رواية ساكون طوق نجاتك الفصل التاسع عشر19بقلم سمر هاشم
لما نزلت إتفاجأت بالحصل رامي كان كعادتو تعابيرو صارمه قال ليها لي كم بقول مرام وين انتي قالت ليهو معليش ما سمعتك ي رامي قال ليها بتعملي في شنو انتي فوق قالت ليهو ولا شي انا خلاص طبعا من فوق وانا بعاين ليهم اعصابي بايظه معقوله الحصل قبيل دا كلو ما أثر فيهو 😿😓بالجد من جواي زعلت شديد وحسيت باليأس قام قال ليها كلمتين ما بعيدهم وما داير فيهم نقاش سامعه قالت ليهو سامعه😫 قال لي تطلعي سريع غرفتك تغيري ملابسك وتنزلي وما تسألي ليه وتانيا جايب ليك معاي حاجات تشيلها وما تعملي لي ضرامات الاخوات ديك قالت ليهو طيب انا فرحته شديييد طبعا فهمت انو رامي جايب ليها هديه😻طلعت ظالماهو يحليلو حبيبي ياخ 😿 مشى جاب ليها كيس كبير فيهو دب باندا كبير وورود اصطناعيه وسلسل فضه مكتوب فيهو صغيرتي الحلوه وإسوره وساعه مع بعض😻😻😻 وكمان ماسك في ايدو حاجه تانيه بس ما وراها ليها قال ليها بعد تفتحي ديل طبعا رؤى عيونها اتملت دموع قال ليها اوعك تبكي بديك كف اسي وبقلع حاجاتي كلهم وما بديك الحاجه الجايبها ليك دي قالت ليهو خلاص سكت وقعدو يضحكو😸😹😹😹 اداها الشنطه الصغيره طلع فيها لابتوب صغير طبعا رؤى نفسها فيهو وهو سمعها لمن قالت لي ماما عواطف انا محتاجه لابتوب عشان اشيلو معاي الجامعه لانو بشتغل هنا ع الكومبيوتر بس ما بقدر اشيلو معاي قام جابو ليها حضنتو شدييد وشكرتو باسها في راسها وقال ليها عارف نفسي مقصر معاك بس انتي شايفه الظروف لكن تاني ما حأسمح لي حاجه تبعدني عن اختي الحلوه وتحميني اشوف الابتسامه الحلوه دي ويلا اطلعي سريع غيري عشان ماشين الملاهي وحأخليك تلعبي كل اللعبات النفسك فيها رؤى فرحت شديد وقالت ليهو ممكن طلب قال ليها دا كلو ما كفاك اها يا طماعه قالت ليهو ممكن نور تمشي معاي ملامحو كلها اتغيرت وانزعج😾😿 بس حسا رؤى حتكون مبسوطه قال ليها تمام وفعلا جهزنا ومشينا الملاهي وقضينا احلى يوم وما خلينا لعبه ما لعبناها وحتى رامي نسى انو انا وهو متضايقين من بعض اللعبات كلها مبسوطين ونضحك ومشينا اكلنا ايسكريم كمان 😻😻😺حتى رجعنا البيت وفي البيت ماما عواطف نادتني قدام رامي قالت لي نور ي بتي هاك دا مفتاح الخزنه ومن الليله اي شي تحت مسؤليتك حتى الشغاله دي قروشها تديها ليها انتي انا ما صدقت جاتني مرت ولد تشيل الحمل دا مني وهي طبعا قاصده وبتعاين لي رامي فعلا رامي وشو دا اتلون تلاته الوان حسا انو انا خلاص وصلت للدايراهو وحأسرق قروشهم افتكر انو انا وحده منحطه بس ما قدر يعارض امو وقال في نفسو انو حيثبت لي امو اني طمعانه فيهم وانها غلطت لمن سلمتني المسؤليه دي وفعلا لمن طلعت فوق اتكلم مع ماما عواطف وهي قالت ليهو بعد تثبت عليها الحاجه دي بخليك تطلقها وما بقول ليك عرس تاني الكلام دا دخل ع قلب رامي زي السكين بس حاول يتمالك نفسو💔وقال ليها تمام فعلا مرو الايام وانا بصرف ع كل شي في البيت بس نهائي ما بشيل حاجه لي نفسي ورامي دا ما لاقي علي صغره نزلت الجامعه وبقيت نهائي ما بشتغل بي رامي والبس ع كيفي والمكياج وماف حنه ولا رسم ولا اي شي كانو ما اتزوجت وهو مزعوج شديد من الموضوع دا وما قادر يقول لي لانو قال لي كل زول في حالو وما تعتبري نفسك مرتي نهائي قام في النهايه لمن فاض بيه مشى لي امو قال ليها دي نور العامله ليها قومه وقعده ما هدي اثبتت عدم احترامها في مره متزوجه زيها كده لا حنه ولا محترمه نفسها وبتتعامل كانها ما متزوجه واليوم كلو برا وتجي ع كيفها وبتتكلم في التلفون حتى قدامك كانها ما متزوجه ماما قالت ليهو انت مش قلت ما عندك شغله فيها وحارمها من اي شي خليها تعيش حياتها مالك بيها