رواية اسود وابيض
الفصل الحادي عشر11
بقلم جمانه السعيدي
خليل...كاعد بلكاع وعيني على الباب
دخلت ام محمد
ام محمد...بلخير عليك وليدي ياحسن ماختاريت مريم
بت حلال الله يهنيكم ويسعدكم
خليل.... وكفت على حيلي وكتلها شكرا خاله الله يبارك بيج
ام محمد...اترخص منكم
خليل...الله وياج خاله
طلعت واسمع مريم تكول ليش ماتبقين خاله
ام محمد...لا خاله اروح البيتي الله يسعدكم
خليل...بقيت واكف وعيني على الباب
راسا دخلت مريم بقيت اباوع عليه واني منبهر من شكلها
عيونها سود حلوات وجها ابيض عدها نونات بخدودها
شعرها اسود طويل جسمها مرتب عبالك منحوت نحت
من سلمت عليه طلعن أسنانها
أسنانها بيض وعبالك صفين ليلو
لابسه ثوب وردي بسيط ضيك وطويل مابي اي تفاصيل
بس طالع عليها يخبل
مريم....مساء الخير
رفعت عينها شافتني اباوع عليها باعجاب راسا دنكت
خليل...مساء النور بقت واكفه بيني وبينها تقريبا متر ونص
خليل...مديت ايدي وكتلها تعاي
قربت تمشي بخطوات بطيئه وهي مدنكه
بقيت ماد ايدي الها قربت نزلت ايدي ولزمت ايدها
ايدها جانت ترجف بايدي
خليل...مبروك
مريم...الله يبارك بيك
خليل...اكيد لازم تكونين لابسه بوشيه على هذا الجمال
ماردت عليه بقت ساكته وتتحاشا تباوع عليه
خليل...اكعدي
كعدت اني وهي كعدت بصفي
حسيت نفسي مراح اكدر اشبع منها
عدلت كعدتي وصرت كبالها وقربت عليها
رجعت مديت ايدي وأخذت ايدها
خليل....اني فرحان حسيت كلبي اطمن من شفتج وانتي
مريم...اني من اول يوم شفتك كلبي اطمن
من صعدت وياك بلسياره
انت شكلك مريح مبين ابن اوادم
لو ماحسيت بالأمان مجان صعدت وياك بذاك اليوم
خليل...ليش ما تباوعين عليه من تحجين وياي
مريم...بس شويه خجلانه
خليل... بس اني اريد ابقى اباوع عليج الصراحه اني
وكعت من شفت عيونج
مريم...كلامك يخجلني اكثر
خليل...زين باوعي عليه كولي شنو ردت فعلج من شفتيني
مريم...رفعت عيني بس اني شايفتك واعرف ملامحك
اني الجنت لابسه بوشيه وانت ماشايف وجهي
خليل....بس اريد اشوف نفسي بعيونج
مريم...خل احجي لان كلامك يخجلني
خليل...اي احجي اني اريد اسمع صوتج
مريم.....اريد اسئلك سؤال
خليل...اي اسئلي اي شي يخطر على بالج
مريم... شلون فكرت تزوجني
خليل...اذا احجيلج الحقيقه تصدكين
مريم...اكيد ماكو داعي للجذب
خليل...ابد مايخطر على بالي بيوم ازوج ولا مفكر مجرد فكره بهذا الموضوع حتى من شفتج هاي الفكره مااجت على بالي
دكيت بابكم حتى اطمن عليج
بهاي اللحظه نزلت الفكره براسي لكيت نفسي وأكف اكلج اريد اشوف امج
مريم...يعني انت ما مخطط تزوج مره ثانيه
خليل...ابد بعمري مافكرت بهاي الفكره
مريم...شنو نزل عليك الوحي ههههه
خليل...الله شنو هاي الضحكه الحلوه جمانه السعيدي
خجلت من كلامي دنكت اجا شعرها ليكدام
رفعت ايدها رجعت شعرها
خليل...شعرج حلو
مريم... شعري هذا وراثه امي شعرها هيج
