رواية غصون الورد الفصل التاسع9 والعاشر10 بقلم يارا احمد
تالين مسكت المخده وحدفت غصون وقالت بغيظ
-اتعدلي
غصون ضحكت وبيسان انتبهت لباب
-مين؟
مصطفى بصوت عالي
-شبح عايزك تعالي بسرعه
غصون بصت على بيسان
-بيسو روحي شوفيه عايز ايـــــــه!
-حاضر..بيسان قامت وراحت فتحت الباب وطلعت راسها بس نعم يا رخم
مصطفى مدلها كيس
-ماما قالتلي انو تالين عندنا خدي دي الضيافه
بيسان اخدت الكيس وضحكت
-ياااه ماما دي عسل و الضيوف دول اعسل علشان كل ما يجو يجبو معاهم حاجات حلوه ويسيبوك تدفع فلوس بدل بخلك
مصطفى بص عليها وهو بجز على اسنانه
-طب كده ماشي هنتحاسب لما تروح..هو فين مؤيد؟
بيسان برفعه حاجب
-راح الجامع اومال هيكون فين
مصطفى باستغراب
-مش شفته قبل شويا روحت هناك بس مش لقيته
-ايـــــــه بجد اومال راح فين الاهبل ده؟بصت على غصون..انتِ عارفه ميدو راح فين؟
غصون بقلق
-الجامع اومال هو فين؟؟
-مش في الجامع
غصون قربت منهم
-نعم ازي يعني مش في الجامع!!
مصطفى بهدؤ
-اهدئي ي حبيبتي مؤيد مش عيل
غصون بقلق
-بس هو مش بروح لمكان غير الجامع الا لما يكون معصب ولا زعلان من حاجه
تالين فكرت انها السبب هي بالنسباله مجرد غلطه و واحده مستهتره اتنهدت بضيق وقامت غصون بصت عليها
-رايحه فين؟
تالين إبتسمت
-انا نازله اصلي مش شفت المنطقه كويس هنزل اشوفها وارجع
غصون بصت عليها
-تالين بلاش اصلا الوقت اتاخر
-لا عادي ده لسه مش اتاخر..ههتم بنفسي متقلقيش يغصون انا هكون كويسه..لما خالو يجي يسال عني قوليله اني نزلت ماشي..خرجت ومصطفى بص على دراعها
-هتكوني كويسه!
تالين هزت راسها
-اه..بصت على بيسان..اعتذري من طنط نيابه عني علشان العشا..خرجت ونزلت تحت غمضت عيونها بالم وبصت على دراعها وشافت دم اتنفست ببطئ
-ه..هي فين المستشفى!اتحركت وبدات تدور على المستشفى جسمها بدا يوجعها..ااا..قعدت على الطريق بدات تتنفس والبرد..ب..بابي مامي وحشتوني اوي..دموعها نزلو..ا..انا عايزه اروح عندكم عايز اروح عندكم..قعدت تعيط مؤيد شافها واتفاجا قرب منها بقلق
-ت..تالين تالين مالك..بصت عليه خاف لما شاف الدم..ا..ايه ده ده دم!!تعالي نروح المستشفى
تالين قامت بالم ومسحت دموعها
-ممكن تقلي فين المستشفى وانا هروح لوحدي
مؤيد بقلق
-تروحي فين لوحدك مش شايفه الدم
تالين بهدؤ
-انا كويسه ممكن تقلي المستشفى فين
مؤيد بضيق
-هو في ايـــــــه!
-في اننا ملناش علاقه ببعض وانا مش بعرفك ولا انت بتعرفني فلو حضرتك عايز تساعد ممكن تقلي فين المستشفى
مؤيد جز على اسنانه بعدها شاف البنت المنقبه الساعدها قرب منها بسرعه وقال بقلق
-ممكن تساعدها توصل لمستشفى
البنت المنقبه بصت عليه بعدها على تالين وشافت الدم هزت راسها وقربت من تالين وتالين مش قدرت تتكلم من الالم واتجاوبت معاها وراحت وهو كان قدامهم راحو المستشفى وتالين غيرت الشاش والحماله الطبيه وكانت بتوجع اوي الدكتوره بصت عليها
-هو ايـــــــه الحصل؟!
