رواية ساكون طوق نجاتك الفصل السادس عشر16بقلم سمر هاشم
لو ما خليتك قبل ما نرجع تلمسني ما يبقى اسمي نوور ي سيد رامي وصبرك علي ورقدت وانا فارشه شعري الحريري ع السرير جاء رامي رقد قال لي لمي شعرك العاجبك دا قبل ما اقصو ليك واحيرك فيهو😹😹😹😹 قلت ليهو حاااضر بس كده لمت شعري بيدي وعملتو بالبانده ورقدت وخليت بينا مسافه قلت ليهو شفت هدي بينا مسافه عشان ما تخاف قال لي انا ما خايف شكلك انتي الخايفه ي استاذه قلت ليهو انا ابدا والله قال لي ياخي شكلك شويه وحتقعدي ترجفي قربت منو شدييد لمن جسمي اتلصق بيهو ولو نمت هنا للصباح حأبقى خايفه برضو طبعا بقى ما عارف يقول لي شنو 😹😹😹بعد تعب قال لي عايني😾زحي مني😾 زحيت منو وقعدت اضحك قلت ليهو شفت الخواف فينا منو وقعدت اضحك😹😹 غظتو شديد قام جراني عليهو وقال لي لمي نفسك وما تضحكي وانا ما خايف منك انا بإرادتي كده ما دايرك تقربي مني فهمتي لانك ما بتهميني🙀😾 ضحكت وقلت ليهو تمام ي افندم فهمت يلا ممكن تفكني ولا عاجبك الوضع دا قام فكاني قبلت منو ع الجهه التانيه ودموعي نزلت من كلامو انو هو بإرادتو كده ما عايز يلمسني😿 بس قلت معليش ي نور مصيرو يحبك لانك اصلا ما اذيتيهو ولا عايزه تأذيهو انتي بالعكس بتحبيهو شويه كده هو نام قمت من السرير دخلت الحمام اتوضيت وجيت صليت ركعتين وبقيت قاعده في المصلايه ادعي هو اتقلب ع جهتي فتح لقاني ماف قام ع حيلو شافني في المصلايه استغرب فيني ما اشتغل بي رقد تاني وقال دي شنو المجنونه دي ع اساس الله حيقبل دعواتها مثلا😹😹 ورقد نام قمت لقيتو ما متغطي كويس والمكيف شغال غطيتو اول ما ختيت فيهو الغطا زي الشافع الصغير جراهو
واتغطى كويس😻 بقيت واقفه وبعاين ليهو بعد شويه بدون ما اشعر قعدت في الارض جمب السرير وبقيت بتأمل فيهو وهو نايم سبحان الله ع شكلو عامل زي الملائكه🙈😻 كإنو ابدا ما رامي البكورك ويهيج النهار كلو😸😹😹 بدون ما اشعر ختيت رأسي في السرير جمبو ورقدت نمت هو صحا وشافني راقده بس كان بين نايم وصاحي افتكر نفسو بحلم الحمد لله انا صحيت قبلو وقمت رقدت في السرير شويه كده قمت جهزت ليهو القهوه جنزبيل خفيف وملعقتين سكر ما تستغربو بس رؤى ورتني انو بحبها كده جهزتها وختيتها في الطربيزه وعملت لي نفسي الشاي وقعدت اشرب بمزاج جاء شال القهوه ضاقا عشان ينبزني لقاها زي ما هو بشربها بالظبط😸😌 قمت قلت ليهو ما كنت تكشحها قال لي انا ما ممكن اتزوج وحده وما استفيد من اي حاجه فيها ع الاقل تخدمني مفتكر اني حأتغاظ بس انا من جواي انبسطت (قلت ليهو بدايتها كده ي حبيبي وانا ما عندي مشكله اني اخدمك) وقلت ليهو هههههه ما عندك مشكله انا بعمل كل حقوقك علي حتى بدون طلب منك لاني اتربيت ع كده قال لي اشي ع الربايه وقعد شرب القهوه بمزاج وهو بقرأ في الجريده قمت انا قعدت جمب المرايه سرحت شعري واتمكيجت مكياج خفيف ولبست عبايتي عشان ماشين نعمر وهو برضو جهز لبس ليهو جلابيه سوداء وعقال وكان طالع مززز شديييد ياخ انا اتكسرت واتدشدشت فيهو لمن قعدت اقرأ ليهو عشان ما يسحرو لي 😍😍مشينا عمرنا ودعيت كتير ربنا يهون علي وانا حأتحمل مهما طال وصعب الاختبار بس انالو في النهايه ويحبني ورجعنا بالليل البيت طلبنا عشاء لي انا براي وليهو براهو لما جابو لي البيتزا الطلبتها شلت الصندوق والببسي وقعدت بعيد منو وقعدت اكل قلت ليهو اتفضل من بعيد صرا لي قال لو دايراني اتفضل ما قعدتي هناك بطلي اسلوب البكش دا قعدت اضحك قلت ليهو فعلا وسفهتو واكلت لمن شبعت وهو كمان اكل بعدها دخلت الحمام وكالعاده