خليل...خل اشوف طوله
سحبت شعرها من جهه وكالت شوف
لزمته ناعم وريحته طيبه
خليل...ممنوع تكصين شعرج
مريم...انشاء الله جوعان اجيب اكل
خليل...شنو طابخه لو ما تعرفين اطبخين
مريم...اصلا اني محد يلحكني بلطبخ
لو اطبخ مركة عدس الكل يكول شكد طيبه
خليل...صدك شلون مدبره مصرفكم لان راتب الرعايه كلش قليل
مريم...اول مااستلم الراتب اشتري علاج يكفي شهر الامي
وباقي الفلوس اقتصد بيهن
ومرات الجوارين يدزولنا اكل
يمعود اذا على الأكل البطن كلشي يشبعها
خليل...انتي اليوم شنو طابخه
مريم....اني جنت حاسبه حساب تتعشى عدنا جبت دجاجه وطبخته
خليل...اني مو هلكد علاقتي بلدجاج بس خل اشوف طبخج
مريم...هسه دقيقه اطمن على امي
خليل...براحتج امج بعدها ما متعشيه
مريم...لا تعشت وأخذت علاجها بس اني كل شويه احب اطمن عليها
هسه اشوفها وارجع انتضرني شويه
طلعت اباوع عليها تمشي مثل الغزال وشعرها يتحرك على ضهرها قبل جان عندي قلق من خطبتها
بس هسه لا كلبي اطمن
حتى طريقتها بلكلام مريحه
جمانه السعيدي
سمعتها بلمطلخ تحرك بلمواعين
كمت رحت وراها
وكفت بلباب تحتاجين مساعده
مريم...لا دشداشتك بيضه تتوصخ
خليل...لا خل اساعدج
قربت عليها ماشاء الله محضره كلشي زلاطه وماعون فواكه طلعت الدجاج من الفرن
خليل..امج كاعده اسلم عليها
مريم...اي كاعده
خليل...دكيت الباب شلونج حجيه
ام مريم...هله يمه مبروك شايف كل الخير انشاء الله
قربت بست ايدها شكرا حجيه الله يبارك بيج
ام مريم....ماعندي بس طلب واحد دير بالك على مريم
خليل..اخليها بعيوني تدلل
ام مريم ...ولله انت مبين ابن حلال
مريم...يله الاكل جاهز تعال
خليل...اي اجيت اخذي راحتج حجيه
طلعت لكيتها محضره الاكل
دجاج شوي وزلاطه وفواكه وخبز وببسي
كعدنا اني وياها
خليل...المفروض العشى عليه
مريم...بسلا تحب الاكل الجاهز
خليل...لا بس ماحبيت تعبين
مريم...شنو التعب بلموضوع دجاجه بلفرن وين التعب
خليل...خل اكل وانطيج رائي بصراحه
اذا مو طيب الاكل خوما ازعلين
مريم...اتحداك تاكل وتكول مو طيب
خليل...هااا بيها تحدي بسم الله الرحمن الرحيم
مريم...بسم الله الرحمن الرحيم
خليل...طبعا طعم الدجاج ما يوصف كلش طيب
طعمه حامض على حلو بي نكهه غريبه وشويه حار ريحه طيبه موزفر مستوي بس مو يابس ترف
خليل....عاشت ايدج يخبل
مريم..بلعافيه
خليل...خاف جاهز مو طبخج
مريم....صدك تحجي باجر تعال راح اطبخ مركة عدس وتمن علي شعريه وشوف الطعم
اذا ما تطلب عدس كل يوم
خليل.. حيل ولا اذكر يمتى اخر مره اكلت مركة عدس
ما نطبخها بلبيت لان محد يحبها
مريم...باجر شوف العدس شكد طيب
خليل...انتي كلشي بيج حلو شكلج وطبخج وكلامج
مريم...عود تريد تحرجني حتى تاكل الدجاجه وحدك
ابد لاتفكر اخليك تاكل وحدك هههه
خليل...الف عافيه هههه
مريم... الله يعافيك