تالين بالم
-اظن لاني ضغطت عليها اوي النهارده وشكلي ضربتها بالغلط واتحركت اكثر من اللازم
الدكتوره بحده
-والدكتور مش قال لحضرتك انو ده كلام غلط
تالين بالم
-اه قالي بس اعمل ايـــــــه اوقف حياتي عليها!؟
البنت المنقبه بصت عليها
-اومال عايزه تخسريها للابد؟!
تالين غمضت عينها بتعب
-مش هتفرق انا اصلا خسرت كل حاجه..دكتوره انتهيتي صح؟
بصت عليها بضيق
-اه اتفضلي
البنت المنقبه ساعدتها وخرجت تالين بصت عليها
-اسفه عطلتك شكرا ي..
إبتسمت
-لا عادي..اسمي ورد
تالين إبتسمت
-وانا تالين..بصت على مؤيد القرب منهم واتنهدت بضيق
مؤيد بقلق وهو ببص على ورد
-حصل ايـــــــه هي كويسه!ورد هزت راسها اتنهد براحه خرجو من المستشفى..تالين
-ورد انا هروح شكرا على مساعدتك
ورد بابتسامه
-الشكر لله اهتمي بنفسك كويس..مدتلها كيس الدوا الاشترته من الصيدليه تالين مسكته
-طب بما اني شكرتك فهقلك تصبحي على خير
ورد بلطف
-وانتِ من اهلو..دخلت لعمارتهم و تالين دخلت مؤيد دخل وراها راحو البيت وهي فضلت تدق على الجرس ساره فتحتلها الباب بصتلها بضيق
-كنتي فين و فونك مش معاك ليـه!
تالين بصت عليها بغيظ
-هو تحقيقك ده مش هيخلص على الباب وسعي وسيبني ادخل
مؤيد كان هيدخل بس وقف لما سمع صوت صراخ تالين بص عليهم بقلق لقاها ماسكه ايدها بوجع
-ااا يهبله انتِ اتجننتي ازي تعملي كده
ساره بضيق
-تصرفاتك مع عمك هناك متجيش تعمليها هنا انا وبابا ملناش ذنب في العملوه اهل ابوكي فاهمه
حسن كان طالع وسمع الكلام قرب منهم بعصبيه
-ساره انتِ ايـــــــه الكلام البتقوليه لتالين ده!!
تالين بحزن
-ما انا قولت من اولها بلاش يخالو..انا هخد حاجاتي واروح اي اوتيل انا مش من هنا علشان اسمع خناقات تاني انا تعبت من كل ده..بصت على حسن..انا فاهمه انك خايف عليا بس انا بقدر اهتم بنفسي كويس وكده احسن علشان مش عايزه ايان ينزل و يلقني بسهوله
حسن بحده
-تالين ادخلي وبطلي هبل
تالين اتنهدت بضيق
-ده مش هبل دي الحقيقه انا مش كان للازم انزل هنا كان للازم اشوف حياتي في مكان تاني..ده مش علشان كلام ساره ده علشان انا حاسه اني مليش مكان هنا انا هفضل هنا علشان انهي دراستي وبعدها مش هحتاجهم للازم اثبت اني مش فاشله وبقدر اهتم بنفسي ومش بحاجه لحد خالو انا اسفه بس انا للازم اروح
حسن غمض عيونه يتحكم في عصبيته
-تالين ارجوك ادخلي جوه وهنتفاهم لو عندك احترام ليا او ذره حب ادخلي..تالين دخلت وساره كانت بتبص عليها بحزن حسن دخل وقفل الباب مؤيد دخل وهو بذكر نفسه انه ملهوش علاقه في الصباح جهزو نفسهم وفطرو وخرجوا وتالين وساره خرجوا ساره بصت على غصون و مصطفى
-انتو بتعرفوها منين!
غصون باستغراب
-مين!!ااا لو قصدك رغد فهي زميلتي في الكليه
ساره بصت على مصطفى برفعه حاجب
-وانت!
