رواية ساكون طوق نجاتك الفصل الخامس عشر15بقلم سمر هاشم
قفلت من مرام وانا مبسوطه وما عارفه الراجيني شنو ما عارفه انو رامي الخلاهو يوافق شنو ما كنت متخيله ابدا انو ماما استعملت مع رامي اسلوب قاسي كده عشان يوافق علي افتكرت رامي حابي يفتح صفحه جديده وينسى الفات ويصالح الدنيا افتكرت اني حأنسيهو بحبي وافتكرت انو حيحبني افتكرت انو بدا ينسى نورهان ما كنت عارفه انو بقى بكرهني وبستحقرني كده ما كنت عارفه انو ناوي لي على الشر ناوي يعذبني وما عايزني اعيش مبسوطه ابدا مفكر انو حيعرف يكرهني فيهو ويقنعني منو ويخليني اطلب الطلاق عايز يزلني ويكرهني حياتي وهو ما عارف انو هو حياتي واني مستحيل اكرهو لو مهما عمل ما عارف اني حاقدر كل ظروفو وكل معاملتو السيئه وحأتحملها واقوم بكل واجباتي ما عارف اني حأغيرو اكيد ولا انا ما كنت عارفه بس الايام والاقدار هي الكانت عارفه 😊مرو الاسبوعين وجو ناس رؤى وعملنا خطبه ولبسنا الدبل ورامي كان مبين لي انو مبسوط ولي ثانيه ما حسسني انو مغصوب كنت مبسوطه شديد افتكرت الدنيا بتضحك لي وحتى رؤى كانت مبسوطه واهلي😻😊 بس ماما عواطف كانت ما مبسوطه😢 كانها عارفه ولدها ناوي ع شنو كانت كل شويه بتقول لي ربنا يوفقكم ويسعدكم ي بتي بس انتي اصبري انا ما كنت مركزه ما كنت فاهمه قصدها شنوو لانو الفرحه كانت عاميه عيوني عن الجاي كان يوم من احلى ايام حياتي😻😻 ورامي كان طول اليوم مبتسم ومبسوط وهو من جواهو دمو بغلي علي وانا ما فاهمه حاجه 😢😢خلصت الخطوبه وهم رجعو وانا رقم رامي ما عندي زاتو ونسيت اطلبو منو وهو ما اداني ليهو بعد يومين وانا بتكلم مع رؤى قالت لي رامي ما اتصل عليك قلت ليها هي زكرتيني انا رقمو ما عندي قامت رسلتو لي وفعلا المساء اتصلت عليهو ردا علي الو ي هلا وانا قلبي فزا من محلو😂😂 قلت ليهو ي اهلين وسكت قال لي معاي منو ما عرفتك قلت ليهو نور بعد تعب قال لي نور منو صدمني شديد 😨😵قلت ليهو نور ي رامي خطيبتك قال لي اهااا نور اهلين كيفك بي كل برود اتكلم معاي قلت ليهو تمام الحمد لله وانا حاسه في غصه في حلقي ونفسي اقفل الخط بس ما قدرت اتوجعت 😢😢😿هو كان مبسوط طيب هسي ليه بتبايخ كده قلت ما مشكله عادي سألتو اها الشغل ماشي كيف هو في سرو قال (هه اكيد حتسألي عن الشغل اصلا كل همك القروش يعني حتسألي من شنو بس ما حتصلي للعايزاهو ي نور طول ما انا عايش) والله في شويه مشاكل كده بس بنحاول نحلها قلت ليهو بخلعه خير ان شاء الله ما تكون حتجيب ليكم خساير كمان قال ( سبحان الله عليك ي شيخه كل شويه بتظهري معدنك الحقيقي يخسي عليك خساره تكوني بت الناس الطيبين ديل ) والله اكيد حتتسبب في خسائر ويمكن تكون كبيره بس بحاول اعمل البقدر عليه قلت ليهو الله يوفقك وتعدي من الازمه دي بدون خساير قال لي امين وهو من جواهو نفسو يديني كف عديل 💔😢قلت ليهو يلا مع السلامه عشان تعرف تركز ع شغلك ما ازعجك قال ( اي ما عرفتي انو في مشاكل اكيد دايراني احلها عشان ما تتضرري ) ان شاء الله يلا الله يسلمك وقفلنا ع كده بعد قفلت دعيت ليهو كتير انو تتحلا المشاكل الهو ماري بيها وكان نفسي انو ما يشيل اي هموم اكتر من العليهو مرو الايام وانا كل كم يوم بتصل اطمن عليهو بس ما بتم المكالمه اكتر من دقيقتين بس بطمن عليه واسألو من شغلو وكده لمن خلص الشهر وناس رؤى جو انا كنت بديت الحبس لي اسبوع عملنا ليهم الكرامه وبعد يومين جو ناس رامي جابو المال والشنطه ورؤى قعدت معاي عشان تحبسني باقي