رواية في حب رمضان
الفصل الثالث3 بقلم اسرار جمعة
" هَلا هِلاكَ يا رمضانَّ ♡
رمضانَ احلّى في السُودانَ ، هلا هِلالكَ في السودان و تحلى اللمة ب الحِبان " 💛🌍.
اليوم الرمضان♡
أنا: فادي رمضان مُبارك
فادي: تتبارك أيامك يا غالية
فاتن: عيد سعيد
أنا: من هسه الصيام أثر ولا شنو؟..
أنا وفادي بقينا نضحك عليها😹😹😹
فاتن: قصدي رمضان مُبارك😹
أنا وفادي :علينا وعليكِ يارب♡
ومشينا قلنا لي أمي" مروة" وأبوي "صالح"
بعده بقيت أقرأ في الورد بتاعي، آصلاً من بعد صلاة الفجر كان بديت وخلصت من 6 أجزاء،تميت الباقي...
وخلصت منهم ساي تشوفي العدد كبير لكن لمن تبدي تقري تقولي ما توقفي♡
بعدين نضفت البيت أتقسمنا أنا وفاتن الشغل هي في سنة أولى ثانوي.
صليت الضحى بعدين أخدت لي نومة بسيطة وصحيت الظهر صليت، ومشيت لي أمي بقينا نقرا مع بعض قرأن
لمن العصر صلينا
فاتن: ماشفتِ يا فدوى حصل لي شنو😭؟..
أنا: يا بت مالك حصل شنو ؟..
فاتن: نسيت إني صايمة ومشيت أكلت لي سندويتش جبنة بالطعمية هسي وشربت جك موية كامل
أنا: وقفتِ لي قلبي، أنا قايلة حصلت ليكِ حاجة
فاتن: ما بالجد حصلت لي حاجة لكن!🥲
أنا: لو أكل المسلم في شهر رمضان ناسيًا، فليكمل صومه، لما في الصحيحين من حديث أبي هريرة- رَضِيَ اللهُ عَنْهُ- قال: قال النبي- صَلَّى اللَّهُ عَلَيْهِ وَسَلَّمَ-:
“مَنْ أَكَلَ نَاسِيًا وَهُوَ صَائِمٌ، فَلْيُتِمَّ صَوْمَهُ، فَإِنَّمَا أَطْعَمَهُ اللَّهُ وَسَقَاهُ”
، وفي لفظ مسلم: “مَنْ نَسِيَ وَهُوَ صَائِمٌ فَأَكَلَ أَوْ شَرِبَ فَلْيُتِمَّ صَوْمَهُ، فَإِنَّمَا أَطْعَمَهُ اللَّهُ وَسَقَاهُ”.
فاتن: أول مرة تقولي حاجة مُفيدة
انا: اللهم إني صائم
فاتن: أستغفر الله استغفر الله يارب سامحني
انا: أي احسن تستغفري بدل الكلام الكتير
فاتن: طمنتيني الله يطمنك، يلا ح أواصل صيامي عادي
أنا: كدي تعالي هنا إنتِ زاتك شاربة جك كامل وماكلة سندويتشة ما اتذكرتِ نهائي.
فاتن: إنتِ عارفاني وقت الأكل ما بركز مع شي
انا: أي صح نسيت😹
عملت لي حلة زائدة وعندنا جيرانا كدا شوية حالتهم مُتعسرة، جهزت ليهم إفطار وديتو ليهم
قريب للمغرب قمنا جهزنا العصائر والصينية
فادي:جهزتوا الصينية؟..
أنا: ثواني فضل أخت البلح بس
ختيتو شال الصينية وطلع هو وأبوي الضرا.
"الله أكبر الله أكبر"
سمعنا الأذان حللنا صيامنا وأكلنا بعده رفعت الصينية، مشيت صليت المغرب وسنته، وجدعت في الصندوق اللي عاملنوا أنحنا وناس جيهان
وضفت شوية حاجات لي جدولي♡.
أتلميت مع البنات عشان نمشي الجامع للتراويح، كل سنة بنمشي.
َمجموعة فذكر:
*التراويح*♡..
جمع ترويحه وسميت بذلك؛ لان أول ما أجتمعوا عليها كانوا يستريحون بعد كل تسليمة ..
