رواية حدث في ليلة ما الفصل الخامس عشر15 والسادس عشر16 والسابع عشر17 بقلم مرفت السيد
استيقظت تالين على رنين هاتفها بإلحاح امسكت بهاتفها تنظر لاسم المتصل لتجده فارس فردت عليه وهي تستفيق
:الو
*كدة ياتالين مااتصلتيش بينا ولاحتى مسدج
:كنت نايمة دماغي تقيلة اوي وجسمي متكسر حتى مش هابدأ شغل النهاردة وهاقضيها راحة
*انتي اصلآ تعبانة ومرهقة بالفترة الأخيرة طيب ممكن تصحي كدة وتنزلي لاقرب مستشفى تطمني على نفسك ولااجيلك؟
:لا قلبك ابيض حاضر علم وينفذ
ضحك من كلامها* وتطمنيني كل شوية عليكي فاهمة
:اوامر ياباشا متنساش تبلغ سلامي لبابا وعمي ومرات عمي #بقلم_مرفت_السيد وفخر وطمتي على صحة بابا
* متقلقيش ياتالي هو بخير كان قلقان عليكي وهابلغهم سلامك حاضر ياتالين ياللا قومي افطري
:تمام ياافندم خلي بالك من نفسك سلام
*وأنتي كمان سلام
ابتسمت تالين وهي تنهض وتاخذ حماما دافئا لينعشها ثم قامت بعمل الافطار ووقفت تشرب النسكافيه بالشرفة ثم تفقدت هاتفها لتجد ان عماد ويوسف ارسلا لها بعض الايميلات تخص العمل وهناك ايضا رسائل منهما على الواتس اب للاطمئنان عليها فقامت بالرد عليهما بأنها بخير وبانها مرهقة وستبدأ عملها من الغد بمقر العمل
وبعدما انتهت تذكرت بأنها تحتاج لشراء بعض الاشياء ولكنها لاتعرف المدينة ولاتستطيع ان تتجول وتتسوق بمفردها فتذكرت عدي فقامت بالاتصال به وطلب مساعدته كان لطيفا ومهذبا واخبرها بأنه سيمر عليها بسيارته ليصطحبها الى المول بعد ساعة
وبعد ساعة كانت تستقل سيارته قال لها : على فكرة المول قريب من المعرض ممكن لما تخلصي تيجي تشوفي الشغل وتتعرفي بالموظفين دة لو تحبي
:فكرة كويسة يااستاذ عدي
*عدي بس يااستاذة دة انتي المديرة والديزاينر الرئيسية وشغلك جميل ومميز وانا مساعد ليكي
:يبقى انا كمان تالين بس
*اتفقنا قوليلي بقى انتي متزوجة؟
:لا وانت
*لأ بس غريبة شوية
:ايه الغريب
*انك جميلة ورقيقة وناجحة ومش متجوزة
تالين بانزعاج: عادي انا الي رافضة الموضوع
*انا اسف للتطفل
:مفيش حاجة
*على فكرة جزء من شغلي اني اوصلك كل مشاويرك واجيبك الشغل واروحك لحد ماتعرفي السكة ساعتها تستلمي عربيتك دي تعليمات الإدارة من مصر
: اوك ياعدي
ساد الصمت لدقائق حتى قال عدي :وصلنا
*اوك انا هاخلص واكلمك
:وانا هاكون بانتطارك بالكافيه المقابل للمول
تسوقت تالين واشترت كل مايلزمها ثم اتصلت بعدي الذي اتى بسرعة وساعدها بنقل اغراضها للسيارة ثم توجه بها الى المعرض الذي كان كبيرا وفاخرا ولكنه مازال تحت التجهيز
ثم ادخلها الى مصعد بداخل المعرض للدور الثاني حيث مكاتب الإدارة وبالطبع اكبر مكتب هو مكتبها الذي يكشف المعرض كاملا من خلال شاشات عرض كبيرة تستطيع ان ترى كل مايحدث وهي جالسة خلف مكتبها انبهرت تالين بقرارة نفسها من روعة المعرض وقالت:مكنتش متخيلة ان عماد ويوسف يقدرو يشترو معرض بالحجم دة ولا بالضخامة دي
عدي : بس دة مش المكان بتاعهم
*مش فاهمة
