رواية زواج في الحرب الفصل العاشر10بقلم اماني الروح

كلنا كنا تعبانين خصوصا نسمة كان واضح انو في حاجة مؤثرة فيها غير الحاجة المرينا بيها كلنا كانت ساكتة على غير عادتها ومن نزلنا ما اتكلمت ولا حتى رضت تاكل حاجة  😔😔حاولتا اتكلم معاها واعرف بس ما رضت تتكلم ماحبيت اضغط عليها خليتها بي راحتها ..ارتحنا شويا وصلينا واكلو انا برضو ما قدرتا اكل لانو خفتا اتعب زي قيبل🤢🤢 مصطفي برضو متجاهلني تماما وكأني ما موجودة اصلا معاهم بي الجد اضايقتا شديد بس شغلتا نفسي مع تالا💔💔 الساعة كان مرت رجعنا الباص تاني قلتا لي مصطفي ممكن تبدل نسمة تجي تقعد جمبي ولا سألني لي

 اصلا كانو ما صدق اني طلبتا منو كدة الحيوان😖😨 طوالي بدلها جات قعدت جمبي قصدتا كدة علشان اشغلها شويا واطلعها من الحالة الهي فيها دي حاولت تجاملني شويا بس تاني رجعت سكتت🙁☹️ بعد شويا دموعها نزلو قلتا ليها انا متأكدة في حاجة يا نسمة والحاجة دي ليها علاقة بي الشفتيهو وبعديها دخلتي في صدمة قالت لي ايوا شفتو يا ريل شفتو مع الجثث كان ميت😭😭 ياريل قلتا ليها اهدي يا نسمة شفتي منو بالضبط قالت لي حبيبي قلتا ليها ما جادة اقسم بالله😱😰 بدت تحكي لي عنو قالت لي هو اتخرج السنة الفاتت من الكلية الحربية وكنا مخططين نتخطب في العيد دا بس من يوم الحرب قامت وانا ما عارفة عنو حاجة😢😥 اتصل علي مرة واحدة وقال لي حا انزل معاهم قدر ما حاولتا امنعو رفض قال لي انا حالف قسم وكدة حا ابقي خاين لازم انزل احارب💔🥺 وانا على وعدي معاك اول ما كل شي يخلص حا اجي أتقدم ليك ولو كمان ربنا أراد اني اموت اعفي لي وعيشي حياتك وادعي لي كتيررر واكيد حنتلاقة في الجنة وقفل الخط على كدة💔😭 ومن يومها تاني ما سمعتا عنو حاجة كل يوم بتصل عليهو بس ما كان بخش معاي كل يوم كنت بتعذب وانا ماعارفة عنو حاجة الليلة شفتو غرقان في دمو وميت😭😭 ومرمي في الشارع انا قلبي وجعني شديد يا ريل هم لي بعملو كدة الحرب دي المستفيد منها منو نحن بنحارب في منو بي الضبط كل واحد من الضباط او العساكر البموتو ديل ما بموت براهو وراهو ناس بتموت بي موتهم 😢😥منو المستفيد ياريل ونحن اولاد بلد واحد بنقتل بعض بي دم بارد انااا ما قادرة استوعب انو خلاص مات وتاني ما حا اشوفو ما قادرة استوعب اني تاني ما حا اسمع صوتو لي كدة والله حراااام😭😭كان شاااب وعندو احلام كتير وطموحات وكان

بحب السودان اكتر من اي حاجة لما كان بتكلم عن البلد كان صوتو بتهزا وفي عبرة بتقيف ليهو في حلقو 😨😰كنت بحاول اخفف عنو بس دايما كان بقول لي انا نفسي اموت وانا بدافع عن البلد دي 💔😭.. حقيقي قطعت قلبي ومتأكدة في ناس كتير زي نسمة متالمين لي فقدان حبايبهم او إخوانهم او أولادهم وفي اطفال كتير اتيتمت والمصيبة انو بنقتل في بعض بدون نعرف المستفيد منو😭😭 ربي يصلح حال البلد .. ما عرفتا اواسيها بي شنو غير اني ابكي معاها فقيدهااا مرت الخمسة ساعات وكأنها خمسة سنة وصلنا بورسودان مصطفي كان عندو صحبو ساكن هنا وحجز ليهو شقة مفروشة🤨😔 نزلنا

 فيهاااا ومن التعب او بي الاصح من الحزن اي زول رقد في سرير بدون ما نتبادل اي كلام كان الصمت هو سيد الموقف 🤫🤫 صحيت الصباح على صوت تالا وهي بتقول لي ماما انا جعانة شلتها ومشيت غسلتا ليها ودخلنا المطبخ لقيت مصطفي في وشي ☺️😊 اصلا غضبانه منو وما طايقاهو قال لي صاحين بدري لي قلتا لي توتا جعانة في شنو ممكن تاكلو فتحتا الثلاجة لقيتا فاضية 🙂🙃 قال لي نازل اجيب حاجات اجيب ليكم شنو لي الفطور قلتا لي اي حاجة مافارقة بس جيب حليب وبسكويت لي تالا وبعدين ارجع جيب الفطور لانو ما حتستحمل  😗☺️ حبيت اخلق جو بينها وبين ابوها قلتا ليها توتا حبيبي رايك شنو تمشي مع بابا تجيبي الحليب او حاجة اترددت بس تاني وافقت شالها وهو مبسوط 🙂🤣 رجعو بعد نص ساعة قال لسة مافي زول صحي قلتا لي لسة شلتا منو الحاجات ودخلتا بيها المطبخ تالا جات لاحقاني وهي بتحاول تفتح البسكويت 🤤🤤عايز اطلع اجيب تلفوني خبطتا في مصطفي قال لي اسفة رجعتا اقول ليك شكرا عاينتا ليهو ومارديت عليهو مشيت جبتا التلفون وجيت لقيتو طلع قلتا احسن واحد غبي وبتاع مذاجات ومنفسن 😏😒 سمعتا محمد بضحك قال لي مرت اخوي بتتكلم براها مالا قلتا لي لالا مافي حاجة قال لي جعااان يؤؤؤخ في شنو يتاكل قلتا لي في حليب وبسكويت تاكل مع تالا قال لي طيب ماشي تصبيرة كويسة☺️😚 اديتو هو وتالا طلع ولد ظريف موتني ضحك وهو بحكي لي عن شقاوتو في المدرسة شويا شويا بدو يصحو الجماعة وكلهم كانو جوعانين 🤣😂 

              الفصل الحادي عشر من هنا