رواية ساكون طوق نجاتك الفصل الرابع4بقلم سمر هاشم

صحيت مخلوعه بي صوت بكاء وصريخ شدييد قلت بسم الله ي رب في شنو خفت شديد افتكرت في زول في بيتنا حصلت ليهو حاجه بقيت برجف من خوفي طلعت برا اتفاجأت بي انو امي وابوي واخواني الاتنين كلهم قاعدين وامي لابسه توب وكلهم حالتهم تحنن الكافر وابوي دا يتشهد ويستغفر قلت ليهم في شنوو وامي كانت مارقه ع الباب ومعاها ابوي قالو لي عمك هيثم اتوفى ابو مرام طبعا انا اتخلعت زي الكبو فيني مويه واعصابي دي خلاااص باظت ما فكرت في حاجه غير مرام حتكون حالتها كيف ما

 اتكلمت مع زول وجري ع غرفتي لفحت لي عبايه وطرحه لبستهم وجري ع بيت ناس مرام وانا داخله سامعه البكاء وصوت مرام المستحيل ما اعرف اميزو وهي بتقول سبتني لمنو ي ابوي وقاعده في الارض جريت عليها وقلت ليها مرام حبيبتي استهدي بالله حضنتني شديد وقالت لي ابوي مات سندي فات ي نور نسوي شنو انا وامي واخوي عندنا منو نحنا وبقت تبكي قلت ليها كلنا موجودين حبيبتي ما تخافي حضنتني وبقت تبكي قعدت ماسكه مرام لمن غسلو الجنازه ودخلتها لي ابوها وكانت صابره شويه وقرينا ليهو قرأن وطلعنا لمن طلعو الجنازه مرام انهارت شدييد لمن اغمى عليها دخلناها جواا لمن فاقت لقتني ماسكاها وبقرأ ليها في قرأن حسيت انها هاديه شديد بس عيونها مدمعه وصوتها لمن رايح قالت لي انتي لسه هنا امشي بيتكم ارتاحي انا كويسه قلت ليها حبيبتي انا زاتي كويسه ماف سبب يخليني امشي اخليك براك ورسلت جابو ليها مويه وكبايه عصير شربت حبه عشان ما تزعلني ورجعتهم قعدت معاها للصباح وقمت خليتها نايمه مشيت مع البنات عملنا الشاي للناس واخواني نادر ونبراس ما قصرو اشترو اي حاجه طلبتها منهم وساعدو الناس وساقو جزء منهم بيتوهم عندنا في البيت مرام صحت صلت وقعدت تقرأ في المصحف لمن انا جيت لقيتها قاعده في المصلايه قعدت جمبها ختت رأسها ع صدري وبكت مسافه وانا حاضناها وتاني ما بكت قامت طوالي وبقت تشوف في الناس والناقصهم شنو يعني بالجد مرام لانها البت الوحيده شالت مسؤليتها كامله وقامت بي واجبها ع اكمل وجه وانا كنت معاها ع طول وما فارقتها ابدا المهم لمن طلعنا برا لاقينا نادر قام اشر لي عشان نجي عليهو وفعلا مشينا وقام عزا مرام وكان متأثر شديد معاها وبعدها مشينا منو وبقينا نشوف نواقص الناس شنو مرو اسبوعين بالحاله دي وانا كنت ما بفارق مرام نهائي ونادر ما كان بقصر معاهم دايما بجي يتفقد الناقصنا شنو ويجيبو لينا وفي الفتره دي علاقه مرام ونادر قويت بي بعض بس كانت صداقه ما اكتر نادر اعترف لي انو بحبها بس ما عايز يفاتحها في الموضوع دا في الفتره الصعبه دي لانها ما حتكون جاهزه لي اي ارتباط هسي وانا كمان ايدتو ع الفكره وقلت ليهو خليكم اصحاب لمن الامور تهدأ 

الإجازه حقتنا فضل ليها اسبوعين وتخلص يعني مفروض بعد اسبوع نرجع عشان التسجيل حيفتح وعشان نشتري حاجات السمستر الجديد بس انا ما كنت قادره افاتح مرام في الموضوع دا المهم ابتديت اشيل هم مرو يومين ع الوضع دا قام جاني نادر وقال لي انتو جامعتكم قربت وانا قررت افاتح مرام الليله عشان لو طلعت بتبادلني نفس الشعور نكلم امها ونتزوج وابقى راجل البيت عشان اشيل مسؤليتهم بعد وفاه عمي هيثم قلت ليهو طيب تمام وفعلا