:شوفي انا باشتغل معاهم من زمان بناخد تصميمات ونعرضها باكتر من محل هنا ولما قررزا يفتحوا مكان خاص بيهم ويعرضوا لنفسهم اختاروا مكان صغير ولكن في بشمهندس اسمه مجد قالهم لأ احنا نفتح معرض كبير بشارع مميز وطلبوا مني اساعدهم عرضت عليهم اكتر من مكان ولكنهم استقروا على المعرض دة بعد ماعجبهم الموقع ولكن كل دة تم باسم المهندس مجد
همست لنفسها*هو مجد دة ورايا ورايا
:تعالي يامديرتنا اعرفك على الموظفين
تعرفت تالين على الموظفين وشعرت بالود والترحاب والإحترام الكبير منهم تجاهها ثم طلبت من عدي ان يقوم بتوصيلها للمنزل
وبينما تغادر تالين السيارة شعرت بدوار فساعدها عدي كي لاتقع واجلسها بالسيارة وجلب اليها زجاجة من المياه وقال بقلق:تحبي اخدك للمستشفى حاسة بإيه
*مفيش مرهقة ومش قادرة آكل وبادوخ من وقت للتاني
:شوفي انا ابن عمي طبيب ممتاز هنا
*مبحبش الدكاترة
:تعالي بس نتطمن انتي شكلك تعبانة جدا
*اوك ياعدي هااتعبك معايا
:متقوليش كدة انا بخدمتك
بقصر الدهبي تهلل وده الجدة ميادة وهي تستقبل مجد الذي احتضنها وقبل يديها وهي تربت على كتفه وتقول:حمد الله على السلامة ياحبيبي
*الله يسلمك ياجدتي
:ياللا غير هدومك وتعالى عشان عاملالك كل الاكل الي بتحبه
*ايوة بقى وحشني اكل مصر اوووي ووحشني الاكل معاكي
ابتسمت الجد بحنان: ياحبيبي ربنا متيحرمني منك
قام مجد باخذ حماما سريعا وبدل ملابسه لتريننج اسود واخبره الخادم بان الجدة تنتظره على السفرة نزل مجد ليجد كل مالذ وطاب على السفرة
جلس وبدأ بتناول الطعام بشهية كبيرة على غير عادته وكان يتجاذب أطراف الحديث هو وميادة ولكنها فاجئته بسؤال جعله يتوقف عن تناول الطعام حين قالت : ياترى اخبار تالين إيه؟
* تالين ايه الي فكرك بيها
:ازاي بقى دي قريبتنا وانت متعرفش امها الله يرحمها كانت إيه بالنسبالي
*اه كنتي قولت بانها قريبتك فعلا عالعموم هي سافرت
:إيه ليه وازاي تسافر لوحدها
ضحك مجد: ياميادة ياقمر الزمن أتغير والبنات بتسافر لوحدها عادي
*جرا ايه ياولد مانا عارفة قصدس سافرت ليه وازاي
:سفرية شغل اترقت ومسكت فرع دبي كلها كام شهر وترجع
*اها بس ماقولتليش من امتى وانت بتشتغل بالمجوهرات
:عادي كله استثمار
*ولاعشان تفضل قريب منها بعد الي عملته فيها؟
توقف مجد عن مضغ الطعام واخذ يسعل بشدة فناوله الخادم كوب الماء فتناوله وهو يشعر بصدمة الجمته
نظرت إليه ميادة بغضب وقالت: فاكرني نايمة على وداني مكنتش وصلت للي انت شايفه دة لو انا ساذجة
* جدتي انا مش عارف قصدك ايه
: ماتحاولش تخبي عليا انا عرفت كل حاجة من وقت ماسيبت القصر دة لحد مااتعمل فيك الي اتعمل انت وتالين
مجد بانفعال* طيب انا مش هسألك عرفتي ازاي عشان اكيد أسر كلب الفلوس هو الي اتمحك برضاكي وحكالك
ثم اكمل بنبرة منهزمة بس قوليلي اعمل إيه حاولت اخليها تفضل هنا رفضت انا اول مرة اعجز ومعرفش اتصرف وخبط بيده على السفرة صائحا: تعبت مخي واقف ومش عارف انا ذنبي إيه انا اتاخدت على خوانة زيها الفرق اني سكري ونسوانجي ياتيتة بس هي متستاهلش يتعنل فيها كدة
