رواية انت لي الفصل الثاني2 والثالث3 بقلم منه ياسر محمد
لاقى رفيف ورفيف سلمت عليه وكانت طايره من الفرحه انها شافته..
وبعدين رغد طلعت وسلمت عليها.. بس رفيف كانت مركزه مع سليم.... وبعدين رفيف قعدت وكلهم قعدوا......
سليم: ايه يارفيف عامله ايه ياقمر
رفيف: بخير ياسليم وكانت عماله تضحكله
رغد: وحشيتنى اوى ووحشتنى لمتنا انا وانتى وخناقتنا يارفيف اه صح ماما مجتش ليه معاكى...
رفيف: مشغوله وعندها مؤتمر مهم يارغد..
رغد: رفيف تعالى نقعد جوه انا وانتى.. رفيف مكانتش عايزه تقوم كانت عايزه تفضل مع سليم بس قامت وراحت مع اختها......
دخلوا قعدوا جوه وسليم كان بره بيتفرج على فيلم......
رغد: انا تعبانه اوى يارفيف
رفيف: ليه يارغد مالك
رغد: انا مش طايقاه الانسان ال برا ده هيفضل طول عمره متكبر قولت هيتغير بس لا
رفيف: طيب اتجوزتى ليه من الاول
رغد: عشان بابا يارفيف
رفيف: طيب حاولى تعملى مشاكل لحد ما يطلقك
رغد مشاكل ايه ده اساسا محدش يكلم معاه خالص هو ده انسان
رفيف: اه بصراحه كانت غلطه من الاول يارغد
رغد: اه واكبر غلطه..... سليم خبت على الباب
رغد:اتفاجأت... وقالت اول مره اشوفه بيخبط عايزه اعمل فرح بجد... رفيف قالت ادخل.. سليم دخل وقال رفيف هتتغدى معانا اختك عامله اكل اما ايه مش قادره اقولك على وحشته لا اصدى جماله يعنى هتاكلى من هنا وياسلام بقا على ال هيحصلك وانا شخصيا هدوقه ونتغدا كلنا بقا
رغد كانت متعصبه وقالتله اه جماله تبق كل بقا ........
رفيف: ماشى عايزه ادوق اكل اختى بقا وجماله وضحكت... سليم ضحكلهم ومشى.......
رفيف: متيجى نطلع نقعد برا كلنا
رغد: لالا خلينا هنا نبعد عن الانسان ده... وبتقول فى سرها وحشته ماشى ياسليم انا هوريك.... رغد قعدت تكلم مع اختها وقت طويل............
فى منزل رغد....
مدام مليكه بتكلم فى التيليفون وكانت بتقول ماشى عايزه اجى الاقى كل حاجه جاهزه......استاذ اسلام دخل وقالها......
استاذ اسلام:مروحتيش ليه مع رفيف عند رغد
مدام مليكه: اروح ايه انا ورايا حاجات مهمه جدا يااسلام
استاذ اسلام: يعنى اهم من بنتك
مدام مليكه: خلاص هبق اكلمها فى التيليفون لما افضى انا مشغوله جدا واحتمال اسافر بعد يومين
استاذ اسلام: رايحه فين يامليكه
مدام مليكه: رايحه كندا عندى هناك مؤتمر كبير جدا
استاذ اسلام: قالها ماشى وطلع بره الاوضه وراح الشركه......
مدام مليكه كانت بتجهز عشات تروح المؤتمر وفضلت ساعه محتاره تلبس انو فستان واختارت اجمل حاجه وحطت ميك اب ونزلت بسرعه والسواق كان محضر العربيه........... وهى فى الطريق قالت هتصل برغد...اتصلت....
رغد كانت بتكلم مع رفيف ال عقلها كله مع سليم ومش مركزه مع رغد اصلا وبعدين رغد لاقيت اتصال من مامتها ردت.......رفيف قالتلها هروح الحمام ماشى.........