مصطفى بسخريه
-والله تصدقي اني عملت كل ده علشان اسيبك غلطانه قدام عمي
ضحكت
-وانت عارف اني مش هصدقك!على العموم انا اسفه
مصطفى باستغراب
-اسفه!!على ايـــــــه!
ساره اتنهدت بحزن
-كل حاجه..اسفه لاني اتكلمت معاك بطريقه مستفزه رغم انك كنت بتنصحني علشان خايف عليا
مصطفى بجديه
-يعني ضميرك اخيرا فاق!
ساره بحزن
-ممكن تقول كده بس فاق متاخر ربنا ازي هيغفرلي كل العملته؟
مصطفى ابتسم
-بس ربنا كريم و هيغفرلك طالما بعدتي عن الغلط المهم انك متغلطيش يساره
هزت راسها بابتسامه بصت على تالين
-يلا
غصون بصت على ايدها
-هي لسه بتوجعك؟امتى غيرتي الشاش؟
-امس..لا متقلقيش انا كويسه
مصطفى بص على ساره
-تعالو نوصلك بطريقنا
تالين برفض
-لا شكرا
مؤيد بص على مصطفى الكان هيصر
-مش يلا بينا انا هتاخر كده
-بس..
-نحن مش بنقدر نجبرهم يلا
-ماشي..نزلو ورحو غصون بصت على مؤيد الشارد
-مؤيد..بص على غصون..انت كويس!
مؤيد هز راسه
-اه..انتِ كويسه؟
-ليـه بتسال؟
-لاني شايف حزن كبير في عيونك
-اتخانقت مع رغد واظن المره دي خلاص نحن انتهينا
مصطفى باهتمام
-ليـه!
-الموضوع تافه المهم اني مش عايزه نتصالح..مؤيد كانت هيتكلم سبقته..عارفه مش بجوز انو مؤمن يخاصم مؤمن فوق تلاته ايام وخيرهما البصالح اول بس انا مش هخاصمها بس مش عايزه علاقتنا ترجع ولا هترجع زي ما كانت
هز راسه
-البريحك يحبيبتي
إبتسمت
-شكرا..مصطفى وقف العربيه قدام كليه مؤيد ومؤيد نزل غصون غمضت عيونها
-مصطفى هنام لما نوصل فوقني
-ماشي..مع انك مش هتنامي وهتغمضي عيونك تعملي نفسك نايمه بس يلا مش هسالك عن حاجه
-غريبه منك
-مش هدخل علشان انتِ مش صغيره وممكن تحلي مشاكلك بنفسك..سكت وهي مش ردت لانها كانت بتفكر بيزيد هيعمل ايـــــــه؟وازي هتقلهم خبر زي ده!وصلو ونزلت بعد ما ودعته كانت بتمشي بشرود رفعت عينها وشافت رغد بتبص عليها نظرات عتاب كانت عايزه تجري وتحضنها وتعيط بس اتجاهلت نظراتها لما اتذكرت كلام يزيد رغد بصت عليها بحزن و وجع
-لدرجادي مش فارقه معاكي يغصون؟!راحت و حضرو المحاضره..تالين إبتسمت بفرحه وهي بتمسك الفون من ايد فدوه وراحت بسرعه لمعرض الصور وفتحت صوره مامتها و باباها وهمست بحب
-صباح الخير..باست الصوره..وحشتوني اوي..قعدت تقلب في الصور لحد ما شافت صورها مع شاب واقف جنبها إبتسمت بحزن..حتى انت وحشتني يايان
مؤيد كان سامع كلامها بس مستغربش في النهايه هي اكيد عندها حبيب بسبب تربيتها الغربيه قعد يقلب في فونه بملل اتفاجا لما لقى حد باعتله واتس"ممكن وقت من حضرتك" استغرب و رد"اه بس مين معايا!؟"جاتله رساله"واحد عايز يتقدم لخطبه اختك"مؤيد بضيق"معندناش بنات لجواز"جاتله رساله"استاذ مؤيد انا دخلت البيت من بابه زي ما بقولو وانا عرفتك علشان متستغربش لما اجي اتقدم وانا مش عايزك تحدد كلامي بسبب طريقتي على الفون وياريت نتقابل اول بعدها ممكن ترفض مش الجواز هو تكمله لدين؟!انا هفوز بيها بالحلال"اضايق مؤيد من كلامه لانه صح تالين لاحظت ضيقه بس مش علقت وذكرت نفسها انها ملهاش علاقه بيه فدوه سالته باهتمام
-ميدو مالك!