*عدد ركعات صلاة التراويح*..كل ما تمشي تفطر عن ناس تلقوا مسجدهم ركعاتوا غير حصل سالتوا نفسكم لي جاء الإختلاف والأصح منو ؟..
_صلاة التراويح ثمان ركعات هذه ما أتفق عليها المحدثين إستنادا على كلام ام المؤمنين عائشة رضى الله عنها
-صلاة التراويح عشرون ركعة عند الامام احمد وحنيفة والشافعي استنادا عن الاثار عن عمر بن الخطاب رضى الله عنه وكرم وجه
_صلاه التراويح ست وثلاثون ركعه عند الامام مالك رحمه الله
*حكم صلاة التراويح*
سنة وادها النبي في ليالٍ من رمضان وليس كله خوفا من فرضها صلوا على من حن عليكم قبل خلقكم ومن دون رؤيتكم
فقد ثبت عنه -صلّى الله عليه وسلّم- أنّه: (صَلَّى ذَاتَ لَيْلَةٍ في المَسْجِدِ، فَصَلَّى بصَلَاتِهِ نَاسٌ، ثُمَّ صَلَّى مِنَ القَابِلَةِ، فَكَثُرَ النَّاسُ، ثُمَّ اجْتَمَعُوا مِنَ اللَّيْلَةِ الثَّالِثَةِ أَوِ الرَّابِعَةِ، فَلَمْ يَخْرُجْ إليهِم رَسولُ اللَّهِ صَلَّى اللهُ عليه وسلَّمَ، فَلَمَّا أَصْبَحَ قالَ: قدْ رَأَيْتُ الذي صَنَعْتُمْ ولَمْ يَمْنَعْنِي مِنَ الخُرُوجِ إلَيْكُمْ إلَّا أَنِّي خَشِيتُ أَنْ تُفْرَضَ علَيْكُم وذلكَ في رَمَضَانَ)
*وقت صلاة التراويح*
في النوع البقول ليك يالله التراويح فاتتني والساعه تكون ٩مساء لالا ما فاتك شي التراويح وقتهااااا طويل إنت طول سجودك بس وما تهتم ..
يبدأ وقت صلاة التراويح من بعد أداء صلاة العشاء وسنّتها وقبل أداء الوتر، ويستمرّ وقتها إلى طلوع الفجر.
تصلّى صلاة التراويح ركعتين ركعتين، وقد ذهب الفقهاء إلى أنّ المصلي يسلّم بعد كلّ ركعتين؛ لأنّها من قيام الليل فتؤدّى مثله
يستحب صلاتها في جماعة استدلالا بحديث عمر كرم الله وجه
(خَرَجْتُ مع عُمَرَ بنِ الخَطَّابِ رَضِيَ اللَّهُ عنْه، لَيْلَةً في رَمَضَانَ إلى المَسْجِدِ، فَإِذَا النَّاسُ أوْزَاعٌ مُتَفَرِّقُونَ، يُصَلِّي الرَّجُلُ لِنَفْسِهِ، ويُصَلِّي الرَّجُلُ فيُصَلِّي بصَلَاتِهِ الرَّهْطُ، فَقَالَ عُمَرُ: إنِّي أرَى لو جَمَعْتُ هَؤُلَاءِ علَى قَارِئٍ واحِدٍ، لَكانَ أمْثَلَ ثُمَّ عَزَمَ، فَجَمعهُمْ علَى أُبَيِّ بنِ كَعْبٍ)
*ما يقرا في التراويح*
ما تيسير من القران اما الاستحباب
قراءة الإمام للقرآن حتّى يختمه مرةً في صلاة التراويح طوال ليالي رمضان مندوبٌ عند أكثر الفقهاء، ومن فقهاء الحنفيّة من ذكر استحباب ختمه ليلة السابع والعشرين من رمضان.