رغد: الو ياماما
مدام مليكه: الو ياحبيبتى عامله ايه
رغد: الحمدلله ياماما
مدام مليكه: معرفتش اجيلك مع اختك عشان عندى مؤتمر واهو انا فى الطريق دلوقتى وقولت اطمن عليكى
رغد: اه ياماما ربنا يقويكى ياحبيبتى فضلوا يكلموا ومامتها كانت كل كلامها على شغلها والمؤتمر.....ورفيف كانت بره واقفه بعيد وبتبص على سليم ال نايم على الكنبه وبيتفرج على الفيلم.......وكانت مبسوطه انها شافته وكانت دايما بتحاول تجذب انتباهه بس هو كان عادى بيعاملها زي اختو الصغيره....وبعدين فضلت تبص عليه من بعيد وسرحت لاقيت اختها بتنادى عليها وبتقول روحتى فين كل ده يارفيف...رفيف جت وقالتلها اهو جيت خلصتى مع ماما....
رغد: اه خلصت خلاص
رفيف: اكلمتوا فى ايه بقا
رغد: مفيش كل كلامها على الموضه وشغلها بس كده
رفيف: اه ماشى ياحبيبى...وبعدين لاقوا سليم بيزعق جامد برا وبينادى على رغد..رغد ورفيف اتفجعوا وقاموا يشوفوا فى ايه..
راحوا وشافوا لاقوا سليم فى المطبخ ودخان طالع ورغد جريت على الاكل ال نسيته..........
سليم: ايه عايزه تولعى فى الشقه ولا ايه يعنى
رغدكانت طفت على الاك ال كلوا اتحرق وزعلت جدا
رفيف: انا اسفه اوى يارغد قعدنا نكلم ونسيتى انو فى اكل
سليم: وانتى مالك انتى يارفيف هى ال واحده بتنسى كل حاجه اصلا كان وحش كدا كدا يعنى
رغد: ياسلام على اساس انك اكلت منو عشان تعرف حلو ولالا
سليم: اه اكيد شبه ال عاملا..رغد بصيت بعصبيه لسليم........
سليم: قال عشان القمر رفيف بس هنزل اجيب اكل من بره
رفيف: لالا مالوش لزوم انا شويه وماشيه
سليم: لا ازاى هنزل اجيب اكل ونتغدا وكلنا....سليم نزل.......
رغد كانت واقفه ومتعصبه وبتقول لرفيف شوفتى ده انسان معندهوش دم انا تعبت فى الاكل ده جدا وزعلانه عليه وهو بيقولى هو كده كده وحش....
رفيف: متزعليش نفسك بصراحه معجبنش كلامه وبعدين بيعاملك كدا ليه
رغد: اه مش فاهمه شايفنى خدامه عنده
رفيف: لالا يارغد هدى نفسك بس انتى عايشه معاه ازاى ده
رغد: انا اصلا مش فاهمه ده انسان ازاى ده..........رغد فضلت متعصبه وقعدت هى ورفيف بره.........
فى الشركه استاذ اسلام.....
وهو فى مكتبه لاقى الباب بيخبط.......
استاذ اسلام: ادخل..لاقى استاذ محسن وسلم عليه وقعدوا مع بعض...
استاذ محسن: اخيرا جوزنا الولاد لبعض
استاذ اسلام: اه بس انا عارف انو هما مش بيحبوا بعض يعنى كلوا جه فجأه
استاذ محسن: هما عايشين مع بعض واكيد هيتعاملوا مع بعض وهيحبوا بعض متقلقش انت بس احنا اطمنا عليهم
استاذ اسلام: ايوه صح ان شاء الله يبقوا اسعد الناس فى الدنيا ديه.. وضحكوا واكلموا كتير...........
وهناك كانت رغد ورفيف قاعدين لاقوا الباب فتح وسليم داخل ومعاه كياس كتير.....
