رواية اسود وابيض
الفصل العاشر10
بقلم جمانه السعيدي
خليل...ثاني يوم قررت احجي وياا صديقي علي
على موضوع خطبتي من مريم
محتاج احجي وياا اي احد ومحتاج شهود ثنيين على زواجي
اني اثق بعلي اتصلت علي
خليل...شلونك علي
علي...هلوو شلونك هليام ماتبين ولا تجي ويانا من نطلع
خليل...تعال اريد احجي وياك نطلع مكان اي مكان اريد احجي محتاج احد يفهمني
علي...مر عليه راح اغير ملابسي وانتضرك
خليل ...تمام
مريت علي باب بيتهم صعد وياي
علي...هااا خير مبين عليك ضايج
خليل...عندي موضوع اريد احجي وياك بي محتاج مساعدتك
علي...عيوني الك
خليل...تسلم اني خطبت وراح ازوج
علي...تزوج شلون يعني تزوج وحده ثانيه على بت عمك
لو شنو
خليل...اي المشاكل ما تنتهي بيني وبينها ابد ابد مامرتاح وياها انانيه ماتفكر بس بنفسها
مالها شغل بيه حتلو احترك كدامها ما تسئلني شبيك
اهم شي حنفية الفلوس ماتنسد
علي...بس انت تحبها
خليل..قبل جنت احبها بس من عاشرتها وعرفتها على حقيقتها كرهتها
علي...بس هيج خطوه صعبه اكيد اذا عرفو بيت عمك راح تكبر المشكله وعلاقة ابوك بعمك تخرب
خليل...تعبت علي تعرف شنو تعبت بعد مااكدر إداري خاطر اهلي وبيت عمي على حساب سعادتي
هاي خمس سنوات واني عايش اتعس حياة
كل يوم اكول راح تتغير بس بدون فايده تعبت بعد مااكدر اتحمل اكثر جمانه السعيدي
علي...خلاص سوي الشي الي يريحك
خليل...اني خطبت بدون اهلي مايعرفون
علي...حتى ابوك
خليل...لا ابوي ولا اخوي ولا اي بشر انت اول واحد تعرف بهاي السالفه
علي... اهل العروس وافقو على الزواج بدون مااهلك يحضرون لو يعرفون
خليل...اي موافقين حتلو ازوج بيتهم ماعدهم مانع
بس اني اول مايفرغ بيتنا اكو بيت عدنا بعد اسبوع وينتقل منه المؤجر
ازوج بي اجيب اثاث البيت الي كاعد بي اني هسه
انقل اثاثه وارجع البيت الأصحابه
مو تعرف البيت الي اني ماعد بي اجار
علي...واذا رجعت اسيل
خليل...اني شرطت عليها اذا ترجع ترجع بيت اهلي واذا ما تقبل ماكو رجعه
جمانه السعيدي
علي....خلاص كلشي تمام ليش متوتر
خليل...لان اول مره اسوي شغله بدون علم اهلي
علي...ترا عادي الزلم تزوج مرتين وتلاثه ويصير عدهم اطفال
ومحد يعرف بيهم كلش عادي
خليل..العروس ماتعرف اني مايصير عندي اطفال
علي...يمعود من يكول هي تطلع تخلف ايجوز هي تطلع
ماتخلف ترا الجهال مو كلشي بلدنيا عيش واسعد نفسك بنفسك ايجوز تسعدك اكثر من اسيل
انت سئلت عنها عن اهلها
خليل...كل الي اسئلا عنها يحمد بااخلاقها بنيه مؤدبه ومتربيه الف مره مو مره وحده
علي...اني اعرفها
خليل...اي تعرفها
علي..منو
خليل...مريم
علي...مريم منو مااعرف وحده بهذا الاسم
خليل...مريم الي دهسته بلسياره
علي...لا بشرفك
خليل...اي هي ولا تحجي اي كلمه عليها
علي...بس اني خايف عليك شلون خلتك تخطبها اني من البدايه ماارتاحيت الها