جمانه السعيدي
كملنا اكل ودخلت للمطبخ تحضر الجاي و غسلت المواعين
اجاني تليفون ابوي يسئل عني
ابوي...اليله ماشفناك مااجيت
خليل.. يم جماعتي ارجع انام بيتي
ابوي.. ليش ما تجي تبات عدنا
خليل...لا اني متعود انام بيتي
ابوي.. اقفل البيبان زين
خليل...شنو القصه قابل اني زغير
ابوي...بعيني انت طفل وشما تكبر بعدك طفل
هسه لو مرجع اسيل احسن ما تبقى بلبيت وحدك
خليل...لاتخاف عليه مامحتاج احد
ابوي.. غيرت الموضوع تصبح على خير
خليل.. وانت من اهل الخير
رجعت عليه مريم لابسه دشداشه تخبل سمائيه ربع ردن
خليل...الله شنو هذا الثوب الحلو
مريم .هاي دشداشه اشترتها اليه خاله ام محمد هي وهذا الفستان الوردي الي جنت لا بسته
من سمعت راح انخطب راحت اشترتلي
خليل...اذكرت هاي فلوس المهر اشتري اي شي يعجبج
تردين اني اجي وياج
مريم...لا ماكو داعي اتعبك خاله ام محمد تجي وياي
خليل...اريد رقم تليفونج
مريم...اني ماعندي تليفون
خليل...يعني بيتكم ابد مابي تليفون
مريم...ما نحتاجه هو بس اني وامي لا نطلع ولا نمشي
بعدين يكولون يحتاج رصيد
عليمن هلخساير هيج احسن
خليل. اني اجيبلج تليفون
مريم.. مااحتاج تليفون
خليل...منا وهيج تحتاجين تليفون حتى نتواصل اني وياج
مريم..وكل يوم تخلي رصيد بخمسه لو بعشره ويخلص
عليمن
خليل...لا التلفون ضروري
مريم...اشرب الجاي برد
خليل....طيب الجاي
مريم. اجيبلك بعد
خليل...روحي جيبي القوري وتعاي اني كلما اخلص اصب من جديد
مريم...موزين هواي ما تنام
خليل...وين لاكي هاي الكعده الحلوه اني مااريد انام
مريم...الله يجبر خاطرك مثل ماجبرت خاطري
خليل.. اي اني محتاج هيج دعوه حلوه
مريم...كل يوم من عرفتك لليوم ادعيلك لان ساعدتني
خليل...هاي مو صدفه عاديه
هاي احلى صدفه رب العالمين خلاها بطريقي حتى اتعرف عليج
مريم...اني صدفه سعيده
خليل...انتي احلى صدفه
مريم... تحب زوجتك
خليل...ليش سئلتي هذا السوال
مريم...لان انت حلو واسلوبك حلو شخصيتك حلوه
ماناقصك شي شلون عافتك مااعرف
لو اني زوجتك الأولى اقاتل وادافع عنك وادخل حرب
واضحي بكلشي ومااخسرك
خليل...ابتسمت من طريقتها بلكلام
.عاملتها مثل الاميره واحسن وحتى كلمه حلوه ماجنت اسمع منها
مريم. غبيه وما تفتهم
خليل....خوما انتي تتغيرين ورا الزواج مثلها
مريم...الايام راح تخليك تشوف مريم احلى من هاي الي كاعده كبالك
بعمري مراح اتغير عليك
لا تتوقع اني قبلت بيك علمود فلوسك
لان اني عايشه والحمد لله ما ناقصني شي رب العالمين متكفل بيه اني وامي عايشين بخير والحمد لله
بس اني وافقت عليك لان حسيت اكو بكلبك رحمه
وافقت امي تبقى تعيش وياي وما قبلت اتخلى عنها
خليل...احبج
مريم.. اني هم احبك بس اذا ساومتني بينك وبين امي
راح اختار امي
خليل... من شفتج متمسكه بامج حبيتج اكثر
مريم... واني حسيت بالرحمه بكلبك وحبيتك