الفتره الجايه رؤى ما قصرت معاي نهائي اهتمت بي هي ومرام شديد بقوني نجفه عديل 😻😻💘لمن العرس فضل ليهو اربعه يوم رؤى رجعت عشان تساعد امها ويجهزو عشان يجو يوم الخميس يسوقوني لانو العرس يوم الجمعه في صاله .... ومفروض اجهز في الكوفير وكده وحتى ناس امي اجرو شقه كبيره في الخرطوم لي مده يوم عشان يعملو لي فيها عزومتي يوم الجمعه يوم الاربع كانت حنتي وكنت مبسوطه شديد ويوم الخميس جو رؤى وبت خالها هاشم ساقوني ومشيت بيت مع ناس خالها في بيتهم وهي باتت معانا ويوم الجمعه من الصباح ودوني الكوفير وناس امي جو وعملو العزومه في الشقه والمساء في الكوفير جاني رامي وساقني من ايدي وهو مبتسم لي وفتح لي باب العربيه😹😹🙈😻ي حليلي ما كنت قايله دي اخره الفرحه معاي 😂😂 وكنت مبسوطه وحاسه نفسي اسعد انسانه في الدنيا وصلنا الصاله مسك ايدي واحنا داخلين كمان ورقصنا اسلو ع اغنيه Ed Shareen perfect وكنا كلنا مبسوطين وكان العرس خورافي وبعد خلصت الحلفه عملنا الجرتق وكنت مزه شدييد بالتوب😍🙈 والناس كلها حاسداني ع رامي لانو ابى كل البنات وقبلني انا وحاسده رامي علي وع سماحتي مع انو هو سمح شديد لكن برضو الحاسدين راقدين خلصت الحفله وانا ورامي كنا حاجزين شقه لليله وحده وتاني يوم مسافرين السعوديه نعمر ومنها ماشين دبي نقضي باقي شهر العسل هناك فعلا ركبنا العربيه وعايزه اطير من الفرحه رامي كان مشغل اغاني وبعاين بالشباك برا ولا شغال بي وانا ما كنت مركزه شديد لاني برضو مركزه مع الاغاني ومبسوطه ومفتكره كل شي حيمشي ع خير لحدي ما وصلنا الشقه ورامي فتح الباب افتكرت زي اي بت انو زوجي حيشيلني ويدخل بي بس دخل خلاني😨😿 قلت ما مشكله هو طالع من صدمه وانا قلت حاتحمل اي شي عشانو كفايه انو من قبيل بتعامل معاي حلو ومبسوط دخلت عادي بعدها قعدت في السرير ولا فتح خشمو معاي دخل استحمى وغير وطلع دخلت انا الحمام برضو واستحميت وغيرت واتوضيت طلعت عشان نصلي مع بعض قلت ليهو رامي اتوضيت انت صاح قوم خلينا نصلي عاين لي كده وقال لي صليت انا ربنا يقبل صلي انتي زعلت شديد بس كتمتها عشان انا مقرره اتحمل واقيف معاه مشيت صليت ودعيت ربنا يقدرني اتحمل واصبر لمن هو يحبني ويعجل لي في الحاجه دي جيت قعدت جمبو في السرير قبل مني الجهه التانيه كنت حابه اسألو حنتحرك من هنا الساعه كم قلت ليهو رامي قبل علي قال لي اووف ياخ خير في شنو مالك دايره تطيني عيشتي انتي كمان😡😬 اتخلعت شديد بس سكت ساي قلت ليهو ماشين الساعه كم قال لي سته صباحا اي اسئله تاني قلت ليهو لا قال لي احسن عايز انوم انا ما عايز ازعاج وطفي الانوار دي سريع طفيت النور وانا مخلوعه من رده فعل رامي بعد بقينا برانا عزرتو قلت يمكن لسه ما قادر يتقبل انو يكون مع وحده تانيه عشان كده ما عايز يوريني وبتعامل معاي بقسوه بس ما مشكله انا حأتحمل عشان بحبك ي رامي بعد مسافه قلت ليهو رامي قال لي مالك ياخ مش قلت ليك عايز انوم ما بتفهمي انتي قلت ليهو انا عارفه انك ما قادر تتقبل وجود زول في حياتك بعد نورهان بقى بعاين لي قلت ليهو بس انا ما طالبه منك حاجه انا عايزه اقيف جمبك لحدي ما تتخطى المكان دا وانا حأفضل مستنياك وحأكون سندك وانت ما تزعل نفسك لانها ما بتستحقك ي رامي😢 قال لي خلصتي كلام سكت😧 قال لي طيب السبب شنوو البخليك تتحملي عشاني ي بت الناس ما قدرت اقول ليهو لاني بحبك قال لي ردي علي سريع قولي لي ما تعصبيني😬😡 بدون ما اشعر دمعت وقلت ليهو بسرعه بحبك قال لي ......