*فوائد صلاة التراويح*
جماعة في المسجد صلاة التراويح في المسجد جماعة، أفضل من صلاتها منفردة، لعدة فوائد، منها غفران ما تقدم من الذنوب فعن أبي هريرة رضي الله عنه، قال: "كانَ رَسولُ اللهِ صَلَّى اللَّهُ عليه وسلَّمَ يُرَغِّبُ في قِيَامِ رَمَضَانَ مِن غيرِ أَنْ يَأْمُرَهُمْ فيه بعَزِيمَةٍ، فيَقولُ: مَن قَامَ رَمَضَانَ إيمَانًا وَاحْتِسَابًا، غُفِرَ له ما تَقَدَّمَ مِن ذَنْبِهِ. فَتُوُفِّيَ رَسولُ اللهِ صَلَّى اللَّهُ عليه وسلَّمَ وَالأمْرُ علَى ذلكَ، ثُمَّ كانَ الأمْرُ علَى ذلكَ في خِلَافَةِ أَبِي بَكْرٍ، وَصَدْرًا مِن خِلَافَةِ عُمَرَ علَى ذلكَ
التعبد لله سبحانه وتعالى في الاجتماع لصلاة التراويح لأن الله عز وجل، شرع لنا الاجتماع في أوقات معلومة كصلاة الجمعة، فاجتماع المسلمين دليل رغبتهم في الثواب، وخوفهم من العقاب
زيادة الود والتحابب بين المسلمين؛ لأن ملاقاة الناس لبعضهم تزيد المحبة والألفة، كما يعرف المسلمون من خلال صلاة الجماعة أحوال الناس، فيغيث بعضهم بعضا.
التعارف؛ فصلاة التراويح تجمع المسلمين يومياً مدة شهر في المسجد، مما يبنى جسور التواصل معهم، ومعرفة بعضهم بعضا، وقد يصلي بعض الغرباء في المسجد، مما يتيح لمصلي التراويح عبادة ضيافة الغريب، والحصول على الأجر والمثوبة العظيمة في رمضان.
إظهار شعيرة من شعائر الإسلام؛ وهي الصلاة، وهذا يجذب غير المسلمين للتعرف على الدين.
إظهار عزة الإسلام والمسلمين، فعندما يدخل مصلو التراويح في وقت واحد للمسجد، ويخرجون كذلك، فتجمعهم يشعر غير المسلمين بعظمة هذا الدين، الذي يوحد الناس من ثقافاتٍ مختلفة على كلمة واحدة.
شعور المصلي بالمساواة بينه وبين أخيه المسلم، إذ تزول الفوارق الاجتماعية بين المصلين عند إجتماعهم في المسجد♡.
وصلنا الجامع...
صلينا وخلصت صلاة التراويح، بعدين في الرجعة مرينا على الدكان أشترينا أندومي
وكل زول دخل بيتو
حنكت فاتن قلت ليها تظبطوا أصلاً بتعملو رهيب، تاكلي وما تدي الجنبك، ياهو تأكلي أصابعك وراهو بس😹♡.
وكل ما أقول ليها وريني الوصفة أبت
دخلت المطبخ نظام عايزة أونسها، وبقيت أعاين...
أول حاجة كبت الموية وكانت بسيطة، لمن غلت كبت الاندومي بعده كسرتو وبقت تقلب فيهو لمن الموية شربت عديل بعدين كبت البهارات ولخبطتو شوية وطفت النار
انا: ثواني يعني إنتِ الأندومي الكل يوم قاعدة تعملي لينا ما بتعملي فيهو كيري؟..
فاتن: لالا ما حصل
أنا: سبحان الله طعموا بكون كأنو فيهو كيري وطاعم شديد وطعم المرقة ظاهر
فاتن: ده بي سبب إنو الموية بسيطة، وقت انتوا تعملوا بتكبوا جوز موية عديل، ف كدا البهارات ح تكون في الموية بس
أنا: لالا إنتِ الحق تمشي توب شيف عديل المقعدك هنا شنو؟..
فاتن: خلاص بكرة بشد الرحال تشوفيني في التلفزيون بس إنو حزت بلقب توب شيف
أنا: لا إنتِ كمان ما تبالغي ما للدرجة دي😹
فاتن: يازولة الإندومي ده كان عرفتِ طريقتو خلاص إنتِ خبرة عديل؛ لانو مُحتاج ليهو وزنة ماف زول بقدر يعملها الا الماهرين الزيي كدا يعني، واللهم زدني تواضعاً
أنا: كدي هسي جيبي ناكل ما يقوم يبرد كمان
أكلنا ولمينا العدة بنغسلها تاني يوم...
*سِكة الصبر نهايتها جبرك، مَهما طالت.*