طالما ما بتعمل غلط اكيد ديل زملائها وبس ماف حاجه تاني رامي اتغاظ شديد وبقى ما عارف يعمل شنو وانا بعد ماما حكت لي كترتها زياده صاحبت صاحبنا داك أحمد تتزكرو😹😹 وبقيت بقعد معاه وبضرب لي وبتقصد اسمع رامي المكالمات لكن صحبتنا كلها كانت ع حساب القرايه ولمن اجي جم رامي تسلم لي ي احمودي لو ما كنت شلت لي الاتندس معاك ما عارفه الكان حصل شنو الله يخليك لي وما انحرم منك ياخ رامي دا بقى شايفني عشره عشره وانا اضحك ساي ولاااا شغاله بيهو قام قال ماشي ي نور انا بتصرف معاك قال لي رؤى انا بكرا جاييك في الجامعه قالت ليهو لشنو قال ليها ساي بس عايز اتعرف ع اصحاب اختي قالت ليهو تمام ونحنا نقشنا حنكو طبعا وكلمنا احمد جاء قعد معانا من الصباح لمن رامي جاء وبقى يتكلم معاي قدامو عادي قام رامي قال لينا ما عرفتونا قلت ليهو احمد صاحبنا دا رامي ي احمد اخو رؤى قام رامي نط قال ليهو وزوج نور قام احمد قال ليهو اووو اتشرفنا ي حبيبنا والله محظوظ بي نور ياخ ما بتلقي زيها كتار قام رامي قال ليهو عارف انا وانا زاتي ما بفرض فيها لي زول انا راسي كبر وهو كان قصدو لي احمد ما تفكر فيها وابعد عنها وفعلا احمد استأذنا ورؤى مشت تجيب لينا عصير قام قال لي ما عايزه تقولي للولد انو انا راجلك صاح تقولي ليهو اخو رؤى قلت ليهو لو صبرت شويه كنت حاقول ليهو بس انت ما صبرت قال لي اممممم اصلا ولا ع كيفك راجلك شئتي ام ابيتي وما بتتحلي مني في سري قلت ليهو ولا عايزه انحلا منك اصلا وبرا قلت ليهو ياخ عليك الله ما تقوم تلف قال لي اسلوب الشماسه دا ما تتكلمي لي بيهو وقومي يلا البيت سريع قلت ليهو امشي انت انا عندي محاضره لما اخلص برجع قال لي لا ماف محاضره قدامي يلا البيت وكورك فيني اختصرت النقاش وضربت لي رؤى قلت ليها تندسي لي انا راجعه البيت مع رامي طول الطريق ما فتحت خشمي معاه قام وقف العربيه قال لي انتي قصدك شنو ما محترماني ليه قلت ليهو كيف يعني قال لي ما بتتعاملي زي المرا المتزوجه ليه ومصاحبه وبتتكلمي بالتلفون قدامي كاني ما راجلك انتي فاكره نفسك شنو قلت ليهو بالهداوه ي رامي انا عامله كل واجباتي الزوجيه كامله محترمه امك واختك وشايلاهم في راسي وحتى اهلك لو زارونا انا بشيلهم في راسي
تقدر تنكر سكت قلت ليهو وانت انا ما رافضه اقوم بدوري بس انت المانعني من اني اسوي واجبي وقلت لي انسي انك زوجتي صاح سكت برضو قلت ليهو انا ما بكرهك ي رامي ولا ما محترماك بس انت ما مديني فرصه اوريك حقيقتي انت بسبب بت وحده وغلطتها قفلت قلبك ع كده وانا ما عندي ذنب بس انت قررت اني مذنبه وانك لازم تعاقبني بس لاني بت ولاني حبيتك وانا قررت اتجنبك عشان ما تحصل مشاكل واتحملت كل شي عارف يعني شنو لمن الزول الانت بتحبو يكون شايلك من راسو وانت عندو ولا تسوى حشره وبستحقرك وكمان بسبب حاجه في نفسو انت لازم تسمع وتتحمل اهانات قال لي بس انتي ما بتحبيني وما بصدقك انتي بتحبي قروشي وبس انا هنا اعصابي باظت وتعبت من التبرير وسكت قلت ليهو كلامك صاح وانا دموعي في وشي يلا ممكن نمشي البيت هو سكت وبقى يعاين لي مسافه وانا دموعي نازله وهو بقى ما عارف يقول لي شنو قام اتحرك في النهايه ولمن وصلت البيت ماما نادتني غرفتها وقالت لي انها عايز تمشي عمره اطلع ليها قروش وفعلا ما ناقشتها حتى قلت ليها طوالي قالت لي ما ضروري تقولي لي رامي عشان يشك ونثبت ليهو العكس قلت ليهل تمام مع اني ما عدت مهتمه بالحاجه دي يإست شدييد منو 😿😿😭😭بالجد تعبت شديد 😭قام هو فعلا بعد يومين احتاج لقروش فتح الخزنه لقا القروش ناقصه قام جاء بكل غضب رزع لي باب الغرفه وبقى يكورك من برا ي نور ي زفت نور قلت ليهو ايوه قال لي ............