 مشيت لي مرام وقلت لي خالتو عايزاها تقعد معاي تجهز معاي حاجات وكلمت مرام انو نادر عايز يتكلم معاها وجينا قعدنا في غرفتي شويه كده نادر دقا لينا باب الغرفه قلت ليهو اتفضل دخل قمت طلعت خليتهم براهم عشان يتفاهمو قام نادر سلم على مرام وقعد ليها في الارض ومسك ايديها وقال ليها اسمعيني للاخر ي بت الناس وما تقاطعيني انا بحبك والله بحبك ومن زمان كمان بالرغم من اني عملت علاقات في الجامعه لكن ما حبيت وحده زيك وانا هسي عايزك حلالي وام لي اولادي وعايز ابقى مسؤل منك ومن اسرتك و ابقى راجل بيتكم وبالجد حأحاول اني اخليك مبسوطه وما انقص عليك شي واشيلك في عيوني بس ي بت الناس انا ما بجبرك ع حاجه لو بتحبي زول تاني ربنا يسعدك ان شاء الله ويكتبو ليك مرام دموعها نزلو قال ليها ي مرام انتي بتبكي لي انا اسف اذا ضايقتك واعتبريني ما قلت حاجه انا ما جابرك والله واذا انتي ما عندك مشاعر اتجاهي ما ملزمه توافقي علي قالت ليهو ممكن تسكت وما تحكم علي بدون ما اقول حاجه قال ليها طيب وسكت قالت ليهو انا بحبك وما من هسي من انا شافعه بحبك طبعا نادر قلع عيونو وبقى بعاين ليها دنقرت وقالت ليهو اسفه ع صراحتي بس انا بالجد بحبك قام ع حيلو وقال ليها انا ما مصدق انا كان نفسي اسمع الكلمه دي منك وباس رأسها وقال ليها وانا كمان بحبك والله وباس ايديها الاتنين وقال ليها ربنا يخليك لي ي احلى مرام في الدنيا بعدها انا جيت خربت اللحظه الرومنسيه دي ودقيت الباب قالو لي ادخلي دخلت قلت لي مرام امك بتناديك قام نادر قال لي ما بتجي في الوقت المناسب نهائي دايما بتخربي اللحظات الحلوه مرام بقت تتبسم وهو قعد يضحك وانا زاتي مع اني ما عارفه الحاصل شنو قعدت اضحك وبعدها طلعت مرام ودعت نادر وهي طالعه قال ليها

مرام قلت ليهم ايوه قال ليها لينا كلام تاني قالت ليهو ان شاء الله قال ليها خلي بالك من نفسك قالت ليهو حاضر وانت كمان ومرقت جري ع بيتهم بالليل نادر اتصل عليها ردت عليهو الو قال ليها حبيبتي انا طبعا مرام اتفاجأت وسكتت قال ليها الو قالت ليهو معاك قال ليها مالك سكتي قالت ليهو ماف حاجه قال ليها خجلتي من كلمه حبيبتي ايوه حبيبتي وحبيبتي براي كمان وام اولادي وشريكه حياتي وكل حياتي كمان عندك اعتراض سكتت قال ليها حأعتبر السكوت دا زعل وتاني ما حأقول ليك كده قامت قالت ليهو لا بسرعه كده قام قعد يضحك فيها قال ليها حبيبتي حتى لو ما راضيه انا حأقولهم ومستحيل ابعد عنك تاني ي روحي انتي المهم عدو فتره طويله وهم بتونسو بعديها قفلو وكل زول رقد في سريرو يتزكر في المحادثه لحدي ما نامو تاني يوم مرام حكت لي كل التطورات الحصلت دي وكانت مبسوطه شدييد المهم المساء اتشجع نادر وقال لي امي وابوي انا عايزكم في موضوع. وقعد اتكلم معاهم وقال ليهم انو عايز يتزوج مرام وامي وابوي فرحو شديد وقالو ليهو زينه البنات ربنا يتم ليكم ع الخير ي ولدي كان مبسوط شديد وضرب لي مرام كلمها وقال ليها اننا حنجي نطلب ايدها من اهلها وهي كمان كانت مبسوطه وفعلا يوم الجمعه جهزنا حاجاتنا ومشينا ليهم في البيت والحصل انو ......

                    الفصل الخامس من هنا