مؤيد بص عليها بابتسامه هادئه
-مفيش يقلبي..بص على فونه ورد"ماشي"جاتله رساله"هو ايـــــــه الماشي!انا عايز رقم الوالد ياستاذ علشان احدد الميعاد"جز على اسنانه وكتب رقم ابوه"انا عارف نهايه الكلام ده رفضك"جاتله رسائل"وانا عارف و واثق من حكمه والدك يلا اسف على تعطيلك ولو على ازي وصلت لرقمك سالت واحد من المنطقه الساكنين فيها وجابهولي ولو على ليـهه ما اخدت رقم الوالد مع انه كان هيسعد انه يكتبولهي بس انا عايزك انت توافق علشان هي توافق غير كده مش هجاوب عن حاجه تاني"
مؤيد بغيظ
-هو ايـــــــه الناس المستفز دي!!
فدوه بقلق
-في ايـــــــه يمؤيد
مؤيد بضيق
-مفيش يفدوه واحد اهبل بضايقني مش اكثر..كان بفكر هو مين ده وقصده مين و ليـه قلبه مش حاسس انه بتكلم عن مين في اخواته!!اتنهدت بضيق
في المساء غصون رجعت من المستشفى زعلانه بسبب كلام يزيد القاسي انها للازم تقلهم وتكون في المستشفى بعد اسبوع دخلت ورمت كل همومها قبل ما تدخل
الفصل العاشر
شافتهم كلهم قاعدين على الكنبه سالتهم باستغراب
-في ايـــــــه؟قفلت الباب عبد الرحمن بصلها
-اتاخرتي ليـه يغصون؟
غصون قعدت جنب مؤيد
-المحاضرات يحج بس توفي و ميدو النهارده جايين بدري فانت متوهم اني اتاخرت بس في موضوع تاني؟
مؤيد حكالها موضوع الرساله وقالها انو في واحد اتصل على باباهم و حدد الموعد بعد اسبوع ضحكت
-وانتو ليـه عاملين في نفسكم كده اكيد هنرفض وبعدين هو كان قاصد مين انا ولا بيسو؟كملت بمرح..اصل الاتنين قمر صراحه
مصطفى بضيق
-غصون نحن على اعصابنا فبطلي هزار
غصون باستغراب
-ليـه!!هو كده كده مصيرنا نبعد عنكم لكن الاول نخلص الكليه والطب الزفت ده..غمضت عيونها بتعب وفجاه لقت المخده في وشها فتحت عيونها وبصت على مصطفى بضيق..في ايـــــــه!!
مصطفى بغيظ
-كلامك مش عجبني
قامت بضيق
-ومش ضروري يعجبكم و ياريت تنسو الموضوع ده لانه مصيره الرفض انا مش عارفه الموضوع مضايقكم اوي ليـه انا هروح غرفتي و يا ريت متندونيش على العشا عايزه اذاكر ومش عايزه ازعاج..راحت غرفتها وقفلت الباب بقوه مؤيد بص على مصطفى بضيق
-عجبك كده؟قام وراح غرفه غصون وخبط على الباب غصون بضيق وصوت عالي شويا
-مؤيد سمعت انا قولت ايـــــــه الكلام كان شاملكم كلكم فاهم انا اساسا على اعصابي وجيتو زودتوها روح سيبني اذاكر
مؤيد اتنهد بضيق وراح غرفته وقفل الباب مصطفى كمان وراح غرفته وقفل الباب بيسان بصت على بسمله و عبد الرحمن بمرح
-هتروحي كمان وتسيبوني اكمل مع الشاشه!
