رواية عائلة الدمنهوري الفصل السابع عشر17بقلم تسنيم محمود
عمر :هو انت لسه شوفت حاجه يا صحبي هو الستات كلها كده تعيش ويتنكد عليكي يا صحبي
كريم :طب ينفع تمشي من ام وشي دلوقتي احسن اخلص عليك
عمر :حاضر يا عم هقوم اشوف ابوك بيعمل ايه وانت يلا روح اجهز
كريم :ابوك اسمها ابوك
عمر بتريقه :بابا حضرتك يا كيمو
كريم بنرفزه :امشي من وشي
عمر بضحك على شكلو :حاضر حاضر
(وبعد مرور وقت)
سهى :ما شاء الله عليكي قمر يا روحي
كريمان بتوتر :بجد شكلي حلو
آلاء :طبعا ده انتي قمر يا روحي يلهوي لو كريم جه وشافك كده هيخطفك
كريمان بتوتر : بس بقى متكسفنيش
سمر :خلاص بقى يا رخمه منك ليها متكسفوش الكرمله بتاعتنا
(الباب خبط جريت آلاء علشان تفتح)
آلاء :مييييين
كريم :انا كريم يا لولو
آلاء :اتفضل ادخل يا ابيه
كريم اول اما دخل فضل واقف متنح على كريمان
كريم :ما شاء الله ايه القمر ده يا روحي
كريمان :انت ايه اللي جابك هنا
كريم :جاي اشوف القمر بتاعي محتاج حاجه ولا لا علشان مش هعرف اهرب منهم تاني واديكي شوية أوامر
كريمان بصوت واطي :والله انت اللي قمر
كريم :بتقولي ايه
كريمان :احممم ايه لا مش بقول حاجه بقول اتفضل قول الأوامر بتاعت حضرتك علشان انفذها لو عجبتني
كريم :آلاء ممكن تنزلي انتي وسهى وسمر علشان تسعدو ماما
آلاء بغمزه :أوامر حضرتك تنفذ يا ابيه فورا
يلا ورايا يا بت منك ليها
كريمان :انتم ريحين فين يا بت منك ليها
كريم :سلام يا حبايبي وقفل الباب
كريمان:انت عايز ايه
كريم :انتي ايه اللي خلاكي تلبسي الفستان ده
كريمان :اوففف مش انت اللي زعقت وقولت البسيه
كريم :كنت حمار وقت ما قولتلك كده
وانتي بتسمعي كلامي ليه
كريمان :استغفر الله العظيم يا رب انت عايز ايه يا كريم
كريم :بصراحه الفستان جااااامد عليكي وانا مش مستحمل اشوفك كده
كريمان :خلاص انزل تحت
كريم :لا هتغيري ومش هتنزلي كده
كريمان :لا مش هغير
كريم :مش هتنزلي كده انتي عايزاهم يشوفوكي كده
كريمان :يشوفوني ازاي يا كريم انا لبسي محترم وكمان اقولك عاشر علشان قولتها كتير مفيش ولاد هتشوفني احنا بنات بس الاولاد هيبقو معاك بره
كريم :خلاص ماشي يا كوكو بس لو خرجتى بره الشقه هطلع عينك
كريمان : حاضر اي أوامر تانيه
كريم :اه
كريمان :اتفضل أوامر
كريم :مفيش رقص ولا هتقومي من مكانك
كريمان وهي بتدبدب علي الارض :آيه مفيش رقص دي والله كلنا بنات
كريم :كوكو اعملي كل اللي انتي عايزاه في بيتك علشان خطري اسمعي الكلام انا بغير عليكي من اي حد
كريمان:حاضر
كريم :انا هنزل بقى علشان ابويا
كريمان :اشطا
كريم :اشطا في بنت تقول اشطا
كريمان وهي بتزقه لبره :يلا يا بابا من هنا
........... بعد وقت قليل............
كريمان والبنات كلهم كانو قاعدين تحت ومشغلين اغاني وبيرقصوا
آلاء :ما تقومي يا كوكو ارقصي معانا
كريمان :لا مش عايزه ارقص
سهى :آيه اللي مش عايزه ترقصي دي حنتك يا كوكو ومش هتتكرر تاني
كريمان وهي عنيها بتدمع :علشان خطري سيبوني برحتي
سماح :في ايه يا بنات ومالك يا كريمان
كريمان :مفيش حاجه يا ماما انا كويسه وخدت بعضها وطلعت على فوق وهي بتعيط
سماح :هو في ايه يا ولاد
آلاء :مش عارفه يا ماما هي من ساعة ما نزلت وهي كده
سماح :هو كريم زعلها ولا حاجه
سهى :مش عارفين يا طنط بس على العموم كده كده خلاص الحنه قربت تخلص وكل قريبنا مشيوا واصحابنا لو كده قفلو هنا بقى
سماح :تمام يا بنات بس اطلعوا شوفو كريمان مالها
آلاء :انا هنادي على ابيه كريم يا ماما يجي يشوفها
سماح :لا يا بنتي متخوضهوش
كريم وهو داخل عليهم و بيدور علي كريمان :هي كريمان فين يا ماما ومتخوضنيش ليه ايه اللي حصل
الكل متنح ومش عايز يتكلم
سماح :مفيش حاجه يا ابني وكريمان فوق
كريم :فوق بتعمل ايه
آلاء :بصراحه كده يا ابيه كريمان كانت قاعده هاديه كده وساكته وبعدين بنقولها تعالي ارقصي معانا
كريم بنظرة رعب :ورقصت
آلاء :لا والله يا ابيه هي مرديتش وقعدت تعيط وطلعت
كريم :بتعيط ليه
سمر :مش عارفين والله يا ابيه
كريم :خلاص انا هطلعلها