رغد: ايه عندنا عزومه كبيره للدرجادى يعنى
سليم: لا عندنا ضيفه زي القمر
رفيف ضحكتله.......... رغد مسكت الاكل ودخلت المطبخ وبدأت تحطه بعد كدا على السفره..... وكلهم قعدوا واكلوا.. رفيف قعدت على الكرسى ال جنب سليم.......... وبدأ كل واحد فيهم ياكل..... وسليم قال تعرفى يارفيف انتى ربنا بيحبك اوى عشان مدوقتيش اكل اختك بجد يعنى... رغد: بجد والله مالو اكل اختها بقا
سليم: اهو يعنى اتحرق بس كده.... رغد كملت اكل وسكتت.....
رفيف: بس الاكل يجنن ياسليم حلو اوى بجد واغلبيته الاكل ال انا بحبه
سليم: ضحكلها وقالها مدوقتيش اكل اختك برضوا
رغد: مش نقفل بقا سيره اكل اختك شويه ديه
سليم: انا بديها فكره بس يعنى
رفيف: ضحكت وقالت خلاص بقا كلوا هتفضلوا تتعاركوا كل شويه.........
خلصوا اكل وسليم كان نازل رفيف سألته انت نازل....
سليم: اه نازل هسهر مع صحابى لحد الصبح
رفيف: طيب مينفعش تاخدنى معاك اسهر معاكوا
سليم: ضحك وقالها ماشى ياجميل تعالى
رغد: ايه ده رايحين فين
سليم: رايح اسهر مع صحابى ورفيف جايه معايا
رغد: لا يارفيف خليكى معايا شويه ومتروحيش الاماكن ديه لا
رفيف: عادى يعنى بروح مع صحابى كل يوم يارغد فيها ايه
رغد: لا يارفيف اقعدى معايا قولت
رفيف: طيب....ورفيف كانت متعصبه عشان نفسها تروح مع سليم وكانت فرصه انها تفضل معاه بس رغد رفضت انها توديها مع سليم عشان رغد كانت عارفه الاماكن ال بيروحها عامله ازاى والبنات والشباب هناك...
سليم: طيب انا ماشى بقا عشان متأخرش هرجع الصبح ماشى باى...
رغد: قالتله ماشى وكانت بتقول فى سرها انشا لله مارجعت
رفيف: كنت عايزه اروح يارغد فى ايه انا كان زمانى دلوقتى سهرانه بره عادى يعنى
رغد: لا مش عادى وبعدين ملقتيش غير سليم وتروحى معاه
رفيف: مالو سليم
رغد: انا عارفه سليم والاماكن ال بيروحها وعامله ازاى وال فيها عاملين ازاى لا خليكى معايا هنا ولما تحبى تمشى هكلم السواق يجي ياخدك
رفيف: ايه شغل الاطفال ده فى ايه انا كبيره
رغد: انا خايفه عليكى وبعدين انتى مش عندك كليه بكره
رفيف: لا مش رايحه مفيش حاجه مهمه يعنى وهسهر مع صحابى
رغد: خدى بالك من دراستك يارفيف ماشى
رفيف: حاضر يارغد...... وبعدين رغد طلبت السواق لرفيف ووصلها لحد البيت........... رفيف نزلت من العربيه وطلعت جهزت نفسها ولبست لبس قصير وكلمت صحابها وقالتلهم يلا هنخربها انهارده.......
بقلمي الكاتبه/ منه ياسر محمد
...................................
part 3
انت لى...♡
رغد قعدت وشغلت التيليفزيون وكانت بتتفرج على فيلم..........
سليم كان هناك كل البنات اتلمت عليه وقعدوا معاه وكان الكل مبسوط الكل بيرقص وبيغنى وقاعدين مبسوطين...........سليم كان قاعد مع صاحبه وليد وقاله ايه رأيك فى البنت ال هناك ديه ياسليم....
سليم: عاديه يعنى مالها
وليد: ايه ده كله عندك بقا عادى من ساعت ما اتجوزت وانت شايفهم عادين معقوله حبيتها......سليم ضحك وقال لسه متخانق معاها قبل ما انزل......
وليد: ال خناق يجيب حب بعد كدا
سليم: تعرف تسكت... من امتى انا بعرف احب اصلا اسكت اما اشوف البت ال جنبها ديه......
