رواية ام بالاجبار الفصل الثالث3 والرابع4 بقلم فيروزه
اول ما فتحت الباب لقيت عمي ..وقبل ما اتكلم حضني ..وقالي وحشتيني اوي يا سما وحشتيني فينك يا بنتي كل ده غايب ده انا اول ماسمعت أن البيت اتفتحت جيت جري ..عامله ايه يا حبيبتي طمنيني عليكي ... مابقيتش قادره اتكلم من خناقه العياط ..ودموعي نزلت مره واحده وصوت شهقاتي عليت بطريقه غريبه وكإني كنت بصرخ في حضن عمي ..مالك يا حبيبتي في ايه
عمي كان بيتكلم بكل خوف الدنيا عليه وقاعد يطبطب عليه..
سما بدموع ....مفيش يا عمي كل الموضوع اني حسيت كاني في حضن بابا ....ربنا يخليكي ليا يا عمي ....
عمي بحنان ....كإن ليه يا سما انا طول عمري ابوكي وعمري
محسبتك غير بنت ليه ....(وبقي يطبطب عليه )..بس يا حبيبتي بس ...اهدي وحدي الله كده ...
لا اله الا الله محمد رسول الله....انا هديت اهو يا عمي كنت بحاول بكل الطروق إني اسكت واهدي من نفسي بس مش قادره ....(يمكن لاني اخيرنا لقيت حضن بيحبني بجد اخيرنا
لقيت راحه بال ..)بعد مده هديت ودخلت انا وعمي جوه ...
عمي بهدوء ....ماجتيش علي بيتي ليه يا حبيبتي اول لما وصلتي ...
كان الوقت بدري وقولت علي العصر هجيلك البيت تكون روحت من الشغل ....
عمي ....شغل ايه بس ده انا اول ماعرفت وانا رايح الشغل جريت علي هنا ...بقيت اجري وكإني رجعت للتلاتين من تاني
..
ضحكت لاول مره من فتره ...ليه يا عمي ما انت اصلا في التلاتين...هو انت كبرت يعني .....
عمي بضحك ....طيب والشعر الابيض ده جاه منين ....لا خلاص انا راحت عليه....
لا يا عمي انت لسه شباب وبعدين الشباب شباب القلب ...
عمي بضحك....فعلا ....يلا قومي معايا ده مرات عمك هتطير من الفرحه لما تعرف انك اخيرنا جيتي ....
ومسكني من ايدي علشان اقوم معه ...يلا هاتي حاجاتك علشان تقعدي عندي ....
معليش يا عمي انا مرتاحه هنا بس هاجي معاك علشان اسلم عليها....
عمي بزعل ....كده يا سما هو ايه تقاعدي لوحدك دي ...والله ما تحصل لازم تجي عندي والا والله هاجي اقعد معاكي واسيب مرات عمك هناك لوحدها ....
لاااا انا مقدرش علي زعلك انا جايه معاك ....
عمي بابتسامه ....يلا يا حبيبت عمك....هاتي حاجاتك ...
حاضر ....
ودخلت علشان اجيب حاجاتي وتميمه....شلاتها علي دراعي وخرجت من الاوضه ...
عمي باستغراب ...ايه اللي علي دراعك ده يا سما..
انا بفرحه ...دي بنتي يا عمي تميمه....
عمي بفرحه قرب مني ....الف نهار مبروك ...اخيرنا هشيل عيالك ....ده انا اسعد انسان النهارده ....
وقرب منها وباسه من خدها ...
ابتسمت ....ربنا يخليكي ليا ....
عمي بابتسامه...ويخليكي ليا ....
وشال مني الشنطه وخرج من الباب ...وانا لتالت مره بودع بيتي وزكرياتي ....اول مره يوم ما جاه عمي ياخدني علشان
اعيش معه بعد وفاه اهلي وتاني مره يوم فرحي و النهارده
وانا شايله تميمه علي دراعي ....
كنت حاسه إن البيت بينديني ....قربت من الباب ....متقلقش هرجع تاني بس وانا واحده تانيه واحده احسن ...اطمن ...
ومشيت مع عمي علي بيته...
