يوسف:ازيك يافيروز معلش اسف والله اصلى مبعرفش افرق بينكم انتم الاتنين
فيرد ماجد بعفويه الفرق بينهم كبير
يوسف:طيب انا حسيبكم براحتكم ماجد لما تخلص مع فيروز تعالالى المكتب عاوزك
فيروز:انا ماشيه ياماجد وعشان خاطرى لو لية خاطر عندك تيجى النهارده ترجع فريده وتخرج بدون اى كلمه
فيحدث ماجد نفسه انا اسف يافيروز انا عارف انك زعلانه منى بس مش بايدى غصب عنى حبيتها هى