ووضع رأسه بين يديه : واهي سابت البلد بالي فيها اينعم هي تحت عينيا بس مش قادر اعمل اي حاجة غير حمايتها وحتى اني اقولها الحقيقة لا اجرؤ اني اصارحها
اقتربت منه الجدة وامسكت بيده وهي تشعر بالشفقة عليه قارتمى باحضانها فضمته وقالت : متقلقش ياحبيبي أن شاء الله هانلاقي حل اصل انت متعرفش امها عملت معايا إيه
: عملت ايه معاكي عشان تهتمي ببنتها كدة
تنهدت الجدة بأسى * هاقولك يامجد هاقولك كل حاجة
واخذت الجدة تقص على حفيدها حكايتها مع هناء والدة تالين قائلة : كنت انا وهناء اقرب اتنين في العيلة لبعض كان جدك ساكن هنا بس كان بيت كبير لامم عياله حواليه امي وام هناء وابو يحيي كلنا اتجوزنا هنا معاه امي حسنية خلفتني انا واخويا الله يرحمه مات في حادثة وخالتك حسناء ام هناء خلفت هناء وهاني وخالك حامد ابو يحيي خلف يحيي وعمر ومنى
جدي كان راجل شديد كان عنده اراضي زراعية في الصعيد وكان بيشتغل هنا اكبر تاجر خضار وفاكهة كان بيحب كل اولاده وحنين عليهم بس حسناء لان جوزها مات بدري وسابها بعيالها كان ليها بقلب ابوها مكانة خاصة هي وعيالها ودة خلى امي وخالي يغيرو ويخافو لجدي يكتبلها املاك اكتر وتقريبا هو كان ناوي لحد ما خالي ابو يحيي لفق لام هناء مصيبة سودا حطلها هو ومراته فلوس مسروقة من جدي واتهموها ظلم ومكتفاش بكدة دة اتهمها بانها على علاقة بواحد شغال عندنا وجدك غضب عليها وطردها بعيالها اليتامى وهي مشيت بكل عزة نفس من سكات بس بصت لجدي وقالتله انا اتظلمت وبكرة تعرف حسبي الله ونعم الوكيل
ومشيت ومحدش عرف عنها حاجة غير ان ولاد الحلال جوزوها لراجل مقتدر مبيخلفش والراجل بيحب عيالها اوي وبيعتبرهم عياله
وتعدي السنين وجدك يعرف الحقيقة وقتها غضب على خالي وطرده وحرمه من الميراث وخالي كان عامل حسابه بقرشين واخد مراته وعياله وسافرو لحد النهاردة معرفش عنهم حاجة وجدي فضل يدور على خالتي ولما لقاها حاول يرجعها ولكنها رفضت وكانت بتوده بدون ماتاخد منه قرش وقبل مايموت كتب لأمي كل حاجة ووصاها على ام. هناء ولكن امي طمعت ومارضتش تدي لاختها حاجة وحتى لو عرضت كانت ام. هناء هاترفض المهم فضلت انا وهناء على صداقتنا لحد ماامها ماتت
وبعدها انا اتقدملي جدك وقبل الجواز تعبت اوي وكان لازمني زرع كلى وفصيلة دمي نادرة وامي قالت هاتدفع اي مبلغ مقابل ان حد يتطابق معايا يتبرعلي
لحد ماهناء عرفت وقررت تتبرعلي وفعلا طلعت مطابقة وقتها اخوها رفض ولكنها صممت برغم كل الي حصلها هي وامها من امي انقذت حياتي ورفضت تاخد جنيه وبعدها اختفت من حياتي لان امي اتهمتها انها اتبرعت بكليتها ورفضت الفلوس لانها عاوزة نصيب في التركة مش فلوس بس ساعتها مشيت ومارجعتش تاني غير وهي بتعزمني على فرحها على قاسم الي بعد كدة طلقها لان واحدة أرملة لفت عليه واتجوزته
واخوها عيشها معاه عيشة مرة لحد مابالعافية قبلت مني مبلغ اشترت بيه شاليه لان تالين بنتها كان نفسها بشاليه على البحر وكتبته باسم بنتها وبعدها اتقهرت من اخوها الي حرمها من بنتها ومراته الي كانت مشغلاها خدامة وهي كانت لاحول ولاقوة وبعدها تعبت وماتت