وصلنا وفتح الباب وقالي خليكي وقفه هعملها مفاجاه لمرات عمك ...
عمي ....سناء يا سناء تعالي بسرعه ....
مرات عمي جايه بسرعه ...في ايه يا ابو ادم ....
عمي بابتسامه....مفاجاه معايا مفاجاه ...
مرات عمي ...مفاجاه ايه يا رجل صحيح انت مروحتش الشغل ليه ...
عمي بضحك...شوفي مين معايا ..
ادخلي يا حبيبتي واول ما دخلت مرات عمي حضنتني جامد ...يا حبيبتي يا حبيبتي وحشني اوي ...فينك كل السنين دي يا سما ...أله ومين اللي علي دراعك دي....
عمي بضحك....بنتها هتكون مين يعني ....
مرات عمي بضحك ...معليش غلطه ...معدش اسال تاني ...تعالي يا حبيبتي ارتحي ....
دخلت معاهم لجوه .... عاملين ايه وحشتوني ....
عمي بزعل ....لو كونا وحشنكي كنتي سألتي علينا ....عشر سنين منعرفش عنك حاجه ولا كلمه ولا حتي تليفون ...ليه كده يا سما متعرفيش السنين كانت بتمر عليه ازاي من غير ما اسمع صوتك ولا حتي اطمن عليكي ....
الدموع اتجمعت في عيني معليش يا عمي ظروف ...كانت اقوي مني والمهم اني معاكم دلوقتي ارجوك منتكلمش في اللي فات ...
عمي بابتسامه طبطب عليه ....خلاص يا حبيبتي اهم حاجه انك معانا وده بالدنيا بس برده هنتكلم ....
حاضر يا عمي هحكيلك علي كل حاجه مع الوقت ....أله صحيح فين زهره ....
مرات عمي بضحك....زهره في بيت جوزها وبطنها قدمها قد كده ....دي لما تعرف انك جيتي هطير من الفرحه وهتيجي جري....
يااا زهره كبرت كده واتجوزت ....
عمي بضحك...امال دي الايام بتجري امال لما تعرفي أن آدم بقي ضابط ويونس بقي مهندس ونوح في اخر سنه في كليه
علوم ....
انا بفرحه ...يااا كل ده حصل....ربنا يباركلك فيهم ياعمي ..العشر سنين عملوا كل ده ....
عمي بابتسامه...امال ايه ...كلهم مش هنا وانا ومرات عمك قاعدين لوحدنا وشنا في وش بعض اخيرنا حد جاه يسليني شويه ....
مرات عمي....ليه هو انا بقيت وحشه دلوقتي....
عمي بهزار....لاااا ده انتي احسن الناس ....
ضحكت من قلبي ...والله انتو هتفضلوا طول عمرك كده كأن السنين مابتعديش عليكم ....
عمي بضحك...كده ازاي يا بت قولي ....هااا....
انا بضحك ...ولا حاجه انتو زي الفل ....انا عايزه اطلع اوضتي ....
(ماأنا ليه اوضه في بيت عمي ...)
عمي بابتسامه....يلا يا حبيبتي....
.
.
هعرفكم عليه وعلي عائله عمي ...
.
.
انا سما ...عندي ٢٧سنه اتجوزت وانا عندي ١٧سنه اهلي متوفين ومليش في الدنيا غير عمي ..عندي عمتي كمان ..
عمي احمد ...عندو٥٦سنه رجل محترم في كل صفات الاب الصالح كفايه طبطبه عليه ...
مرات عمي احمد ..٤٧سنه ست من الناس بتوع زمان اللي تحس بالدف بمجرد الكلام معاها...
ادم ابن عمي احمد...٢٨سنه عمرنا ما حبانا بعض طول الوقت كانا زي ناقر ونقير...
يونس ابن عمي احمد...٢٥سنه ده بقي كان صديقي الصدوق...
نوح ابن عمي احمد...٢٠سنه كان دايما عايز اللي في أيدي كاني ضرته ....
زهره بنت عمي احمد..١٨سنه كنت بحاسه بنتي الصغيره كنت افضل اسرح لها وأحط لها توك ومنكير ..
.
حاتم ...٣٥سنه كان جاري واتقدملي واتجوزنا عن حب...
