رواية اغتصاب ازهار الفصل العاشر10بقلم جمانه السعيدي
مهدي...يمه ابد مو وكتها هاي السالفه اني الهسه ما اكدر انسى نهى
نهى كانت نعم الزوجه وابد مايوم زعلتني وما اكدر اجيب وحده واامن أطفالي يمها
ما اعرف شراح تسوي وراي من اعوفهم يمها
ام مهدي...يمه لاتصعبها عليك وعلى اطفالك
اني اريدك تستقر انت واطفالك تدري اني شايله همهم وين تاليتهم هل مساكين
يجوز ازهار تجيها قسمه زينه خوما تاخذهم وياها
اوكف اجتني فكره ليش ماتخطب ازهار
خوش بنيه ومؤدبه وشريفه وتحب جهالك وهمه متعودين عليها وتكدر اتمنهم يمها وانت بالك مرتاح
مهدي منو يكول تقبل تتحمل مسوليتنا احنا التلاثه ايجوز ماتقبل يمه اني هسه ما بنفسي مره
اجلي هذا الموضوع خل تكمل سنه على وفاة نهى وبعدين الله كريم
ام مهدي...لا ما اصبر باجر اروح واحجي وياها هي وامها ويصير خير انشاء الله
مهدي...يمه عوفيها هسه تكول يستغل اطفاله ويريد ياثر عليه واذا رفضتني بعد بيا وجه اروح البيتهم
جمانه السعيدي
ام مهدي...ليش ترفضك قابل انت شبيك شو بيت ملك عندك وتشتغل ومستور والحمد لله
مهدي ....يمه اجليها شويه خل المدارس تخلص
يله اني طالع عندي شغل وارجع اخذهم ورا العشى
ازهار ضجت من راحووو وجني مضيع شي تعودت عليهم
صار المغرب وما رجعو بقيت واكفه بلباب اباوع بلكت يجيبهم
امي...يمه تعاي صلي هسه يجيبهم لاتخافين
ازهار...يمه كلبي طك عليهم شلون بيه اذا ياخذهم مني
امي..محد ياخذهم منج همه يردونج ومتمسكين بيج
رحت صليت وبديت احضر العشى تعشينا وكملنا وبعدهم ماجابين
ازاهار ...يمه خابري مهدي خل يجيبهم
امي ...هسه يجون خلي بيت جدهم يشوفهم
بقيت اروح وارجع وكلساع امد راسي من الباب صارت الساعه بلتسعه خلص صبري
اندكت الباب فتحته وشفتهم
ازهار...يمه هله والبيت منكم لاخله اشتاقيتلكم
حضنوني اثنينهم وكتلهم جوعانيين اسويلكم عشى
لا اتعشينا وبابا اشترالنا حلويات
مهدي من سمعته شلون تسلم عليهم وتبوس بيهم وفرحته لمن دخلووووو
اتاكدت ساعته كلام امي كله صح
بس خايف من ردت فعلها خاف ترفض وساعتها بعد ما اكدر اجيهم للبيت
مهدي...شلونج ازهار
ازهار...رديت الباب وكتله اهلا وسهلا تفضل التهيت بلجهال ونسيتك بلباب اعذرني
مهدي..ميخالف اذا يحتاجون شي خابريني
ثاني يوم خابر كال اجتني كروه ايجوز اغيب يومين ديري بالج على الجهال خل احجي وياهم
وفعلا حجى وياهم وكل واحد سمع قائمة طلابته
روان تريد جوز وجود يريد ماطور يلعب بي
اليوم الي بعدا اندكت الباب فتحته ام مهدي وكت الغدا رحبت بيها ودخلته جوا
ما ادري ليش خفت من شفتها عبالي جايه تاخذ الجهال
حتى غدا ماكدرت اتغدا
ام مهدي....تغديت وياهم واني اشوفها شلون مهتمه بلجهال وشلون توكل جود لان مايقبل ياكل ملتهي يلعب
بس هي ماعافته ابد يلعب وتوكل بي
وبعدين غسلت الهم ونطتهم جنطهم وكالت يله نحضر الدروس حتى العصر نلعب