عبد الرحمن ضحك
-دا اخر همك
بسمله بغيظ
-قومي ساعدني اعمل العشا
بيسان بصت على باب غرفتها وقالت بزعيق
-غصون افتحي الباب
بسمله مسكتها من اودنها وجرتها على المطبخ وهي بتصرخ بوجع وعبد الرحمن بضحك بعد شويه راحو صلو في الجامع و روجعو ولقو العشا على السفره مصطفى بص على غرفه غصون كان رايح بس امه وقفته بسمله
-سيبها يحبيبي انا كلمتها وهي قالت مش عايزه
مصطفى بحزن
-معليش يماما سيبني احاول معها مش عايزها تنام من غير عشا بسببي..راح غرفتها ودق الباب غصون بهدؤ
-مصطفى انا مش زعلانه منك ولا عايزه اعتذار انا بجد مليش نفس ومش عايزه اكلم حد حاليا عايزه اذاكر روح كل وبلاش تحط في دماغك اني زعلانه منك يمصطفى
مصطفى بحزن
-بس..
-ارجوك روح انا عندي امتحان وعايزه ادرس علشان اخد علامات عاليه ممكن
-ماشي على راحتك واسف على العملته..راح وقعد غصون بلعت الادويه وهي بتوجع ودموعها نزلو وهمست
-ا..اسفه غصب عني اعمل كده غصب عني ابعد عنكم..قعدت تدرس ونامت بعدها بيسان دخلت وغطتها ونامت في حضنها غصون فاقت وابتسمت لما شافت بيسان نايمه في حضنها شدت من مسكتها عليها وباستها على راسها بيسان فاقت غصون بحب
-اسفه فوقتك بس انا مش بقاوم وللازم ابوسك على راسك كل ما تنامي معرفش ليـه
بيسان بمرح
-عشان انا عسل وبتحب وانا اميرتك القمر السكر..كملت بزعل مصطنع..ولا مش كده
غصون ضحكت
-لا لا طبعا كده يقلبي
بيسان بفرحه
-سبتك تضحكي يسلام..غصون بصتلها بحب وضمتها اكثر غصون انتِ مخبيه حاجه
غصون بمرح
-وهخبي ايـــــــه يعني!بيسان بصتلها بشك وهي كملت بتنهيده اتخانقت مع رغد ومش عايزه اصلحها
بيسان بصتلها بدهشه
-ليـهه انتِ بتحبيها
-مش لدرجادي يا بيسان
-طب قوليلي ايـــــــه سبب المشكله..قالتلها كل حاجه..بس رغد مش غلط يغصون
-انا تعبانه يا بيسان ممكن انام
-ماشي..قامت وراحت على سريرها ونامت وهي نامت عدا الاسبوع من غير اي احداث غير انو تالين قربت من غصون وبيسان وغصون اصرت انها تحضر معاهم النهارده علشان ده ميعاد الشخص الغامض غصون مكنتش عندها فضول تشوفه ابدا خلصت محاضراتها وراحت لمكتب يزيد وهو كان ببص عليها وعيونه الزيتونه غمقت اكثر وباين عليه انه معصب جدا غصون بقلق من حالته
-خ..خير يا دكتور!؟
ضرب على سطح المكتب بعصبيه وهي اتخضت واترجفت وهو كمل بعصبيه
-خير!!خير ايـــــــه وكل يوم حالتك بتدهور اكثر انتِ ايـــــــه مش بتحسي عايزه تموتي مصره تموتي..كمل بانفاعل..انا مش فاهم مالك مش فاهم انتِ ليـه مش مقدره حياتك يغصون انا اعصابي كل يوم بتبوظ بسببك ده انا مش عارف ليـه بقيت احس اني دكتور فاشل وكله بسببك بسببك انا لاول مره احس اني عايز اتجنن عايز ابعد عن كل حاجه عايز اسيب المهنه الهي بالنسبالي كانت اهم حاجه في حياتي انتِ امتى هتفهمي انو البتعمليه ده غلط امتى هتفهمي انك مواصله في الطريق الغلط..قعد على الكرسي وحاول يهدي نفسه شويا وبص على عيونها الحزينه جز على اسنانه..حتى دموعك مش عايزه تطلع علشان مفيش ندم صح..!بس انا هعرف اندمك وانا الهقول لاهلك بنفسي..قام ومسك جاكيت من الكرسي ولبسه غصون برجا وتوسل
