رواية في حب رمضان
الفصل الخامس5
بقلم اسرار جمعة
مر رمضان والليلة أخر يوم...
أنا والبنات كسرنا الحصالة عشان نشوف القروش عملت كم؟...
لقينا بقت حوالي 105 ألف!
ماشاء الله، طلعنا السوق...
أشترينا ملابس للعيد واتجهنا إلى دار الأيتامِ شايلين في قلوبنا رغبةً في إسعاد أطفالها ونشر البهجة في نفوسهم. ♡_♡
بدينا يومنا بالتعرّف على الأطفال
فسألناهم عن أسمائهم وأعمارهم ومواهبهم
فرحت قلوبنا لمن قرأ بعضهم آيات من القرآن الكريم
وزعنا ليهم الملابس، وفرحوا بيها ♡.
بعدين مشينا المُستشفى وأشترينا حلويات وشيبسي وشوية ألعاب أديناها للأطفال، وزّعنا عليهم بسكويت، ولعبنا معهم ألعاب مُمتعة، وشاركناهم أحاديث وحاجات جميلة وأهلهم دعوا لينا دعوات سمحة جِداً كان يومًا رائع، مليئًا بإبتسامات وضحكات الأطفال ♡.
ومشينا البيت
شيماء: ما قادرة أتخيل كمية الدعوات الجاتنا في اليوم ده!
سجى: دي طريقه من الطرق الممكن تتقربي بيها من ربنا عن طريق جبر خواطر الناس أو تيسري ليهم أمرهم وما شرط إلا تعملي حاجه كبيرة لا البتقدري عليهو حاجه من ضمن مقدرتك حتي لو بسيطة أعمليها بإخلاص وتكوني مواظبة عليها كل ما تلقي فرصه إنك تعملي حاجه لزول مثلا تضحكِ صحبتك الزعلانة تتداوي قلب واحدة مجروحة توفري من مصروفك وأخر الاسبوع تتديها لمحتاج تفرحي بيها طفل من الاطفال الحايمين في الشارع البواجهوا صعوبات الحياة بمختلف الطرق لو جاتك فرصه أوعك تترددي وخليكِ متأكدة ربنا ح يقضي ليكِ حاجات ويفرجها عليك بطريقه تخليك تتصدمي وتقولي كيف دة حصل؟!...
لمن تيسري ع معسر ربنا بيسرها عليك لمن تفرجيها ع مسلم ربنا بفرجها عليك بكربه من كرب يوم القيامة وربنا ف عون العبد ما دام العبد في عون أخيه و لمن تسعدي زول او تهدي هديه أو تساعديه في حاجه بتحسي إنتِ بالراحة والسعادة أكتر منو وضيفي عليها كمية الدعوات البتطلع منو
أنا: حرف حرف
جيهان: ربنا يتقبل مننا
كلنا مع بعض: أمين
تاني لفينا أشترينا لي نفسنا.
__________
زمن صلاة التروايح...
أنا: بنوت قادرين تتخيلوا معي إنو الليلة أخر يوم للتراويح! 😭
شيماء: لحظة إدراك انو الليله أخر يوم للتراويح ياداب ركزت طبعاً!
سجى: أمبارح كُنا بنقول اليوم أول يوم واليوم أصبحنا نقول اليوم آخر يوم في شهر بركات في شهر الحسنات يا ليت أخر يوم اول يوم يا ليته أول فطور وأول سحور وأول صلاة للتراويح.
جيهان :ياربي السنة الجاية ح نحضروا و حنكون ميتين؟..
الواحد بتمني إنو رمضان م ايخلص ابداً ابداً لانو م ضامن أنو رمضان الجاي يصوموا مع الناس و لا لا 💔
أنا: نسأل الله إنو يتقبل مننا صيامنا وقيامنا وركوعنا وسجودنا وجميع أعمالنا التي نعملها ويجعلها خالصة لوجهه
البنات :أمين
بلساني...
اليوم في المسجد بعد إنتهاء الصلاة اقبل النساء على بعضهن يتعايدن، يوم فيهو نوع من الحزن لمفارقة شهر التوبة والغفران...
وها هو رمضان قد ذهب بجماله من جميع النواحي وأقبل بعيداً عنا !...
واجمل ما لامس قلبي عند سلامي ليهن دعائهن الجميل بكل شئ يتمناه المرء في حياته ♡!...
ويسلمن على بعض بمعنى اننا سنلتقي قريبا بإذن الله تعالى في بيته الكريم ♡.
على _الهامشْ 💛🦋*
بالأمسِ كُنا نقولُ: رمضانُ أهلًا، واليوم نقولُ: رمضانُ مهلًا.
اللهم اغفر لنا ما مضى، وأصلِح لنا ما بقي، واختم لنا رمضان بخيرٍ، وأنتَ راضٍ عنّا 💛🌻.!