وليد: انت رايح فين
سليم: هتشوف دلوقتى.....سليم مشى وعدا من قدام البنت وعمل نفسه كأنه بيطلب حاجه....وجه تانى جنب وليد....بعدين البنت جت جنب سليم وضحكت وهزرت معاه..وليد كان مستغرب وقعد يبصله.............
رفيف كانت عندها عربيه خاص بتاعتها هى....... جت صحتبها لچين وركبت مع رفيف وراحوا يسهروا مع بعض............
فى الصباح...........
سليم فتح باب البيت وداخل.......لاقى رغد نايمه على الكنبه....شالها ودخلها اوضتها جوه وغير هدومه وطلع نام بره فى الأوضه...........
رفيف كانت نازله من العربيه ومعاها صحبتها نايمه على كتفها..رفيف صحتها وقالتلها تعالى يلا معايا فوق نامى وبليل روحى يلا قومى يابت...لچين نزلت هى ورفيف وطلعوا الڤيلا ونامت لچين مع رفيف........
رغد صحيت لاقيت نفسها فى الاوضه واستغربت وبعدين طلعت لاقيت سليم نايم فى الأوضه التانيه..........رغد دخلت اوضتها واخدت دش وغيرت هدومها.....وقعدت فاتحه التيليفون وقعدت وقت طويل وقالت هو ده لسه نايم اه ماسهران بقا طول الليل ياعالم مع مين ....... بعدين رغد راحت المطبخ وطلعت وصفه من على النت وفضلت تعمل فيها....
سليم قام واخد دش وغير هدومه وطلع بره شافها فى المطبخ واقفه وقالها ايه اكل زي كل يوم ولاايه
رغد: سليم لو سمحت امشى دلوقتى
سليم: ولو ممشتش
رغد: امشى مش عارفه اركز منك
سليم: انا اقف فى اى حته تعجبنى واعمل ال عايزه ماشى
رغد: بس بعيد عنى
سليم: انا حر بقا.......سابها ومشى وقعد يكلم فى التيليفون
فى منزل رغد......
مدام مليكه بتجهز عشان تروح شغلها وهى طالعه لاقيت رفيف ومعاها واحده صاحبتها
مدام مليكه: مين ديه يارفيف
رفيف: ديه صاحبتى لچين ياماما كنا سهرانين امبارح وروحت معايا
لچين: اهلا ياطنط
مدام مليكه: اهلا ياحبيبتى طيب يارفيف انا همشى دلوقتى عشان عندى شغل مهم ماشى باى....... بعدين استاذ اسلام روح البيت ونده على رفيف وقالها ماما فين يارفيف......
رفيف: نزلت من بدرى يابابا راحت شغلها....
استاذ اسلام: انتى رجعتى امتى امبارح ومين ال كانت معاكى...
رفيف: رجعت الصبح يابابا وصاحبتى معايا
استاذ اسلام: الصبح فى بنات محترمه تسهر لحد الصبح بره انتى ايه مبتفكريش اه ماتربيه امك بقا
رفيف: اسمها ماما وانا معملتش حاجه غلط
استاذ اسلام: لا مفيهاش لما ترجعى الصبح كدا مفيهاش حاجه
رفيف: مكبر الموضوع ليه بس يابابا
استاذ اسلام: مروحتيش كليتك ليه
رفيف: مليش مزاج
استاذ اسلام هى الكليه بتتراح بمزاج مش بقولك تربيه امك.....
رفيف: بابا....سكتها وقالها مفيش مصروف ولا فى عربيه خلاص ولا فى خروج
رفيف نعم ايه ده بقا كل ده عشان جيت متأخر......بصلها بعصبيه ومشى وطلع فوق نام..........رفيف كانت متعصبه..لچين شافتها كدا قالتلها مالك يابنتى فى ايه رفيف حكتلها كل حاجه.......