خليل...بلعكس شلون بنيه ادب وأخلاق وتربيه
علي...اي فهمني شلون خطبتها
خليل..بقيت اتواصل وياها علمود ايدها عجبتني طريقتها
علي..خاف كفختك بسحر شافت السياره والفلوس
خليل...بلعكس اني الي بقيت اللح عليه
لو احجيلك اصدك كلامي
علي...طبعا اصدك اني صديقك واعرفك من زمان
خليل...ابد ماكنت ناوي ازوج ولا مخطط الهيج خطوه ولا اجت على بالي بيوم
بس بلحظه واني ادك باب بيتهم اجتني هاي الفكره
بلحظه نزلت هاي الفكره ابالي دخلت بيتهم وطلبت ايدها من امها يعني الشغله كله مااستغرقت عشر دقايق
من فكرت اخطبها الحد ما تقدمتلها
حتى اني متعجب شلون طلبت ايدها مااعرف
علي... اذا تحس نفسك تورطت اسحب نفسك من هذا الموضوع لو انت عقدت
خليل...لا بعدني ماعقدت باجر نعقد اني تفقت وياها هذا الزواج يكون بلسر الحد ماادبر اموري
وهي تعرف اني مزوج بت عمي باجر أعقد
احتاجك شاهد وبعد وياك واحد
علي...يله اتوكل على الله ايجوز خير
خليل....انشاء الله خير ترا الإنسان مايعرف الخير وين
اله يجرب
اني ازوجت بت عمي اعرفها كل المعرفه وأخذتها على حب
وبعدين انصدمت بيها
يمكن رب العالمين يعرف حالي ودبرلي هاي الزواجه
ايحوز خير على عين مريم
علي...خلاص مبروك اخوي اني حاضر اروح وياك الجهنم الحمره اذا تريد فوت واني بضهرك
واعتبر هذا الكلام سر بينا ومراح يعرف بي اي احد
جمانه السعيدي
خليل.. كلامي وياا علي طمني
رحت بيت مريم دكيت الباب
مريم منو
خليل...اني خليل
مريم...اهلا وسهلا
خليل...شلونج امج شلونها
مريم...الحمد لله تتفضل عدنا
خليل....لا بس اجيت اكلج باجر جاهزه نعقد عقد شيخ
اني مااريد هوسه اجيب الشيخ واجي بليل
مريم...براحتك ماعندي مشكله
خليل...خلاص باجر موعدنا نعقد وانطيج فلوس المهر اجهزين نفسج
بعد اسبوع الزواج انشاء الله
مريم...هاي هي
خليل...اذا محتاجه شي كولي
مريم...لا ما محتاجه شي شكرا
خليل...مع السلامه
مريم...الله وياك
خليل.... اسيل راح تتخبل شلون اني مالي شغل بيها ولا رحت اصالحها
اني الي جنت مااكدر لحظه وحده على زعلها
شلون عايفها ومالي شغل بيها
لا واشرط عليها شروط حتى ارجعها حلفت اله اربيها من جديد واطلع تصرفاتها الخايسه وياي من خشمها
الصبح الساعه عشره رن عليه رقم غريب واني بلشغل
خليل...الووو صوت بنيه
....عيوني انت خليل
خليل...تفضلي اي اني خليل
...عيوني اسيل وكعت بلمستشفى سكرها هبط اني زميلتها فتحت تليفونها حتى اتصل على اهلها
لكيت رقمك اول رقم مكتوب زوجي خليل
ممكن تجي تأخذها من المستشفى
خليل....هههههه هههههه ههههههه
...ليش تضحك ترا اسيل بلطوارء
خليل...ههههه كليلها تلعب غيرها خليل الغشيم مات
شوفي هذا التليفون الي بايدج اكو بي رقم ابوها واخوها اتصلي عليهم خل تمشي لعبتها عليهم مو عليه
اوكفي كوليلها لو تموت واشوف ورقة وفاتها بعيني
هم ماامشي بجنازتها