.
لو في حد ظهر تاني هعرفكم عليه ...
.
.
نرجع تاني ..
.
اول ما دخلت الاوضه حطيت تميمه علي السرير ونمت جنبها وانا حضنها ....مش عارفه هقول لعمي ايه ...بس الاكيد اني هحكيله ...لاني بعتبره أبويه ....
.
.
طلقني بقولك طلقني....
علشان خاطري اديني فرصه....
طلقني يا امه هموت نفسي ...
كنت بتكلم وانا حطه الس كينه علي رقبتي وبضغط عليها وقطرات من الد م بتنزل....
علشان خاطري فرصه ....
كان بتكلم وهو ليحاول يقرب مني
ابعد عني ابعد....والا
.
.
.
صحيت بعد ساعه علي صوت خبط علي الباب ....
فتحت لقيت عمي ...
عمي بابتسامه....ايه يا حبيبتي كنتي نايمه ولا ايه ...
نمت ماحسيتش بالنفسي ....
عمي بابتسامه....طيب يا حبيبتي يلا علشان نتغدا ....دي زهره اول لما عرفت انك جيتي صممت تيجي ....
انا بفرحه ....بجد هتيجي أمتي دي وحشني اوي ونفسي اشوفها لما كبرت وكمان بقت حامل....
عمي بابتسامه....ساعه وتلاقيها هنا ...
نزلت مع عمي اكلنا ....
عمي هو صحيح نور عامله ايه ...
نور كانت اعز اصحابي زي ما بيقولوا كده توأم روحي...
عمي ....نور اتجوزت والحمد لله بخير ....
يااا كانت اعز صاحبه عندي صحيح يا عمي هي اتجوزت مين ..
عمي بابتسامه....اتجوزت سند ....
.
.
.
سما يا سما ...
نعم يا سند بتجري ورايه ليه....
ولا حاجه خدي...
ايه ده اوقف يا سند ...
سند جري وفضلت لوحدي ...
لما روحت فتحت الورقه لقيت
الفصل الرابع
لقيت مكتوب في الرساله ..سما انا طول عمري وانا بحبك انتي حب عمري ...طول الوقت كنت بقولك بحبك بتصرفتي بس لساني كان خايف يقولها لاحسن ما تكونيش بتحبيني واخصرك ...طول الوقت ببقي خايف عليكي كانك بنتي ...ببقي عايز اهدم الدنيا لما بشوف الدموع في عنيكي ببقي نفسي اخدك في حضني واخبيكي من الناس ...بحبك دي اقل بكتير من اللي حاسس بيه من ناحيتك لو ينفع اجبلك النجوم مش هتاخر ...ارجوكي حبيني ولو ربع ما انا بحبك .... لما نتجوز هنشوف النجوم كل ليله مع بعض..
كنت بقراها وانا دموعي بتنزل يااااا حبيتني قد ما حبيتك يا سند بس للاسف انا فرحي كمان اسبوع ....اتاخرت اوي اوي .
خدت الورقه وولع ت النا ر وحر قتها ..زي ما اكون بحر ق معها اي أمل جويه ..اخدت رماد الورقه ووقفت في الشباك وطيرته وانا بحاول اطلع كلامه من قلبي وعقلي مع الرماد وهو بيطير ...
سند ده كان اول حب في حياتي ...بس كونا مجرد أصحاب ..
كنت بخاف اغرق في حبه اكتر فكانت دايما بحاول اديقه علشان يتعصب عليه وأبطل احبه ..ورغم كده عمره ما اتعصب عليه ...كان دايما بيحاول يهديني ....
ومع الوقت بقيت بحاول ابعد عنه بقدر الإمكان علشان اوقف مشاعري دي ...وفعلا كنت مفكره نفسي نجحت....
وانا في سن ١٦ اتقدملي حاتم ومع الايام حبيته ....وهو كان بيتمنلي الرضا أرضا ....كان ونعمه الإنسان ...
وانا خلاص فضل علي فرحي اسبوع جاي تعترفلي ...غبي غبي...
حولت ابطل تفكير فيه وبقيت أشغل نفسي بحاتم اكتر ...
