رواية ساكون طوق نجاتك
الفصل العشرون20
بقلم سمر هاشم
قال لي ي نور ي زفت نور قلت ليهو ايوه في شنو بتكورك ليه قال لي انا محتاج قروش ولقيتها ناقصه مشت وين قلت ليهو ما مجبوره ارد عليك قال لي تردي ولا ع كيفك لانو المفتاح عندك ماف زول بشيل غيرك عملتي بيها شنو قلت ليهو ما بوريك وبعدين ماما عواطف ادتني الاذن اعمل الدايراهو وما لازم اخد اذنك في كل حاجه يعني قال لي اصلا امي غلطانه الوثقت فيك وانا غلطان البديت اثق فيك واقول انك مختلفه بس كل البنات واحد بالرغم من كل شي بس ما اتوقعت رده فعل رامي تكون قاسيه كده حسيت انو ماف امل انو يتغير بالجد اتحملت من بما فيه الكفايه من الاهانات انا صاح بحبو واي شي بس هو حسسني اني حقريه جدا بالرغم من انو قال لي انو بدا يفكر اني مختلفه عن البنات بس برضو تصرفاتو كلها غلط في غلط المهم قلت ليهو بكل ابتسامه انا ما زي كل البنات انا مرتك وعندي الحق اتصرف زي ما دايره مع اني من جواي عايزه اموت من الزعل بس اتمالكت اعصابي قال لي انتي مجنونه عملتي بيها شنو بس فهميني دي ما قروش بسيطه دي ملايين انتي عايزه تسرقينا قدامنا هنا انا خلاص كل الفيني كملت يعني اخره حبي طلعت حراميه قلت ليهو احترم نفسك انا ما حراميه قال لي احترمي نفسك انتي ياخ ومشا لي ماما قال ليها تعالي شوفي البت الواثقه فيها قولي ليها وديتي القروش وين دي شالت ملايين ي امي طلعت بالجد طماعه وبتاعت قروش امو قالت ليهو انا عارفه انها شالت ملايين وهي ما مجبره توريك اي حاجه وبعدين انا الشلتهم ما هي بس انت بتستبق الحوادث القروش شلتها انا قضيت بيها اجراءات العمره بتاعت رمضان وما ضروري استأذنك في دي كمان رامي دا لونو انخطف يعني نور ادتك القروش ليك انتي يعني انا ظلمتها ي امي قالت ليهو اي هي عمرها ما بتفكر تشيل منك حاجه وانت ما عايز تديها ليها وهي بت رجال وعينها ملانه ما زايقه ولا بتاعت قروش ولمن رضت الزله والاهانه دي كلها كان احترام لي قراري انا القلت ليها ما تكلمي رامي بكلمو انا قالت ليهو عشان تاني تظلم بنات الناس هي كان ممكن تقول ليك بس عشان بتحترمني سمعت كلامك ونبزك كلوو وانت ما فاهم حاجه ولو ما بتحبك ما بتصبر عليك البت كلو يوم دموعها نازله بسببك انت وانت ولا على بالك ظالمها معاك ليه طلقه كان ما دايرها يا رامي هو قلبو وجعو لمن سمع كلمه طلقها دي وبدون ما يشعرقال ليها ما بطلقها ومرق منها وجاء ماشي فيني وما قدر يرفع عيونو يعاين لي طلع طوالي دور العربيه ومشى البحر قعد هناك وبقى بفكر في كل شي حصل وكيف انا قلت ليهو من اول مره اني بحبو وكيف وانا نايمه قلتها ليهو وكيف هو كل احاسيسو اتلخبطت في اللحظات دي وكيف في العربيه قلتها ليهو واتذكر دموعي واتذكر كيف هو بدون ما يشعر ضماني عليهو وكان ما نفسو يبعدني عنو ابدا وكيف بقى يفكر فيني كتير ويغير علي و بتضايق لما يحس اني ما شغاله بيهو بقى ضايع ما بين كل الافكار دي وكيف بقى ما بفكر في نورهان وكل تفكيرو فيني بقى يقول لي نفسو معقوله اكون حبيتها معقوله غلطان في حقها ي رب دا شنو الحاصل لي دا انا ما فاهم حاجه انا مشدود من ناحيتها كده ليه لي كان نفسي اقرب منها واحضنها وابوسها كمان واعمل معاها اي شي لمن كنا في شهر العسل ليه لمن شفت دموعها حسيت اني مخنوق ليه هي اتحملت كل اهاناتي ليها بالرغم من انها ما دايره مننا حاجه معقوله تكون بتحبني طيب هي بتين وكيف حبتني وهي ما قابلتني غير في البيت ومواقف عابره كل مقابلاتنا وانا ما كنت مديها اي اهتمام يخليها تحبني طيب كيف وبتين وليه ي رب فجأه اتذكر كلام مرام لمن قالت ليه كيف انا مهوسه بيهو من زمان وكيف جننتها لمن اتلاقينا قال يعني معقوله هي بتعرفني من قبل ما تلاقيني في بيتنا اتذكر لمن اول مره اتلاقينا في البيت كيف كنت مخلوعه وبعاين ليهو رامي جمع كل الاحداث في راسو وبدون ما يحس بقى يبكي ويقول انا ليه اذيتها ليه اتعمى ع عيوني وما شفت الحب دا كلو انا ليه ما قابلتها قبل نورهان حسا انو كره نورهان لاول مره في حياتو رامي عرف انو غلط في حقي وقرر انو يجي يعتذر لي وفعلا اشترى لي بوكيه ورد وجاء بس كانت المفاجأه انو لمن جاء البيت انا كنت ........