شلون لعبه هههههه اسيل تخربطت
عسى ما تموت اني شلي شغل بيها
خل تجرب هاي السوالف على غيري اني حافظها حفظ
سديت التليفون وكمت اضحك ولله غبيه
وكعت بلمستشفى اي خطيه وماكو رقم غير رقمي بتليفونها
بعد وبعد يااسيل اذا ماازوج وانزل خشمج للكاع
مااسمي خليل
اني اعلمج حلفت اخليج تتوسيلن
من سمعت كلامج عليه وكعتي من عيني
وهسه انتي جاي تتوسلين بيه وبعد اكثر اله ارجعج للطريق العدل جمانه السعيدي
شلون حياله عود اخاف عليها واروح اصالحها هههه
غبيه لوما غبيه مجان ضيعتني من ايدها
لو تموت ماتلكه واحد مثلي
بليل سبحت وتعطرت ولبست دشداشه بيضه مريت على علي اخذته ورحت جبت الشيخ الي يعقدلنا وطلعنا البيت مريم
دكيت الباب
طلعلي ابو محمد وام محمد جيرانهم وياهم ولد تقريبا عمره عشر سنوات
ابو محمد عمره تقريبا ٥٥ رجال ضخم ملتحي لابس دشداشه وعبايه وجفيه وعكال
شكله هيبه
ابو محمد...اهلا وسهلا تفضلو وينه خليل
خليل.. اني خليل وهذا صديقي علي
ابو محمد...اهلا وسهلا تفضلو
خليل...شلونج خاله ام محمد
ام محمد...اهلا وسهلا تفضلو زارتنا البركه
خليل.. كعدنا الله بلخير
ابو محمد.. الله بلخير والعافيه
ابو محمد. ...بس حبيت أوضح شغله احنا وبيت ام مريم مو بس جيران
احنا اقارب من من بعيد تربطنا خوله بينا وبينهم
مريم عدها عم عايش بلريف مات قبل سبع سنوات
تعرف اذا الكبار ماتو تنكطع المحنه
عمها عده اربع بنات كلهن مزوجات هناك بلريف وعايشات
وكلمن ملتهي بعيشته
خليل... ابو محمد انت مثل ابوها تكفي وتوفي
ابو محمد...الله يخليك
اني الله شاهد عليه اعز مريم مثل معزة بناتي الي يخلي مريم بيته ماخسران شي
معدله وبت اصول
خليل....ابو محمد انت الشاهد على زواجنا واني اقسملك قسم رجال بعمري مراح ااذيها
حتلو مااتفقنا اني وياها مراح ااذيها ابد
ابو محمد...مبين انت ابن أصول وإنشاء الله تتفقون
اني هم سئلت عنك والنعم منك ومن ابوك الناس كلها تحمد بااخلاقكم
خليل.. والنعم من اصلك خير انشاء الله
دخلت ام محمد جوا شويه وكال ابو محمد يله شيخنا تعقد للعروس
الشيخ وابو محمد كعدو بلهول ومريم وامها وام محمد بلغرفه
علي...بيتهم ولله قديم
خليل...مو بيتهم
علي...صدك هاي الخرابه مو الهم
خليل...مساكين عايشين بلكوه
رجع علينا الشيخ وبدا يعقد الخليل والشهود ابو محمد
وعلي
ابو محمد....مبروك الف مبروك شايف كل الخير
علي....مبروك اخوي
خليل...الله يبارك بيكم
جابتلنا ام محمد ببسي وجكليت
شويه وترخص الشيخ وابو محمد هم طلع
علي.. اني هم اترخص حتى تتعرف على زوجتك
خليل....شكرا اخوي
علي....تدلل انشاء الله زواجت الخير عليك
خليل.. انشاء الله
بقيت وحدي كاعد شويه واسمع ام محمد
ام محمد....تعاي مريم بس زوجج بقى تعاي سلمي علي
مريم...اي اجيت
خليل...عيني على الباب راح اشوف مريم بدون بوشيه وعبايه اول مره
بعد ماصارت زوجتي