لچين: بصراحه باباكى مش زي مامتك خالص
رفيف: انا طول عمرى بحب ماما اصلا
لچين: مامتك كويسه جدا بصراحه وانا حبيتها
رفيف: انا هكلم ماما واكيد هى هترجعلى كل حاجه
لچين: انا همشى بقا ماشى
رفيف: مستعجله على ايه مامتك وباباكى مش مسافرين
لچين: اه مسافرين بس اخويا شويه وجاى ولازم اروح..يلا باى.......
سليم كان قاعد زهقان قال يقوم يغلس على رغد شويه.....
سليم: هاا عملتى ايه
رغد: مردتش
سليم: مش بكلمك
رغد: نعم انا مش عارفه اركز منك ياسليم
سليم: بقالك ساعتين مش عارفه تركزى ليه وصفه ايه ديه ياناس
رغد: انت مبتفهمش فى الحاجات ديه
سليم: اتعصب وقرب منها وقالها مين ال مش بيفهم انتى عارفه انتى بتكلمى مين
رغد: اه خلاص ابعد بتفهم خلاص
سليم: ايوه كدا وبعدين اخلصى عشان جعت
رغد: ايه ده انت هتاكل
سليم: اما هقديها اكل من بره
رغد: طيب اطلع خلاص
سليم فضل واقف بيتفرج عليها وهى بتعمل الاكل وكانت متوتره...........
فى منزل رغد.....
رفيف كانت قاعده زعلانه جدا وبتتصل بمامتها مش بترد عليها....وقالت فينك ياماما كل ده.......
سليم: هاا خلص ولا ايه
رغد: اه ياسليم اخيرا
سليم: كان عمال يبص والاكل كان ريحته حلوه..وقالها بقا ليكى فايده اهو
رغد بصيتله وسكتت......بعدين رغد حضرت السفره وبدأوا ياكلوا
سليم: بصراحه الاكل حلو اوى يعنى
رغد: عجبك
سليم: اه بجد يجنن
رغد: اول مره تقول حاجه عدله واللهى
سليم: بس البتنجان وحش اوى يارغد
رغد: بصيتله بعصبيه وسكتت وقالتله متكلمش تانى ياريت يعنى
سليم: قعد يضحك وكمل اكل............خلصوا الاكل ورغد ظبطت السفره والمطبخ....
فى المساء..........
سليم قالها اعملى فشار عشان هنتفرج على فيلم حلو اوى..
رغد: ايه ده مش هتنزل تسهر مع صحابك
سليم: لا هقعد معاكى قصدى يعنى عشان اتفرج على الفيلم
رغد: فرحت وراحت عملت فشار... وقعدت جنبه واتفرجوا على الفيلم...وسليم قفل تيليفونه عشان محدش يتصل عشان هو مش نازل....
فى منزل رغد.....
رفيف لاقيت مامتها جت اخيرا......
رفيف: ماما شوفتى ال حصل
مدام مليكه: رفيف انا مشغوله دلوقتى روحى عشان عايز اظبط حاجات مهمه....
رفيف: ماما عايزاكى فى حاجات مهمه......
مدام مليكه: نعم يارفيف فى ايه
رفيف: بابا اخد منى العربيه وقالى مفيش مصروف وكل ده عشان سهرت بره بس وجيت الصبح
مدام مليكه: ايه ده مالو
رفيف: مش فاهمه مش قادر يفهم انى كبرت خلاص.............
مدام مليكه طلعت فلوس من شنطتها وعطيت لبنتها وقالتلها خدى روحى اسهرى وانبسطى ياروحى وخدى العربيه بتاعتى التانيه يلا روحى..
رفيف كانت مبسوطه وحضنتها جامد وقالتلها هروح ياماما البس باى..
رفيف راحت ولبست اقصر حاجه عندها وكلمت صحبتها وقالتلها اجهزى هعدى اخدك يلا ونسهر.............
سليم شاف رغد نامت على كتفه وهما بيتفرجوا وبعدين قرب منها وشالها ودخلها الاوضه جوه وبعدين رغد صحيت ونادت عليه.. سليم........