-لا يا دكتور يزيد ارجوك لا.. قالت بسرعه وخوف.. ماشي هقلهم هقلهم بس ارجوك بلاش تعمل كده ارجوك ي دكتور مهلني لبكره بس
يزيد بص عليها وقال ببرود
-ماشي لما نشوف بعض المره الجايه هشوف هتعلمي ايـــــــه ي غصون انا مش فاضي حاليا هروح..خرج وغصون كانت زعلانه اوي خايفه راحت ركبت الميترو ودموعها نزلو وهي بتخيل رده فعلهم ست كبيره شافتها وقالت بحنيه
-مالك يبنتي انتِ كويسه؟
غصون رفعت عيونها المليانه دموع وهزت راسها بابتسامه كلها ألم
-كويسه
الست بحزن
-يبنتي متزعليش نفسك مهما كان سبب دموعك واتذكري انو امر المؤمن كله لخير والمؤمن بؤجر على كل حاجه صبره مرضه كتم الغيظ كل حاجه وحشه بؤجر عليها وبؤجر على الحاجات الحلوه أضعاف كمان شفتي ربنا كريم ازي!
غصون مسحت دموعها وقال بابتسامه
-ونعمه بالله..الميترو وقف..انا هروح خدي بالك من نفسك يا تيته
الست إبتسمت
-وانتِ خدي بالك من نفسك يحبيبتي..غصون إبتسمت ونزلت وكانت بتمشي بشرود وبتفكر بكلام يزيد
-هو مهما كان مكنش للازم يكلمني كده
-عن مين بتحكي!
بصت جنبها شافت بدر ابن خالتها قال بهدؤ
-افتكر دي حاجه مش بتخصك يبدر..راحت وهو لحقها
-غصون انا هجي اتقدم تاني
غصون بصت عليه بضيق
-هو انت مش بتهزق انا مش عايزاك ايـــــــه هو بالعافيه
بدر ابتسم وقال بحب
-لا بس هفضل وراك ومش هستسلم..اتفضلي اطلعي
طلعت وهي بتنفخ بضيق تالين كانت خارجه من البيت شافت غصون على السلم
-غصون رجعتي متاخر النهارده
غصون بضيق
-في زحمه
تالين باستغراب
-مالك؟؟
غصون بضيق
-مفيش بس بدر ابن خالتي نرفزني شويا
تالين مسكت ايدها وقال بحب
-خلاص سيبه وتعالي ندخل
غصون بصت على الباب واتذكرت كلام يزيد وراحت مع تالين وفتحت الباب بالمفتاح المعها بصت عليهم ولقتهم قاعدين على الكنبه وبتناقشو سالتهم باستغراب
-في ايـــــــه!
مصطفى بص عليها
-اليوم الميعاد وهو اتصل وقال جاي
غصون بفضول
-مقلش جاي علشان مين؟
مؤيد بسخريه
-هو ده كل همك
غصون بثقه
-تصدق اه!يعني اومال هيكون همي ايـــــــه والاخ اصلا مرفوض مرفوض ما علينا انا هروح انخمد
عبد الرحمن
-لا عايزك فايقه لانه لو قال انه اتقدملك للازم تواجهي وترفضيه
غصون بصت على باباها باستغراب
-ليـهه..بصت على مصطفى و مؤيد..وانتو بتعملو ايـــــــه ان شاء الله مش دوركم
مؤيد ضحك
-ما يمكن يعجبك مثلا!