جابت الجاي واني كلت الامها عندي حجايه وياج
ورحنا للغرفه الثانيه
جمانه السعيدي
ام مهدي...لو شنسوي مانكدر انجازيكم الي سووتو محد يكدر يسوي جهالنا عدكم نضيفين وشبعانيين وشطار
ام ازهار...ذوله جهالنا ونهى الله يرحمه بتنا وعيونها من عيون جهالها
البارحه اتاخرو عدكم شويه ازهار لازمه الباب وواكفه حتى عشى ماتعشت تباوع الراس الشارع يمته يرجعون
ام مهدي...وعلى هذا الاساس اني اليوم جايتكم مهدي من يوم الي توفت زوجته اتبهذل ياكل برا ويغسل ملابسه بايده
وهو بيت وجهاله بيت
مامستقر ابد واني اليوم جايه اخطب ازهار المهدي محد راح يكدر يداري جهاله ويحافظ على بيته مثل ازهار
وهو اول وتالي راح يزوج قابل يبقى هيج طول العمر
وخاف نجيب وحده غريبه وهي وجهاله ماتتوالم
ام ازهار...انتي فاجئتيني بهذا الطلب ومهدي موغريب علينا وعشرت عمر والنعم منه ومن اخلاقه
بس الرفض والموافقه موبيدي بيد ازهار اذا وافقت ماعندي مانع
اخذ رائيها وارجعلج خبر وانشاء الله خير
ازهار اقري بلجهال وعقلي ياخذ ويجيب خايفه لاياخذون الجهال مني بعد ماتعودت عليهم
شويه وطلعت ام مهدي وسلمت على الجهال وراحت
ازهار كملو كتابه حبايبي واني هسه ارجع عليكم
يمه شرادة ام مهدي بسلا راح ياخذون الجهال مني
امي...لايمه شغله ثانيه تعاي احجي وياج بيها
رحنا للغرفه الثانيه وكعدنا اني وياها
امي...ازهار ام مهدي جايه تخطبج المهدي
ازهار...شنو..شنو شكاعد تكولين مستحيل اني اخذ رجل نهى واكعد بيتها
امي...ليش انتي احسن وحده تحافظ على بيت وجهال نهى
ازهار...يمه صعبه ما اكدر
امي...اذا ترفضين يخطبوله وحده غيرج
لان امه ناويه ازوجه تكول ابني تبهذل من ماتت مرته وبعدين الى متى هو بيت وجهاله بيت
ازهار...ياااا يمه ياخذون جود ورونه مني
امي...اي ياخذوهم شني قابل يخلوهم الج طول العمر
ازهار...يمه ما اكدر اتخيل نفسي زوجه المهدي
شلون راح اكدر اكعد بيت نهى واني اشوف صورتها بكل مكان
امي ...يمه ذوله الجهال الهم اهل ولازم يوم يرجعون الاهلهم
وانتي وحدج ماتكدرين تتحملين مسؤليتهم
فكري زين ولاتضيعين هاي الفرصه من ايدج
مهدي خوش ولد ومايتعوض وانتي مو زغيره
واذا تحبين نهى صدك اقبلي حتى تحافضين على جهالها
اذا ابوهم ازوج وزوجته ما رحمتهم
نهى راح تعاتبج لان ضيعتيهم من ايدج
ازهار بقيت النهار كله افكر
كعدت على المكينه وما اكدر اخيط من التفكير خفت اخرب قماش الناس لان فكري مشغول
منيين اجتني هاي السالفه لا على البال ولاعلى الخاطر
من اجو الجهال يمنا ليليه انام واخليهم واحد منا وواحد منا واقصلهم قصه لمن ينامون
نامو واني اباوع عليهم وعيني ماتاخذ نوم واتخيلهم مو يمي اتخيل ابوهم يزوج وياخذهم مني
رجعت اذكرت من جابوهم من بيت جدهم امبهذلين وشحالهم
اكيد راح يتبهذولن بلزايد اذا عفتهم
يارب ماليه غيرك اهديني للطريق الصحيح ولاتضيعهم مني مره ثانيه