لحد يوم حنتي لما جاه سند وطلب مني نتكلم فوق السطح شويه ....طلعت معه ...
سند بحزن ....قريتي الجواب يا سما ....
كل ردي عليه كان ق لم علي وشه ...وكلمه واحده بس غبي ..
ونزلت وسبته في حالته صدمه بس الق لم ده كان ليه قبل ما يكون ليه ....
.
.
.
.
فوقت من افكاري علي صوت عمي ...
عمي بابتسامه....مالك يا سما سرحتي في ايه ...
انا بابتسامه ولا حاجه يا عمي ....ولا حاجه ....
عمي ...الباب بيخبط اكيد زهره أما اقوم افتح ...
عمي فتح الباب ودخلت زهره وهي بتحاول تجري بس مش قادره من بطنها...
وقفت في مكاني وقربت منها وانا مش مصدقه بقي هي دي زهره البنوته الصغيره اللي كانت دايما في حضني ...حضنتها بكل قوتي وهي كانت بتعيط وهي بشدني عليه اكتر وكأننا هنعوض العشر سنين في حضن ...
وحشتيني اوي يا زهره وحشتيني...
زهره بتتكلم من بين دموعها ....وانتي اكتر وانتي اكتر ...طول الوقت كان نفسي تشوفيني لما كبرت وانا عروسه بس الحمدلله شوفتيني وانا حمل ....
كانت بتضحك في اخر كلامها ....
ضحكت معها وانا بطبطب عليها .... كبرتي وبقيتي عروسه وكمان هتبقي ام ...انا فرحنالك اوي يا حبيبتي...
زهره بابتسامه...سمعت أن عندك بنته هي فين ...نفسي اشوفها ...
تعالي معايا علي فوق نرغي وتشوفيها ...
.
.
عمي بابتسامه....ياااا اخيرنا البت زهره مشيت ده انا كان فضلي شويه وأقوم ارميها بره ...
اتكلمت بضحك ليه بس يا عمي دي زهره حته سكر...
عمي بضحك....سكر اوي دي كان هين عليها تفتحلك تحقيق ...وبعدين ده تخصصي انا ....يلا انا هسأل وانتي هتجوبي ...س سوال احكي مالك بتفاصيل ....
الابتسامه اختفت من علي وشي ...حاضر ..تعال نتكلم علي السطح ...
طلعت انا وعمي وانا بجر رجلي لحد فوق وحاسه ان في حمل كبير فوق كتافي...
عمي اتكلم بحنان ....مالك ...
زي ما اكون كنت مستنيه الكلمه دي ...دموعي نزلت بدون سابق انذار....
.
.
.
ورجعت بالذكريات..
.
بعد مرور شهر علي جوزي من حاتم ابتدأ يتغير ...دايما حابسني في البيت ولا بطلع لشارع ولا بطلع بلكونه ولا حتي بفتح شبابك ..انا والاربع حاطان ليل ونهار لو باب خبط ممنوع افتح ....ولو بصيت بغلط لحد يبقي انا بحبه وعايزه اسيبه
ويفضل يضر ب فيه وبعد كده يقعد يعتذر بالساعات والايام
وحتي التليفون ممنوع ...مع مرور الأيام حسيت بخناقه
وجالي اكتءاب حاد ولا بقت عارفه اكل ولا حتي اتكلم بقيت
هيكل انسان جسد بلا روح ..كل اللي بقيت عايزه اني افضل ساكته ....كان بيجبلي كل حاجه وكان بيفضل يتكلم معايا ...واخر ما يزهق مني يضر بني
ويرجع يعتذر فضلت علي كده سنين وايام لحد ما بقيتش عارفه احنا في صيف ولا شتاء بالليل ولا بالنهار....لحد ما قررت اطلب الطلق لاول مره ....ساعتها اتحول لو حش فضل يضر ب فيه ويكسر في البيت لحد ما صحيت لقيت نفسي في المستشفى وهو قاعد جنبي وماسك ايدي وبيعيط وكل ثانيه بيوس علي ايدي ودموعه نزله وبيقولي سامحيني...
كان ردي عليه اغرب رد يومه ...لما قولت بكل مرره الدنيا.. مسامحك...