مصطفى بمرح
-ويمكن يكون فارس أحلامك بتاع الحصان الأبيض البترسميه من لما كنا عيال
غصون جزت على اسنانها
-بتريقو ماشي هخرج واقله انت مرفوض ويا ريت يخدوكم بطريقه
عبد الرحمن بص على تالين وسالها بحنينه
-ازيك يبنتي!بص على دراعها المجبصه..لسه مفيش تحسن؟
تالين بابتسامه لطيفه
-الحمد لله كويسه يعمو..هي لسه مطوله شويتين بس انا اتعودت عليها
غصون مسكت ايدها
-تعالي ندخل
مصطفى بص على تالين وقال بمرح
-اه روحي جهزي العروسه
غصون بصت عليه بضيق و تالين ضحكت بيسان خرجت من غرفتها
-مؤيد يزفت قوم جبلي شوكولاته
مؤيد بص عليها بغيظ
-وانا مالي بيكي!واجبلك ليـه ان شاء الله!!
غصون فتحت شنطتها وطلعت شوكولاته وقالت بحزن مصطنع
-هو انا مش ماليه عينك يبيسو
بيسان جرت عليها وحضنتها
-مفيش حد مالي عيني قدك
عبد الرحمن
-احم!
بيسان بقلق
-غير بابا حبيبي
بسمله من المطبخ
-والله
بيسان برعب
-وماما وماما طبعا في المركز الأول
ضحكوا عليها وغصون راحت و معها تالين و بيسان صلو المغرب وتالين بقت منتظمه في صلاتها بسبب غصون بس لسه مقررتش هتعمل ايـــــــه مع موضوع الحجاب غصون محبتش تضغط عليها و مؤيد كان مبسوط بس مش عايز يبن ده عدا الوقت و غصون جهزت نفسها وسمعت جرس الباب برن ودخلو شابين و واحد منهم بص على عبد الرحمن بصدمه
-عمي انت بتعمل ايـــــــه هنا
عبد الرحمن بصدمه
-انت البتعمل ايـــــــه هنا مكنتش مسافر
-رجعت من شهور..وبالنسبه لبعمل ايـــــــه هنا جيت اخطب بنت بس انا متاكد من العنوان انت ايـــــــه جابك هنا انت جيت ضيف؟
عبد الرحمن ضحك بقوه
-صدفه غريبه لا يابني مش ضيف انا ابو البنت دي
رد بصدمه
-ا..انت ابوها؟؟
مؤيد باستغراب
-بابا انت بتعرفهم؟؟
عبد الرحمن بص على الشاب و البنت
-لا مش كلهم بس الود ده واحد من تلاميذي
رد بغرور
-احسن تلميذ عندك
عبد الرحمن مسك اودنه وجراها جامد وهو صرخ بالم غصون و البنات استغربوا ايـــــــه البحصل برا رد بالم
-كفاااايه يعمي خلاص افشلهم يحج سيبني بقااا
عبد الرحمن سابه وقال بسخريه
-لسه بتصرخ زي ما انت
رد بدراما
-هي بتوجع اوي دي سلاح قاتل
عبد الرحمن ضحك
-مش خجلان من نفسك ده انت قربت تعمل ال30 سنه ايـــــــه تصرفات العيال دي
ضحك وقال بثقه
-هي معاك بس يعمي ده انا الكل عاملي حساب..بص على البنت والشاب المصدومين..شفت دول لسه تحت الصدمه هو نحن مش هنقعد ولا ايـــــــه؟؟
مصطفى بهدؤ
-اتفضلو..قعدو
مؤيد بفضول
-يعني انت و بابا بتعرفو بعض من زمان اوي؟
رد بهدؤ
-اه..ابتسم..بتقدر اقول اني هنا بسببه هو اكثر حد له فضل عليا..كمل بجديه وهو ببص على عبد الرحمن..انت عارف اني جيت علشان اطلب ايد بنتك
عبد الرحمن بفضول
-كمل بنتي مين ده نحن لينا اسبوع بنفكر مين هي العايز تطلبها؟
رد بدهشه
-مين ازي يعني مش هي الانسه غصون بنتك الوحيده
مصطفى بضيق
-طلبك مرف..
عبد الرحمن قاطعه
-استنى يمصطفى لما نخد رايي غصون الاول..بص على بسمله..روحي نادي البنات من جوه