كانت الجدة تبكي :عرفت ياابني انا ليه مهتمة بتالين لولا هناء كان زماني ميتة واحساسي بالذنب على حرمانها من ورث امها بيقطع قلبي خصوصا لما شوفتها بالصدفة وعرفت مرات ابوها عملت فيها ايه
مجد كان يشعر بالدهشة وهو يستمع لجدته والألم يعتصر قلبه على تالين ومعاناتها
فقال للجدة:اهدي ياحبيبتي وان شاء الله هانرجعلها حقها ونلاقي حل سوا
ابتسمت الجدة وغمرته بحنان ودعت له:ربنا يهديك ويبعدك عن كل شر قلبي راضي عنك ياحبيبي
عودة لدبي وهي بعيادة علي ابن عم عدي الذي قام بعد فحصها بسؤالها:متجوزة بقالك قد إيه
*إيه السؤال دة ليه بتسأل يادكتور
ابتسم الطبيب الشاب:مفيش ياستي عشان نبارك لجوزك على الحمل مبروك يامدام تالين انتي حامل بشهرين
صرخت تالين:ايييه ثم وقعت مغشيا عليها وحين استعادت وعيها كانت ترقد على سرير بالمستشفى تطلعت حولها لتجد المحاليل معلقة بذراعها
بكت وهي تقول لنفسها:يعني لما اقرر انسى الي حصل لازم يفضل حبل يربطني بالليلة المشؤومة دي اعمل ليه ياربي والناس هايقولو عليا إيه يادي الفضيحة يارب اعمل إيه
قاطعها دخول عدي مبتسماً :سلامتك ياقمر
نطرت اليه بعين دامعة:عدي فين الدكتور
* ايه ده بتعيطي ليه الموضوع بسيط هو جاي ومتقلقيش قال انك مرهقة وعندك انيميا
😲:هو قال كدة
دخل علي مبتسماً :حمد الله على السلامة
تالين:عدي ممكن تسيبنا لوحدنا
:آه اوي عن اذنكم
تالين: دكتور انا عاوزة اعرف هو انا حامل بجد
علي :ايوة وانا ماقولتش لعدي لانه قالي انك غير متزوجة #بقلم_مرفت_السيد ومن رد فعلك حسيت ان وراكي حاجة مش عاوزة حد يعرفها فاعتبريني اخ او صديق في الغربة وانا الي عاوز اعرف منك حكايتك ايه عشان اقدر اساعدك
تالين بعد صمت وتفكير :انا هاقولك كل حاجة بس لو سمحت كلامي يفضل سر
علي:اكيد متقلقيش
نظرت اليه تالين كان يبدو عليه الوقار والاحترام يبدو شخص جدير بالثقة عينيه تشعان ذكاء ونظراته خجولة وكان يتحدث بأدب مما جعلها تقص عليه ماحدث واختتمت كلامها قائلة:وادي نسخة من الفيديوهات الي بتثبت كلامي اخدتها من موبايل ابن عمي من غير مايعرف
اخذ علي الهاتف واخذ يشاهد الفيديوهات التي تثبت برائتها وتثبت المكيدة التي تعرضت لها كان علي يشعر بصدقها فاعاد لها الهاتف وقال:لا حول ولا قوة الا بالله ربنا ينتقم منهم
طيب انتي ناوية على إيه
:مش عارفة انا ممكن ارجع مصر افضل
*ليه
:اهلي يساعدوني
* طالما وثقتي فيا انا ممكن اساعدك
:إزاي
* مش عارف بس هافكر وهاوصل لحل باذن الله ودلوقتي هاسيبك ترتاحي وهاقول لعلي انك محتاجة تفضلي هنا يومين لان عندك انيميا
:بجد شكرا انا مش عارفة انا وثقت بيك ازاي بس احساسي مش بيخيب ووقفتك حنبي نش هانساها
*لا شكر على واجب ارتاحي ومتفكريش كتير
اتصرف علي وتركها وهي تفكر وتدعو الله
وباليوم التالي جاء علي وهو متحمسا لرؤيتهاوقال لها:تالين انا لقيت حل ممكن يساعدك
*بجد طيب قول
وبدأ علي يخبرها بفكرته التي جعلتها بحالة صدمة فما اقترحه عليها يبدو غريبا جدا
فقال لها:........