ساعتها وكإن الروح ردت فيه ...حضني غصب عني وحاول يقرب علشان يبوسني وقته من القرف رجعت ...وبقيت اعيط اكتر واكتر لدرجه اني بقيت بصرخ بااعلي صوت عندي لحد ما حسيت أن احبلي الصوتيه انقطعت ....
بعد شهر من اليوم ده ..
حاتم ..بقولك ايه يا حبيبتي عندي ليكي حته مفاجاه...
ايه هي ...كنت بتكلم بلا شغف..
حاتم بفرحه....هنسهر بره النهارده تحبي تروحي فين....
اتكلمت بفرحه لاول مره من سنين....انت بتكلم جد بعد سبع سنين اخيرنا هخرج لاول مره....اروح اي حته اي حته ....
حاتم بفرحه....انا عايز حضن بالمناسبه السعيده دي ...
وقرب مني وحضني بقوه....وهمس في وداني ....بحبك...
مابقيتش عارفه ارد أقوله ايه ....كل اللي قولته ياريت لو اشوف البحر...
حاتم بابتسامه....حاضر هنشوف البحر ...يلا البسي...
دخلت البس وطبعا مخليني البس النقاب غصب عني ...علشان محدش يبص عليه ...بس مش فارقه معايا اهم حاجه اني هخرج...كنت بلبس وانا هطير من الفرحه....
طلعت من الاوضه....يلا يا حاتم...خلصت ..
حاتم بابتسامه...قرب مني وحضني...يلا يا حبيبتي...وشبك أيدينا ...
اول ما وصلت عند البحر كنت حاسه اني طايره كان رجليه سابت الأرض ...فضلت ماشيه لحد ما وقفت قدم البحر واخدت نفس قوي كأني متنفستش من سنين ....
حاتم بابتسامه....مبسوطه ...
ايوه مبسوطه ....نفسي افضل قدم البحر لاخر يوم في عمري...
حاتم بضحك ...لدرجه دي شكلي هبدا اغير من البحر ...
سكت حسيت اني معدش عندي طاقه اتكلم فضلت قاعده وكل اللي بعمله اني باخد نفسي ....وسرحت في البحر ..والناس اللي بشوفهم لاول مره من سنين...
حاتم بعصبيه ...عجبك اوي كده...
هو ايه...
حاتم وهو بيمسكني من دراعي ... الاستاذ اللي قاعده تبصيلو ..
انا سيب ايدي وجعتني ....انا مش ببص علي حد ...
حاتم بعصبيه شدني وقفني بالعافيه وبقي يجبرني وراه مشيت معه وانا عارفه مصيري هيكون ايه مهم احلف اني كنت ببص للبحر بشرود وماكنتش ببص لحد مش هيصدقني ...
اول ما وصلنا الشقه فتح الباب بعصبيه وزقني وقعت في الأرض وقفل الباب بسرعه ...وهجم عليه و كان ابشع حاجه حصلت وكأنه كان بيعذ بني...بعدها قام يلبس هدومه ...ولا كأني مرميه في الأرض وكل حته فيه متبهدله وشافيفي
بتنز ف من كتر التع نيف ...
حاتم بعصبيه ...انبسطتي انا ولا هو ..
وزقني برجله في جنبي ...
مقدرتش ارد كل اللي عملته اني حولت اقوم كنت حاسه اني قرفنه من نفسي ومهم كنت بحاول أقوم كان بيعنفني اكتر
وكأنه بيطلع عصبيته عليها ...مقدرتش اقوم بقيت ازحف علي ايدي لحد ما وصلت للحمام واول ما دخلت حاولت اقف مابقيتش قادره...فتحت المياه علي نفسي وانا مكاني ودموعي كنت نشفت من العياط وصوتي انبح من كتر ما صر خت....
بعد شويه طلعت من الحمام ودخلت الاوضه ونمت علي السرير ...ما بقيتش قادره اعيط ولا حتي اتكلم ...كل اللي عايزه اني اغمض عيني و حياتي تنتهي علي كده ... لقيته بيقرب مني وحضني...مابقيتش قادره أبعده ولا قادره ارفض..فضلت ساكته وغمضت عيني....