كانت الخطه اني البس واتظبط واحاول اغريهو ما كنت عايزه اعمل كده عشان عايزاهو بس عشان اثبت ليهو اني لو عايزه اغريهو بغريهو طلعت برا من الحمام وانا المويه بتنقط من كل جسمي وشعري مبلول ومجعد والروب ملصق ع جسمي وقصيروني جيت وانا ماسكه المنشفه وبنشف في شعري لمن رشيتو بالمويه قال لي ياخ بليتينا بالمويه دي حاسبي قلت ليهو سوري بيبي ما قصدي قال لي ياخ قلت ليهو جد ي بيبي قال لي انا ما بيبي ما تقولي لي بيبي قلت ليهو سوري بيبي اوبس ما قصدي قال لي لو سمحتي ما تزهجيني عشان ما اقوم اثبت ليك اني ما بيبي قلت ليهو طيب ي بيبي تاني ما حأقول ليك بيبي قام على حيلو بغضب وجاء علي بدون ما اشعر خفت شديد رجعت لي ورا واتكلت في الحيطه وكان ظاهر علي خايفه وهو استغلا الحته دي وجاء علي وبقى ماسكني ع
الحيطه وبقرب علي ولدرجه انفاسنا اتخلطت مع بعض وقام هو لما حسا انو انا بقيت متوتره استغلا الفرصه زياده وباسني بوسه طويله وبعنف زحيتو مني وانا ما قادره اتنفس وخايفه وبقول ليهو رامي الله يرضى عليك زح مني الله يرضى عليك قال لي تاني بتقولي لي بيبي قلت ليهو لا حرمت بس ابعد مني زح مني وبقى يضحك وانا بقيت برجف اكتشفت اني بتقاوى ساي هسي لو بقى حقيقه بتنسحبي ي خوافه مشيت احترمت نفسي ولبست لي روب طويل وجيت وهو بس ميت علي من الضحك وانا بقيت خايفه جد جد كنت حاسه انو في لحظه كان ممكن كل شي يتم وانا ما عايزه دا يحصل غير بإرادتنا نحنا الاتنين يعني ما اثبات رجوله منو رقدت في السرير جاء رقد وبقى يستغل خوفي جاء علي قلت ليهو رامي في شنو قال لي ماف شي جمبتي وجعتني عايز ارقد بالجهه دي قلت ليهو طيب نتبدل انت تعال بجاي وانا بمش بهناك قال لي تمام دايره انزل مسكني قال لي ماف داعي وجاء قلبني بالجهه التانيه لمن حسيت بانفاسو وهو بلفني ع الجهه ديك وجاء هو بجهتي انا بس خلاص تلجت قال لي نور ما كنت عايزه ارد قال لي نوور 😤?قلت ليهو خير😟 ياخ مالك في شنو قال لي عايز قهوه قمت وانا بتأفأف منو😒 عملتها ليهو وجيت رقدت شربها بمزاج نمت خليتو بشرب فيها والصباح كنا مسافرين دبي وفعلا سافرنا وقضينا باقي شهر العسل هناك في التسوق عشان نشتري هدايا للناس وانا احترمت نفسي وبقيت ما بحاول اغريهو نهائي عشان بالجد خفت شديد من انو تحصل حاجه بينا وهو كان بحاول يتجنبني برضو لانو حسا انو هو نفسو يعمل الحاجه دي معاي بس كان خايف اني استغلها ضدو او احمل لحدي ما رجعنا البيت بعيدين عن بعض استقبلونا احلى استقبال ولقيتهم مجهزين لينا غرفتنا ومظبطنها لينا احلى تظبيط قام رامي ابى اني اقعد معاهو في غرفتو وقال لي ديك غرفتك وفعلا دخلت حاجاتي فيها قال لي احترمتك وقت السفر عشان ما ضامن يحصل ليك شنو وانتي
مسؤليه في رقبتي لكن هنا ما بتحملك خالص فهمتي انا من طريق وانتي من طريق واوعك تتدخلي فيني ابدا وانسي انك مرتي خالص وما عندي معاك شغله اتصدمت من كلامو بس قويت نفسي قدامو وقلت ليهو حاضر البتقولو حيتنفذ ومشيت غرفتي وقعدت ابكي ما كنت متخيله الوضع حيكون صعب كده لو كنا في غرفه وحده كنت حأقدر اتقرب منو واخلي يفهمني ويثق فيني بس كده كيف جات رؤى لقتني ابكي حضنتني وبكت معاي قالت لي سامحينا ي نور قشيت دموعي وقلت ليها ي بت مالك انتي هسي ماف داعي للكلام دا انا بحبو وما قبلت بيهو بسببكم بسبب حبي ليهو وحاتحمل اي شي لحدي ما يبقى لي وبعدين انا دعيت في العمره انو ربنا ينصرني وعندي ثقه في ربنا قالت لي ونعمه بالله وبدينا نخطط لي طريقه نخلي رامي يتعلق بي غصبا عنو .......