حاتم....انتي كويسه ...انا عملت كده من غيرتي عليكي مقدرتش استحمل نظرتك للراجل كنت حاسس انها نار في قلبي ...انا اسف...
انا اسف كتر خيرك...
وسكت علي كده ...
تاني يوم حسيت اني احسن وقررت أنه اخر يوم ليه معه ...
لميت هدومي بسرعه وحاولت افتح الباب بس كالعاده مقفول بالمفتاح ..
حاتم بعصبيه...رايحه فين...
اتكلمت بهدوء ...ماشيه وكل واحد يروح لحالو ...
حاتم شدني جامد من دراعي وضر بني بالق لم ...حالو ماأنا حالك ...انتي اتجنيتي....
اتكلمت بعصبيه وصوت عالي ...ايوه اتجننت ....سيبني ..
حاتم بعصبيه...مش هسيبك ولو اخر يوم في عمري...
شديت ايدي من ايدو وجريت علي المطبخ وسحبت
س كينه ..
طلقني يا هموت نفسي وضغطت بالسك ينة علي رقبتي...بقت قطرات الد م تنزل...
حاتم بدموع.... سامحيني...خليكي معايا وانا هعملك كل حاجه ...هتغير علشانك ...بس خليكي معايا...
انا بعصبيه....هتتغير انا سمعت الكلام ده مليون مره ...انت مجنون....
حاتم بدموع...هتعالج علشانك ...بس متسبنيش...وكان بيحاول يقرب مني
بس انا بعدت اكتر وضغطت اكتر علي رقبتي والد م بقا مغرق ايدي ...
حاتم بدموع ....خلاص انا هريحك لدرجه دي انتي مش عايزني هتموتي نفسك علي انك تكوني معايا....
وسحب سك ينه من الدرج وط عن نفسه الد م غرق الدنيا وشي كله بقي د م ...السك نيه وقعت من ايدي ...مابقيتش عارفه افرح ولا احزن ...
فضلت مكاني ودي كنت اخر حاجه شوفتها في اليوم ده ...غمضت عيني وكنت حاسه انها النهايه...سبت نفسي للظالم...
يا مدام يا مدام...ردي ...
سيبها يا دكتور كتر خيرها بردو اللي شافته كان صعب ...
بس يا نور ...لازم نطمن عليه ...يا مدام يا مدام....
طيب انا هسيبك برحتك بس هجيلك تاني ...
اول ما طلع من الاوضه قومت من مكاني ابص علي المرايا وانا بحسس علي وشي حاسه الد م مالي وشي ..بقيت المس وشي بجنون وفضلت اصر خ ...
يادكتور يا دكتور إلحق مدام سما بتصر خ تعال اديها مهدء ...
فضلت عايشه علي المهدئات لحد ما بدت استوعب الصدمه ...واني اخيرنا حره ....خرجت من المستشفى وانا معتزله الدنيا ...وفضلت علي الحال ده ثلاث سنين ....
.
.
.
عمي بدموع ...كل ده يا حبيبتي...كل ده ...
حضني وانا بقيت اعيط وهو بيعيط اكتر مني ....
عمي بدموع ...طيب ماجتيش ليه ما حولتيش تتواصلي معايا ليه ده انا دورت عليكي في اسكندريه كلها ...لحد ما يأست...مش عايز اشوف دموعك تاني ...
كان بيتكلم وهو بيمسح دموعه ودموعي ....
عمي بحنان ...من النهارده انا هعوضك عن كل اللي فات ...
هخليكي اسعد واحده في الدنيا ...
حضنت عمي بقوه ...ربنا يخليك ليا يا عمي...
بعد شويه عمي سال السوال اللي كنت خايفه منه...امال تميمه بنتك ازاي ...
اتكلمت بهدوء....هديه الجنيات ليه ...
عمي بابتسامه...احكيلي ...
حكيت لعمي وقولته أنه سر بينا ...وعمي وعدني ...وقرر انه هيتصرف علشان نطلع لها شهاده ميلاد ...
عمي بابتسامه...يلا علشان ننزل نام علشان بكره هنسافر..
انا هنسافر فين ...
عمي